Morgunblaðið - 21.03.2005, Blaðsíða 9

KNATTSPYRNA
MORGUNBLAÐIÐ MÁNUDAGUR 21. MARS 2005 B 9
BARCELONA gefur ekkert eftir í
baráttunni um spænska meist-
aratitilinn. Börsungar höfðu betur
gegn Deportivo La Coruna, 1:0, á
laugardagskvöldið og náðu 14
stiga forskoti á Real Madrid í efsta
sæti. Madringum tókst að minnka
forskotið niður í 11 stig í gær-
kvöld þegar þeir lögðu Malaga,
1:0.
Roberto Carlos skoraði sig-
urmark Real Madrid með þrumu-
fleyg af 25 metra færi í síðari
hálfleik en fyrir leikinn hafði Real
Madrid aðeins innbyrt fjögur stig í
síðustu fimm leikjum sínum.
Börsungar stigu stórt skref í átt
að meistaratitlinum með sigri
gegn Deportivo. Luduvic Giuly
skoraði sigurmarkið á 10. mínútu,
hans sjötta mark á leiktíðinni.
Barcelona lék manni færra mest-
allan síðari hálfleikinn eftir að
Rafa Marques var vikið af velli en
tókst að halda fengnum hlut.
Spánarmeistarar Valencia eru í
fimmta sæti og eiga enn mögu-
leika á Evrópusæti eftir 3:1 sigur
á nýliðum Getafe. Francisco Ruf-
ete, Marco Di Vaio og Mista gerðu
mörkin fyrir meistarana.
Spútniklið Villareal lék ekki í
deildinni þar sem liðið lék síðari
leik sinn við rúmenska liðið Steua
í UEFA-keppinni. Villareal hafði
betur, 2:0, er komið í 8-liða úrslit
þar sem það mætir Alkmaar frá
Hollandi.
Börsungar með
ellefu stiga forskot

BRYNJAR Björn Gunnarsson og
Heiðar Helguson léku báðir allan
leikinn fyrir Watford sem tapaði á
heimavelli fyrir Preston, 2:0, í ensku
1. deildinni í knattspyrnu. Heiðar
var nokkrum sinnum aðgangsharður
uppi við mark Preston en tókst ekki
að skora frekar en félögum hans.

BJARNI Guðjónsson var í byrj-
unarliði Plymouth sem tapaði á út-
velli fyrir Millwall í gær, 3:0. Bjarna
var skipt út af á 66. mínútu.

ÞÓRÐUR Guðjónsson og Tryggvi
Guðmundsson voru ekki í leik-
mannahópi Stoke frekar en fyrri
daginn þegar liðið gerði 1:1 jafntefli
við Úlfana á útivelli. Gifton Noel
Williams skoraði fyrir Stoke í fyrri
hálfleik en þegar komið var fram yf-
ir venjulegan leiktíma jafnaði Carl
Cort metin fyrir Wolves. Stoke er í
10. sæti og er í harðri baráttu um að
komast í aukakeppni um laust sæti í
úrvalsdeildinni.

ÓLAFUR Ingi Skúlason er kom-
inn á ferðina aftur eftir langvarandi
meiðsli. Ólafur lék með varaliði Ars-
enal gegn Portsmouth á laugardag-
inn þar sem Arsenal vann stórsigur,
4:1.

KJARTAN Henry Finnbogason
skoraði sigurmark undir19 ára liðs
Celtic sem sigraði Aberdeen, 3:2, í
gær. Þetta var þriðja mark Kjartans
í fjórum leikjum en hann og Theo-
dór Elmar Bjarnason léku allan
leikinn fyrir Celtic. Aberdeen var
2:0 yfir í hálfleik en Celtic skoraði
þrjú í seinni hálfleik og tryggði sér
sigurinn.

HJÁLMAR Þórarinsson var ekki í
leikmannahópi Hearts í 3:1 sigri
liðsins á Livingstone í skosku úr-
valsdeildinni í knattspyrnu um
helgina. Þórarinn Kristjánsson var
heldur ekki í leikmannahópi Aber-
deen sem gerði 1:1 jafntefli við Dun-
dee.

GRÉTAR Rafn Steinsson kom
ekkert við sögu í liði Young Boys
sem tapaði á heimavelli fyrir St.
Gallen, 3:2, í svissnesku 1. deildinni í
knattspyrnu.

MARGRÉT Lára Viðarsdóttir
skoraði bæði mörk Íslandsmeistara
Vals þegar liðið lagði FC Göteborg,
2:0, í æfingaleik í Svíþjóð í gær.

HANNES Sigurðsson skoraði
fyrra mark norska liðsins Viking í
æfingaleik gegn Kongsvinger í gær
en Viking sigraði 2:1. Hannes skor-
aði beint úr aukaspyrnu af um 20
metra færi þar sem knötturinn fór í
varnarmann og í markið. Hannes
átti nokkur góð færi í leiknum sem
hann nýtti ekki.

JÓHANN B. Guðmundsson skor-
aði eitt marka sænska liðsins Ör-
gryte sem sigraði Frölunda, 4:1, í
æfingaleik í gær. Jóhann lék allan
leikinn og eftir því fram kemur á
heimasíðu félagsins var hann mjög
líflegur í framlínu liðsins.
FÓLK
Geoff Horsfield kom WBA yfir íleiknum en Jonatan Johansson
jafnaði fyrir Charlton.
Varnarmaður Charlton, Talal El
Karkouri, var rekinn af velli í fyrri
hálfleik fyrir tveggja fóta tæklingu á
30. mínútu og áttu heimamenn á
brattann að sækja eftir það.
Robson sendi welska landsliðs-
manninn, Earnshaw, inn á völlinn á
64. mínútu og hinn 23 ára gamli
framherji skoraði þrjú síðustu mörk
leiksins, og það síðasta úr vítaspyrnu
á 90. mínútu. Þetta er fyrsti útisigur
WBA á leiktíðinni og fögnuðu 4.500
stuðningsmenn WBA gríðarlega í
leikslok en félagið hafði boðið þeim
að ferðast án kostnaðar á leikinn frá
Birmingham.
„Earnshaw er einn sá besti sem
getur komið inná sem varamaður.
Hann er kvikur og snöggur, og nýtir
færin sín vel. Hann veit að hans hlut-
verk er að koma inná og gera usla í
vörn andstæðingana. Það gekk allt
upp hjá okkur í dag,“ sagði Robson
en hann taldi að þegar hann var upp
á sitt besta hefði Karkouri ekki feng-
ið rautt spjald fyrir brotið. „Þetta
var kannski gult spjald í þá daga en
ekki rautt,“ sagði Robson en liðið
hefur nú sigrað í tveimur af síðustu
þremur leikjum sínum í deildinni.
„Það eru átta leikir eftir og það er
undir okkur komið að bjarga okkur
frá falli. Við getum séð um þetta
sjálfir enn sem komið er,“ sagði Rob-
son.
Charlton fékk skell
ÓVÆNTUSTU úrslit helgarinnar í ensku úrvalsdeildinni voru án
efa 4:1 sigur WBA gegn Charlton á útivelli en þar skoraði vara-
maðurinn Robert Earnshaw þrennu fyrir WBA í síðari hálfleik.
Hermann Hreiðarsson var í vörn Charlton að venju. Bryan Rob-
son knattspyrnustjóri WBA hrósaði Earnshaw í hástert eftir
leikinn og telur að WBA eigi enn möguleika á að halda sæti sínu
í deildinni.
LOKEREN gerði markalaust
jafntefli við topplið Club
Brügge í belgísku 1. deildinni í
knattspyrnu á laugardags-
kvöldið. Rúnar Kristinsson,
Arnar Þór Viðarsson og Arnar
Grétarsson voru allir í liði
Lokeren og þótti Rúnar skara
fram úr í liðinu í leiknum.
Þetta var fyrsti leikurinn frá
því 16. janúar 2003 sem Club
Brügge tekst ekki að skora í
deildinni en leikmönnum liðs-
ins tókst ekki að finna glufur á
sterkri vörn gestanna. Loker-
en skoraði reyndar mark sem
Carlos skoraði á lokamínútu
leiksins eftir sendingu frá
Rúnari en markið var dæmt af
vegna rangstöðu og var sá
dómur mjög umdeildur.
Lokeren hélt
jöfnu gegn
toppliðinu
BAYERN MÜNCHEN end-
urheimti toppsætið í þýsku 1.
deildinni í knattspyrnu. Bæj-
arar báru sigurorð af Hansa
Rostock, 3:1, en aðal-
keppinautarnir í Schalke biðu
2:1 ósigur gegn Mainz. Bæði
lið hafa 53 stig en markatala
Bayern er betri. Lucio, Sebast-
ian Schweinsteiger og Michael
Ballack gerðu mörkin fyrir
Bayern eftir að Möhrle hafði
náð forystunni fyrir Rostock.
Schalke hafði undirtökin gegn
Mainz en tókst ekki að nýta
mörg góð færi.
Bayern
aftur á
toppinn
Liverpool hafði betur í grannas-lagnum gegn Everton í ensku úr-
valsdeildinni í gær, 2:1, en það gekk
mikið á í leiknum þar sem Liverpool
skipti inn á þremur varamönnum í
fyrri hálfleik vegna meiðsla og Milan
Baros var síðan sendur af velli í síðari
hálfleik vegna brots.
Steven Gerrard kom Liverpool yfir
með marki úr aukaspyrnu á 27. mín-
útu og Spánverjinn
Sanz Luis Garcia bætti við marki á
32. mínútu. Tim Cahill minnkaði mun-
inn á 82. mínútu. Liverpool er í
fimmta sæti með 47 stig en Everton
er sem fyrr í fjórða sæti með 51 stig.
Steven Gerrard, fyrirliði Liverpool,
sagði að leikmenn liðsins hefðu barist
eins og ljón í 201. grannaslagnum
gegn Everton.
„Leikurinn hefði getað verið auð-
veldari fyrir okkur ef Milan Baros
hefði nýtt eitthvað af færum sínum í
leiknum en því miður fór boltinn ekki
í markið hjá honum og hann var síðar
sendur af leikvelli. En varnarleikur
okkar hélt velli og við börðumst eins
og ljón. Það var margt skrýtið við
leikinn, við misstum þrjá leikmenn
vegna meiðsla í fyrri hálfleik, Fern-
ando Morientes, Dietmar Hamann og
Stephen Warnock. En við þjöppuðum
okkur saman og náðum að landa góð-
um sigri. Að mínu mati höfðum við
mikla yfirburði, allt þar til að Baros
var sendur út af,“ sagði Gerrard sem
skoraði 10. mark sitt á leiktíðinni
Rafael Benítez, knattspyrnustjóri
Liverpool, var ánægður með sigurinn.
„Stuðningsmenn og leikmenn liðsins
áttu þetta skilið. Þetta var frábær sig-
ur. Við vissum að það var mikilvægt
að ná þremur stigum og að sigra fyrir
framan stuðningsmenn liðsins á
heimavelli. Og við höfum sett pressu á
Everton-liðið og við munum halda því
áfram út leiktíðina.
David Moyes, knattspyrnustjóri
Everton, var ósáttur við að dómari
leiksins skyldi ekki bæta nema þrem-
ur mínútum við leiktímann.
En hann var sammála því að Liver-
pool hefði verið betra liðið í fyrri hálf-
leik og lagt grunninn að sigri liðsins á
þeim tíma. „En við áttum möguleika á
að jafna undir lokin og það var ótrú-
lega litlum tíma bætt við leiktímann,
þrátt fyrir að að leikurinn hafi verið
stöðvaður í síðari hálfleik,“ sagði Mo-
yes.
Leikmenn Liverpool
anda í hálsmál Everton
AP
Steven Gerrard, fyrirliði Liverpool, skorar fyrra mark sinna manna beint úr aukaspyrnu gegn erki-
fjendunum í Everton á Anfield í gær þar sem Liverpool fagnaði sigri, 2:1.