Morgunblaðið - 26.08.2004, Blaðsíða 39
MENNING
MORGUNBLAÐIÐ FIMMTUDAGUR 26. ÁGÚST 2004 39
DRENGJAKÓR REYKJAVÍKUR
HALLGRÍMSKIRKJU
auglýsir eftir góðum söngröddum
Undirbúningsdeild 6-8 ára
Æfingar á mánudögum frá
kl. 16.00-17.00
Aðalkór 9-12 ára
Æfingar á mánudögum og
miðvikudögum frá kl. 17.00-19.00
Nánari upplýsingar og skráning í síma 896 4914
Á TANGÓHÁTÍÐ í Reykjavík, sem
hefst í kvöld með opnunartónleikum á
NASA og stendur fram á sunnudag,
kennir ýmissa grasa en meðal þess
sem boðið er upp á má nefna kvik-
myndir um tangó, tónleikar, tangó-
námskeið jafnt fyrir byrjendur sem
lengra komna, danssýningar og
tangóböll þar sem þátttakendum
gefst kostur á að dansa fram á nótt.
Hátíðin er samstarfsverkefni Tangó-
félagsins, Kramhússins og Iðnó og er
hún að sögn aðstandenda sú fjórða
sem haldin er hér á landi á jafn-
mörgum árum og jafnframt sú viða-
mesta.
„Við hefjum hátíðina í kvöld á
NASA með blöndu af tónleikum,
danssýningu og balli,“ segir Bryndís
Halldórsdóttir tangódansari, -kenn-
ari og einn skipuleggjenda hátíð-
arinnar. „Í byrjun kvölds mun hljóm-
sveitin Le Grand Tango leika undir
stjórn Olivier Manoury ásamt Agli
Ólafssyni söngvara, en hljómsveitina
skipa Olivier Manoury sem leikur á
bandoneon, Edda Erlendsdóttir á pí-
anó, Bryndís Halla Gylfadóttir á
selló, Auður Hafsteinsdóttir á fiðlu,
Gréta Guðnadóttir á fiðlu, Helga Þór-
arinsdóttir á víólu og Richard Korn á
bassa. Í framhaldinu kynnum við er-
lendu tangómeistarana sem eru gest-
ir hátíðarinnar, þ.e. annars vegar
dansparið Mariano ,,Chicho“ Frum-
boli og Eugenia Parilla og hins vegar
dansparið Cecilia Gonzáles og Jean-
Sebastian Rampazzi, en þau ætla að
dansa óundirbúið við undirleik hljóm-
sveitarinnar. Að því loknu verður
slegið upp balli þar sem gestir og
gangandi geta dansað fram á rauða
nótt. Þannig að þetta verður sann-
kölluð veisla fyrir bæði augu og
eyru.“
Einn vinsælasti tangódansari
heims gestur hátíðarinnar
Að sögn Bryndísar ber koma
Chicho, sem er einn vinsælasti tangó-
dansari og -kennari heims, hæst á
dagskrá hátíðarinnar. „Chicho er
mjög stórt nafn í tangóheiminum,
enda er hann alveg einstakur. Hann
er af kynslóð ungu tangódansaranna í
Buenos Aires sem stunda nútíma-
tangóklúbba og dansa hverja nótt
fram undir morgun. Hann er afar
músíkalskur og taktviss, enda lærði
hann að leika á ásláttarhljóðfæri áður
en hann valdi að einbeita sér að
tangónum. Sem dansari er hann sér-
lega hugmyndaríkur og hefur í heiðri
þá nærveru og samspil við dansfélag-
ann sem er kjarni tangósins. Hans
aðalsmerki er hvað hann er frábær
stjórnandi í dansinum og dömurnar
sem hann dansar við eru ávallt í aðal-
hlutverki þrátt fyrir að hann sé sá
sem raunverulega leiðir dansinn.“
Chicho og dansfélagi hans, Eu-
genia Parilla, koma raunar víða við á
hátíðinni, því þau eru í aðalhlutverki í
stuttmynd Kristínar Hauksdóttur
Past Bedtime sem sýnd verður í Iðnó
annað kvöld, auk þess sem þau munu
ásamt Ceciliu González og Jean-
Sebastian Rampazzi koma fram á að-
alsýningu dansaranna sem haldin er í
Iðnó nk. laugardagskvöld. Pörin tvö
sjá einnig, ásamt Bryndísi og Hany
Hadaya, um tangókennslu fyrir byrj-
endur og lengra komna sem fram fer
í Iðnó og Kramhúsinu næstu þrjá
daga
Svo skemmtilegt fólk
sem stundar tangó
Að sögn Bryndísar er Iðnó einmitt
nokkurs konar miðpunktur hátíð-
arinnar en auk þess að hýsa danssýn-
ingu og tangókennslu verður þar að
finna sérstakt tangókaffihús sem opið
er alla hátíðina. Það er líka í Iðnó sem
kvikmyndasýningarnar fara fram
annað kvöld. „Hér er um að ræða
tvær nýjar kvikmyndir um tangó,
annars vegar stuttmyndin Past bed-
time eftir norsk-íslensku kvikmynda-
gerðarkonuna Kristínu Hauksdóttur
og hins vegar heimildarmyndin Blue
Tango in Buenos Aires eftir sviss-
nesku listakonuna Alexandra Prusa,
en báðar verða þær viðstaddir sýn-
ingu myndanna. Þess má geta að báð-
ar tengjast myndirnar Íslandi með
skemmtilegum og jafnvel óvæntum
hætti,“ segir Bryndís og vísar m.a. til
þess að Kristín á ættir að rekja til Ís-
lands. „Í tilfelli myndarinnar Blue
Tango in Buenos Aires kemur Ísland
við sögu fyrir algjöra tilviljun,“ segir
Bryndís, en hún lenti ásamt Hany
óvænt í tökum og viðtölum fyrir
myndina þegar þau voru stödd á
tangónámskeiði í Buenos Aires síð-
asta sumar.
„Í mynd sinni fléttar Prusa saman
svipmyndum úr borginni, tónlist og
tangódönsurum en myndin er eins
konar dans- og tónlistardagbók.
Raunar má segja að hún sé nokkurs
konar óður um tangó þar sem Prusa
leggur upp með þá spurningu hvað
það sé við tangóinn sem gerir það að
verkum að fólk flykkist lands- og
heimshorna á milli til að upplifa dans-
inn. Eitt af því sem kemur svo
skemmtilega fram í myndinni er að
fólkið sem heillast af tangó er afar
ólíkt.“ En hvernig telur Bryndís að
útskýra megi hinar miklu vinsældir
tangósins? „Ég get náttúrlega bara
svarað út frá mér, en það sem heillar
mig mest er hversu mjög þessi dans
snýst um samskipti. Þótt ákveðin
grunnskref séu lögð til grundvallar er
dansinn sjálfur ávallt spuni þannig að
engir tveir dansar eru eins, en þessi
spuni og samskipti sem skapast milli
dansparsins er einmitt mjög
heillandi. Svo skemmir ekki fyrir
hvað tónlistin er stórkostleg og mað-
ur verður alveg gagntekinn af henni.
Og síðast en ekki síst er það bara
mjög skemmtilegt fólk sem stundar
tangó,“ segir Bryndís að lokum.
Þess má geta að hægt er að kaupa
sérstök þátttökukort sem gilda á alla
viðburði og námskeið hátíðarinnar en
einnig eru seldir miðar á einstaka
kvöldviðburði við innganginn á við-
komandi stað. Forsala aðgöngumiða
á tónleikana á NASA í kvöld er í
Tourist information í Höfuðborg-
arstofu, Aðalstræti 2. Skráning er á
www.tango.is
Tangó | Þriggja daga alþjóðleg tangóhátíð hefst í Reykjavík í dag og stendur til sunnudags
Dans sem snýst um samskipti
Tangómeistararnir Eugenia Parilla og Mariano ,,Chicho“ Frumboli eru
meðal þeirra sem fram koma á tangóhátíðinni sem hefst á Nasa í kvöld.
www.tango.is
silja@mbl.is
Allur leikur er svo í höndumlaganema sem gefur þátt-unum ákveðið yfirbragð sem
okkur finnst svolítið sjarmerandi,“
sagði Fróði ( Steingrímsson) í sam-
tali við Morgunblaðið,“ segir í frétt í
blaðinu í dag um að laganemar
hyggist endurvekja gömlu rétt-
ardramaþættina Réttur er settur.
Þetta voru vinsælir þættir hjá ís-
lenskum sjónvarpsáhorfendum á
fyrstu árum Sjónvarpsins og muna
eflaust margir enn eftir þeim; þar
komu laganemar fram í öllum hlut-
verkum og
vöktu þjóð-
arathygli og
urðu margir
hverjir síðan
þjóðþekktir einstaklingar á ýmsum
sviðum stjórnmála og dómkerfis.
Enginn þeirra vakti þó sérstaka at-
hygli sem leikari en horft var í gegn-
um fingur með frammistöðuna enda
Sjónvarpið að stíga fyrstu skrefin og
umburðarlyndi áhorfenda mun
meira en orðið er í dag.
Hugmyndin að nýrri röð sjón-varpsþátta í anda Réttur er
settur er í sjálfu sér gamaldags en
svosem góð og gild, enda eru drama-
tískir þættir sem gerast í réttarsal
einfaldasta leikna efnið sem hægt er
að framleiða fyrir sjónvarp; allt tek-
ið í einni leikmynd í myndveri og
jafnvel hægt að nota nokkrar sjón-
varpstökuvélar samtímis sem sparar
bæði tíma og peninga í framleiðsl-
unni.
Það er líka snjallt hjá laganemum
að beita lagaþekkingu sinni við að
semja handrit að réttardrama og
ættu þeir að hafa allar forsendur til
þess með væntanlegum stuðningi og
ráðgjöf sér reyndari lögspekinga við
lagadeildina.
Það er einnig löngu tímabært að
Ríkissjónvarpið reki af sér slyðru-
orðið og framleiði leikið efni af ein-
hverju tagi en þó virðist sem því tak-
ist ekki að hrista af sér aulabraginn
með öllu, því ætlunin er að nýju rétt-
arsalarþættirnir verði leiknir af
laganemunum sjálfum.
Hvað á þetta að þýða? Hvers kon-ar tímaskekkja er þetta eig-
inlega? Að láta hóp viðvaninga – alla
á sama aldri – fyrir framan sjón-
varpsvélarnar árið 2004 er full-
komin tímaskekkja og hreint út sagt
fáránlegt. Það er ekkert „sjarm-
erandi“ við það. Það er einfaldlega
rakin ávísun á aumingjahroll okkar
sem heima sitjum, þá og þegar þætt-
irnir verða sýndir. Laganemunum
er heldur enginn greiði gerður með
því að setja þá í þessa aðstöðu. Vilja
þeir gera sig að fíflum frammi fyrir
alþjóð? Það er hið „ákveðna yf-
irbragð“ sem Fróði Steingrímsson
telur sjarmerandi.
Það er frábær hugmynd að efnatil samstarfs milli fagaðila í lög-
fræði og Sjónvarpsins um fram-
leiðslu á leiknu efni sem byggir á
dómsmálum í íslenskum rétt-
arsölum. Til að koma þeirri hug-
mynd heilli í höfn og gera hana
þannig úr garði að allir geti verið
fullsæmdir af á auðvitað að fá at-
vinnumenn til að leika. Hvað annað?
Auðvitað mun það kosta meira en
það er eitt af grundvallaratriðum at-
vinnumennsku að þeim sem taka
þátt eru greidd laun fyrir vinnu sína.
Er Sjónvarpið annars ekki rekið á
grundvelli atvinnumennsku? Er það
kannski misskilningur líka?
Ósjarmerandi
tímaskekkja
’Löngu tímabært aðRíkissjónvarpið reki af
sér slyðruorðið. ‘
AF LISTUM
Hávar Sigurjónsson
havar@mbl.is
MÝRIN eftir Arnald Indriðason
kom út í Bretlandi fyrr í sumar hjá
Harvill Press. Hafa fjölmiðlar þar í
landi lofað bókina
í hástert. Skoski
metsöluhöfund-
urinn Val Mc-
Dermid hælir
bókinni í The
Daily Telegraph
og segir hana
gefa heillandi
innsýn inn í
ókunnan, heim
jafnframt því að
vera frumlega og
forvitnilega morðgátu. Gagnrýnandi
Times, Marcel Berlins, segir Mýrina
vera „ískalda lesningu“. Þá segir
Jane Jakeman, gagnrýnandi Inde-
pendent, að Mýrin nái meiri dýpt en
aðrar glæpasögur. „Það er Harvill
Press sem gefur út bókina og eru
menn þar mjög ánægðir með viðtök-
urnar og hefur forlagið einnig keypt
Grafarþögn sem kemur út næsta
vor,“ segir í tilkynningu frá Eddu út-
gáfu.
Michael Carlsson, gagnrýnandi
hjá Crime Time, finnst mikið til um
bókina: „Ótrúlega sterkur endir í
samspili við einstaklega hjartnæmt
niðurlag. Mjög áhrifamikil skáld-
saga“. Félagi hans hjá Crime Time,
Paul McAuley, segir að Mýrin sé
frábær frumraun og hitti algjörlega í
mark.
„Frábær innreið inn á breska
markaðinn hjá hinum íslenska Arn-
aldi Indriðasyni. Einstaklega sann-
færandi flétta, frábær uppbygging
og magnaður endir. Ekki missa af
þessari.“ segir Bob Cornwell hjá
Tangled Web.
Gagnrýnandi Independent, Jane
Jakeman, segir: „Þessi vandaða og
vel skrifaða bók nær meiri dýpt en
aðrar glæpasögur. Það er magnaður
undirtónn í henni sem á sér rætur í
aldagamalli sagnahefð Íslendinga.“
Bókmenntir| Mýrin
í Bretlandi
Frábærar
viðtökur
Arnaldur
Indriðason