Morgunblaðið - 15.04.2005, Side 10

10 B FÖSTUDAGUR 15. APRÍL 2005 MORGUNBLAÐIÐ
bílar
TOYOTA-verksmiðjurnar veðja stíft á fram-
leiðslu og markaðssetningu tvinnbíla, bíla sem
ganga bæði fyrir rafmagni og hefðbundinni bens-
ínvél, og talið er að þetta sé ein mesta áhætta
sem nokkur bílaframleiðandi hafi tekið að því er
fram kemur í bílafréttablaðinu Automotive
News. Forstjóri Toyota, Fuijo Cho, hefur sagt að
fyrirtækið stefni að því að selja eina milljón
tvinnbíla innan fárra ára.
Þetta markmið Toyota er meira en þreföldun á
sölu fyrirtækisins á þessum sérstöku bílum á
þessu ári. Aðrir bílaframleiðendur hafa veigrað
sér við að fara í slíkt veðmál þar sem þeir óttast
mjög háan kostnað við þróun og undirbúning og
að hærra söluverð muni takmarka mjög almenna
sölu. Segir að þess í stað séu margir bíla-
framleiðendur í Evrópu að horfa til dísilvéla.
100 þúsund í Evrópu 2009
Gert er ráð fyrir að sala á tvinnbílum í Evrópu
verði vart meira en kringum 100 þúsund bílar ár-
ið 2009 og að það sem helst muni ýta undir þá
sölu séu strangari kröfur um útblástur meng-
andi lofttegunda. Þá er því haldið fram að það
sem hafi ýtt undir svo mikla sölu tvinnbíla í
Bandaríkjunum séu útblástursreglur sem komi
nánast í veg fyrir að hægt sé að selja dísilbíla
með hagnaði. Hlutfall dísilbíla í sölu minni bíla í
Bandaríkjunum var um 3,4% á síðasta ári.
Toyota mun hagnast á þessum leik sínum ef
keppinautarnir hafa rangt fyrir sér, sérstaklega í
Evrópu þar sem dísilvélar eru undir ákveðinni
gagnrýni. Toyota er eini framleiðandinn sem
framleiðir tvinnvélar fyrir fram- sem afturdrifna
bíla, fólksbíla og pallbíla og getur boðið fjögurra,
sex og átta strokka vélar.
„Allir bílar okkar verða að lokum boðnir með
tvinnvélum,“ segir Jim Press, yfirmaður sölu-
mála hjá Toyota í Bandaríkjunum. Toyota hefur
uppi áætlanir um að bjóða lúxus-Lexus-bílinn,
RX 400, með tvinnvél en sala hans á að hefjast í
Evrópu í júní. Verður hann með 270 hestafla,
sex strokka bensín-rafmagnsvél.
Toyota hefur þróað tvinnvélarnar lengi og þeg-
ar fengið um 650 einkaleyfi á hina ýmsu hluta
þessarar tækni og þannig náð talsverðu forskoti
á keppinautana. Sem dæmi um það má nefna að
Ford hefur keypt afnotarétt af einstökum hlut-
um þessarar tækni fyrir Escape-jeppann sem
tvinnbíl. Þá er Porsche að íhuga að notfæra sér
tækni Toyota fyrir Cayenne-jeppann.
Toyota sér einnig möguleika í bílum sem nota
tækni efnarafals því þar er einnig hagnýtt tvinn-
vélatækni sem gæti þýtt talsverðar tekjur af
sölu afnota á einkarétti. Efnarafalar nota vetni til
að ná fram mengunarlausri orku.
Haft er eftir talsmanni orku- og umhverfis-
stofnunar í Arlington í Bandaríkjunum að mikil
gerjun muni eiga sér stað á milli efnarafals- og
tvinnvélatækninnar. Toyota gæti gert forskot sitt
enn samkeppnishæfara með því að þróa frekar
efnarafal. Það sé eitt fárra fyrirtækja í bílafram-
leiðslu sem hafi fé til að gera nánast hvað sem er.
En jafnvel þótt efnarafalar verði ekki raunhæfur
möguleiki sem bílvél verði Toyota feti framar
með möguleika sínum í tvinnvélatækninni.
Aðrir fara varlega
En aðrir bílaframleiðendur eru varkárir. Þeir
telja óvíst hversu margir kaupendur vilji greiða
hærra verð fyrir tvinnbílatæknina sem talið er að
meðaltali nokkuð yfir 200 þúsund krónum. Í
Evrópu eru þeir sagðir kosta rúmlega 300 þús-
und krónum meira en sambærilegir dísilbílar.
Honda og Toyota eru einu framleiðendurnir sem
bjóða tvinnbíla í Evrópu.
Markaðsfræðingar telja að hlutdeild tvinnbíla í
Evrópu mælist brot úr prósenti nema til komi
mun meiri fjöldaframleiðsla eða einhver meiri
ávinningur umfram hefðbundna bíla. Honda og
Ford selja tvinnbíla í Bandaríkjunum, Nissan
stefnir að því að bjóða á næsta ári í Bandaríkj-
unum tvinnbíl sem byggður er á Toyota-tækninni
og General Motors stefnir á að bjóða pallbíla með
þessari tækni árið 2007.
Toyota hefur þó ekkert kverkatak á tvinnvéla-
tækninni því vel er hugsanlegt að framfaraspor
verði stigin í framhaldi af rannsóknum sem víða
standa yfir. Ford og Honda læra af eigin reynslu
og samstarf GM og DaimlerChrysler mun flýta
fyrir tvinnbílaþróun þar á bæ. Þá er Hyundai
einnig að vinna á þessu sviði heima fyrir.
Og meðan Toyota er ekki búið að sýna öll spilin
er ljóst að öll yfirstjórn fyrirtækisins er einhuga á
þessu sviði og forstjórinn hefur sagt að tvinn-
vélatæknin sé framtíðin. Þar sem Toyota er
nokkuð á undan keppinautunum er ekki nema
sjálfsagt að fyrirtækið skrái sem flest einkaleyfi
á þessu sviði fremur en að hefja samstarf við
aðra framleiðendur á sviði rannsókna enda hafi
fyrirtækið næga fjármuni til áframhaldandi fjár-
festinga. Toyota hefur varið milljarðatugum til að
þróa Prius og frá honum hefur tæknin verið færð
í aðrar gerðir. Talsmenn fyrirtækisins segja að
tvinnbílaframleiðslan hafi nú náð að standa undir
sér.
Aðrir sparneytnir bílar ódýrari
Þrátt fyrir þessi fyrstu stóru skref í þróun
tvinnbíla eru þeir til sem eru fullir svartsýni og
þannig hafa forráðamenn Nissan látið þau orð
falla að þetta sé of mikil áhætta. Tvinnbílar séu
ágætar fréttir en ekki nógu hagkvæmar og aðrir
hafa sagt að fjármagnið sem farið hefur í þróun
tvinnbíla hafi ekki gefið hluthöfum nægan arð.
Talið er að þeir sem kaupa tvinnbíla horfi eink-
um til eldsneytissparnaðar en ekki hvort og
hversu umhverfisvænir bílarnir séu. Bent er á að
þeir sem vilja sparneytna bíla geti valið ýmsa
aðra kosti og ódýrari en tvinnbíla.
Toyota með forystu í tvinnbílum
HEKLA frumsýndi nýjan Skoda Octavia í febrúar á þessu
ári. Síðan þá hefur það vakið athygli að umboðið hefur
nánast ekkert auglýst bílinn. Þrátt fyrir það hefur sala á
Skoda aukist um 72% á þessu ári sem er töluvert umfram
aukningu markaðarins. „Já, það er rétt, við höfum lítið
sem ekkert auglýst þennan bíl og ástæðan er einföld. Við
önnum varla eftirspurn eftir bílnum. Frá því Hekla tók við
Skoda umboðinu árið 1998 hefur verið jafn og góður vöxt-
ur í sölu þessara bíla og hann auglýsir sig best sjálfur og af
umtali eigenda,“ segir Geir Valur Ágústsson, fram-
kvæmdastjóri bílasviðs Heklu.
„Við eigum hins vegar von á mikið af nýjum Skoda
Octavia til landsins, sem afhentir verða næstu mánuði og
við munum eiga bílinn á lager núna í þessum mánuði í
mörgum útfærslum. Margir eru að bíða eftir að nýja
Octavian komi í Combi útfærslu, þ.e.a.s. sem langbakur.
Við gerum ráð fyrir honum í upphafi sumars og í fjór-
hjóladrifinni útgáfu fyrir mitt þetta ár.“
Morgunblaðið/Þorkell
Hekla auglýsir ekki Skoda Octavia
EINN af hverjum þremur Opel
Zafira fékk falleinkunn í könnun
sænska bifreiðaeftirlitsins á
göllum. Könnunin byggist á
skoðunum á yfir 235.000 þriggja
ára gömlum bílum á síðasta ári.
En það voru fleiri en Opel Zaf-
ira sem fengu slæma útreið því
einnig Volkswagen Sharan,
Chevrolet Tahoe, Land Rover
Freelander og Chrysler Voyag-
er þóttu afspyrnu gallagjarnir í
könnuninni. Í það heila tekið
komu fjölnotabílar illa úr úr
könnuninni. Systurbílar Sharan,
Seat Alhambra og Ford Galaxy
riðu ekki heldur feitum hesti
frekar en Chevrolet Trans
Sport, Hyundai Trajet, Citroën
Evasion og Peugeot 806.
Einnig hefðbundnari fjöl-
skyldubílar eins og Renault
Laguna, BMW 3-línan, Daewoo
Nubira og Ford Mondeo voru
með mun fleiri galla en með-
altalið í könnuninni.
Á hinn bóginn komu vel út úr
þessari könnun bílar eins og
Honda HR-V, Mazda MX-5,
Porsche 911, Mercedes-Benz
SLK og S-línan, og, mörgum ef-
laust á óvart, Rover 400-línan.
Þessir bílar fengu enga athuga-
semd í könnuninni.
Morgunblaðið/Golli
Opel Zafira kom ekki vel út úr könnun sænska bifreiðaeftirlitsins.
Fjölnotabílar komu illa út