Morgunblaðið - 01.12.2005, Blaðsíða 18

18
BÍÓ
Það verður varla þverfótað fyrir subbulegum hryll-
ingsmyndum og spennutryllum þessa dagana. Nú
er komið framhaldið af Saw sem birtist íslenskum
bíógestum fyrir um ári. Ef þú sást þá mynd er óþarfi
að lesa áfram. Saw II er nokkuð samkvæm fyr-
irrennara sínum, bara betri... eða verri allt eftir því
hvernig við lítum á málið.
Betri?
Saw II er betri en fyrri myndin að því leyti að hún er
betur leikin, betur tekin og betur klippt. Nýr leik-
stjóri, hinn ungi og efnilegi Darren Lynn Bousman,
er tekinn við og skilar nokkuð betra eintaki en hinn
ungi, en efnilegi James Wan gerði með fyrri mynd-
inni. Kannski það hafi hjálpað Bousman að hafa
meiri pening á milli handanna en Wan hafði. En
kannski spillti það líka fyrir.
Verri?
Ef við klæðum úlf upp í sauðargæru verður hann
ekki endilega lamb að leika sér við. Hvað á ég við?
Jú, sumum myndum fer einfaldlega betur að vera
gerðar af vanefnum. Þó að framleiðendur Saw II
hreyki sér af því að hafa gert myndina fyrir aðeins 4
milljónir bandaríkjadala var fyrri myndin gerð fyrir
aðeins 1,5 milljónir. Kannski að þessar 2,5 milljónir
hafi gert illt verra. Það þykir ágætt að kvikmyndir
hafi nokkurt kjöt á beinunum. Þó þykir það líka
stundum ágætt að kvikmyndir séu lítið annað en
skinn og bein. En beinlausar og um leið kjötmiklar
myndir eru mestmegnis haugur af kjöti. Og hver
vill horfa á haug af kjöti? Ef Saw var meira og
minna skinn og bein má segja að Saw II sé haugur
af kjöti, bókstaflega og ekki. Þó Bousman leggi
greinilega hart að sér að gera hryllilegan spennu-
trylling með uppásnúningum á atburðarásinni nær
hann einhvernveginn að skola söguþræðinum til
svo áhorfandinn sem á að verða hissa, verður ekk-
ert sérlega hissa. Bara óglatt.
Sínópsis
Brjálæðingurinn og sjálfskipaði félagsráðgjafinn
Jigsaw er mættur til leiks og hefur á ný náð að
safna saman fólki í hús sem er uppfullt af meist-
aralega útbúnum dauðagildrum. Tilgangurinn er
sem fyrr að kenna fólki að meta líf sitt að verð-
leikum eða sleppa því annars að lifa því. Í þetta
sinn er hið eiginlega fórnarlamb ekki fólkið í
gildruhúsinu heldur pabbi eins af þeim, lögreglu-
foringinn Eric Matthews. Hitt fólkið er meira eins
og þátttakendur í sjúklegum leik. Þeim er att sam-
an í aðstæður þar sem þau þurfa á skotstundu að
ákveða hvort þau eigi að standa saman eða ráðast
gegn hvert öðru til að lifa af. Bíddu við. Hljómar
eins og Survivor-þáttur sem fer illa? Jamm, þar sem
Survivor hittir Fear Factor með smásulli af Seven.
Það er ekki mikið meira hægt að segja um sögu-
þráðinn án þess að spilla honum. Þó að Bousman
takist ekkert frábærlega til við að koma fólki á
óvart er óþarfi að spilla gjörsamlega fyrir áhorf-
endum. En myndin verður í senn saga um örlög
þátttakendanna átta sem reyna að sleppa út úr
húsinu og saga um samband og átök lögreglufor-
ingjans og morðingjans.
Góð og vond
En það skiptir kannski ekki máli hvað hér verður
skrifað um Saw II. Miðað við viðtökurnar sem fyrri
myndin fékk í fyrra munu líklega enn fleiri bruna á
þessa í leit að blóði og spennu „nó matter vatt“.
Þannig að: Saw II er alveg jafngóð og slæm og Saw
að því leyti að hún er bæði verri og betri. Þarf fólk
að hafa séð Saw til að njóta Saw II? Já og nei. Það
spillir a.m.k. ekki fyrir.
Ó JÁ, ÞAÐ VERÐUR BLÓÐ!
SAW II ER VERRI OG BETRI EN FYRRI MYNDIN
Texti
Hjörtur Einarsson
Myndir
Frá dreifingaraðila
Ég var um daginn að horfa á kvikmynd eins og ég
geri stundum. Í þetta sinn var það hin ofmetna
Crash. En ég ætla svo sem ekki að eyða orðum á þá
mynd í þetta sinn, og líklega aldrei nokkurn tíma. Í
pínulitlu atriði í myndinni birtist allt í einu gömul
hetja af sjónvarpsskjánum. Það var enginn annar
en Tony Danza sem allir hljóta að muna eftir úr
sjónvarpsþáttunum Hver á að ráða? Jæja, a.m.k.
allir þeir sem horfðu á sjónvarpið upp úr 1985. Mér
þótti Tony Danza fyndnasti maður í heimi, þarna
þegar ég var tíu ára. Í dag er hann bara frekar sorg-
legur.
Það var óskaplega gaman að slíta barnskónum fyrir
framan sjónvarpsskjáinn um það leyti sem Hver á
að ráða? sló öll áhorfsmet. Aðrir gæðaþættir voru
ekki síðri eins og Staupasteinn, Fyrirmyndarfaðir-
inn, Rosanne og Alf. Hvar er Theo úr Fyrirmynd-
arföðurnum? Hann var í miklu uppáhaldi hjá mér.
Afhverju sést hann ekki lengur á sjónvarpsskjám á
Íslandi? Þetta var upprennandi stórstjarna þarna
fyrir tuttugu árum, hélt ég.
Ég var einhvern daginn að horfa á Disney teikni-
mynd eins og svo oft á þynnkudögum. Hvort það
var Toy Story eða Bugs Life man ég ekki en mér
fannst ég stöðugt heyra í Cliff í Staupasteini. Það
kom líka á daginn. Cliff Calvin er fastur aukaleikari
í Disney-Pixar myndum (hann heitir víst John Ratz-
enberger í dag). Við vitum svo sem hvað varð um
Kelsey Grammer og Woody Harrelson, báðir stór-
menni úr Staupasteini. En hvað um þessa sem lék
Diane? Kannski er hún dáin.
Lögregluskólinn setti svip sinn á síðari hluta ára-
tugarins. Var „gaurinn með raddirnar“ ekki eft-
irlæti allra? Michael Winslow heitir hann. Hvers
vegna hlaut hann ekki skjóta heimsfrægð? Maður
hélt að hann væri á góðri leið með að sigra heim-
inn þegar hann sást í Spaceballs. En allt kom fyrir
ekki. Hvar er hann nú? Það er víst von á enn einni
Lögregluskólamyndinni á næsta ári. Mikið vona ég
að Winslow verði þar. Ég sakna hans.
Eru þetta óumflýjanleg örlög stjarnanna í nýrri
sjónvarpsþáttum? Kannski verður Sarah Jessica Par-
ker öllum gleymd eftir tíu ár. Eru ekki líka krakk-
arnir úr Beverly Hills 90210 allir týndir og tröllum
gefnir? Nema kannski Shannen Doherty. Henni var
bjargað í Charmed eins og reyndar Alyssa Milano.
Guði sé lof fyrir Charmed! Og guði sé lof fyrir DVD-
endurútgáfur á gömlum gullmolum. Nú getum við
séð gömlu, týndu hetjurnar í gömlu góðu hlutverk-
unum sínum, í auknum digital gæðum. Það er
huggun harmi gegn.
HVAR ERU GÖMLU
HETJURNAR?
VANGAVELTUR UM ÖRLÖG
SJÓNVARPSÞÁTTASTJÖRNUNNAR
að Alyssa Milano leikur þar dóttur hans. Þau
feðgin, John og Jenny, hafa flutt út á land eftir
að pabbinn hætti sem liðstjóri í sérsveit hersins.
En sveitasælan er úti þegar dótturinni er rænt og
Fyrir alla aðdáendur Alyssu Milano má mæla með
stórmyndinni Commando frá 1985. Aðdáendur
Arnold Schwarzeneggers ættu að vita að kapp-
inn leikur aðalhlutverk í myndinni. En færri vita
sem lausnargjald á John Matrix að myrða einræð-
isherra í Suður-Ameríku. Þetta er ein af stórhas-
armyndum frá einu af bestu árum Schwarzeneg-
gers. Stórskemmtileg!
SJÁIÐ ÞESSA: COMMANDO (1985)
Það er ekki mikið meira hægt að segja um
söguþráðinn án þess að spilla honum