24 stundir - 24.07.2008, Blaðsíða 12

12 FIMMTUDAGUR 24. JÚLÍ 2008 24stundir
LAURA ASHLEY
Faxafeni 14 108 Reykjavík sími 5516646
Útsalan
í fullumgangi
20 -70%
afsláttur
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Gunnhildur Arna Gunnarsdóttir
Björg Eva Erlendsdóttir
Magnús Halldórsson
Þröstur Emilsson
Elín Albertsdóttir
Auglýsingastjóri: Gylfi Þór Þorsteinsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: frettir@24stundir.is, auglysingar@24stundir.is, 24stundir@24stundir.is,
Prentun: Landsprent ehf.
Aðgangur heimila að lánsfjármagni hefur verið takmarkaður á und-
anförnum mánuðum eins og glöggt má sjá á útlánatölum innlánsstofn-
ana. Óhagstæð verðlags- og gengisþróun hefur hins vegar orðið til þess að
skuldir heimilanna við bankakerfið hafa vaxið um 13% á árinu þótt ný lán
hafi verið tiltölulega lítil. Skuldir íslenskra heimila við innlánsstofnanir
námu 947 milljörðum króna í júní samkvæmt tölum frá Seðlabanka Ís-
lands. Aukningin nemur 11% frá því á sama tíma í fyrra og um 13% frá
því í árslok 2007.
Samkvæmt spám greiningardeilda nær verðbólga hámarki í rúmum
14% í ágúst. Skuldirnar munu því enn aukast og greiðslubyrðin þyngjast í
sama takti. Lækkunarferli stýrivaxta byrjar ekki fyrr en í nóvember að
mati greiningardeilda.
Það er því hætt við að hrikti í á mörgum heimilum og ástandið eigi enn
eftir að versna eftir því sem líður á haustið.
Raunar eru margir þegar komnir í þrot og hafa misst eignir sínar og enn
fleiri standa í sömu sporum á næstu mánuðum. Bæði vegna verðlags- og
gengisþróunar og ekki síður vegna offjárfestinga.
En hvað er til ráða?
Fyrir nokkrum vikum voru fjölmiðlar fullir af fréttum af frosnum fast-
eignamarkaði. Þúsundir íbúða hafa verið byggðar umfram þörf. Stór hluti
stendur auður, selst ekki. Verktakar og einstaklingar sem fóru af stað þegar
betur áraði, standa uppi ráðalausir. Lánastofnanir leysa í auknum mæli til
sín hálfköruð og fullbúin hús.
Spurt er hvort ríkið eigi ef til vill að grípa inn í á tímum sem þessum eða
sitja aðgerðalaust og horfa upp á fjölskyldur missa húsaskjólið, með til-
heyrandi hörmungum.
Leigumarkaður á Íslandi er ekki til svo heitið geti.
Hann er hins vegar eina lausnin fyrir stóran hluta
fólks í dag.
En þá þarf líka að vera til leigumarkaður sem
stendur undir nafni, líkt og við þekkjum í nágranna-
löndunum.
Ríki, sveitarfélög og lánastofnanir þurfa nú að svara
því hvort betra sé að standa aðgerðalaus hjá þegar
fjölskyldur komast í þrot og missa húsnæðið, með til-
heyrandi aukningu vandamála, félagslegra sem ann-
arra, eða hvort ef til vill gæti falist í því lausn að þróa
hér alvöru leigumarkað sem gæfi öruggt húsaskjól
fyrir sanngjarnt verð. Vandinn blasir við og meðan
ekkert er að gert mun hann aðeins vaxa.
Haust hörmunga
Stundum kem ég heim að veit-
ingahúsum í nánd við þjóðveginn
þar sem fyllilega er gefið í skyn að
hægt sé að fá mat – t.d. með orð-
inu restaurant –
og það er ekkert
að fá. Þetta er í
hádeginu og ekki
búið að taka stóla
niður af borðum.
Útskýrt er að
kokkurinn sé
ekki kominn eða
að hópur sé
væntanlegur um kvöldið. Maður
endar alltaf á hamborgarastöð-
unum. Það þarf ákveðna stað-
arþekkingu til að ferðast um
landið og borða góðan mat. Í há-
deginu er kokkurinn ekki kom-
inn. Á kvöldin er maður fyrir
rútuförmunum.
Baldur Kristjánsson
baldurkr.blog.is
Enginn kokkur
Stuðningsmenn glæpastjórn-
arinnar í Peking flykkjast senn á
skrautsýningu hennar undir
verndarvæng Alþjóða ólympíu-
nefndarinnar.
Allar heimsóknir
á sýninguna
hljóta að flokkast
sem stuðningur
við stjórnina í
Kína. Hún fer illa
með íbúa lands-
ins og enn verr
með sigraðar
þjóðir á landamærunum. Hún sá-
ir einræði og harðstjórn um allan
heim. Svo sem með hörðum
stuðningi við verstu glæpastjórn-
ir heims í Súdan og Simbabve.
Forseti, menntaráðherra, kepp-
endur og lúxusferðamenn geta
ekki kjaftað sig frá þessum stuðn-
ingi við stjórnina.
Jónas Kristjánsson
jonas.is
Glæpastjórn
Hvaða svæði ber að nýta til um-
hverfisvænnar, sjálfbærrar og los-
unarlausrar orkuöflunar og
hvaða náttúru ber að vernda og
láta alveg ósnerta.
Mjög góð sátt er í
samfélaginu um
að vernda beri
Þjórsárverin og
þann merkilega
gróður og fyr-
irbæri sem þar
eru. Á hinn bóg-
inn eru sífrera-
rústirnar þar að þiðna vegna
hækkandi hitastigs á jörðinni.
Minnir það okkur á að barátta
þeirra sem mótmæla hvers konar
nýtingu á náttúrunni til orkuöfl-
unar getur sem sagt orðið til þess
að hitinn á jörðinni hækki hraðar
en ella …
Gestur Guðjónsson
gesturgudjonsson.blog.is
Rústir þiðna
Þröstur
Emilsson
the@24stundir.is
Iceland Express er „flugfélag óttans“ því
margir óttast mjög að fljúga með því –
ekki síst hinir fjölmörgu flóttamenn frá Keflavík!
Flugfélagið er eitt ógnvænlegsta flugfélagið á Íslandi.
Þetta er ástæðan fyrir því að farþegum hefur fækkað.
Sumir kalla það „flugfélag táranna“, því margir berjast
við tárin að þurfa að fljúga með því. Þeir vita að ef
eitthvað kemur ekki fyrir í ferðinni hefur eitthvað
mistekist. Þeir tárast ekki síður yfir að þurfa að yf-
irgefa Ísland með þessum hætti, sérstaklega Akureyri
og Reykjanesbæ.
Þar með hef ég snúið við grein í blaði Iceland Express
upp á flugfélagið sjálft.
Auðvitað er þetta allt saklaust grín – léttur húmor –
þótt auðvitað sé það rétt að margir tárist við að yf-
irgefa Ísland og okkar undursamlegu sveitarfélög.
Engum dettur í hug að taka þetta alvarlega – enginn
færi að lesa þetta og sniðganga flugfélagið af þeim sök-
um. Það eiga allir að sjá þennan kaldhæðnislega húm-
or, ekki satt? Auðvitað er það bara saklaust grín, húm-
or, að í bæklingi um borð í flugvélum Iceland Express
sé sagt að Keflavík sé „borg flóttans“, eins og kom
fram í frétt 24 stunda í gær, að „fólki fækki hér“.
Menn vita vel að hér hefur íbúum fjölgað mest á land-
inu undanfarin ár og gerir enn.
Svo má ekki gleyma því sem jákvætt er í greininni. Þar
er rætt um „sveitaljóma Keflavíkur“ – það hlýtur að
draga ferðamenn að! Íslendingar: kynnist nú sveita-
ljóma Keflavíkur! Sannleikurinn er sá að enginn hefur
vakið athygli á greininni fyrr, þótt mér skiljist að hún
sé búin að vera fimm mánuði í umferð í vélunum. Eru
Íslendingar hættir að fljúga? Eða á ég að trúa því að
flugfarþegar Iceland Express lesi ekki
það sem er sett í vasana fyrir framan
þá? Er þá ekki þar með komin enn
ein leiðin til að spara í rekstri? Auð-
vitað vita menn að Iceland Express er
gott, öruggt og vaxandi flugfélag og
vonandi fjölgar farþegum í réttu
hlutfalli við fjölgun íbúa Reykjanes-
bæjar. Þá er þeim borgið.
Það er ekkert að fyrirgefa!
Höfundur er bæjarstjóri í Reykjanesbæ
Flugfélag óttans?
ÁLIT
Árni
Sigfússon
arni@rnb.is
BLOGGARINN