Morgunblaðið - 23.09.2005, Qupperneq 6

6 B FÖSTUDAGUR 23. SEPTEMBER 2005 MORGUNBLAÐIÐ
bílar
EITT best varðveitta, „opinbera“
leyndarmálið á bílamarkaðnum er
Hyundai Sonata. Salan á þessum
stóra millistærðarbíl, sem kom
splunkunýr í fimmtu kynslóð á mark-
að í vor, hefur ekki verið tiltakanlega
mikil. Það er einna líkast því sem
ekki hafi alvarlega verið hugað að
markaðssetningu bílsins því það er
margt sem mælir með honum; stöð-
ugar framfarir frá fyrri kynslóðum í
frágangi og smíðagæðum, bíllinn er
orðinn umtalsvert stærri og með nú-
tímalegri útlitshönnun og verðið er
furðu hagstætt miðað við stærð, vél-
arstærð og búnað.
Nútímalegri í útliti og stærri
En það er kannski líka vélarstærð-
in sem veldur tregðu í sölu því 2,4
lítra vélin gerir það að verkum að
vörugjaldið er 45% og eyðslan meiri
en í minni vélum. Hyundai gefur upp
eyðslu sem er 12,3 lítrar innanbæjar,
sem skv. reynslu undirritaðs er þá
nálægt 13,3 lítrum í venjulegum inn-
anbæjarakstri, og 8,9 lítrum í blönd-
uðum akstri. Þetta er kannski einn
helsti ókosturinn á þessum tímum
bensíndýrtíðar. En vélin er líka 160
hestöfl, og bíllinn kostar ekki nema
2.240.000 kr. beinskiptur og 2.390.000
kr. sjálfskiptur, sem hlýtur að teljast
verulega hagstætt verð miðað við
stærð og búnað.
Undirritaður skrifaði um fjórðu
kynslóð Sonata sumarið 2003 og
hreifst þá af sömu hlutum; þ.e. hag-
stæðu verði miðað við búnað, ágæt-
um aksturseiginleikum og góðri
hljóðeinangrun.
Fimmta kynslóðin hefur alla þessa
kosti en að auki hefur bíllinn verið
endurhannaður, og er nú nútímalegri
í útliti auk þess sem hann er allnokk-
uð stærri. Hann er t.a.m. 5,3 cm
lengri og 1,2 cm breiðari en engu að
síður um 30 kg léttari. En það sem er
meira um vert virðist sem hann hafi
verið endurhannaður frá grunni að
innan.
Í fjórðu kynslóðinni bar ennþá
nokkuð á mikilli notkun plasts í inn-
réttingum og vissulega er plast
ennþá til staðar inni í bílnum en það
er engu að síður af meiri gæðum og
minna áberandi, kannski vegna þess
að mælaborðið er tvílitt, dökkt að of-
an en ljósara að neðan. Auk þess er
stýrið nú leðurklætt.
Hreinn og sléttur – góður frágangur
Sonata er stór bíll, 4,80 m á lengd,
og þótt útlitshönnunin veki ekki sér-
staka athygli er bíllinn hreinn og
sléttur. Það er því kannski hægt við
fyrstu kynni að segja að Sonata sé
ekki sérlega spennandi í útliti en mál-
ið snýst líka um allt aðra hluti í þess-
um bíl. Línurnar eru orðnar hvassari
miðað við fyrri kynslóð og einkum þó
hefur afturendinn verið tekinn í
gegn. Evrópsk útlitseinkenni eru
orðin ráðandi eins og sést í hvössum
brotum í vélarhlífinni og hærra mitti í
hliðarlínunni. Að utan eru ýmis frá-
gangsatriði sem vekja ánægju, eins
og t.d. frágangur framlugtanna og
þokuljósa til sitt hvorrar hliðar við
loftinntakið. Á hurðarhúnum eru list-
ar samlitir bílnum og neðan á hurð-
arfalsinu er krómplata með Sonata-
merkingu. Gráu tónarnir eru ríkjandi
í innanrýminu; kannski full uppá-
þrengjandi í áklæðum, mælaborði og
hurðaspjöldum – en þetta er dálítið í
takt við bílinn. Það er eins og hann
eigi ekki að vera mjög spennandi –
heldur miklu frekar traustvekjandi
og úthugsaður. Frágangur á mælum
og stjórntækjum er til fyrirmyndar
og athyglisvert er að innbyggð
hljómtæki eru bæði með kasettutæki
og geislaspilara sem spilar jafnframt
MP3-format. Í stýri eru stillingar
fyrir hljómtæki og skriðstilli. Það er
mikið pláss í framsætum til hliðanna
og meira pláss í aftursætum en í öll-
um bílum í D-flokki (VW Passat,
Toyota Avensis o.sv.frv.), enda er
Sonata nokkuð stærri en þessir bílar.
Vélin skilar sem fyrr segir 160
hestöflum og togar 219 Nm að há-
marki. Hún er að nokkrum hluta gerð
úr áli og er afurð úr samstarfsverk-
efni Hyundai, DaimlerChrysler og
Mitsubishi. Eins og flestar nútíma-
legar bensínvélar er vél Hyundai
VVT-i, (variable valve-timing), sem
þýðir að hún er með tölvustýrðum og
breytilegum opnunartíma á ventlum,
sem bæði eykur afköst vélarinnar og
dregur úr mengun.
160 hestöfl er kannski ekki sérlega
mikið afl fyrir svo stóran og þungan
bíl (Sonata vegur 1.471 kg). En
vinnslan kemur samt á óvart.
Kannski má segja að það sé ekki
sprengikraftur í bílnum heldur jöfn
vinnsla og þar af leiðandi alltaf nægi-
legt afl. Þetta er í takt við karakter
bílsins, sem er langt frá því að vera
sportlegur, hvorki í útliti né akstri,
heldur miklu frekar traustvekjandi
og áreiðanlegur. Einhvern veginn sér
Morgunblaðið/Guðjón Guðmundsson
Útlitsbreytingar eru miklar á Sonata í fimmtu kynslóðinni.
Sonata – mikill bíll fyrir lágt verð
REYNSLUAKSTUR
Hyundai Sonata
Eftir Guðjón Guðmundsson
Breyttur að aftan líka. Til hliðar er bróðirinn Santa Fe.
Vél: Fjórir strokkar, VVT-i,
16 ventlar, 2.359 rúm-
sentimetrar.
Afl: 161 hestafl við 5.800
snúninga á mínútu.
Tog: 219 Nm við 4.250
snúninga á mínútu.
Gírskipting: Fjögurra
þrepa sjálfskipting með
handskiptivali.
Hröðun: 10,4 sekúndur úr
kyrrstöðu í 100 km/klst.
Hámarkshraði: 202 km/
klst.
Lengd: 4.800 mm.
Breidd: 1.832 mm.
Hæð: 1.475 mm.
Eigin þyngd: 1.471 kg.
Farangursrými: 462 lítr-
ar.
Hemlar: Loftkældir diskar
að framan, diskar að aft-
an, slitviðvörun, ABS og
EBD.
Eyðsla: 12,3 lítrar innan-
bæjar, 8,9 lítrar í blönd-
uðum akstri (skv. Hy-
undai).
Verð: 2.390.000 kr.
Umboð: B&L.
Hyundai
Sonata 2400 GLS
HYUNDAI Automotive Group opn-
aði í vikunni nýja rannsóknarmið-
stöð sem verður helguð rannsóknum
og þróun á vistvænni bílum. Fjár-
festing Hyundai í miðstöðinni nemur
samtals 7,5 milljörðum króna, en
miðstöðin er í nýrri 14.000 fm bygg-
ingu sem er staðsett í útjaðri Seoul.
Athygli vekur að byggingin er, líkt
og starfsemin sem fram fer í henni,
reist á umhverfisvænum forsendum.
Stefnt að forystuhlutverki
Alls hafa um 200 starfsmenn verið
ráðnir til miðstöðvarinnar, sem hýsir
háþróaðan tækjabúnað fyrir m.a.
þolprófanir á efnarafölum, útblást-
ursgreiningu og orkumælingar auk
700 bara vetnisáfyllingarstöðvar.
Þarna er einnig til húsa ný til-
raunastöð Hyundai fyrir sjálfvirka
og jafnframt vistvæna endurvinnslu
bíla.
Framkvæmdir við stöðina hófust
fyrir rúmum tveimur árum eða um
það leyti sem Hyundai lýsti því yfir
að fyrirtækið stefndi að forystuhlut-
verki í þróun umhverfisvænna bíla.
Starfar í þremur heimsálfum
Að sögn Helgu Guðrúnar Jónas-
dóttur, kynningarstjóra B&L, er
nýja rannsóknarmiðstöðin ekki eini
vettvangur Hyundai á þessu sviði.
Rannsóknarmiðstöð
Hyundai fyrir vistvænni bíla
Ný rannsóknamiðstöð Hyundai í útjaðri Seoul-borgar.

 

 
  
  




  
 !"# $%  &
''' "



"

("



)
* #+*

,, -  


*
"
 
*

H
im
in
n
o
g
h
a
f
/
SÍ
A
Erum sérhæfð í varahluta- og verkstæðisþjónustu
fyrir eftirtaldar tegundir bifreiða
Mercedes-Benz
Chrysler
Jeep
Mazda
Verkstæði Ræsis er opið frá kl. 7.30–18.00 og varahlutaverslun
frá 8.00–18.00 alla virka daga. Sími 540 5400
Tímapantanir í síma 540 5432 eða á verkst@raesir.is
Varahluta- og verkstæðisþjónusta