Morgunblaðið - 20.09.2004, Blaðsíða 11
MINNSTAÐUR
MORGUNBLAÐIÐ MÁNUDAGUR 20. SEPTEMBER 2004 11
!"#$%
%&%'( %) VESTURLAND
Stykkishólmur | Golfklúbburinn
Mostri í Stykkishólmi hélt nýlega
upp á 20 ára starfsafmæli með veg-
legri samkomu. Það sem vekur at-
hygli þegar litið er yfir sögu
klúbbsins er að Ríkharður Hrafn-
kelsson hefur verið formaður allan
þann tíma. Þá þykir gott að hafa
110 félagsmenn í 1.200 manna sam-
félagi.
Ríkharði var ljúft að renna yfir
starfsemi Mostra og rifja upp
helstu atriðin í sögu klúbbsins.
Upphafið segir hann vera að upp úr
1980 vaknar áhugi fyrir golfi í
Stykkishólmi. Þá var farið að leita
að landi án árangurs.
„Síðsumars 1984 fengum við
nokkrir félagar afnot af túnunum
hans Hjartar á Helgafelli eftir slátt
og útbjuggum sex holu völl. Þar var
spilað fram á vetur og mikill áhugi.
Árið eftir fengum við hluta af því
landi sem við höfum í dag leigðan
hjá Þorgrími í Vík og þar með var
kúlan farin að rúlla,“ segir Rík-
harður.
Hann segir að stærstu áfangar í
starfinu hafi orðið þegar gerður
var samningur við Stykkishólmsbæ
árið 1998 um uppbyggingu golfvall-
arins og svo vígsla félagsheimilis
klúbbsins árið 2001. Þessir tveir
áfangar hafa stuðlað að miklum
golfáhuga í Stykkishólmi og nú er
svo komið að tíundi hver íbúi bæj-
arins er félagsmaður í Mostra.
Enn ekki komist holu í höggi
Aðspurður hvenær hann ætlaði
að hleypa öðrum í formannsstarfið
segir Ríkharður að hann hafi aldrei
viljað standa í vegi fyrir neinum í
það starf. „Ég ætlaði bara í fyrstu
að koma starfinu í gang. Hingað til
hef ég aðeins fengið hvatningu og
meðan áhuginn hjá mér er svona
ódrepandi er ég tilbúinn að vera
eitthvað áfram,“ segir Ríkharður
og heldur áfram. „Við í Mostra
horfum fram á veginn og næst er að
halda áfram uppbyggingu vallarins
með því að byggja upp fimm flatir
og nokkra teiga.“
Formaðurinn segir að hann hafi
best spilað á vellinum á 67 höggum
eða 3 undir pari. En hann hefur
ekki enn þá náð þeim árangri að
fara holu í höggi. Það hafa átta ein-
staklingar í Mostra gert og segist
Ríkharður ætla að ná því takmarki
innan næstu tuttugu ára.
Sami formaðurinn frá upphafi tuttugu
ára sögu Golfklúbbsins Mostra
Morgunblaðið/Gunnlaugur Árnason
Kylfingar heiðraðir í Hólminum: Golfklúbburinn Mostri hélt upp á 20 ára
afmælið nýlega. Af því tilefni voru þrír félagar heiðraðir með gullmerki
Golfsambands Íslands; Eyþór Benediktsson, Klæmint Antoníussen og Rík-
harður Hrafnkelsson. Júlíus Rafnsson, formaður GSÍ, er lengst til hægri.
Ætlaði bara að koma
starfinu í gang
SNORRASTOFA í Reykholti hóf vetrarstarfið
strax í byrjun september. Þá var haldið upp á
aldarafmæli Guðmundar Böðvarssonar, skálds
á Kirkjubóli. Nýlega lauk málþingi um miðlun
fornminja en þessir við-
burðir eru aðeins brot af
því sem Snorrastofa mun
bjóða upp á í samvinnu við
einstaklinga og stofnanir í
vetur. Málþingið var haldið
í samvinnu Snorrastofu,
Fornleifaverndar ríkisins,
Þjóðminjasafns Íslands og
Háskólans á Hólum.
Sigríður Björk Jóns-
dóttir, verkefnisstjóri miðl-
unar hjá Snorrastofu, sagðist vera mjög
ánægð með hvernig til tókst. Um 40 manns
hafi sótt þingið og urðu þar skemmtilegar um-
ræður, bæði gagnlegar og þarfar.
„Tildrög þess að ákveðið var að halda mál-
þingið var hugmynd um að byggja minjagarð
hér í Reykholti. Þar á að vera nýtt sýning-
arrými þar sem hægt verður að samþætta sög-
una og minjar sem hér finnast. Liður í þessu
verður að gera göngustíga og setja upp merk-
ingar og að byggja yfir svæðið þar sem forn-
leifagröftur hefur farið fram. Tæknilega er
þetta flókið mál, en málþingið var meðal ann-
ars hugsað til að efla umræðu um hvernig best
væri að slíku staðið og um miðlun fornleifa al-
mennt.
Það er greinileg krafa hjá almenningi að fá
fræðslu um fornleifarannsóknir. Þess vegna
þarf að finna út hvernig best má hafa forn-
minjar sýnilegar en jafnframt varðveita þær
vel.“
Sigríður Björk segir mjög skiptar skoðanir
hafa komið fram um hvernig þessum málum
verði best háttað. Sumir vilja byggja tilgátu-
hús eins og gert hefur verið sums staðar. Aðrir
vilja nýta margmiðlunina og setja fram slík
hús í þrívídd í tölvur þar sem hægt er að skoða
þau frá öllum hliðum. „En það virðist samt
ekki fullnægja þörf almennings fyrir fræðslu
því helst vill fólk koma og sjá uppgröftinn
sjálfan og munina sem finnast með berum aug-
um. Þá virðist það helst vilja tala við fornleifa-
fræðinga sjálfa um rannsóknirnar, helst sjá þá
vinna við uppgröftinn.
Á málþinginu deildu margir reynslu sinni
auk þess sem fram kom gagnrýni á það sem
gert hefur verið á þessu sviði. Þetta var því
gagnleg og þörf umræða sem þar fór fram,“
segir Sigríður.
Fyrirlestrar, leshringur,
ráðstefnur og námskeið
Fjölbreytt dagskrá verður í boði á vegum
Snorrastofu í haust. „Þetta hefur farið vel af
stað því áður en málþingið var haldið var hald-
ið upp á aldarafmæli Guðmundar Böðv-
arssonar, skálds frá Kirkjubóli. Þá mættu hátt
í 400 manns, en við höfðum reiknað með 70–
200 manns. Dagskráin tókst ákaflega vel enda
var hún vel kynnt og má helst þakka Böðvari
Guðmundssyni, syni skáldsins, það,“ sagði Sig-
ríður.
Á morgun, 21. september, verður minning-
arfyrirlestur um Snorra Sturluson kl. 20.30 í
bókhlöðu Snorrastofu. Þetta er árlegur við-
burður haldinn í kringum dánardag Snorra,
23. september. Að þessu sinni flytur Ármann
Jakobsson norrænufræðingur fyrirlesturinn
Munnur skáldsins. Um vanda þess að vera list-
rænn og framagjarn Íslendingur í útlöndum.
Fyrirlestur í héraði nefnist fyrirlestraröð
sem hefur verið vel tekið. Hinn 5. október mun
Bjarni Guðráðsson í Nesi flytja fyrirlestur
sem hann nefnir Svipmyndir úr byggðum
Borgarfjarðar. Þar ræðir hann um mannlíf og
búskap í Reykholtsprestakalli á síðari hluta
19. aldar, vesturfarir og fleira.
Samnorræn ráðstefna, Norræn endurreisn
á miðöldum, verður haldin 7.–10. október og
11. október hittist í fyrsta skiptið leshringur
um Egilssögu. Leshringurinn kemur saman 6
sinnum, einu sinni í mánuði, fram í apríl. Þetta
verkefni er í samvinnu við Landnámssetrið í
Borgarnesi og Símenntunarmiðstöð Vest-
urlands. Leiðbeinandi er Jón Böðvarsson en
ýmsir fróðir menn munu einnig leggja til
reynslu sína og hugmyndir, þeir Snorri Þor-
steinsson, Páll Bergþórsson, Baldur Hafstað
og sr. Geir Waage. Sigríður sagði að lögð verði
mikil áhersla á umræður og væri hagur að
heyra í þessum mönnum, sem vel þekktu til á
slóðum Egilssögu.
Áfram verður haldið með námskeiðið Sam-
tímamenning í samvinnu við Viðskiptaháskól-
ann á Bifröst og ReykjavíkurAkademíuna.
Þetta námskeið er valfag á Bifröst en er öllum
opið og eru Borgfirðingar hvattir til að nýta
sér það.
Almennur áhugi á sögu Snorra
Í nóvember verður haldin minningardag-
skrá um Björn Blöndal þar sem fjallað verður
um veiðina sem fagurfræðilegan og menning-
arlegan þátt í borgfirskri sveitamenningu. Þá
verður bókakynning í samvinnu við vefritið
Kistuna um miðjan desember þar sem rithöf-
undar lesa úr nýútkomnum bókum sínum og
gestum gefst kostur á að ræða við þá.
Sýningin Kirkjuhald á söguslóðum var opn-
uð í sumar og stendur enn. Þar má sjá frá-
sagnir og lýsingar á kirkjulegum athöfnum
sem varpa á ljósi á siði og sögu kirkjunnar í
Reykholti. Á sýningunni eru höklar frá fyrri
hluta 19. aldar og aðrir munir sem tengjast
kirkjulegum athöfnum sem einstaklingar og
Safnahús Borgarfjarðar lánuðu til sýning-
arinnar.
„Markmið Snorrastofu er að miðla sögu
Snorra Sturlusonar. Við reynum að hafa dag-
skrána fjölbreytta og ég held að það sé óhætt
að segja að það sem hefur verið í boði hafi
mælst vel fyrir. Það sýnir að enn hafa margir
áhuga á sögu Snorra Sturlusonar og Reyk-
holti,“ sagði Sigríður Björk Jónsdóttir.
Markmiðið að miðla sögu Snorra
Morgunblaðið/Árni Sæberg
Sigríður Björk
Jónsdóttir
asdish@mbl.is