Morgunblaðið - 01.12.2005, Blaðsíða 8

8
HÖNNUN
BÓK
Meðan nóvember rann ofan í nið-
urföll borgarinnar (November Rain)
þá brá blaðamaður á það að hafa
samband við Ómar Suarez, fyrrum
rappara, núverandi myndasöguhöf-
und og upprennandi stórstjörnu í
fyrirsætuheiminum og heyra hvað
væri í gangi hjá honum þessa
skömmu daga.
Ómar, nú ert þú að fara að endur-
útgefa myndasögu sem ber hinn
ágæta titil Óli píka. Geturðu sagt mér
eitthvað frá þessu?
„Já, þetta er semsagt endurprentun á
bók sem ég gaf út í byrjun síðasta
sumars. Bókin fjallar um ungan
dreng, svona sjö til átta ára, sem heit-
ir Óli píka. Hann er með þann hvim-
leiða fæðingargalla að hafa píku í
andlitinu í staðinn fyrir að hafa andlit
í andlitinu. Fyrir vikið þá lendir hann í
alls kyns skringilegum ævintýrum og
vandamálum sem geta fylgt því að
hafa þetta tiltekna líffæri í andlit-
inu.“ Þetta eru semsagt bara atvik úr
lífi hans.“
Gefurðu þetta út sjálfur?
„Já, ég er bara sveittur uppi í skóla
[Listaháskóla Íslands] að útbúa
þetta.“
Eru þetta langar sögur?
„Nei, þetta eru bara eins ramma
skrýtlur.“
Og hvernig voru eiginlega viðtök-
urnar við þessum píkufeis-bók-
menntum?
„Þær voru mjög góðar – bókin seldist
fljótlega upp og ég hafði því miður
ekki tíma til þess að búa til meira fyrr
en núna. Það er alveg ótrúlegasta
fólk sem hefur komist yfir þetta. Fólk
sem viðurkennir það kannski ekki op-
inberlega en hefur sagt mér það í
trúnaði. Þetta kom mér mjög á óvart
– ég er að tala um þekkta Íslendinga
sem hafa nálgast mig á barnum og
sagt mér að Óli píka sé MÁLIÐ. Ég er
með nokkrar tilvitnanir í svona fræg-
ar týpur aftan á nýju prentuninni.“
Nú … einsog?
„Tja … einsog Sjón. Þetta píku-
ævintýri byrjaði allt í tíma hjá Sjón.
Hann var semsagt að kenna skapandi
skrif í millideildarnámi hérna uppí
Listaháskóla og þar skrifaði ég upp-
runalega smásögu um Óla píku. Sjón
fór síðan yfir þetta, var með ábend-
ingar en fílaði þetta alveg. Ég hafði
líka verið að dútla mér við að teikna
myndir af Óla píku í tímum hjá hon-
um svo þetta small allt hjá Sjón.“
Þetta er ótrúlegt! Jæja, þú ert ekki
bara í píkumyndabissnesnum. Ég
frétti að þú hefðir leikið í einhverri
sjóðandi heitri Smirnoff-auglýsingu.
„Já, það passar. Þetta er herferð fyrir
Smirnoff Ice og ég og Hannes vinur
minn leikum aðalhlutverkin í henni.“
Og hver eru aðalhlutverkin?
„Ég leik semsagt Austur-Evrópubúa
með lélegan rússneskan hreim. Þetta
er í rauninni byggt á hundasleðapæl-
ingunni sem við vorum með hjá
Quarashi.“
Hvenær fáum við að sjá þetta hérna
heima?
„Aldrei. Þetta verður ekkert sýnt á Ís-
landi.“
Frábært.
MEIRI ÓLI PÍKA
MYNDASÖGUHÖFUNDURINN ÓMAR
Mynd
Sverrir Vilhelmsson
Texti
Atli Bollason
Lukka Sigurðardóttir er nýkomin heim til landsins
eftir heimsreisu með hljómsveitinni Sigur Rós. Hún
sá um að hanna ásamt Alex Somers, ýmiss konar
varning tengdan hljómsveitinni sem þau höfðu til
sölu á hverjum tónleikastað. Um er að ræða boli,
hettupeysur, barmmerki, minnisbækur og ým-
islegt fleira sem ber útlit og yfirbragð nýjustu
plötu sveitarinnar Takk. Tvíeykið kallar sig The
Toothfairies og hefur fengið mikið lof fyrir varn-
inginn sem þau passa að selja aðeins í takmörkuðu
upplagi.
The Toothfairies vinna að hönnun sinni út frá útliti
umslagsins á plötunni Takk sem hljómsveitin sjálf á
heiðurinn af og var útfært af Isac nokkrum Winth-
ers. Drengurinn sem prýðir kápuna er af ljósmynd
sem Jónsi söngvari fann í ónefndri ljóðabók og
myndin af trjánum var fengin úr ónefndri barna-
bók. Hljómsveitin fékk leyfi fyrir að nota myndirnar
og grúskuðu aðeins í þeim, gerðu þær örlítið óljós-
ari og áhrifameiri. Þetta útlit prýðir hönnunarmuni
Tooth-fairies sem fengu mjög góðar viðtökur á ný-
loknu tónleikaferðalagi Sigur Rósar og oft var eft-
irspurnin mun meiri en framboðið.
Neyslusamfélagið USA
„Það er búið að ganga rosalega vel að selja,“ segir
Lukka en er engu að síður mjög fegin að vera kom-
in í tveggja mánaða frí frá ferðalögum. Lukka er
nýgengin í hjónaband með Orra Páli Dýrasyni,
trommara Sigur Rósar, en hún tók að sér þetta
verkefni til að koma í veg fyrir of langan aðskilnað
þeirra á milli.
„Í upphafi átti ég að sjá um bolasöluna en þá var
ekki komin nein hugmynd að hönnun.“ Þá var
ákveðið að hún og Orri skyldu sjá um hönnunina á
bolunum en Orri datt fljótlega úr myndinni. „Hann
var bara ekki nógu áhugasamur strákurinn,“ út-
skýrir Lukka. Þá var Alex Somers, kærasti Jónsa, ný-
kominn til landsins en það vildi svo til að hann var
að leita sér að vinnu. „Okkur datt þá í hug að fá
hann til liðs við okkur. Hann er mjög klár strákur og
samstarfið er búið að vera alveg æðislegt.“
Lukka segir að salan hafi gengið hvað best á tón-
leikaferðalaginu um Bandaríkin.
„Þarna er bara neyslusamfélag dauðans, það skipti
ekki máli hvað neitt kostaði,“ segir hún en aftur á
móti við gekk ekki eins vel í Evrópu. Hún minnist
með nokkurri gremju þegar átta bolum og fjórum
hettupeysum var stolið á tónleikum í Flórens. „Það
hafði aldrei verið stolið neinu, nema á þessum
næstsíðustu tónleikunum. Þá varð ég reið.“
Sigur fucking Rós
Hún segist hafa orðið vör við sölu á fölsuðum bol-
um á nokkrum tónleikum.
„Það var mjög fyndið. Þau stálu alveg augljóslega
hönnuninni okkar en voru búin að setja risa svona
stórt Sigur Rósar letur yfir allan bolinn sem mér
fannst ekki flott.“ Lukka er ekki mikið fyrir það að
hafa hljómsveitarnafnið á bolunum en þau í Tooth-
fairies lét sig þó hafa það að setja nafnið á eina
týpuna þar sem á stendur skrifað „Sigur fucking
Rose“.
„Hann er rosalega vinsæll,“ segir Lukka og hlær.
„Ég prenta samt ekki mikið af honum. Það vilja allir
eignast hann.“
Hún segir að þessi bolur hafi verið sérstaklega vin-
sæll Í Bandaríkjunum og minnist þess að á einum
tónleikum hafi fyrstu gestirnir mætt sérstaklega
snemma og gengið rakleitt að básnum þeirra í
þeim tilgangi að tryggja sér eintak af bolnum.
Hægt er að nálgast hönnun The Toothfairies í
versluninni Nakti apinn í Bankastræti.
TANNÁLFARNIR
HANNA FYRIR SIGUR RÓS
1
2 3
4
1.
Bolurinn vinsæli með
áletruninni „Sigur
Fucking Rose“.
2.
Minnisbækur
Tannálfanna
3.
Lukka Sigurðardóttir,
annar helmingur
Tannálfanna.
4.
Bolirnir fást í öllum
stærðum og gerðum
fyrir bæði kynin.
Texti
Þormóður Dagsson
Myndir
Golli