Morgunblaðið - 01.12.2005, Blaðsíða 17

Rannís tekur þátt í evrópska verkefninu Researchers
in Europe 2005 til að kynna mikilvægi vísinda og
rannsókna fyrir samfélagið. Rannsóknamiðstöð Íslands • Laugavegi 13 • 101 Reykjavík • www.rannis.is
Bryndís Björnsdóttir örverufræðingur, 27
„Eftir að ég komst að því að ég yrði hvorki geimfari né kafarafornleifafræðingur helltist líffræðiáhuginn
yfir mig — og síðan hefur í raun fátt annað komið til greina í mínum huga en að starfa við rannsóknir
í þeim geira,“ segir Bryndís Björnsdóttir sem vinnur nú að doktorsverkefni á Tilraunastöð HÍ í meina-
fræði að Keldum.
Bryndís stundaði líffræðinám við Háskóla Íslands og lauk MS-prófi síðasta haust. Hún hefur einbeitt
sér að rannsóknum á sjúkdómum í eldisfiski. Doktorsverkefni hennar snýst um að rannsaka bakteríuna
Moritella viscosa sem veldur sjúkdómi í laxfiskum sem kallast vetrarsár og hefur gert mikinn usla
í fiskeldi við Norður-Atlantshaf. Vonast hún til að niðurstöður verkefnisins hjálpi til við að skýra
sýkingarmátt bakteríunnar og að í framhaldi af því verði hægt að framleiða betra bóluefni gegn
vetrarsárum.
Bryndís er eldhugi í rannsóknunum en þar að auki á hún á sér mörg áhugamál sem meðal annars
eru útivist og ferðalög, helst í íslenskri náttúru. „Göngur eru skemmtilegar — en í raun finnst mér
ekkert jafnast á við að eiga góða helgi í sumarbústaðnum!“
Sjá nánar um rannsóknir Bryndísar á vefnum www.visindi2005.is
[bakteríur og bústaður]
Vísindi – minn vettvangur
P
R
[p
je
e
rr
]
Eftir alveg hreint
ótrúlega velgengni
plötunnar Mugi-
mama – is this Monk-
eymusic? mætti alveg
segja mér að landinn
væri orðinn vel
hungraður og færi
brátt að góla sem óð-
ur á nýtt efni frá ís-
firska sjarmörnum
Mugison. Þess gerist hins vegar ekki þörf, því að 12 tónar
eru nýbúnir að gefa út plötuna Little Trip. Hvað segirðu,
minnir nafnið þig á eitthvað? Jú, kæri lesandi, þú gast þér
rétt til: Little Trip er tónlistin úr A Little Trip to Heaven, nýj-
ustu mynd Baltasars Kormáks.
Sagan segir að Baltasar hafi farið á útgáfutónleika Mugi-
mama í Nösu og heillast svo af brjálæðislegum poppbræð-
ingi Mugisons að ekki hafi annað komið til greina en að fá
sjarmörinn til þess að semja tónlistina við tryggingarann-
sóknarmannsdramatryllinn sem var þá á sínum seinni stig-
um, en Mugison hefur áður samið tónlist við kvikmyndina
Niceland. Og við hverju getum við búist á þessari nýju plötu
hans Mugga litla? Það eru kassagítarar, það eru píanó, en
annars ómótstæðileg rödd Mugisons er hér í algjöru auka-
hlutverki. Þess í stað eru hér á ferð einkennilega amerískar
stemningar sem ég get vel ímyndað mér að eigi vel heima í
fimbulkuldanum í Minnesota, eða hvar sem myndin gerist
nú.
Sammi, básúnuleikarinn brjálaði, og knái trompetleikarinn
Kjartan eru hér í stórum hlutverkum og ljá plötunni
skemmtilega tímalausan blæ með djössuðum leik sínum.
Aðrir sem ljá Mugison lið eru trommu- og slagverksleik-
arinn Pétur Grétarsson, og gítarleikararnir Björgvin Gísla-
son og Pétur Þór Ben stoppa við í einu lagi hvor. Sambýlis-
kona og barnsmóðir Mugisons leikur þá á píanó á plötunni
auk þess að semja lagið „Piano for Tombstones“.
Þessi plata er fjarri því að vera sama smáskífuorgía og
Mugimama, en lagið „Go Blind“ hefði auðveldlega slegið
flestum lögunum þar við þegar kemur að svalleika og
óvenjulega blúsuðum gítarleik. Ný (og hægari) upptaka af
Rásar 2-smellinum „Murrmurr“ dúkkar síðan upp á þessari
plötu þótt ekki sé það tekið fram á umslaginu.
Little Trip er áhugaverð hlustun þar sem hinn fjölhæfi Mug-
ison sýnir á sér nýjar hliðar sem eiga eflaust eftir að skýrast
enn betur þegar A Little Trip to Heaven dettur í bíó á næstu
vikum.
Atli Bollason
MUGISON: LITTLE TRIP
PLATA VIKUNNAR
Mér varð á og þungan dóm ég hlaut og
villtist af réttri braut.
Svona hljómar upphafslínan í einu vinsæl-
asta dægurlagi Íslands, „Traustur vinur“ eft-
ir Jóhann G. Jóhannsson. Það var hljóm-
sveitin Upplyfting sem tók upp lagið í
stúdíói Svavars Gests í lok áttunda áratug-
arins. Vinsældir lagsins „Traustur vinur“ eða
„Trausti“ eins og Jóhann og hljómsveitin
kalla jafnan lagið komu þeim í opna skjöldu
en það hafði aldrei hvarflað að þeim að það
yrði að einu mest spilaða dægurlagi í ís-
lenskri tónlistarsögu.
„Bíddu nú við. Það byrjaði sem lag með
enskum texta,“ rifjar Jóhann upp. „Ég man
aðeins tvær setningar: „I’m not living any-
more, I’m not giving anymore, without
you …“ – eitthvað svoleiðis,“ segir hann og
hlær. „Síðan fór þetta út í kántríútgáfu. Ég
held að Björgvin Halldórsson hafi beðið mig
um efni fyrir plötu sem hann var að vinna
að. Þá sá ég lagið fyrir mér á ekki ósvipaðri
línu og „I shot the Sheriff“ eftir Eric Clapton.
Textinn var þá: „Ég drap mann og þungan
dóm ég hlaut.“ Björgvin aftur á móti hafn-
aði laginu. Hann treysti sér ekki til að syngja
þetta.
Þá var það þannig að ég var beðinn að
stjórna upptökum hjá Samvinnuskóla-
hljómsveitinni, hún var reyndar ekki komin
með það nafn þá. Það vantaði efni og þeir
fengu nokkur lög frá mér, þar á meðal var
Traustur vinur. Það lag einhvern veginn
vann sig upp af sjálfsdáðum. Við höfðum
kannski ekkert endilega trú á því frekar en
öðrum lögum plötunnar. Þarna var Ást-
arkveðja sem var fyrsti stóri smellurinn hjá
Upplyftingu og við vissum allir að það yrði
vinsælt. En „Trausti“, eins og lagið er oft
kallað, hann vann sig bara upp sjálfur og
sennilega með mest spiluðu og vinsælustu
lögum sem ég hef samið. Ég heyri að það er
nánast önnur hver hljómsveit með þetta lag
og ekkert lag hefur gert Upplyftingu eins
gott og þetta, en það fékk spilun jafnvel
fjórum sinnum á kvöldi.
Ég man að trommarinn okkar var svo mikill
trommari að hann vildi taka endalaus
„breik“. Mín fyrirmæli voru þau að taka
ekki „breik“ nema það væri ekki hægt að
komast hjá því. Það reyndist ágætlega. Sig-
urður Dagbjartsson lék líka þetta frábæra
sóló sem mér finnst býsna gott. Hann var þá
undir miklum áhrifum frá Mark Knopfler í
Dire Straits.“
TRAUSTUR VINUR
DÆGURLAGIÐ
1.
Glæsimennin í hljóm-
sveitinni Upplyftingu í
blóma ferilsins.
„Trausti“ gerði þeim
gott.
Í Nýlistasafninu
stendur yfir sýning á
vegum Tilrauneld-
hússins og tónleika-
röð sem kallast
Takkar. Tónleikarnir
eru á hverjum
þriðjudegi, fimmtu-
degi og laugardegi
fram að jólum. Í
kvöld, 1. desember,
verða Matthías M.D.
Hemstock tónlist-
armaður og Katrín Elvarsdóttir ljósmyndari með tónlist-
argjörning.
Bókin Mórar – nærvídd er samstarfsverkefni Katrínar og
Matthíasar. Ljósmyndir Katrínar af íslensku umhverfi og
ljóðrænn texti eftir Braga Ólafsson rithöfund prýða síð-
urnar. Geisladiskur með hljóðmyndum Matthíasar fylgir
svo með bókinni.
„Tónlistin á disknum sem fylgja bókinni eru umhverf-
ishljóð og Matthías kallar þetta hljóðmyndir. Þetta eru
hljóð sem hann tók upp á sömu stöðum og ég tók
myndirnar, fyrir utan eyðibýli og inni í verksmiðjum.
Þetta eru bæði náttúruhljóð og vélarhljóð, svo er öllu
blandað saman. Hann reynir að endurtaka þetta „live“
með því að spila á alls konar hluti eins og lauf og
sand,“ segir Katrín um uppákomuna.
Þau eru nýkomin heim af menningarhátíðinni í Köln þar
sem um 100 íslenskir listamenn komu fram en þar sýndu
þau þennan tónlistargjörning. „Myndunum var varpað
upp á sýningartjald af DVD diski, flutningurinn tekur 38
mínútur og myndirnar eru tímasettar eftir taktinum í
tónlistinni. Þetta heppnaðist rosalega vel og fólk var
mjög ánægt.“
Flutningurinn byrjar klukkan 20.00 í Nýlistasafninu við
Vatnsstíg í kvöld.
TAKKAR TILRAUNA-
ELDHÚSSINS
MÓRAR – NÆRVÍDD
1