24 stundir - 24.07.2008, Page 14

14 FIMMTUDAGUR 24. JÚLÍ 2008 24stundir
Í UPPSVEITUM ÁRNESSÝSLU OG FLÓAHREPPI
Bláskógabyggð, Grímsnes-og Grafningshreppi, Hrunnamannahreppi,
Gnúpverjahreppi og Flóahreppi
AUGLÝSING UM SKIPULAGSMÁL
Vegna villu í auglýsingu sem birtist 17. júlí s.l. er eftirfarandi aðalskipulagsbreyting auglýst að
nýju samkvæmt 1.mgr 21.gr. skipulags-og byggingarlaga:
1 Hrunamannahreppur. Íbúðarsvæði, frístundabyggð, iðnaðarsvæði og þéttbýlismörk.
Tillaga að breytingu á Aðalskipulagi Hrunamannahrepps 2003-2015. Í tillögunni felst eftirfarandi:
1. Um 5,6 ha svæði í landi Grafar breytist úr landbúnaðarsvæði í íbúðarsvæði, merkt A13, þar sem gert er
ráð fyrir 50-60 íbúðum.
2. Afmörkun íbúðarsvæðis A9 breytist og stækkar úr 1,5 í 1,7 ha.
3. Íbúðarsvæði merkt A6, Flúðatún, stækkar og nær yfir land Vinaminnis.
4. Iðnaðarsvæði P5, lóð Límtrésverksmiðjunnar, stækkar til suðurs.
5. Um 4 ha svæði úr landi Efra-Sels breytist úr landbúnaðarsvæði í svæði fyrir frístundabyggð.
6. Mörk þéttbýlis stækka um 4 ha til vesturs og suðurs.
Skipulagstillagan liggur frammi á skrifstofu viðkomandi sveitarfélags og hjá embætti skipulagsfulltrúa uppsveita
Árnessýslu og Flóahrepps, Dalbraut 12, Laugarvatni á skrifstofutíma frá 24. júlí til 21. ágúst 2008. Að auki er
hægt að nálgast tillögurnar á vefslóðinni http://www.sveitir.is/skipulagsfulltrui/auglysingar/. Athugasemdum við
skipulagstillöguna skulu berast til skipulagsfulltrúa uppsveita Árnessýslu og Flóahrepps í síðasta lagi 4.
september 2008 og skulu þær vera skriflegar. Hver sá sem ekki gerir athugasemdir við tillöguna innan tilskilins
frests, telst vera samþykkur henni.
Pétur Ingi Haraldsson
Skipulagsfulltrúi uppsveita Árnessýslu og Flóahrepps
Heimsferðir bjóða frábært verð á flugsætum til Parísar 27. júlí og 3.
ágúst. París er ótrúlega spennandi borg, hvort sem þú vilt þræða lista-
söfnin, spranga um í Latínuhverfinu eða njóta lífsins lystisemda sem
þessi einstaka borg býður í ríkum mæli. Úrval gistimöguleika er í boði.
Notaðu tækifærið og bjóddu elskunni þinni til Parísar á frábærum
kjörum eða skrepptu með fjölskylduna í hinn einstaka ævintýraheim
Disney í París.
Skógarhlíð 18 • sími 595 1000 • www.heimsferdir.is
París
Verð kr. 17.900
Flugsæti aðra leið með sköttum.
Netverð á mann.
Verð kr. 34.900
Flugsæti báðar leiðir með
sköttum. Netverð á mann.
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
frá kr. 17.900
27. júlí og 3. ágúst
Mér var falið það verðuga verk-
efni, fyrir hönd SAMAN-hópsins,
að setja niður á blað nokkur skila-
boð til foreldra fyrir þá stóru ferða-
helgi sem í vændum er. Reynsla
okkar hjá Heimili og skóla – lands-
samtökum foreldra er sú að úti í
þjóðfélaginu er stór hluti foreldra
fylgjandi því að halda vel utan um
börnin sín, veita þeim umhyggju,
aðhald og hlýju og að foreldrar
standi saman um mikilvæg upp-
eldisleg skilyrði. Nærvera fullorð-
inna, þar sem unglingar hafa safn-
ast saman, hefur fyrirbyggjandi
áhrif, það eru engin ný sannindi.
Slík nærvera gefur unglingum
einnig tækifæri til að leita aðstoðar
fullorðinna ef á þarf að halda.
Ég tók verkefni mitt alvarlega og
brá á það ráð að leita aðstoðar
tveggja ungmenna. Ég spurði hvort
þau hefðu einhver skilaboð til for-
eldra á takteinum nú þegar styttist í
verslunarmannahelgina.
Ógleymanleg fjölskylduferð
Stella, sem er 19 ára og stundar
nám í framhaldsskóla, hefur ekki
haft áhuga á því að fara ein á útihá-
tíð með vinum sínum. Henni er
aftur á móti minnisstæð ferð sem
hún fór með foreldrum sínum til
Akureyrar um verslunarmanna-
helgina fyrir tveimur árum. For-
eldrum hennar datt í hug að leigja
íbúð á Akureyri þessa helgi og
fimm daga betur. Stella sagði:
„Þetta var ógleymanleg ferð, ég
hitti nokkra vini mína sem ákváðu
að fara á Eina með öllu og rölti í
bæinn með þeim á kvöldin. En hún
var heldur ekkert slæm tilhugsunin
um að eiga uppbúið rúm í íbúðinni
hjá fjölskyldunni. Ég var reyndar
komin heim um miðnætti alla
helgina, langaði hreinlega ekki að
vera lengur.“
Gunni er kominn yfir tvítugt og
stundar nám á háskólastigi. Hann
rifjaði það upp þegar foreldrar
hans bönnuðu honum að fara á
útihátíð þegar hann var 16 ára.
Hann sagðist muna þetta eins og
það hefði gerst í gær. „Við vinirnir
vorum reyndar búnir að undirbúa
þetta í nokkrar vikur en ég hafði
mig ekki í að spyrja fyrr en á mið-
vikudeginum fyrir verslunar-
mannahelgina. Ég byrjaði á að
spyrja mömmu en hún sagði nei,
svo skýrt og ákveðið að mig grun-
aði þá að hún hefði æft þetta stóra
orð fyrir framan spegilinn í marga
daga. Ég hélt áfram og sagði: Já, en
það fá allir að fara, eða eitthvað í
þeim dúr. En allt kom fyrir ekki og
ég vissi að það breytti engu að
spyrja pabba því þau höfðu iðulega
sama svarið á reiðum höndum.
Niðurstaðan varð sú sama hjá okk-
ur þremur vinunum af fjórum en
sá fjórði ákvað að fara ekki þó að
þrýst væri á hann af kunningjum.
Það endaði með því að við vorum
allir í bænum og ég man ekki eftir
því að okkur hafi leiðst þessa helgi
frekar en aðrar á þessum tíma. Ég
hef ekki farið einn á útihátíð með
vinum mínum, hvorki fyrr né síð-
ar, og ég erfi þetta ekki við foreldra
mína í dag. Ég mun aftur á móti
taka þau mér til fyrirmyndar þegar
þar að kemur. Það kann að vera að
þetta hafi verið samantekin ráð hjá
foreldrum okkar allra en ég veit
það ekki og mig hefur svo sem ekk-
ert langað til að vita það. Ég veit
það núna að foreldrum ber að taka
ábyrgð á börnum sínum til 18 ára
aldurs og á þeirri leið er sjálfstraust
og staðfesta gott veganesti.“
Ræðum við börnin
Ég spurði Gunna hvort við vær-
um búin að missa unglingana okk-
ar frá okkur allt of snemma inn í
veruleika sem er okkur foreldrum
hulinn, hvort þeir velkist þar um í
ólgusjó án umhyggju, aðhalds og
eftirlits? „Það er hugsanlegt að það
eigi við um einhverja en við getum
ekki leyft okkur slíka rúllettu.“
Veistu hvað er til ráða? „Ætli það sé
ekki heillavænlegt að við ræðum
við börnin okkar um lífið og til-
veruna, um áhugamál þeirra, um
gildi eins og hamingju, um leik-
gleði, sköpunargleði, tölvuleiki,
traust, nærveru og ábyrgð, um það
sem skiptir þau máli núna, hvað
þau langar til að gera um versl-
unarmannahelgina, um allt milli
himins og jarðar.“
Þetta eru orð að sönnu hjá við-
mælanda mínum og við ættum að
hafa það í huga að við spólum ekki
til baka með þær ákvarðanir sem
við tökum í uppeldinu. Foreldrar,
ábyrgð okkar er mikil, tökum okk-
ur til fyrirmyndar jákvæða reynslu
þeirra sem reynt hafa. Kennum
börnunum að mæta hinu óvænta
og nýta sér það sem þau þekkja
með áhugaverðum og eftirsóknar-
verðum hætti.
Höfundur er framkvæmdastjóri Heimilis
og skóla – landssamtaka foreldra og situr
fyrir hönd samtakanna í SAMAN-hópnum
Verslunarmannahelgin
framundan
UMRÆÐAN aBjörk Einisdóttir
Kennum
börnunum að
mæta hinu
óvænta og
nýta sér það
sem þau
þekkja með
áhugaverðum og eft-
irsóknarverðum hætti.
Útihátíð Nærvera fullorðinna, þar
sem unglingar hafa safnast saman,
hefur fyrirbyggjandi áhrif, það eru
engin ný sannindi.
Eftir að Lissabon-sáttmálinn var
felldur í þjóðaratkvæðagreiðslu á
Írlandi í síðasta mánuði (sama
plaggið og Frakkar og Hollending-
ar felldu árið 2005) hefur verið tek-
ist á um framtíðarþróun Evrópu-
sambandsins. Skiptar skoðanir eru
um sífellt nánari samruna með
auknum áhrifum frá aðildarríkjun-
um til stofnana ESB í Brussel og
eins hvort Evrópusambandið sé
ekki farið að útvíkka starfssvið sitt
meira en ráð var fyrir gert í upp-
hafi.
Hin upphaflega Evrópuhugsjón
gekk ekki út á umsvifamikið
stjórnkerfi sem blandaði sér í nán-
ast öll innri málefni aðildarríkj-
anna. Hugsjónin um Evrópu og
samstarf Evrópuríkjanna gengur út
á að greiða fyrir verslun og við-
skiptum og koma í veg fyrir að
hindranir og höft dragi úr mögu-
leikum og tækifærum einstaklinga
og fyrirtækja.
Nánari samruni felldur
EES-samningurinn felur einmitt
þetta í sér, þ.e. að tryggja fjórfrelsið
og skapa sameiginlegan innri
markað. Þetta hefur skilað öllum
þátttakendum óumdeildum ávinn-
ingi og það var mikið heillaspor
fyrir Ísland að taka þátt.
Aftur á móti virðast sífellt fleiri
íbúar Evrópu setja spurningamerki
við þá stefnu forystu Evrópusam-
bandsins að færa til sín aukin völd
á kostnað aðildarríkjanna í mála-
flokkum sem ekki tengjast beint
viðskiptum eða markaði. Þessi tor-
tryggni íbúanna sést ágætlega í því
að íbúar Írlands, Hollands og
Frakklands hafa nú á þremur árum
fellt hugmyndir sambandsins um
stjórnarskrá og dýpri pólitískan
samruna í þjóðaratkvæða-
greiðslum, en þessar þrjár þjóðir
voru þær einu sem fengið hafa að
kjósa beint um þessar hugmyndir. Í
nýlegri könnun ICM fyrir samtök-
in Global Vision í Bretlandi kom
fram að nærri tveir þriðju að-
spurðra myndu vilja samvinnu við
Evrópusambandið sem byggðist
eingöngu á viðskiptum og verslun.
ESB beitir sér víða
Umræða og ummæli þeirra sem
ráða ferðinni innan Evrópusam-
bandsins eru oft í hróplegu ósam-
ræmi við hugmyndir um laus-
tengdara samband og þá fall-
einkunn sem aukinn samruni hefur
fengið í þjóðaratkvæðagreiðslum.
Nicolas Sarkozy, sem leiðir ráð-
herraráð Evrópusambandsins
næsta hálfa árið, sagði um daginn
að það væri sérstakt áhyggjuefni
hve margir Evrópubúar virtust
horfa til síns þjóðríkis varðandi
vernd og öryggi í daglegu lífi í stað
þess að horfa til Evrópusambands-
ins.
Laszlo Kovacs, yfirmaður skatta-
mála hjá Evrópusambandinu, hef-
ur boðað að gjaldtaka á sígarettur
innan sambandsins verði hækkuð,
mest hjá nýju aðildarþjóðunum
sem gætu búist við allt að 50%
gjaldhækkun á sígarettur. Þetta
verður gert til þess að vinna að
heilbrigðismarkmiðum sambands-
ins og þá hyggst þingmaður á Evr-
ópuþinginu beita sér fyrir löggjöf
um að sígarettur verði bannaðar
árið 2025.
Nýverið ákvað framkvæmda-
stjórn sambandsins að draga ítölsk
stjórnvöld fyrir dómstól vegna þess
að sorphirða í Napólí væri í ólestri.
Í öllum þessum nýlegu dæmum
vaknar spurningin um réttmæti
þess að ESB hafi afskipti af innri
málefnum aðildarríkjanna. En slík
sjónarmið virðast ekki hafa mikið
vægi hjá forystu sambandsins.
Því er stundum haldið fram að
staða Íslands í Evrópusamstarfinu
skaprauni forystu ESB vegna þess
að við njótum kostanna við sam-
starfið en tökum ekki á okkur allar
skyldurnar. Það er ekkert til að hafa
áhyggjur af. Við eigum auðvitað að
byggja á þeirri hugsjón um Evr-
ópusamstarf sem við trúum á en
standa utan við þann hluta hennar
sem er okkur síður að skapi.
Höfundur er framkvæmdastjóri
þingflokks sjálfstæðismanna
Evrópuhugsjónin
og Ísland
UMRÆÐAN aÁrni Helgason
Við eigum
auðvitað að
byggja á
þeirri hug-
sjón um Evr-
ópusamstarf
sem við trú-
um á en standa utan við
þann hluta hennar sem er
okkur síður að skapi.