Morgunblaðið - 30.08.2005, Blaðsíða 19

MORGUNBLAÐIÐ ÞRIÐJUDAGUR 30. ÁGÚST 2005 19
DAGLEGT LÍF
www.balletskoli.is
AF einhverjum ástæðum skarta konur hér á
landi höttum ekki mjög oft sem kemur
kannski til af því hversu íslenska rokið get-
ur rifið duglega í og jafnvel feykt slíku
höfuðskrauti langt á haf út. Ekki er víst
að rokið sé neitt miklu minna á Bret-
landi, en þar er áralöng hefð fyrir
hattanotkun og engin kona með
konum nema hún eigi þó nokkur
eintök af höttum. Í síðustu viku
komu sex hundruð konur úr
kvennasamtökunum Ladies Circle
saman á Íslandi en hjá þeim er hefð
fyrir því að mæta með höfuð-
skraut á aðalfund og var engin
leið að láta það fram hjá sér fara
og nokkar hattakonur teknar tali.

Jale Fathers frá Bretlandi sagði það vera skemmtilegan
kvenlegan sið að setja upp hatt og hún undraðist að íslenskar
konur væru tregar til að skreyta sig með höttum. Hún sagði
því miður enga sögu á bak við hattinn sem hún bar á höfði
sínu að þessu sinni, hún hefði keypt hann heima á Bretlandi af
því henni leist vel á hann. Hún á fjóra hatta í fórum sínum og
henni finnst alltaf gaman að setja upp hatt þó svo hún
geri það aðeins þegar hún er við brúðkaup eða önnur
sérstök tilefni.
Tracey Wilkinson frá Bretlandi var alveg glerfín, í grænni
dragt og með stóran grænan hatt, enda var hún í forsvari fyr-
ir sinn breska hóp. Hatt þennan hafði hún fengið í vor þegar
hún var kosin til forystu og hún er skyldug til að bera hann
hvar sem hún kemur fram fyrir hönd Ladies Circle, bæði
heima og erlendis. Þetta er því einskonar farandhattur og ný
kona mun fá hann næsta vor. Tracey sagðist vera mjög hrifin
af höttum og hún á fimmtán hatta heima hjá sér sem hún setur
gjarnan upp hvenær sem færi gefst,
af því henni finnst það flott og
hún sagði hatt undirstrika kven-
leikann.
 Constance Njovu kom alla leið frá Zambíu og bar sitt
eldrauða höfuðskraut með mikilli reisn. Hún sagði þetta
vera hatt, þó svo hann væri ekki hefðbundinn. Hann væri
gamall og góður og hún ætti eina fimm hatta heima í
Zambíu í öllum regnbogans litum og þar í landi settu kon-
ur gjarnan á sig höfuðskraut þegar þær færu á hverskon-
ar mannamót.
Guðrún Helga Össurardóttir sagðist aldrei vera með hatt
nema í þessum félagsskap en þó ætti hún einn hatt til við-
bótar heima. Í hattinn hafði hún nælt ótal merkjum sem kon-
urnar í Ladies Circle gefa hver annarri og því eru merkin frá
hinum og þessum löndum. Sum merkin hafði hún keypt til að
styrkja ýmis málefni. Þennan hatt keypti hún fyrir tíu árum í
tívolíi þegar hún var á leið til Ítalíu á heimsþing Ladies
Circle. Hatturinn er því búinn að nýtast vel og hefur aðeins
slitnað af notkuninni og hann hefur hangið uppi á vegg á
skrifstofu hennar og var verulega rykugur þegar hún tók
hann fram þennan daginn. „Ég fór bara með hann út í norð-
anbálið heima á Álftanesi og þá var hann orðinn fínn.“ Guð-
rúnu Helgu finnst hún mjög fín þegar hún setur upp hatt og
hugsar þá til ömmu sinnar sem átti gott úrval hatta og bar þá
ævinlega þegar hún fór út fyrir hús. „Því miður virðist nú-
tímakonan ekki mega vera að því að skarta hatti.“
Morgunblaðið/Kristinn
Ingibjörg Jóna var með sextíu ára gamlan hatt sem ömmu-
bróðir hennar hafði átt. „Pabbi erfði þennan hatt þegar eig-
andinn féll frá og hann fékk líka stafinn hans og ég var að
hugsa um að koma líka með hann, en hætti við á síðustu
stundu. Ég greip hattinn í flýti í morgun þegar ég mundi eftir
að ég átti að mæta með einn slíkan á höfðinu. Sjálf á ég engan
hatt en nokkrar derhúfur.“
Hattar eru höfuðprýði
 KONUR
EITT glas af appels-
ínusafa á dag getur
hjálpað til við að fyr-
irbyggja gigt að því er
nýjar rannsóknir gefa
til kynna. Efni kennd
við karótín hafa víst
þessi áhrif að því er
kemur m.a. fram á
heilsuvef MSNBC.
Karótín er efni sem
m.a. gefur appelsínum
og gulrótum litinn og
hefur það m.a. bólgu-
eyðandi áhrif.
Rannsókn sem gerð
var við Háskólann í
Manchester tók til
25.000 manns og var ætlað að skýra sambandið á milli neyslu karótíns og
áhættu á gigt. Neysla á karótínefnunum beta-cryptoxanthin og zeaxanthin
var minni hjá þeim 88 sem fengu gigt en hjá þeim 176 sem þeir voru bornir
saman við.
Gulrætur gegn gigt
 HEILSA
Morgunblaðið/Ásdís