Morgunblaðið - 12.07.2004, Blaðsíða 8

FRÉTTIR
8 MÁNUDAGUR 12. JÚLÍ 2004 MORGUNBLAÐIÐ
Um síðustumánaða-mót tóku
gildi strangari
reglur um að-
gang að hafnar-
svæðum og þeir
sem eiga leið hjá
Miðbakka í
miðbæ Reykja-
víkur sjá þessa
greinileg merki
þar sem svæðið
þar hefur nú að
hluta til verið
girt af vegna skemmtiferðaskipa
sem þar leggjast að eða ferja far-
þega af ytri höfninni en áhrifa
reglnanna mun gæta raunar um
allt land. Girðingin á Miðbakka á
að tryggja að enginn óviðkomandi
geti nálgast skip sem þar hafa við-
komu og er nú unnið að því að
koma upp aðgangshúsi fyrir þá
sem fara frá borði eða ætla um
borð í skip og á það að vera tilbúið
síðari hluta júlímánaðar. Þá verða
þrjú önnur hlið á girðingunni fyrir
sjálfar vörurnar og þegar
skemmtiferðaskip liggja við bakk-
ann verða að minnsta kosti fjórir
öryggisverðir við störf auk þess
sem svæðið er vaktað með mynda-
vélum. Það heyrir því horfnum
tíma til að menn geti rölt um
Miðbakka og skotist beint um
borð í farskip sem þar liggja við
festar.
Kemur í kjölfar hryðju-
verkanna 11. september
En hvers vegna strangari regl-
ur, girðingar og öryggisverðir á
hafnarsvæðum? Jú, þetta eru ein
af mörgum áhrifum af hryðju-
verkunum í Bandaríkjunum 11.
september 2001 því í kjölfar
þeirra samþykkti Alþjóðasigl-
ingamálastofnunin að gera sér-
stakt átak og grípa til fyrirbyggj-
andi ráðstafana til að hindra ógnir
og hryðjuverk. Ráðstafanirnar
eða farmverndin, sem fellur undir
siglingavernd, miða að því að
hvers kyns hættuleg efni, vopn og
tæki, sem ekki er heimild til að
flytja, komist um borð í skip eða í
hafnir sem þjóna skipum í alþjóð-
legum siglingum.
Markmiðið er sem sagt að koma
í veg fyrir að skipum verði beitt í
hryðjuverkum með svipuðum
hætti og dæmi eru um í flugsam-
göngum. Sjálf farmverndin bein-
ist eingöngu að eftirliti með út-
flutningsvörum en ekki með
innflutningsvörum, eða m.ö.o. þá
þurfa hafnaryfirvöld hér að
tryggja að vopn, tæki eða efni sem
nota má til að ógna mönnum skip-
um eða starfsemi í höfnum fari
ekki héðan til annarra landa og
með sama hætti ber löndum sem
við flytjum inn vörur frá að
tryggja slíkt hið sama gagnvart
okkur. Þetta þýðir að til þess að
skip, sem koma frá Íslandi, fái
eðlilega afgreiðslu verða þau að
fullnægja kröfum um eftirlit og
vöktun og sama gildir einnig um
þann farm sem þau flytja.
Erum framarlega í að koma
reglunum í framkvæmd
Hallur Árnason hafnarverndar-
fulltrúi hjá Reykjavíkurhöfn segir
gríðarmikla vinnu hafa farið í und-
irbúning þessa verkefnis en Ís-
lendingar hafi brugðist skjótt við
og standi sig vel í að koma regl-
unum í gagnið og séu meðal þeirra
þjóða sem lengst eru komnar í því
að framfylgja reglunum. „Þetta
hefur allt saman gengið mjög vel
enn sem komið er og í takt við það
sem við stefndum að,“ segir Hall-
ur. „Í dag [sunnudag] eru t.d. tvö
skemmtiferðaskip og þau eru
vöktuð allan sólarhringinn. Það er
vakt áður en skipin koma og alveg
þangað til þau fara. Svoleiðis er
kerfið hjá okkur að því er varðar
farþegaskipin.“
Níu svæði innan Reykjavíkur-
hafnar hafa verið skilgreind sem
verndarsvæði, annað hvort allt ár-
ið um kring eða tímabundið, þ.e.
þegar þar leggst að bakka skip
sem fellur undir reglurnar.
Í reglum sem Tollstjórinn í
Reykjavík hefur sett er gert ráð
fyrir að eftirlit með farmi verði að
hluta til í höndum útflytjendanna
sjálfra en þeir sem vilja taka á sig
að annast eftirlitið sjálfir þurfa að
sækja um viðurkenningu sem
vottaðir farmverndaraðilar. Þá
hafa skipafélög eins og Eimskip,
Samskip og Nesskip þegar gert
ráðstafnir til þess að fá þessa vott-
un og geta tekið að sér að hlaða
gáma fyrir viðskiptavini sína og
tryggja að þeir fullnægi ákvæðum
um farmvernd.
Garðar Jóhannsson, fram-
kvæmdastjóri Nesskips, segir fé-
lagið þegar hafa sótt um og fengið
vottun sem farmverndaraðili en
tekur fram að ekki hafi reynt að
fullu á þessar reglur enn sem
komið er, m.a. vegna þess að
mönnum hafi ekki verið kleift að
sækja um vottun í tíma fyrir 1.
júlí.
„En fyrirtækin eru byrjuð að fá
þessar vottanir og þar sem ég
þekki til eru fyrirtækin farin að
vinna eftir þessum reglum. Þessir
farmverndaraðilar sem fá vottun
hjá Tollstjóranum eru fyrst og
fremst útflytjendur og framleið-
endur.
Við hjá Nesskip sóttum um
vottun fyrst og fremst til öryggis
ef einhverjir útflytjendur eða
framleiðendur sem við erum að
flytja fyrir eru ekki með hana því
þá gætum við komið þar inn og
fylgt því eftir að farmurinn sé
meðhöndlaður eins og á að gera
og getum þá útfyllt og útbúið
farmverndaryfirlýsingu sem þarf
að fylgja hverri sendingu,“ segir
Garðar.
Fréttaskýring | Siglingavernd í höfnum
Íslendingar
bregðast fljótt við
Markmið nýrra reglna að hindra að far-
skipum verði beitt í hryðjuverkum
Fyrirbyggjandi ráðstafanir
Alþjóðasiglingamála-
stofnunar

Alþingi samþykkti í vor ný lög
um siglingavernd sem tóku gildi
1. júlí. Með þeim var verið koma
til móts við samþykkt Al-
þjóðasiglingamálastofnunar-
innar um ráðstafanir gegn
hryðjuverkum. Þær taka til far-
þegaskipa, flutningaskipa sem
eru stærri en 500 lestir, fær-
anlegra borpalla og hafn-
araðstöðu sem þjónar skipum
sem stunda siglingar á alþjóð-
legum siglingaleiðum.
arnorg@mbl.is
TJARNARBÚAR hafa eflaust fylgst
af áhuga með stórum rörum sem
komið er fyrir hinum megin við
Hringbrautina. Rörin eiga nefnilega
að leysa gamalt steypurör sem ligg-
ur undir Hringbrautinni af hólmi og
verða undirgöng fyrir fugla tjarn-
arinnar sem hyggjast leggja leið
sína yfir í Vatnsmýrina. Reykjalund-
ur flutti rörin inn en Íslendingar
ráða víst ekki yfir þeim tækjabúnaði
sem þarf til þess að framleiða svona
stór plaströr. Rörin eru 1,60 m í
þvermál og göngin verða tæpir
fimmtíu metrar á lengd.
Að sögn Daníels Gunnarssonar,
verktaka hjá Háfelli sem annast
framkvæmdina, er steypurörið orð-
ið gamalt og slitið og því tímabært
að skipta. Hann segist halda að
gæsir hafi ekki getað synt í gegn-
um gamla rörið en með tilkomu
þessa stóra plaströrs verði leiðin
greið fyrir alla fugla.
Morgunblaðið/Árni Sæberg
Ný undirgöng fyrir tjarnarbúa
STARFSEMI sjúkrahústengdrar
heimaþjónustu jókst um 21% árið
2003 frá fyrra ári. Að meðaltali fengu
65 sjúklingar á mánuði hjúkrunar-
þjónustu í heimahúsum á vegum spít-
alans og dag hvern frá morgni til mið-
nættis var farið í tæplega 18 vitjanir.
Þetta kemur fram í frétt frá Land-
spítala – háskólasjúkrahúsi.
Aukningin er mest í meðferð sjúk-
linga með bráðasýkingar og sjúklinga
sem þurfa meðferð vegna blóðsega.
Með sjúkrahústengdri heimaþjón-
ustu er reynt að flýta útskriftum sjúk-
linga frá deildum spítalans, gera inn-
lagnir óþarfar hjá ákveðnum sjúk-
lingahópum og létta af deildunum
álagi af þjónustu við sjúklinga í leyf-
um sem að öðrum kosti kæmu í með-
ferðir á kvöldin og um helgar.
Starfsmenn eru hjúkrunarfræðing-
ar með langa starfsreynslu á spítalan-
um sem framfylgja fyrirmælum um
meðferð í samráði við þá hjúkrunar-
fræðinga og lækna sem útskrifa sjúk-
linginn til þjónustunnar hverju sinni.
Vinnusvæðið er allt höfuðborgar-
svæðið og suma daga ekur hver
hjúkrunarfræðingur allt að 100 km á
vakt, segir í fréttinni.
Átján vitjanir og hundr-
að kílómetrar á dag