Morgunblaðið - 02.07.2003, Blaðsíða 22

innlit
lifun
byggingarnar og tengir þær þannig saman
en strax var ákveðið að leyfa gamla húsinu
að halda útliti sínu með frönskum
gluggum og láta nýbbygginguna fá sjálf-
stætt útlit. Byggingarnar eru síðan tengdar
með litum, hvítu og gráu, og viðnum.
Þar sem sami arkitektinn kom að vinnu við
byggingarnar að utan sem innan má segja
að rýmið sé nýtt til fullnustu enda innrétt-
ingar teiknaðar sem hluti af nýbygging-
unni. Langskorin eik var valin sem
aðalefniviðurinn í gólf og innréttingar
vegna þess hve klassísk hún er og eins fer
eikin vel með hvítu og stáli. Það sama á
við um lýsingu, ljósin eru þar sem þau hafa
tilgang og hlutverk. Allt útlit er agað ,
klassískt og einfalt.
Vandaður frágangur og lausnir er eitthvað
sem tekið er eftir í innréttingum en
smiðirnir hjá Selósi á Selfossi hafa smíðað
allt inn í húsið og haft umsjón með því
verki. Þeir komu einnig fyrir arni sem
tengir stofurnar saman en arinninn hafði
áhrif á hönnun eldhússins þar sem hann er
hinum megin við vegginn og tekur pláss í
innréttingu. Arinninn var keyptur í Noregi
og fer vel við einfalt yfirbragð heimilisins.
Hann getur hvort tveggja verið opið eld-
stæði og lokað.
Birta og lýsing í nýbyggingunni er eftir-
tektarverð. Stórir gluggar frá lofti niður í
gólf, horngluggar og loftgluggar eru
staðsettir með tilliti til stöðu sólar og
birtuskilyrða og að íbúar fái notið þeirra,
m.a. er loftgluggi yfir baðkari, gluggi uppi
við rjáfur beint á móti stiga sem er eins og
síbreytilegt málverk og stór gluggi í svefn-
herbergi þar sem útsýni er yfir allt
Ingólfsfjall.
Það má með sanni segja að samspil ólíkra
þátta hafi tekist vel þegar horft er til þess
viðamikla verkefnis að tengja saman það
gamla og nýja þar sem íslenskt umhverfi,
landslag og birta hafa ráðið miklu í allri
umgjörð.