Morgunblaðið - 10.01.2005, Blaðsíða 7

MORGUNBLAÐIÐ MÁNUDAGUR 10. JANÚAR 2005 7
FRÉTTIR
ATVINNULÍFIÐ á Þórshöfn er
komið á fljúgandi ferð eftir
jólafríið og í Hraðfrystistöðinni
hófst loðnufrysting aðfaranótt
laugardags þegar fjölveiðiskipið
Þorsteinn kom að landi með um
500 tonn af loðnu.
Loðnan var öll flokkuð og fryst
en hún var að sögn verkstjóra
mjög falleg og fersk. Hún veidd-
ist á Rifsbanka en þaðan er um
sex tíma stím á Þórshöfn. Unnið
var á tólf tíma vöktum í HÞ við
frystinguna en um tuttugu manns
eru jafnan á vakt og einnig var
fryst um borð í Þorsteini. Í gær,
sunnudag, var frystu afurðunum
svo skipað í flutningaskip.
Þorsteinn hélt aftur á veiðar í
gærkveldi og von er á Júpíter af
miðunum innan tíðar svo vænt-
anlega eru uppgrip framundan
hjá starfsfólki HÞ og engin
ástæða til annars en að bera sig
vel eins og konan á myndinni til
hægri.
Morgunblaðið/Líney Sigurðardóttir
Atvinnulífið á
fljúgandi ferð
Þórshöfn. Morgunblaðið.
ÓSKAÐ er eftir sjálfboðaliðum til
að safna í bauka vegna landssöfn-
unar til styrktar þeim sem þjást
vegna hamfaraflóðanna í Asíu.
Söfnunin hefst á morgun, þriðju-
dag. Samstarfshópur ein-
staklinga, fyrirtækja og fjölmiðla
stendur að söfnuninni ásamt
fimm mannúðarsamtökum á Ís-
landi. Söfnuninni lýkur laug-
ardaginn 15. janúar með sameig-
inlegri útsendingu allra
sjónvarpsstöðvanna.
Safnað verður föstudaginn 14.
janúar frá kl. 14–18 og laug-
ardaginn 15. janúar frá kl. 12–18.
Til að safna í Kringlunni geta
sjálfboðaliðar skráð sig í síma
545 0408 eða 545 0400, í Smára-
lind er skráning í síma 554 6626
og á Glerártorgi á Akureyri er
skráning í síma 461 2374.
Í fréttatilkynningu frá SOS-
barnaþorpum, sem eru meðal
þeirra samtaka sem standa að
söfnuninni, eru sjálfboðaliðar
beðnir að hafa með skilríki þegar
þeir fara að safna.
Óskað eftir
sjálfboðaliðum
ÞORSTEINN Ásmundsson, fram-
kvæmdastjóri Leikfélags Reykja-
víkur, segir að samstarfssamningur
Borgarleikhússins og KB banka,
sem undirritaður var sl. föstudag,
feli m.a. í sér að viðskiptavinir
bankans fái afslátt á sýningar á Hí-
býlum vindanna í febrúar og á
áskriftarkortum í leikhúsið. Þá
verður sérstök sýning fyrir starfs-
fólk bankans.
Hann segir samninginn marka
tímamót og að framlag KB banka
til leikhússins sé myndarlegt.
Myndarlegt
framlag til
leikhússins
MIKIÐ tjón varð í tveimur íbúð-
um í fjölbýlishúsi í Grundarfirði í
fyrrinótt, en talið er að frost hafi
sprengt vatnskrana á annarri
hæð með þeim afleiðingum að
vatn flæddi um allt.
Lekinn uppgötvaðist þegar íbúi
á neðri hæð kom heim, og var þá
5–10 sm djúpt vatn á öllum gólf-
um, en íbúar á efri hæð hafa ver-
ið erlendis síðustu vikur, að sögn
Lögreglunnar í Ólafsvík.
Slökkvilið skrúfaði fyrir vatnið
og þurrkaði upp. Að sögn lög-
reglu eru öll gólfefni ónýt, og
þurfti að rífa parket af efri hæð-
inni til að stöðva leka niður á
fyrstu hæðina. Einnig varð veru-
legt tjón á innanstokksmunum og
innréttingum.
Mikið tjón
vegna vatnsleka
Flex-T
vinnustöðvar
30%
TTT
auglýsingastofa/Ljósm
.S
S
J
Skrifstofuhúsgögn
á frábæruverði!
Flex-T vinnustöðvar (180x180cm)
frá Kr.46.270
Bæjarlind 8-10 • Sími 510 7300 • www.ag.isHeildarlausnir í skrifstofuhúsgögnum
Mark30 skrifstofustólar
Kr.40.900
kynningarafsláttur
Flex-T er ný lína vinnustöðva
sem Guðrún Margrét Ólafsdóttir
og Oddgeir Þórðarson hafa hannað.
Vinnustöðvarnar eru með þægilegri
handvirkri hæðarstillingu, 0-20 cm
en fást einnig með rafknúinni, stig-
lausri hæðarstillingu þannig að ýmist
er hægt að sitja eða standa við vinnu.
Nú býðst Flex-T á sérstöku kynning-
artilboði.
Hæðarstilling á baki
Pumpa til að stilla
stuðning við mjóhrygg
Hæðarstillanlegir
armar
Hallastilling á baki
Sleði til að færa setu
fram og aftur
Mjúk hjól
Hæðarstilling á
setu og baki
Hægt er að stilla stífleika setu
og baks eftir þyngd notanda
Veltustilling á setu og baki
Mark er glæsileg lína skrifstofustóla
fyrir vinnustaði og heimili. Hönnuður
stólanna er Pétur B. Lúthersson.
Hægt er að velja um fjölda lita á
áklæði. Nú bjóðum við þessa stóla
á frábæru verði.