24 stundir - 26.01.2008, Síða 41

24stundir LAUGARDAGUR 26. JANÚAR 2008 41
Árvakur/ÓmarStarrar Ljósmyndarinn rakst á þessa starra í Austurstræti einn dag þegar vorið var á næsta leiti og fuglar taka að huga að hreiðurgerð.
Kannski hafa þessir starrar einmitt verið í slíkum hugleiðingum.
Skarfar í fjöru Allan ársins hring er líflegt um að litast í fjörum landsins þar sem fuglar koma saman í leit að æti og taka sumir góðan
sundsprett meðan aðrir láta sér góðan félagsskap nægja.
Starri Þessi starri brá sér í skoðunarferð í Hafnarfjarðarhöfn og virðist ansi forvitinn
um umhverfi sitt.
Álftir Tvær álftir horfa öfundaraugum á vinkonu sína, sem með kjark og þor að vopni nældi sér í vænan brauðbita.
„Mér finnst fuglarnir vera lífríki
Íslands og þegar ég leita að feg-
urð í náttúrunni finnst mér ég
helst finna hana í fuglunum,“
segir Ómar Óskarsson ljósmynd-
ari sem hefur tekið þó nokkuð
mikið af fuglamyndum á löngum
ferli sínum. Myndirnar sem hér
birtast eru teknar á síðustu árum.
„Sumir safna fuglamyndum og
reyna að eiga allar fuglategundir
á myndum, en ég reyni að taka
fallegar fuglamyndir og taka
myndir af fuglum í sínu rétta um-
hverfi. Ég er sennilega enginn
sérstakur fuglaáhugamaður, það
er fegurðin í fuglunum sem
heillar mig. Ég á svosem engan
eftirlætisfugl en mig langar að
komast í tæri við himbrimann
við tækifæri,“ segir Ómar.
Fegurð
fuglanna
Í GEGNUM LINSUNA
frettir@24stundir.is a
Þegar ég leita að fegurð í
náttúrunni finnst mér ég
helst finna hana í fuglunum.
Mávar Mávahópur flýgur frá Seltjarnarnesi í átt að Skarðsheiði.
Margæsir Þessi hópur var á fjörugu flugi á Seltjarnarnesi þegar ljósmyndarinn var þar
á ferð. Þær hafa viðkomu á Íslandi vor og haust. Varpstaöðvar þeirra eru í Kanada.