Morgunblaðið - 22.08.2004, Blaðsíða 11

MORGUNBLAÐIÐ SUNNUDAGUR 22. ÁGÚST 2004 11
verk Glanna glæps (Robbie Rotten) og Julianna R. Mauriello
leikur Sollu stirðu (Stephanie). „Julianna er 13 ára frá New York
og var valin úr stórum hópi stúlkna á hennar aldri. Hún flutti með
mömmu sinni hingað til Íslands til að vera með í upptökunum – er
í fjarkennslu á Netinu og stendur sig gríðarlega vel, bæði í skól-
anum og í hlutverkinu. Þau Stefán Karl eiga örugglega eftir að
verða heimsfræg fyrir leik sinn í Latabæ,“ segir Magnús og dreg-
ur við sig svarið þegar hann er spurður að því hvort hann reikni
ekki með heimsfrægð fyrir sjálfan sig. „Þú verður að athuga að
ég er enginn leikari. Ég er meiri íþróttamaður,“ bætir hann við
hugsi. Aðrir íbúar Latabæjar eru brúður og þarf allt að þrjár
manneskjur til að stjórna hreyfingum hverrar brúðu. Bakgrunn-
urinn er síðan hannaður í einu fullkomnasta þrívíddar myndveri í
heiminum – í Garðabænum.
Latibær á Time Square
Fyrsti Latabæjarþátturinn (Lazy Town) var frumsýndur á
Nick Jr.-sjónvarpsstöðinni í Bandaríkjunum 16. ágúst sl. Nú hafa
verið sýndir fjórir þættir á sjónvarpsstöðinni og er gert ráð fyrir
að þættirnir verði sýndir 511 sinnum á ári í þrjú ár á stöðinni. Þá
var gert ráð fyrir að sýningar á þáttunum hæfust á CBS-
sjónvarpsstöðinni 18. ágúst. Nickelodeon, Nick Jr. og CBS eru
allar í eigu stærsta fjölmiðlafyrirtækis í Bandaríkjunum, Viacom
International, og eiga sýningarrétt á Latabæ í Bandaríkjunum.
„Við erum ákaflega ánægð með að CBS sé að undirbúa sýningu
þáttanna. Jafnútbreiddar sjónvarpsstöðvar taka sjaldan ákvörð-
un um sýningar á nær óþekktu efni. Ekki minnkar ánægjuna að
til stendur að sýna þættina á besta áhorfstíma á meðan flest börn
eru heima um helgar. Við erum að tala um að þátturinn fari inn á
öll heimili í Bandaríkjunum, þ.e. þar sem er sjónvarp.“ Magnús
er spurður að því hvaða viðtökur þættirnir hafi fengið í Banda-
ríkjunum. „Þáttunum hefur verið gríðarlega vel tekið, bæði af al-
mennum áhorfendum og gagnrýnendum. Fyrstu áhorfsmæl-
ingar eru miklu betri en menn höfðu gert ráð fyrir og hafði
Nickelodeon þó búist við að þættirnir yrðu „hit“. Hingað hafa
borist hundruð þakkarbréfa með tölvupósti og enginn leikur á vef
Nickelodeon (www.nickjr.com) er jafnvinsæll og Latabæjar-
vefurinn um þessar mundir. Inn á hann fara um 70.000 manns á
hverjum degi. Sem dæmi um viðhorf gagnrýnenda get ég nefnt
að stærsta blað í San Diego sem er Union Tribune gaf þættinum
hæstu einkunn fyrir sjónvarpsefni.“
Sýningunum á þáttunum vestanhafs hefur fylgt mikil fjöl-
miðlaumfjöllun. „Ég hafði sérstaklega gaman af því að fjallað
skyldi um tvo Íslendinga í Sunday Times um síðustu helgi, þ.e.
mig og Björk Guðmundsdóttur,“ viðurkennir Magnús og nefnir
að viðtöl við sig hafi birst í öðrum stórblöðum á borð við New
York Times og L.A. Times. Latabæ var varpað upp á stóran skjá
á Time Square í New York frumsýningardaginn 16. ágúst.
Sú spurning vaknar hvort íslenskir aðdáendur Íþróttaálfsins
megi eiga von á því að sjá hann í íslensku sjónvarpi á næstunni.
„Ég býst við því að nokkur bið verði á því að þættirnir verði sýnd-
ir í íslensku sjónvarpi. Annars vegar af því að íslensku sjónvarps-
stöðvarnar hafa ekki fest kaup á þáttunum. Hins vegar af því að
við erum núna að framleiða þættina á ensku og talsetning yfir á
önnur tungumál, þ.m.t. íslensku, hefst að tökum loknum.“
10 vikna flæðilína
Enda þótt efniviðurinn sé nægur segir Magnús oft töluverða
glímu að semja Latabæjar-þættina. „Barnaefni byggist yfirleitt
annaðhvort á glímunni milli góðs og ills eða einhvers konar hug-
lægum/tilfinningalegum boðskap. Latibær byggist ekki aðeins á
hvoru tveggja heldur þarf í hverjum þætti að vera gott svigrúm
fyrir hreyfingu. Ekki má heldur gleyma því að þættirnir verða að
vera spennandi án þess að ofbeldi komi við sögu. Handritsgerð
þáttanna er því oft töluverður línudans,“ segir hann og útskýrir
að drögin að hverjum þætti verði til í samræðum sínum við
nokkra bandarískra handritshöfunda. „Við setjumst niður og
veltum oft upp 100 hugmyndum yfir helgi. Að lokum veljum við
og einföldum eina hugmynd niður í handrit á einu blaði. Að því
loknu er skrifað 24 síðna handrit áður en handritið er aftur ein-
faldað og endurskrifað tvisvar sinnum áður en endaleg útgáfa
liggur fyrir. Eftir að hannaðir hafa verið búningar og gengið frá
leikmynd niður í smæstu smáatriði er loksins hægt að fara að æfa
og taka þáttinn upp. Síðast en ekki síst er svo þátturinn klipptur í
endanlega mynd. Hver þáttur fer með þessum hætti í gegnum
um 10 vikna flæðilínu.“
Magnús segir verkefnið fjármagnað af íslenskum fjárfestum
og trúnaðarmál sé hverjir þeir séu. „Ég get ekki gefið þér aðrar
tölur en þær að heildarverkefnið með myndverinu og öllu saman
kostar vel á annan milljarð íslenskra króna,“ segir hann og tekur
fram að Íslandsbanki hafi sölutryggt útboðið eftir að gengið var
til samninga við Nickelodeon. „Sem frumkvöðull finn ég vel
hversu mikla ábyrgð ég ber gagnvart því að bera ábyrgð á fjár-
munum annarra. Við erum raunar öll ákaflega meðvituð um
þessa ábyrgð og leggjum okkur 100% fram við að standa undir
væntingum okkar sjálfra og fjárfestanna um gæði þáttanna.“
Magnús hefur varla haft mínútu fyrir sjálfan sig eftir að farið
var að taka upp þættina í janúar. „Ég held að ég vinni á við 10
manns,“ segir hann en neitar því að vera ofvirkur. „Ofvirkt fólk
hefur ekki sama fókus og ég hef í þessu verkefni. Ég veit ná-
kvæmlega hvað ég er að gera og stefni einbeittur að því mark-
miði mínu að ljúka gerð þáttanna eins og um var samið fyrir ára-
mót. Ég geng sjálfur í öll verk ef á þarf að halda og bið ekki
starfsmenn mína að gera eitthvað sem ég treysti mér ekki til að
gera sjálfur.“
Langur vinnudagur
Hvernig líður venjulegur vinnudagur? „Ég vakna yfirleitt um
kl. 7.30 á morgnana. Áður en ég kem hingað er ég venjulega bú-
inn að lesa yfir eitt handrit. Hérna á skrifstofunni byrja ég svo á
því að afgreiða símaerindi og tölvupóst áður en ég fer í smink.
Venjulega afgreiði ég erindi frá svona 4 til 6 manns í leiðinni, t.d.
handritshöfundum, búninga- og leikmyndahönnuðum. Yfirleitt
eru hverjum og einum skammtaðar 7 mínútur. Ég er t.a.m.
spurður að því hvort fiðrildi séu í Latabæ. Enginn annar getur
svarað spurningunni því að enginn annar þekkir Latabæ jafnvel
og ég. Ef þú veist ekki nákvæmleg hvernig hver einasta fjöl í húsi
á að liggja getur þú ekki byggt húsið,“ segir Magnús sposkur á
svipinn.
Eftir stuttan fund með starfsmönnum hefjast tökur á ein-
hverjum þáttanna 40 af Latabæ. „Á meðan ég leikstýri og leik að
sjálfsögðu sjálfur í þáttunum afgreiði ég venjulega erindi frá
svona 3 öðrum starfsmönnum. Þeir eru að vinna fyrir mig verk-
efni í tengslum við einhverja aðra þætti og koma reglulega til mín
til að fá nauðsynlegar upplýsingar,“ segir Magnús og bætir við að
hann hafi ekki borðað einn allt árið. „Venjulega er ég með svona 3
fundi í hverju hádegi,“ heldur hann áfram hlæjandi. „Eftir þessar
fundahrinur held ég áfram að leikstýra til 7 á kvöldin. Að tökum
loknum taka oft við um 10 manna fundir á milli kl. 7 og 8. Stund-
um er svo mikið að gera að einhver stendur hinum megin við
sturtuvegginn að tala við mig á meðan ég er í sturtu. Ég er ekki
að grínast! Eftir fundinn hef ég haft fyrir venju að leika sjálfur
inn á myndband öll hlutverkin í þar, þar næsta þætti. Hópur fólks
er viðstaddur þessar upptökur til að kynna sér hvort gera þurfi
einhverjar breytingar á handriti eða umgjörð áður en lengra er
haldið. Eftir upptökuna kem ég venjulega við í klippiherberginu
um kl. 10 á kvöldin.“
Þó að komið sé fram á kvöld er vinnudeginum fjarri því lokið.
„Vegna tímamismunarins afgreiði ég yfirleitt símtöl frá Banda-
ríkjunum á milli kl. 10 og 12 á kvöldin. Þessi símaerindi snúast
gjarnan um hvernig gengur með upptökurnar og frágang varð-
andi útgáfu 11 bóka um Latabæ á vegum Random House og Sim-
on and Schuster í Bandaríkjunum. Eftir að hafa setið við símann
dágóða stund þarf ég oft að fara í hljóðsetningu og ráðfæra mig
við samstarfsmenn mína, t.d. þarf ég oft að tala við Mána Svav-
arsson á kvöldin. Síðast en ekki síst þarf ég svo að stunda líkams-
rækt því að þó að ég þurfi að hoppa suma daga allt að 1.600 sinn-
um í gervi íþróttaálfsins þarf ég að gæta að því að halda mér í
alhliða góðri líkamsþjálfun,“ segir Magnús og viðurkennir að alla
jafna sé hann ekki farinn út úr myndverinu fyrr en um kl. 3 á
nóttunni. „Þá er ég að tala um venjulegan dag. Stundum þarf ég
að vera hérna lengur. Verkefnin eru náttúrulega ótæmandi, t.d.
hvað varðar viðskiptalegu hliðina, verkefni eins og Útvarp Lata-
bæ, markaðssetningu utan Bandaríkjanna, fyrirhugaða uppsetn-
ingu á leikriti í skemmtigörðum Paramount og áfram mætti
telja.“
Börnin „skottast“ í myndverinu
Hvernig ferðu að því að fá nægilega hvíld til að takast á við
svona daga?
„Ég tileinkaði mér alveg frábæra aðferð til að endurnæra mig
á meðan ég var enn smiður. Með því að halla aftur augunum og
slaka alveg á öllum vöðvum get ég breytt hálftíma hvíld í 8 tíma
góðan nætursvefn. Ég get meira að segja hvílt mig standandi,“
segir Magnús og sýnir hvernig hann stendur upp og lokar aug-
unum til að njóta hvíldar. „Annars vinna auðvitað margir Íslend-
ingar gríðarlega mikið. Ég veit ekki hvort ég vinn eitthvað meira
en hver annar. Ég er heldur ekkert að kvarta – hef í raun bara
ástæðu til að vera þakklátur fyrir hvað allt hefur gengið vel. Ég
er að vinna að minni eigin sköpun og vinnan gæti ekki verið
skemmtilegri.“
Magnús viðurkennir þó að stundum keyri álagið úr hófi fram
og lítill tími verði aflögu fyrir hans nánustu. „Ég veit ekki hvernig
hjónabandið hefði farið ef Ragnheiður ynni ekki svona vel mér
við hlið í Latabæ. Hún hefur verið hreint út sagt frábær sam-
starfsmaður – séð um að hnýta enda, rýna í smáa letrið og hefur
þrátt fyrir enga lögfræðimenntun rúllað upp sprenglærðum lög-
fræðingum í samningagerð,“ segir hann stoltur í bragði. „Ég hef
reynt að útskýra fyrir börnunum mínum að ég sé að vinna tíma-
bundið krefjandi verkefni og vonandi verði svigrúmið meira á
næsta ári. Ég hef svo reynt að gæta að því að vera ekki að gera
eitthvað annað en að vera með þeim þegar ég er á annað borð
heima, t.d. er engin tölva á heimilinu. Annars eru þau mikið
hérna að skottast með okkur og fengu að leika aðeins í einum
þáttanna um daginn.“
Héngum nógu lengi á línunni
„Ég veit vel að ég er ekki besti barnabókarithöfundur í heimi,“
segir Magnús. „Ég tek hattinn ofan fyrir barnabókahöfundum
eins og Guðrúnu Helgadóttur. Latibær er bara önnur vídd – ann-
að dæmi. Við vissum að við vorum með góða hugmynd í hönd-
unum. Ekki af því að við vildum að börn færu í megrun eða eitt-
hvað svoleiðis. Við vildum stuðla að því að börn áttuðu sig á því
hversu gaman væri að lifa heilbrigðu lífi. Ég gleðst yfir því að
Latibær hefur haft jákvæð áhrif á líf margra barna. Við héngum
nógu lengi á línunni. Oft skilur ekki nema nokkur sekúndubrot á
milli þeirra sem detta og svo þeirra sem ná árangri. Ef góðri hug-
mynd fylgir ekki þrautseigja er hún einskis virði,“ segir Magnús
og bætir við að fyrir utan þrautseigjuna telji hann til sinna helstu
kosta að þekkja veikleika sína. „Þess vegna er ég óhræddur við
að ráða mér klárari starfsmenn en ég er sjálfur og þó að ég eigi
alltaf síðasta orðið gæti ég mín á því að hlusta alltaf vel á öll sjón-
armið áður en ég tek ákvörðun.“
Magnús játar því að Latibær sé kominn yfir erfiðasta hjallann í
heildarferli hugmyndar á leið til endanlegra viðtakenda. „Sú
staðreynd blasir við að á meðan 1.000 framleiðendur og 5 millj-
ónir fjárfesta berjast um að koma 5.000 hugmyndum um sjón-
varpsefni fyrir börn á framfæri í Bandaríkjunum taka aðeins 4
sjónvarpsstöðvar við slíku efni og venjulega eru ekki teknar inn
nema tvær nýjar þáttaraðir á hverju ári. Að farið sé að sýna
Latabæ á jafnútbreiddri sjónvarpsstöð og Nickelodeon og ætl-
unin sé að sýna hann á CBS getur ekki þýtt annað en að hann sé
kominn yfir erfiðasta hjallann. Stjórnendur Nickelodeon telja að
hvert einasta barn í Bandaríkjunum og Evrópu allri eigi eftir að
þekkja Latabæ innan fárra ára,“ segir Magnús og tekur fram að
Nickelodeon vilji að farið verði í leikferð með Latabæ út um öll
Bandaríkin á næstu þremur árum. „Hugmyndin er góð þó að ég
hafi komið þeirri hugmynd skýrt á framfæri við Nickelodeon að
ég mun sjálfur ekki fara í slíka leikferð,“ segir Magnús og hlær.
„Þeir vilja líka láta hanna Íþróttaálfs-brúðu í líkingu við Action-
manninn en ég hef áhyggjur af því að nefið verði of stórt fyrir
venjulegar pakkningar.“
Orkubókin jók sölu á grænmeti um 14—16%
Núna ertu nýbúinn að fá Norrænu lýðheilsuverðlaunin. Hvaða
þýðingu hafa þessi verðlaun fyrir þig?
„Auðvitað er alltaf gaman þegar tekið er eftir því sem vel er
gert. Sérstaklega þegar verðlaunin klappa mörgum á bakið eins
og Latabæjar-hópnum og þátttakendum í orkuátakinu. Verð-
launin koma á alveg hárréttum tíma. Vonandi hjálpa þau okkur
við markaðssetningu Latabæjar á hinum Norðurlöndunum. Ég
stefni t.a.m. á að dreifa Orkubókum í öllum löndunum. Við byggj-
um auðvitað á alveg frábærri reynslu af Orkubókinni hér á landi.
Ég get nefnt sem dæmi að á meðan börnin voru að fylla út í Orku-
bókina dróst sala á gosi saman um 12% og sala á grænmeti jókst
um 14–16%,“ segir Magnús og tekur fram að undirbúningurinn
að átakinu hafi staðið yfir í 6 ár á Íslandi. „Það var erfiðara að
fjármagna orkubókarátakið en framleiðslu þáttanna. Við áttum í
erfiðleikum með nokkur sveitarfélög. Á endanum urðu þó öll með
að frátöldu einu stóru sveitarfélagi á höfuðborgarsvæðinu. Við
ákváðum að láta ákvörðun sveitarfélagsins ekki valda því að þús-
undir barna á svæðinu fengju ekki bókina og dreifðum henni þar
eins og annars staðar. Börnin hefðu ekki skilið að pólitík réði því
að þau fengju ekki bókina eins og önnur börn.“
Magnús segist ekki eiga von á því að geta tekið sér frí til að
halda upp á fertugsafmælið sitt 10. nóvember. „Ég geri ekki ráð
fyrir að geta haldið upp á afmælið af þeirri einföldu ástæðu að ég
er búinn að skipuleggja fyrirfram nánast hverja einustu mínútu í
mínu lífi þar til í febrúar 2005. Aftur á móti er ég búinn að ákveða
að taka mér tveggja mánaða frí eftir að tökum lýkur. Núna er
dagbókin algjörlega tóm þessa mánuði. Ég ætla bara að hvíla mig
og kannski ferðast eitthvað þennan tíma,“ segir hann og er
spurður að því hvað taki við eftir upptökurnar á þáttunum. „Eftir
að tökunum lýkur taka við alls konar önnur spennandi verkefni.
Ég stefni að því að gera fallegan Latabæjar-jólaballettþátt á ís
með kanadíska skautalandsliðinu, láta taka myndir af frægum
íþróttamönnum með persónunum úr Latabæ, gera dans-
myndband um Sollu stirðu og áfram væri hægt að telja.“
Sjúkur maður á aðeins eina ósk
„Oft er eins og fólk þurfi að vera alvarlegt til að vera tekið al-
varlega. Brosmilt fólk þarf meira fyrir því að hafa að láta taka sig
alvarlega og alveg sérstaklega íþróttamenn. Alvarlegt fólk er
ekki í íþróttum – mesta lagi jóga! Þessir fordómar urðu til þess að
lengi vel vanmat fólk getu mína til að framkvæma ætlunarverk
mitt. Smám saman held ég að fólk sé að ranka við sér og átta sig á
því hvað ég hef verið að gera og hvers vegna er svona mikilvægt
að koma skilaboðum um heilbrigt líf á framfæri. Fólk er að átta
sig á því að heilbrigður maður á sér 1.000 óskir en veikur aðeins
eina.“
flýgur best í mótvindi
Magnúsi Scheving eru þegar farin að berast bréf frá for-
eldrum og kveðjur frá börnum í Bandaríkjunum vegna þátt-
anna um Latabæ og Íþróttaálfinn. Hér eru nokkur sýnishorn.
Kæri herra Scheving.
Ég vildi aðeins senda þér línu til að láta þig vita að dóttir
okkar, sem er fimm ára, elskar þáttinn þinn! Við horfum á
hann [á stöðinni] Nickjr í Bandaríkjunum. Þetta er einn litrík-
asti og líflegasti þátturinn fyrir börn. Þakka þér fyrir framlag
þitt til barnasjónvarps.
Maryann Houde
Wallingford, Connecticut
Halló!
Mig langaði til að skrifa til að láta þig vita að þátturinn þinn
á Niceklodeon er dásamlegur. Börnin mín og ég elskum hann!
Hann er einn af bestu þáttunum vegna þeirra skilaboða, sem
þú sendir börnum, um heilsu og hreyfingu! Að ekki sé minnst
á að kenna þeim að gefa með sér og vera góð og hjálpsöm.
Mér finnst þátturinn einnig heillandi. Þakka þér og haltu
áfram þessu frábæra starfi.
Kelly
Sæll, ég kann verulega að meta hvernig þú hefur unnið úr
hugmyndinni um Latabæ. Ég hef séð þáttinn þinn á Nick Jr.
Hann er frábær. Þetta gæti hljómað undarlega úr munni 14
ára unglings, en ég horfi á þáttinn með tveimur yngri bræðr-
um mínum og hann hvetur þá í raun og veru til að hreyfa sig
meira. Þetta er ótrúlegt. Þú ert ótrúlegur. Haltu þessu áfram,
herra Scheving!
Kær kveðja,
Tier
p.s. Vinsamlegast svaraðu.
Ég elska Latabæ. Hugmyndin og umgjörðin eru snilld. Ég
vildi bara þakka fyrir.
Kær kveðja,
Lucas Pacheco
p.s. Þín persóna er stórkostleg!
Einn af bestu þáttunum
Magnús Scheving (Íþróttaálfurinn) og Julianna R. Mauriello
(Solla stirða) á tali við félaga sína í Latabæ í upptökum á
þáttaröðinni í myndverinu.
ago@mbl.is