Morgunblaðið - 22.11.2004, Qupperneq 12

Ég sagði fyrir leikinn að svona leikþyrftum við að vinna til þess að
taka eitt skref áfram. Þeir svöruðu
kallinu og gerðu það
sem þeir gátu. Við
náðum betri árangri
í þessum leikjum en
ég átti von á. Í fljótu
bragði þá eru þetta allt leikmenn sem
ég vil hafa með í Túnis en við erum
með leikmenn á borð við Ólaf Stef-
ánsson, Sigfús Sigurðsson, Jaleskiy
Garcia fyrir utan liðið – og nú er bara
spurningin hvort þeir komist í þetta
lið,“ bætti Viggó við og brosti í kamp-
inn.
En líklega hefur ekkert landslið
efni á því að skilja Ólaf Stefánsson
eftir heima – hvað þá Ísland.
„Ég er gríðarlega ánægður með
útkomuna. Margir af þessum
strákum sem eru í liðinu voru að fá
tækifæri til þess að sanna sig og þeir
nýttu sér það sem þeir fengu. En
samt sem áður erum við aðeins
skammt á veg komnir með þá hluti
sem ég ætla að leggja áherslu á fyrir
heimsmeistaramótið í Túnis. En
þetta var mun betra en ég þorði að
láta mig dreyma um. Við vorum ekki
nógu fljótir að setja boltann í leik eft-
ir að hafa fengið á okkur mark. En
það lagaðist er á leið keppnina,
hraðaupphlaupin voru líka stirð í
upphafi en voru á góðri siglingu er á
leið. En það voru margir sem létu að
sér kveða í vörn sem sókn. Það sjá
allir hvað menn gera í sókninni,
mörkin segja alla söguna en í vörn-
inni er oft erfiðara að fá klapp á bakið
fyrir sitt framlag.“
Viggó segir að hið unga íslenska lið
hafi oft á tíðum leikið glimrandi vel
en á köflum hafi reynsluleysið gert
vart við sig. „Við erum að gera of
mörg mistök í sókninni. Í leiknum
gegn Slóvenum erum við yfir 17:13 er
skammt er eftir af fyrri hálfleik. Í
stað þess að ganga alveg frá þeim
hendum við boltanum frá okkur í 6–7
sóknum í röð án þess að ná skoti á
markið. Er við gengum af velli var
staðan 18:18 og ég þurfti aðeins að
þenja raddböndin í hálfleik við strák-
ana.“
En Viggó ætlar ekki að draga þá
ályktun af 5. sætinu að íslenska liðið
sé nú þegar í hópi þeirra bestu. „Það
voru mörg lið að breyta mikið fyrir
þetta mót, við erum með nýja leik-
menn eins og flest önnur lið. En
Frakkar eru nánast með sitt sterk-
asta lið og við töpum með 9 mörkum
fyrir þeim í slakasta leiknum sem við
áttum í þessu móti. Það er kannski sú
mælistika sem við þurfum að miða
við. Þýska liðið er ungt, ungverska
liðið einnig. En ég veit ekki hvað er í
gangi hjá Króatíu, þeir voru langt,
langt frá sínu besta í þessu móti.“
Þórir Ólafsson og Einar Örn Jóns-
son skoruðu fá mörk úr hægra horn-
inu, hefur þú áhyggjur af því?
„Já, það er áhyggjuefni. Þeir nýttu
ekki færin sín nógu vel. Og það er
mitt hlutverk að fá meira út úr þess-
um leikmönnum. Ég þekki þá báða
nógu vel og veit að þeir geta gert
miklu, miklu meira. En það koma líka
aðrir valkostir til greina og má þar
nefna Gylfa Gylfason. En ég ætla að
velja liðið sem fer á heimsmeistara-
mótið á milli jóla og nýárs. Það er því
skammur tími til stefnu en það er
mitt markmið að allir leikmenn liðs-
ins séu með sjálfstraust og finni að ég
ber traust til þeirra. En að sjálfsögðu
verða þeir Þórir og Einar að gera
betur – það vita þeir báðir sjálfir.“
Viggó var ánægður með mark-
vörsluna á mótinu þar sem Roland
Eradze og Hreiðar Guðmundsson
voru áberandi. „Ég ætla að fara með
þrjá markverði til Túnis. Roland
sýndi það sem ég hef séð hann vera
að gera með ÍBV. Hann var frábær
gegn Slóveníu, og sömu sögu er að
segja af Hreiðari. Hann kom á óvart,
varði vel og sýndi að hann er klár í
slaginn. Birkir Ívar Guðmundsson
sýndi ekki bestu hliðar sínar í þessu
móti. En ég hef séð hann verja vel í
erfiðum Evrópuleikjum og veit að
hann hefur getu til þess að verja vel.
Ég tel okkur vera vel setta með þessa
þrjá en þeir þurfa að vera á tánum
því það eru aðrir markverðir sem
koma einnig til greina.“
Viggó taldi síðan upp alla leikmenn
liðsins og var ánægður með þá alla.
„Við búum við það skemmtilega
vandamál að eiga marga örvhenta
leikmenn sem eru góðir. Einar
Hólmgeirsson stóð sig vel, var ógn-
andi og sterkur í vörn. Ásgeir Örn
Hallgrímsson verður líklega ekki
með í Túnis vegna aðgerðar sem
hann fer í á næstu dögum. En maður
vonar að hann verði búinn að ná sér.
Alexander Petersson er einnig inní
myndinni – hörkuleikmaður. Og síð-
an er það Óli (Ólafur Stefánsson).
Markús Máni Michaelsson var sterk-
ur í þessu móti, sem og Dagur Sig-
urðsson. Arnór Atlason kemur með
nýjar víddir sem leikstjórnandi og
þannig get ég haldið áfram.“
Viggó var sammála því að íslenska
liðið hefði haft gott af því að leika
nokkra leiki án Ólafs Stefánssonar.
„Já, Ólafur þurfti að hlaða rafhlöð-
urnar og liðið þurfti líka að fá leiki án
hans. Í þeim skilningi að við erum
handknattleikslið – en ekki einstak-
lingar. Ólafur hefur borið liðið nánast
á herðum sér, og strákarnir vita það
að þeir verða að leggja meira af
mörkum og þeir sýndu það að þeir
geta gert það gegn sterkum liðum á
borð við þessi sem við mættum í
þessu móti. Næstu landsleikir ís-
lenska liðsins verða gegn Svíum í
byrjun janúar og síðan heldur liðið til
Spánar um miðjan janúar þar sem
það mun dvelja fram að heimsmeist-
aramótinu í Túnis.
Við fáum tækifæri gegn Svíum,
hver veit nema að okkur takist að
stíga skref sem aldrei hefur verið
stigið hjá karlalandsliðinu – að leggja
Svía að velli,“ sagði Viggó Sigurðs-
son.
„Það verður erfitt að velja liðið sem fer á heimsmeistara-
mótið í Túnis,“ segir Viggó Sigurðsson landsliðsþjálfari
„Frábær andi í liðinu“
„ÞAÐ sem ég er ánægðastur
með eftir þessa fimm leiki er sá
andi sem býr í þeim strákum
sem skipuðu liðið. Þeir eru allir
að stefna í sömu átt, eru fljótir
að tileinka sér nýja hluti og ég
sé ekki annað en að það verði
gríðarlega erfitt að velja liðið
sem mun fara á heimsmeist-
aramótið í Túnis,“ sagði Viggó
Sigurðsson, þjálfari íslenska
landsliðsins í handknattleik,
eftir að liðið hafði lagt Slóvena
að velli í leik um 5. sætið á
mótinu.
Ljósmynd/Anders Abrahamsson
Viggó Sigurðsson þungt hugsi á varamannabekknum á heimsbikarmótinu í Svíþjóð.
Sigurður Elfar
Þórólfsson
skrifar frá
Gautaborg
ÞAÐ er ekki á hverjum degi sem ís-
lenska landsliðið í handknattleik
skorar 39 mörk í landsleik, en alls
voru skoruð 73 mörk í leiknum
gegn Slóveníu á heimsbikarmótinu
í Svíþjóð, sem ísland vann 39:34.
Íslenska landsliðið hefur þrisvar
áður skorað 39 mörk í leik – gegn
bandaríkjunum 1974, 39:19, gegn
Kína 1988, 39:19 og gegn japan
1995, 39:18.
 Íslenska landsliðið hefur fimm
sinnum skorað fjörutíu mörk eða
meira í leik.
 Fyrst 41 mark í leik gegn banda-
ríkjunum í New jersey 1966, 41:19.
 Þá voru skoruð 40 mörk gegn
Grænlendingum í Nuuk 1005,
40:14. Ísland lagði Kýpur í leik í
Kaplakrika 1999, 42:11 og Qatar á
heimsmeistaramótinu í Portúgal
2003, 42:22.
 Það var í HM í Portúgal sem ís-
lenska landsliðið setti markamet
sitt, þegar liðið skoraði 55 mörk í
leik gegn ástralíu, 55:15.
Flest mörk
Íslands í
landsleikjum
ÞAÐ áttu fáir von á því að heims-
og ólympíumeistaralið Króata
myndi enda í 8. og neðsta sæti
heimsbikarmótsins, World Cup. Í
gær lék liðið gegn Ungverjum í
leik um 7.–8. sæti keppninnar og
var jafnt á komið með liðunum er
venjulegum leiktíma var lokið,
25:25. Samkvæmt reglugerð móts-
ins fór fram vítakeppni til þess að
ná fram úrslitum og þar náðu
Ungverjar betri árangri, skoruðu
þrjú mörk gegn einu og unnu sam-
anlagt 28:26.
Króatar
urðu neðstir
RÓBERT Gunnarsson var lang-
markahæstur í íslenska liðinu með
45 mörk alls. En mörkin skiptust
þannig á milli leikmanna liðsins:
Róbert Gunnarsson ..................... 45
Einar Hólmgeirsson .................... 21
Markús Máni Michaelsson .......... 19
Ásgeir Örn Hallgrímsson ............16
Guðjón Valur Sigurðsson ........... 13
Dagur Sigurðsson........................ 12
Logi Geirsson ............................... 10
Þórir Ólafsson ................................ 7
Arnór Atlason ................................ 5
Ingimundur Ingimundarson ........ 5
Vignir Svavarsson ......................... 3
Einar Örn Jónsson......................... 2
Jaliesky Garcia............................... 2
Snorri Guðjónsson..........................0
13 skoruðu
fyrir Ísland
RÓBERT Gunnarsson var marka-
hæsti leikmaður heimsbikar-
mótsins, með 45 mörk alls og þar
af 10 úr vítaköstum. Næstur var
Mirza Dzomba frá Króatíu með 37
mörk, þar af 17 úr vítaköstum og
Siarhei Rutenka frá Slóveníu varð
þriðji með 36 mörk.
Ef litið er á skotnýtingu var Ró-
bert einnig efstur á blaði, með
rúmlega 90% nýtingu en hann
skaut 38 sinnum að marki utan af
velli og skoraði 35 sinnum. Og í
vítaköstum skaut Róbert 13 sinn-
um og skoraði 10 sinnum. Marka-
hæstu leikmenn mótsins voru:
Róbert Gunnarsson, Íslandi ....... 45
Mirza Dzomba, Króatíu .............. 37
Shiarhei Rutenka, Slóveníu ....... 36
Jonas Larholm, Svíþjóð .............. 32
Lars Christiansen, Danmörku ... 30
Sören Stryger, Danmörku ......... 26
Christophe Kempe, Frakklandi. 25
Michael Knudsen, Danmörku .... 24
Csaba Tombor, Ungverjalandi .. 23
Holgeir Glandorf, Þýskalandi.... 23
Einar Hólmgeirsson, Íslandi ...... 22
Róbert varð
markakóngur
SVÍAR urðu heimsbikarmeistarar
í handknattleik í þriðja skipti í
gær þegar þeir unnu Dani í úr-
slitaleik á World Cup í Gautaborg,
27:23. Svíar voru yfir allan tím-
ann, 14:11 í hálfleik, Danir minnk-
uðu muninn í eitt mark seint í
leiknum en komust ekki nær.
Þetta var fyrsti sigur Svía á
stórmóti í handknattleik í hálft
þriðja ár og það er langur tími hjá
þessari sigursælu handboltaþjóð.
Þeir unnu mótið áður árin 1992
og 1996.
Sigur Svía var nokkuð óvæntur
því þeir tefldu fram tiltölulega
ungu liði í mótinu. Danir þóttu
sigurstranglegri en þeir urðu að
sætta sig við tvo ósigra gegn
sænska liðinu, bæði í riðlakeppn-
inni og aftur í úrslitaleiknum í
gær.
„Það hefði enginn trúað því fyr-
ir viku að við stæðum uppi sem
sigurvegarar mótsins,“ sagði Seb-
astian Seifert, leikmaður Svía, við
Expressen.
Thomas Svensson kom ekkert
við sögu í sænska markinu í leikn-
um því Fredrik Ohlander átti
stórleik.
Frakkar unnu öruggan sigur á
Þjóðverjum, 34:27, í leik um 3.
sætið og Ungverjar sigruðu Kró-
ata í vítakastkeppni eftir að liðin
skildu jöfn í leiknum um 7. sætið.
Ungt lið Svía sigraði óvænt