24 stundir - 14.12.2007, Blaðsíða 22

22 FÖSTUDAGUR 14. DESEMBER 2007 24stundir
„Það er ánægjulegt að þessi gögn skuli staðfesta að
það séu ekki taldir vera neinir annmarkar á því að stöð-
in rísi, hvort sem það yrði við Dýrafjörð eða Arn-
arfjörð,“ segir Ólafur Egilsson, stjórnarformaður Ís-
lensks hátækniiðnaðar ehf., þess innlenda aðila sem
stendur að mögulegri uppbyggingu á olíuhreinistöð á
Vestfjörðum. Fyrirtækið hefur verið í samstarfi við
rússnesku fyrirtækin Geostream og KATAMAK-Nafta
um verkefnið. Rísi stöðin munu fleiri aðilar, jafnt vest-
rænir sem rússneskir, koma að eignarhaldi á henni
með þekkingu og fjármagn.
Ekki tímabært að nefna aðra samstarfsaðila
Ólafur segir niðurstöður þessara athugana vera afar
mikilvægt skref í átt að því að olíuhreinsistöðin verði
að veruleika. „Þær þýða að nú er unnt að halda áfram
þeirri vinnu sem þarf við næstu þætti málsins í átt að
ákvörðun. Það er ekki búið að ákveða hvor staðsetn-
ingin henti okkur betur en nú er meðal annars hægt að
halda áfram viðræðum við þá samstarfsaðila sem
myndu koma inn í málið.“ þsj
Ólafur Egilsson, stjórnarformaður Íslensks hátækniiðnaðar
Ólafur Egilsson segir að ekki sé búið að taka
ákvörðun um hvor staðsetningin henti betur.
Mikilvægt skref í átt að ákvörðun
Eftir Þórð Snæ Júlíusson
thordur@24stundir.is
„Það sem kemur fram í þessum
skýrslum er að það er engar sjáan-
legar hindranir í vegi fyrir byggingu
olíuhreinsistöðvar eða öðrum stór-
iðnaði á þessum tveimur stöðum
sem teknir voru til skoðunar,“ segir
Aðalsteinn Óskarsson, fram-
kvæmdastjóri Fjórðungssambands
Vestfjarða, um niðurstöður athug-
unar á náttúrufari og samfélags-
greiningar vegna fyrirhugaðrar olíu-
hreinsistöðvar á Vestfjörðum.
Niðurstöðurnar voru gerðar opin-
berar í gær. Tveir staðir hafa komið
til greina undir olíuhreinsistöðina,
Arnarfjörður í Vesturbyggð og Dýra-
fjörður í námunda við Ísafjörð.
Mikilvægt skref
Aðalsteinn segir skýrslurnar vera
mikilvægt skref í átt að mögulegri
stóriðjuuppbyggingu á Vestfjörðum.
„Það var ekkert til um þetta hérna á
Vestfjörðum þó að svona úttektir
varðandi stóriðju hafi verið gerðar
víða um landið. Það má styðjast við
þessar skýrslur við uppbyggingu á
annars konar stóriðnaði. Það var í
rauninni ávinningur okkar og mark-
mið, þó að olíuhreinsistöðin hafi
hrint þessu öllu af stað. Menn þurftu
að fá svör við því hvort það væru
einhverjar hindranir varðandi dýpi,
veðurfar, gróðurfar eða fuglalíf á
þessum tveimur stöðum. Hvort það
væru einhverjar stórar hindranir
sem myndu útiloka að stóriðnaður
væri mögulegur þar. Skýrslurnar
segja að svo sé ekki.“ Í niðurstöðum
skýrslnanna er ekki tekin afstaða til
þess hvort staðsetningin myndi
henta betur undir olíuhreinsistöð.
Aðalsteinn segir það enda háð vilja
landeigenda, sveitarfélaga og fjár-
festa.
Neðansjávargöng
Jón Þorvaldur Heiðarsson, einn
höfunda samfélagsgreiningarskýrsl-
unnar, segir niðurstöður þeirra sýna
að það væri mikil kostur ef mann-
frek starfsemi á Vestfjörðum gæti
nýtt sér vinnumarkaðinn á Ísafirði.
Ef olíuhreinsistöð risi í Arnarfirði
yrðu neðansjávargöng undir fjörð-
inn eina raunhæfa leiðin til þess.
„Það eru aðrar leiðir sem gera það
kleift að komast þarna á milli, en það
yrði alltaf svo langt að það væri ekki
raunhæft upp á vinnusókn. Það er
því mjög erfitt að ná til vinnumark-
aðarins frá Arnarfirði þó að lagt væri
í miklar vegaframkvæmdir á borð
við Dýrafjarðargöng. Slíkt væri eig-
inlega ekki hægt nema með neðan-
sjávargöngum undir Arnarfjörð
þannig að það væri hægt að komast
beint frá Bíldudal til Þingeyrar. Það
er vissulega hægt að fjölga fólki í
Vesturbyggð, en það væri mikill
kostur að geta nýtt sér vinnumark-
aðinn á Ísafirði.“
Leiðin orðin greið
fyrir olíuhreinsistöð
 Niðurstöður athugana á náttúrufari og samfélagi á Vestfjörðum vegna stóriðjuuppbygg-
ingar voru gerðar opinberar í gær  Ekkert í þeim sem hindrar byggingu á olíuhreinsistöð
Olíuhreinsistöð í Rott-
erdam sem er töluvert
stærri en sú sem áætlað
er að reisa hér á landi.
➤ Niðurstöður athugana á nátt-úrufari sýndu að það væru
engar stórar hindranir varð-
andi dýpi, veðurfar, gróðurfar
eða fuglalíf í á stöðunum
tveimur sem útiloka upp-
byggingu stóriðnaðar þar.
➤ Niðurstöður samfélagsgrein-ingar sýndu að það væri kost-
ur fyrir mannfreka starfsemi
að tengjast vinnumark-
aðinum á Ísafirði þar sem
mun fleiri byggju þar en í ná-
munda við Arnarfjörð.
NIÐURSTÖÐUR
„Það er ekkert sem kemur fram í
þessum skýrslum sem getur stöðv-
að þær hugmyndir að koma hér
upp verksmiðju eins og olíu-
hreinsistöð,“ segir Ragnar Jörunds-
son, sveitarstjóri í Vesturbyggð. „Ég
er því bjartsýnn á framhaldið. Ef
maður er það
ekki og af þessu
verður ekki þá
verða komnar
hérna nýjar
Hornstrandir á
næstu 50 árum.
Þetta er upp á líf
og dauða, það er
ekkert öðruvísi.
Ekki endilega að
það komi hingað olíuhreinsistöð
heldur að það komi einhver at-
vinnuuppbygging hérna.“
Fátt annað í sjónmáli
Hann segir þó fátt annað vera í
sjónmáli um þessar mundir.
„Menn eru alltaf að tala um af
hverju við gerum ekki eitthvað
annað. Þegar við spyrjum hvað það
ætti að vera þá er oft fátt um svör.“
Í samfélagsgreiningarskýrslunni
kemur fram að eina leiðin til þess
að tengja Arnarfjörð við Ísafjörð sé
með neðansjávargöngum. Ragnar
er þessu ekki sammála. „Auðvitað
er þetta sá þáttur sem við verðum
að skoða mjög vel. En það er ekkert
heilagt að það þurfi að vera göng
þarna undir. Við sjáum aðrar leiðir
sem hægt væri að fara.“
Er upp á líf
og dauða
Sveitarstjóri Vest-
urbyggðar er bjart-
sýnn á framhaldið
Glit ehf. Krókhálsi 5 110 Reykjavík
Sími 587 5411 www.glit.is
Glerslípivélar á tilboði
Allt til gler- og leirgerðar.
Ný sending af glerbræðslumótum.
Kr. 16.991