Morgunblaðið - 21.03.2005, Blaðsíða 8

KNATTSPYRNA
8 B MÁNUDAGUR 21. MARS 2005 MORGUNBLAÐIÐ
ÍRSKI landsliðsmaðurinn Robbie
Keane tryggði Tottenham 2:1 sigur
gegn Manchester City aðeins fjór-
um mínútum eftir að hann hafði
komið inná sem varamaður á 80.
mínútu.
Keane hefur ekki verið ánægður
með það hlutskipti að vera á vara-
mannabekk liðsins og svaraði hann
fyrir sig með því að skora sig-
urmarkið. Þetta var fyrsti leikurinn
sem Stuart Pearce stjórnaði Man-
chester City eftir að Kevin Keegan
hætti störfum í síðustu viku. Jerma-
in Defoe kom Tottenham yfir á 14.
mínútu en Claudio Reyna jafnaði
fyrir Man. City undir lok fyrri hálf-
leiks.
Joey Barton leikmaður Man. City
fór alblóðugur af velli eftir að hafa
lent í rimmu við leikmann Totten-
ham rétta áður en Keane skoraði
sigurmarkið. Taldi Barton að hann
hefði fengið olnbogaskot í höfuðið
og því hefði ekki átt að dæma
markið löglegt. Tottenham hafði
ekki skorað í síðustu þremur leikj-
um liðsins sem töpuðust allir.
Stuart Pearce vildi ekki gera
mikið úr atvikinu og taldi þetta
vera hluta af leiknum enda var
hann einn harðasti varnarmaðurinn
í ensku knattspyrnunni í mörg ár.
„Svona lagað getur gerst í leikjum.
En ég held að Tottenham hafi ekki
hagnast á þessu, við áttum að gera
betur,“ sagði Pearce, sem stjórnar
Man. City út leiktíðina.
Írski landsliðsmaðurinn
Keane svaraði fyrir sig

TOTTENHAM hefur borið víurn-
ar í tékkneska landsliðsmanninn
Tomas Rosicky sem leikur með
þýska liðinu Dortmund. Forráða-
menn Dortmund upplýstu í gær að
Tottenham hefði spurst fyrir um
Rociky sem er 24 ára miðjumaður.
Samningur hans við Dortmund
rennur út árið 2008 en félagið er
skuldum vafið og neyðist til að selja
leikmenn í sumar.

BAYERN München hefur rætt við
Chelsea um hugsanleg kaup á þýska
varnarmanninum Robert Huth.
Bæjarar bíða eftir svörum frá
Chelsea en Huth, sem er 20 ára, var
fyrir helgi valinn í þýska landsliðs-
hópinn sem mætir Slóvenum í vin-
áttuleik um næstu helgi.

CRAIG Bellamy skoraði öll þrjú
mörk Celtic þegar liðið lagði botnlið
Dundee Utd 3:0 í í skosku úrvals-
deildinni í knattspyrnu. Með sigrin-
um skaust Celtic á topp deildarinn-
ar. Celtic hefur 77 stig en
erkifjendur þeirra í Rangers hafa
75. Hibernian er svo í þriðja sætinu
með 50 stig.

RANGERS varð skoskur deilda-
bikarmeistari í 24. sinn í gær þegar
liðið burstaði Motherwell, 5:1, á
Hampden Park. Sotirios Kyrgiakos
skoraði tvö marka Rangers og þeir
Maurice Ross, Fernando Ricksen og
Nacho Novo gerðu sitt markið hver.

SOUTHAMPTON komst úr fall-
sæti með góðum útisigri á Middles-
brough í gær. Hinn hávaxni fram-
herji Southampton, Peter Crouch,
reyndist hetja sinna manna en hann
skoraði tvö mörk um miðjan seinni
hálfleik og innsiglaði sigur South-
ampton. Southampton er í fjórða
neðsta sæti með 27 stig, stigi á und-
an Crystal Palace.

SVEN Göran Eriksson, landslið-
seinvaldur Englendinga, vill að Paul
Scholes, Manchester United, endur-
skoði afstöðu sína og gefi kost á sér í
landsliðið á nýjan leik. ,,Við þurfum
á leikmanni eins og Scholes að halda
og vonandi skiptir hann um skoðun,“
sagði Eriksson. Scholes, sem á að
baki 66 landsleiki, ákvað að segja
skilið við enska landsliðið eftir Evr-
ópukeppnina í Portúgal á síðasta
ári.

THOMAS Sörensen, markvörður
Aston Villa, var enn og aftur í aðal-
hlutverki í grannaslag gegn Birm-
ingham en hann fékk á sig klaufa-
legt mark á 52. mínútu þar sem
Emile Heskey kom Birmingham yf-
ir en Julian Gray bætti við öðru
marki og tryggði Birmingham sigur.
Danski landsliðsmarkvörðurinn fékk
á sig klaufalegt mark á Villa Park í
fyrri leik liðana þar sem Birming-
ham hafði betur, 2:1, en Aston Villa
hefur enn ekki náð að leggja Birm-
ingham í ensku úrvalsdeildinni á
þeim þremur árum sem Birming-
ham hefur verið í efstu deild.
FÓLK
Finnski landsliðsmaðurinn Aki Ri-ihilahti hélt Eiði Smára Guð-
johnsen og félögum hans við efnið er
hann jafnaði metin á 42. mínútu en
Eiður Smári lagði upp annað mark
Chelsea sem Joe Cole skoraði í síðari
hálfleik.
Mateja Kezman lék síðasta kort-
erið í leiknum en hann kom inn á fyr-
ir Eið Smára og þakkaði Kezman
fyrir sig með því að skora tvö mörk.
Chelsea hefur nú sigrað í 12 leikjum
á heimavelli en liðið á eftir fjóra
heimaleiki í deildinni og fátt virðist
ætla að koma í veg fyrir að það verði
enskur meistari.
Útlitið er hins vegar verra hjá Pal-
ace sem er enn að berjast við fall-
drauginn.
Arjen Robben kom inn á sem
varamaður í liði Chelsea á 73. mínútu
eftir fótbrot sem hélt honum utan við
liðið í sex vikur.
Joe Cole virðist hafa hafa fest sig í
sessi í liði Chelsea í fjarveru Arjen
Robben en hann var gagnrýndur af
Jose Mourinho, knattspyrnustjóra
liðsins, fyrr í vetur fyrir að sýna á sér
tvær mismunandi hliðar í leikjum
liðsins.
„Ég er svo spenntur að fá að leika
næsta leik að ég kíki reglulega á dag-
skrá liðsins og fer að spá fyrir um
framhaldið ef okkur tekst að vinna
næstu leiki. En ég geri mér einnig
grein fyrir því að leiðin að titlinum er
mörg skref og næsta skref er aðeins
næsti leikur,“ sagði Cole en Chelsea
þarf líklega aðeins að ná í 14 stig til
viðbótar í átta síðustu umferðum
deildarkeppninnar til þess að
tryggja sér sigur í deildinni.
Ef liðið sigrar Southampton,
Birmingham City, Arsenal og Ful-
ham gæti félagið fagnaði sigri í deild-
inni gegn Bolton þann 30. apríl eða
gegn Charlton viku síðar. Að því
gefnu að Manchester United sigri
einnig í sínum leikjum á sama tíma-
bili.
„Ég veit ekki hvort ég er á hátindi
ferilsins, en ég hef allavega ekki haft
eins gaman af því að spila fótbolta.
Það gengur vel hjá liðinu og ég hef
fengið tækifæri á sama tíma. Þetta
getur ekki verið betra,“ bætti Cole
við.
Ferguson ekki sáttur
Manchester United var stálheppið
að fá ekki á sig mark undir lok leiks-
ins gegn Fulham á Old Trafford í
stöðunni 1:0 þar sem Andy Cole,
fyrrum framherji Manchester Unit-
ed, skaut að marki af stuttu færi en
Tim Howard, markvörður liðsins,
varði með hælnum. Portúgalski
landsliðsmaðurinn Cristiano Ron-
aldo skoraði eina mark leiksins með
glæsilegum hætti, þrumaði knettin-
um í markið af löngu færi, en hann
sýndi snilldartakta í leiknum og hef-
ur skorað 8 mörk á leiktíðinni.
Manchester United hefur líklega
aðeins að öðru sæti deildarinnar að
keppa þar sem Chelsea er enn með
11 stiga forskot, en annað sætið gef-
ur rétt til þess að leika í riðlakeppni
Meistaradeildar Evrópu.
Sir Alex Ferguson sá lið sitt leika
19. leikinn í röð í deildinni án þess að
tapa, sem þykir góður árangur að
öllu jöfnu, en er ekki eins áberandi
þar sem yfirburðir Chelsea eru mikl-
ir þegar 8 umferðir eru eftir.
Ferguson var ekki sáttur við leik
sinna manna og varaði leikmenn liðs-
ins við því að breytingar væru í
vændum fyrir undanúrslitaleikinn í
bikarkeppninni gegn Newcastle
þann 17. apríl.
„Það skortir vilja til þess að ganga
frá andstæðingum okkar. Það var
nánast broslegt að horfa á okkur í
dag, þetta var eins og slakur farsi,“
sagði Skotinn. „Þetta er félag sem á
að vera í fremstu röð og við munum
að sjálfsögðu halda áfram að reyna
að gera eins vel og við getum. En
menn geta ekki leyft sér að leika eins
og þeir gerðu gegn Fulham,“ bætti
hann við og hrósaði aðeins einum
leikmanni, markaskoraranum Ron-
aldo.
Persie úr skammarkróknum
Hollenski framherjinn Robin van
Persie tryggði Arsenal 1:0 sigur á
Ewood Park í Blackburn á laugar-
daginn en Arsene Wenger, knatt-
spyrnustjóri ensku meistaranna,
segir að Van Persie þurfi að bæta
leik sinn töluvert og hefur greinilega
ekki fyrirgefið honum að láta reka
sig út af í síðasta mánuði gegn
Southampton þar sem Arsenal náði
aðeins einu stigi.
Van Persie fékk tækifæri í byrj-
unarliðinu rétt fyrir leik þar sem Sví-
inn Freddie Ljungberg var ekki leik-
fær eftir að hafa hitað upp auk þess
sem margir af reyndari leikmönnum
liðsins eru meiddir.
„Markið sem Van Persie skoraði
bætir að vissu leyti upp mistökin
sem hann gerði gegn Southampton.
Ég hef að sjálfsögðu fyrirgefið hon-
um að hann lét reka sig út af, það er
eðli ungra leikmanna að gera mistök,
en stigin tvö eru engu að síður glöt-
uð. En ég er ánægður með að við
skyldum vinna, með lið sem var nán-
ast eins og 21 árs lið. Þeir léku vel
saman og sýndu að þeir geta gert
ýmislegt á góðum degi,“ sagði Wen-
ger.
„Þetta var góður dagur fyrir mig,
sérstaklega eftir mistökin sem ég
gerði gegn Southampton. Ég átti
erfitt uppdráttar eftir þann leik en
sá atburður er liðinn og ekkert sem
ég get gert til þess að breyta því,“
sagði Van Persie.
Chelsea getur tryggt sér titilinn hinn 30. apríl gegn Bolton
Kezman
nýtti sér
tækifærið
ENSKI landsliðsmaðurinn Frank Lampard kom Chelsea á bragðið
með glæsilegu marki gegn Crystal Palace í ensku úrvalsdeildinni í
knattspyrnu á laugardaginn og efsta lið deildarinnar sýndi enga
miskunn í 4:1 sigri liðsins og færist enn nær því markmiði að landa
enska meistaratitlinum í fyrsta sinn í hálfa öld. Þetta var 11. mark
Lampard á leiktíðinni. Staða efstu liða í deildinni breyttist ekkert
þar sem Manchester United og Arsenal sigruðu einnig í sínum leikj-
um – með minnsta mun.
■ Úrslit/B10
■ Staðan/B10
AC Milan og Juventus munu heyja
mikið einvígi um ítalska meist-
aratitilinn nú á vormánuðum.
Bæði lögðu þau andstæðinga sína
og eru efst og jöfn með 66 stig, 16
stigum á undan Inter sem er í
þriðja sætinu.
Meistarar AC Milan lögðu í
gærkvöld Roma á útivelli, 2:0.
Hernan Crespo skoraði fyrra
markið með skalla á 64. mínútu
og skömmu síðar bætti Andrea
Pirlo við öðru marki úr víta-
spyrnu sem dæmd var á Christian
Pannucci fyrir að verja knöttinn
með hendi á marklínu. Pannucci
var í kjölfarið vikið af leikvelli og
sömu leið fór Francesco Totti,
fyrirliði Rómverja, þegar hann
fékk að líta sitt annað gula spjald
á lokamínútu leiksins.
Juventus marði Reggina, 1:0,
og skoraði Alessandro Del Piero
sigurmarkið um miðjan seinni
hálfleik.
Inter bar sigurorð af Sam-
pdoria, 3:2, en sá sigur gæti
reynst dýrkeyptur því brasilíski
sóknarmaðurinn Adriano haltraði
af leikvelli og óttast forráðamenn
Inter að hann verði frá næstu 3-4
vikur. Adriano skoraði þrennu
þegar hann tryggði Inter sig-
urinn á Porto í Meistaradeildinni
á dögunum en hann gæti misst af
leikjunum gegn AC Milan í und-
anúrslitunum reynist hnémeiðslin
alvarleg.
AC Milan og Juventus
heyja harða baráttu
DIDIER Drogba, framherji
Chelsea, hefur beðið sænska dóm-
arann Anders Frisk opinberlega
afsökunar og beðið hann að end-
urskoða ákvörðun sína um að
hætta dómarastörfum. Frisk til-
kynnti í síðustu viku að hann væri
hættur störfum í kjölfar síend-
urtekinna morðhótana. Hann
dæmdi fyrri leik Börsunga og
Chelsea í Meistaradeildinni og rak
Drogba af leikvelli. Gagnrýndi
Drogba Frisk harðlega eftir leik-
inn.
„Ég vil biðja herra Frisk afsök-
unar ef ég hef haft einhver áhrif á
að hann hætti.
Ég vona svo innilega að honum
snúist hugur enda þarf fótboltinn
á svona frábærum dómara að
halda,“ sagði Drogba í viðtali við
frönsku sjónvarpsstöðina TF1 um
helgina.
,,Öllum verða á mistök. Dóm-
arar eru mennskir eins og við
leikmenn og við verðum að við-
urkenna það,“ sagði Drogba.
Starfsfélagar Frisk víðs vegar
um heiminn, leikmenn og þjálf-
arar, hafa líkt og Drogba hvatt
hann til að snúa aftur á völlinn en
Svíinn segist standa við ákvörðun
sína.
Ætlar ekki að snúa til baka
„Ég hef hugsað um þetta vel og
vandlega og hef komist að sömu
niðurstöðu og áður. Ég er hættur
og ætla ekki að snúa til baka,“
segir hinn 42 ára gamli Frisk, sem
margir hafa sagt vera annan besta
dómara í heimi á eftir Ítalanum
Pierlugi Collina.
Drogba
biður Frisk
afsökunar