24 stundir - 14.08.2008, Blaðsíða 26

26 FIMMTUDAGUR 14. ÁGÚST 2008 24stundir
Eftir Einar Jónsson
einarj@24stundir.is
Þingeysk þríþraut verður þreytt að
Laugum í Reykjadal á laugardag.
Keppt verður í heilli og hálfri
ólympískri þríþraut en einnig er
fólki frjálst að taka þátt í ákveðnum
hlutum þrautarinnar. Ólympísk
þríþraut er mikil þolraun en í
henni byrja keppendur á að synda
1500 metra. Því næst hjóla þeir 40
km og hlaupa að lokum 10 km.
Áhugi á íþróttagreininni hefur
vaxið hægt en stöðugt á undan-
förnum árum að sögn Jens Viktors
Kristjánssonar, fyrrverandi for-
manns Þríþrautarfélags Reykjavík-
ur. „Það eru ekki nema fjögur ár
síðan við stofnuðum félagið. Það
eru haldnar um tíu keppnir á ári og
það er alltaf smáaukning í þátt-
töku,“ segir hann.
Járnkarlinn æ vinsælli
„Aðalaukningin sem maður sér
er hjá þeim sem fara til útlanda til
að keppa í iron man. Það er lengsta
og erfiðasta keppnin,“ segir Jens. Í
járnkarlinum (iron man) synda
keppendur tæpa 4 km, hjóla 180
km og hlaupa loks maraþon
(42km). „Það hafði enginn Íslend-
ingur farið í iron man í tíu ár þegar
einn fór 2006. Í fyrra fóru þrjú. Á
þessu ári eru tveir búnir að fara og
það eru fimm á leiðinni,“ segir
Jens. Sjálfur er Jens ekki á leið í
járnkarlinn en lætur sér nægja að
taka þátt í hefðbundnum þríþraut-
arkeppnum öðru hverju.
Hlaupið með þung læri
Jens segir að það sé mikil áskor-
un að taka þátt í þríþraut eins og
öðrum þolíþróttum. „Ef vel gengur
og maður er búinn að æfa vel líður
manni náttúrlega frábærlega á eftir.
Maður er ánægður með sig og
kannski með smá endorfín í
skrokknum,“ segir hann. Mörgum
reynist erfitt að blanda saman þess-
um ólíku íþróttagreinum. „Flest-
um finnst erfitt að hlaupa fyrsta
kílómetrann eftir að hafa hjólað.
Lærin eru dálítið þung en svo venst
þetta,“ segir hann.
Ekkert sem stoppar þá
Margir þeirra sem leggja stund á
þríþraut hér á landi voru áður ein-
göngu í hlaupum. Segja má að þrí-
þrautin hafi aukið möguleika
þeirra til æfinga. „Ef þeir eru eitt-
hvað meiddir eða með smá eymsli í
fótunum eftir hlaupaæfingar þá
fara þeir bara að hjóla eða synda.
Það er svolítið gaman að heyra
hvað þeir eru ánægðir með þetta.
Núna er ekkert sem stoppar þá í að
æfa,“ segir Jens og hlær.
Þó að þríþrautin njóti aukinna
vinsælda hér á landi eru aðstæður
til æfinga misjafnar. „Aðalvanda-
málið er að geta æft þessar þrjár
greinar sómasamlega,“ segir Jens
og bætir við að erfiðast sé að æfa
hjólreiðarnar. „Það er bæði vegna
þess að veðrið er ekki svo skemmti-
legt nema 4-5 mánuði á ári og stíg-
arnir ekkert mjög góðir. En þetta
gengur nú samt allt saman,“ segir
Jens Viktor Kristjánsson að lokum.
Þríþrautin nýtur vaxandi vinsælda á Íslandi
Þríþætt þolraun
Áhugi á þríþraut vex
hægt en stöðugt hér á
landi en í henni þurfa
keppendur að synda,
hjóla og hlaupa langar
vegalengdir. Æ fleiri Ís-
lendingar taka þátt í járn-
karlinum sem er lengsta
og erfiðasta þríþrautin.
Úr einu í annað Í þríþraut þurfa keppendur
að byrja á því að synda tiltekna vegalengd,
því næst hjóla þeir og enda á hlaupi.
➤ Þingeysk þríþraut verðurþreytt í sjöunda skipti að
Laugum í Reykjadal á laug-
ardag og hefst keppni kl. 10.
➤ Fyrr í sumar fór keppni í hálf-járnkarlskeppni (iron man)
fram í Hafnarfirði. Þar voru
syntir 1900 m, hjólaðir 90 km
og að lokum hlaupið hálft
maraþon.
➤ Á veturna hafa verið þreyttarþríþrautir innanhúss þar sem
notast er við hlaupabretti og
æfingahjól.
ÞRÍÞRAUT
24stundir/Jón Atli Eðvarðsson
Hlauparar á öllum aldri búa sig
undir Reykjavíkurmaraþonið um
þessar mundir en það verður þreytt
laugardaginn 23. ágúst næstkom-
andi. Forskráningu lýkur að
morgni fimmtudagsins 21. ágúst.
Þeir sem ekki hafa skráð sig fyrir
þann tíma hafa einnig tækifæri til
að skrá sig í Laugardalshöll daginn
fyrir hlaup. Keppnisgögn verða af-
hent sama dag. Þá verður keppend-
um boðið í pastaveislu.
Sama dag og Reykjavíkurmara-
þon verður þreytt fer fram Lata-
bæjarhlaup á svæðinu fyrir framan
Háskóla Íslands. Latabæjarhlaupið
er 1 km að lengd og er ætlað börn-
um 9 ára og yngri. Foreldrar og
forráðamenn geta hlaupið með
börnunum. Þátttökugjald í Lata-
bæjarhlaupinu er 800 kr. og rennur
það óskipt til Barnahjálpar Sam-
einuðu þjóðanna (UNICEF).
ej
Reykvíkingar á hlaupaskónum
Styttist í maraþon
Það er mikilvægt að þeir sem
ætla að taka þátt í Reykjavíkur-
maraþoni séu vel undir átökin bú-
in hvort sem þeir hyggjast hlaupa
skemmri eða lengri vegalend.
Góður svefn
Það er ekki aðeins mikilvægt að
fá góðan svefn nóttina fyrir
hlaupadag heldur verða menn að fá
góðan nætursvefn nokkrar nætur á
undan.
Matur og drykkur
Hlauparar þurfa að gæta að því
hvað þeir borða og drekka síðustu
dagana fyrir hlaup. Kolvetnaríkur
og fitusnaður matur ætti að vera á
matseðlinum og nóg af vatni.
Líkaminn hitaður upp
Ekki má gleyma að hita upp með
nokkrum einföldum æfingum í
nokkrar mínútur áður en hlaupið
er af stað. Þá verða menn miklu
betur undir átökin búnir.
Búnaðurinn tekinn til
Kvöldið áður en hlaupið fer
fram er gott að ganga úr skugga um
að maður hafi allt sem til þarf svo
sem góða hlaupaskó, fatnað við
hæfi og rásnúmer.
ej
Búin undir hlaupið
LÍFSSTÍLL
lifsstill@24stundir.is a
Ef vel gengur og maður er búinn að æfa vel líður manni
náttúrlega frábærlega á eftir. Maður er ánægður með sig
og kannski með smá endorfín í skrokknum.
heilsa