Morgunblaðið - 04.11.2005, Blaðsíða 4

4 B FÖSTUDAGUR 4. NÓVEMBER 2005 MORGUNBLAÐIÐ
bílar
VW JETTA hefur leyst VW Bora
af hólmi sem áður leysti Vento af
hólmi sem þá leysti Jetta af hólmi.
Flókið? Tíðar nafnabreytingar á
bílnum eru reyndar dálítið sér-
kennilegar en nú er sem sagt aftur
sótt til upphafsins. Um leið bætist í
raun í flóru VW fólksbíla alveg nýr
bíll, sem þó er glettilega skyldur
Golf, alveg eins og Bora var. Báðir
hafa þó vaxið, Golfinn og bíllinn
sem tekur við af Bora. Jetta er
gamalgróið nafn í Evrópu og hefur
reyndar verið notað sleitulaust á
Bandaríkjamarkaði. Ekki er ná-
kvæmlega vitað hvað réð nafn-
breytingunni hjá VW, annað en
kannski að bíllinn gekk aldrei sem
skyldi í Evrópu. Á markaði hér-
lendis var nafnið hálfneyðarlegt,
jafnvel þótt bíllinn væri alls ekki
jafn borulegur og nafnið gaf til
kynna. Reyndar streittist umboðið
hérlendis lengi við og taldi sem
flesta á að bera heitið fram með er-
lendum framburði. Bóra skyldi það
vera. Það breytti því samt ekki að
nafnið bauð upp á skemmtilega
orðaleiki fyrir þá sem hafa gaman
af slíku.
Í óræðum stærðarflokki
Nú hefur Hekla frumkynnt nýjan
Jetta sem er glettilega líkur Passat
en minni í öllum málum. Passat er
t.a.m. 21 cm lengri en Jetta og 4 cm
breiðari. Jetta er hins vegar 35 cm
lengri en Golf. Af þessu ætti að
vera ljóst að Jetta fellur í flokk
mitt á milli C-bílsins Golf og D-
bílsins Passat. Jetta er því í sama
óræða stærðarflokknum og Skoda
Octavia – svona mitt á milli stærð-
arflokka.
Engu að síður er Jetta að
stærsta hluta Golf. Hann er með
sama grillið og Golf GTI en með
meira af krómi í grillinu og allt er
samlitt bílnum, bæði stuðarar, úti-
speglar og hurðarhandföng. Það
sem aðgreinir bílana er að sjálf-
sögðu stallbakslagið og talsverð
notkun á krómi til skreytinga.
Jetta verður ekki borinn saman
við Bora, svo ólíkir eru bílarnir.
Prófaður var Jetta í Sportline-út-
færslu, sem er betur búinn en
Trendline og Comfortline. Tekinn
var bíll með 2ja lítra forþjöppudís-
ilvélinni, sem er líka að finna í Golf
og Passat, 140 hestafla og 320 Nm í
togi, og með fimm gíra handskipt-
um kassa. Hann verður reyndar
einnig boðinn með DSG-gírkassa,
sem er afar athyglisverður raf-
eindaskiptur gírkassi með tveimur
kúplingum sem virkar eins og sjálf-
skipting.
Feiknarskemmtileg dísilvél
Áður hefur verið fjallað um þessa
skemmtilega togmiklu dísilvél í
grein um Passat (26/8 2006).
Það er feiknarmikið afl í þessari
dísilvél sem gerir Jetta að sportleg-
um valkosti þar sem öll millihröðun
í bílnum er mikil. Bíllinn er kannski
ekki sá fljótasti á fyrstu metrunum,
er t.d. 9,7 sekúndur úr kyrrstöðu í
100 km hraða, en millihröðunin er
þeim mun ánægjulegri enda vélin
öll stillt upp á mikið tog. Þetta er
samt mjög fínleg dísilvél og þótt
það heyrist vissulega
dísilglamur í lausagangi dettur
allt í dúnalogn þegar ekið er af
stað. En ef menn gæta sín ekki á
inngjöfinni og eru með ESP-kerfið
óvirkt, er hætt við því að þeir spóli
með látum í upptakinu.
Það er nánast ekkert þjöppuhik
að finna og vinnslan er þétt og jöfn
á breiðu snúningssviði, eða alveg
frá um 1.800 snúningum upp í um
og yfir 3.000 snúninga.
Jetta er er sem sé 35 cm lengri
en Golf og með 6,5 cm meira hjól-
hafi sem skilar sér m.a. í mun
meira plássi í aftursætum. Þar er
ágætt fótarými fyrir tvo fullorðna
en það kárnar gamanið ef þrír full-
orðnir eiga að sitja þar vegna þess
að stokkurinn er fyrirferðarmikill
og bíllinn ekki sérstaklega mikill á
breiddina. Ford Focus er t.a.m. 6
cm breiðari en sömuleiðis 6 cm
styttri.
Sömuleiðis er lofthæðin í aftur-
sætum í það tæpasta ef menn eru
mikið yfir 185 cm á hæð. Það er vel
búið að ökumanni í hæðarstillan-
legu framsætinu og hann finnur
fljótt góða kjörstöðu undir stýri.
2.550.000 fyrir dísilbílinn
Athygli vekur, að þrátt fyrir tals-
vert vel útilátinn búnað, eru ekki
stjórnrofar í stýri fyrir hljómtæki
og aksturstölvu. Þetta er búnaður
sem undirritaður er farinn að venj-
ast að sé í bílum, sérstaklega í
þessum verðflokki.
Þeir mörgu sem hafa látið
heillast af nýjustu kynslóð dísilvéla
í fólksbíla búa við þá kvöð að dís-
ilbílar eru dýrari en bílar með
bensínvélum. Þannig kostar ódýr-
asta gerð Jetta, sem er Trendline
með 1,6 l bensínvél 1.990.000 kr.
með beinskiptingu, en Jetta 2,0
TDI í Sportline með beinskiptingu
kostar 2.550.000 kr. Búnaðurinn er
vissulega orðinn vel útilátinn í
Sportline; m.a. 16" álfelgur, sport-
sæti, leðurklætt stýri, gírstöng og
handbremsa fyrir utan grunnstað-
albúnaðinn sem er líka vel útilátinn.
Morgunblaðið/Þorkell
Jetta er alveg nýr bíll frá VW, mitt á milli Golf og Passat.
Jetta – eins og Golf með skotti
REYNSLUAKSTUR
VW JETTA
eftir Guðjón Guðmundsson
Morgunblaðið/Þorkell
Jetta er hefðbundinn stallbakur og valkostur við Golf sem er eingöngu fáan-
legur sem hlaðbakur.
Einfalt er snoturt; blá baklýsing í mælum gefur þægilega birtu.
2ja lítra dísilvélin er 140 hestöfl og skilar 320 Nm togi.
Morgunblaðið/Þorkell
Farangursrýmið er allstórt, eða sam-
tals um 525 lítrar.
gugu@mbl.is
Vél: Fjögurra strokka dís-
ilvél, forþjappa, 16 ventla.
Afl: 140 hestöfl við 4.000
snúninga á mínútu.
Tog: 320 Nm við 1.750
snúninga á mínútu.
Gírskipting: Sex gíra
handskipting.
Hröðun: 9,7 sekúndur úr
kyrrstöðu í 100 km.
Hámarkshraði: 207 km/
klst.
Eyðsla: 6,9 lítrar innan-
bæjar, 4,7 lítrar í þjóð-
vegaakstri, 5,5 lítrar í
blönduðum akstri (samkv.
tölum frá framleiðanda).
Lengd: 4.554 mm.
Breidd: 1.781 mm.
Hæð: 1.459 mm.
Eigin þyngd: 1.393 kg.
Farangursrými: 527 lítrar.
Hemlar: Diskahemlar,
kældir að framan.
Hjólbarðar og felgur: 205/
55 R16, álfelgur.
Verð: 2.550.000 kr.
Umboð: Hekla.
VW Jetta
TDI 2.0 Sportline