24 stundir - 14.12.2007, Blaðsíða 57

24stundir FÖSTUDAGUR 14. DESEMBER 2007 57
Ólafur Beinteinn Ólafsson,
kennari og tónlistarmaður, hefur
gefið út bókina Fjársjóðurinn.
Bókin er afrakstur af nýsköp-
unarstarfi hans en Ólafur hefur
unnið ötullega að þróunarstarfi í
kennslu. Hún er enda forvitnileg
að því leyti að í henni má finna
söngtexta og fylgir með geisla-
diskur með sönglögum þeim er í
bókinni má finna.
„Í bókinni Fjársjóðurinn segir
frá drengjunum Tuma og
Trölla,“ segir Ólafur. „Dag einn
kemur vinkona þeirra, Sigurpála
póstur, með ævagamlan trékassa.
Í kassanum finna drengirnir
uppdrátt með leiðinni að sjó-
ræningjafjársjóði. Tumi og Trölli
ákveða að finna fjársjóðinn. Þeir
lenda í ýmsum erfiðleikum á
ferðalagi sínu, en syngjandi sigr-
ast þeir á hverri þraut. Tumi og
Trölli gera nokkur góðverk á leið
sinni sem leiða til vangaveltna
og þegar þeir hafa loks fundið
fjársjóðinn sjá þeir tilveruna í
nýju ljósi.“
Myndskreytingar
„Það er skemmtilegt frá því að
segja að listakonan Dagný Emma
Magnúsdóttir, sem myndskreytti
bókina, er gamall nemandi
minn, hún býr á Nýja-Sjálandi í
dag. Snemma komu í ljós list-
rænir hæfileikar hennar og á ég
til dæmis mynd sem hún teikn-
aði aðeins 7 ára gömul sem
gaman er að skoða í því sam-
hengi.“
En Ólafur sinnti kennslu frá
1967 til 1987 er hann sneri sér
að tónlistarkennslu.
„Þá syngur dóttir mín, Ingi-
björg Aldís Ólafsdóttir sópr-
ansöngkona, sönglögin og ég leik
undir á píanó,“ segir Ólafur
ennfremur.
Fallegur boðskapur er fjársjóður fyrir börn
Fjársjóður Ólafs Beinteins
Dóttir syngur Feðginin Ingi-
björg Aldís Ólafsdóttir og Ólafur
Beinteinn Ólafsson.
24stundir/Jim Smart
Að þessu spyrja margir útlend-
ingar sem sækja Ísland heim í
jólamánuðinum enda minnir sjö
ljósa, píramídalaga kertaskreyt-
ing sem sést í öðrum hverjum
glugga mjög á sjö arma ljósastiku
í samkunduhúsum gyðinga.
Skreytingin er þó upprunnin frá
Svíþjóð og flutt inn til Íslands
snemma á sjöunda áratugnum af
kaupsýslumanninum, Gunnari
Ásgeirssyni, og náði gríðarlega
miklum vinsældum.
Er gyðingdómur
rótgróinn hér?
Þorláksmessa er dánardagur heil-
ags Þorláks, Skálholtsbiskups. Á
Þorláksmessu var hangikjötið soð-
ið og fólk fékk jafnvel að bragða á
því. Tilstandið þótti skemmtilegt
og því var dagurinn einnig nefnd-
ur hlakkandi. Þorláksmessa er
einnig síðasti dagur jólaföstu og
því var stolist í hangikjötið. Leifar
af föstusiðum virðast hafa þróast á
þann veg að mest við hæfi sé að
borða lélegan fisk, skötu.
Stolist í kjötið
á hlakkanda
Þeir láta stundum tíeyring
í litla barnaskó
sem liggja frammi á gangi
er sofa menn í ró.
Vísa þessi var sungin í útvarps-
þætti á Íslandi árið 1938. Skórinn
er þá settur út á gang. Siðurinn sá
að setja skó út í glugga er sprott-
inn af hollenskum sið, en börn
settu tréskó sinn í gluggann 6.
desember í von um að heilagur
Nikulás setti eitthvað í hann.
Skógjafir eru
hollenskur siður
Hannað af helstu sérfræðingum Evrópu í birtumeðferð
Lífsklukkan
Taktur góðrar hvíldarwww.lifsklukkan.is
Fyrir þig... Fyrir barnið þitt...
Vekur þig eðlilega með hægri
sólarupprás á morgnana
Hjálpar þér að slaka á á
kvöldin með hægu sólsetri
Allt að 30 mínútur af smáminnkandi
birtu róar barnið þitt og svæfir
Tvær sólsetursstillingar: að algeru
myrkri eða að næturlýsingu
Tilvalin
jólagjöf!