Morgunblaðið - 08.12.2005, Blaðsíða 10

10
HÖNNUN
Haraldur Civelek býr í New York þar
sem hann nemur hönnun í deild sem
heitir „Design and Technology“ í Par-
sons School of Design. Hann er á öðru
ári í skólanum og líkar lífið í New
York mjög vel.
„Áhugasvið mitt er hér eins og stað-
an er núna. Ég kom hingað til að fók-
usera meira, þrengja áhugasviðið og
komast nær því sem mig langar að
gera en ég er eiginlega í miklu verri
málum vegna þess að það víkkar bara
sjóndeildarhringinn að koma hingað
og mig langar að gera svo miklu
meira.“
Áður en Halli flutti til New York vann
hann á auglýsingastofunum Fast-
landi og Góðu fólki. „Ég fékk vinnu á
Mogganum við að litaleiðrétta minn-
ingargreinamyndir og þar lærði ég á
Photoshop.“ Þaðan lá leiðin í auglýs-
ingabransann og þegar hann fékk
fyrst vinnu á Góðu fólki var hann
beðinn um að mæta með „portfol-
io,“ „ég sagði bara port-hvað? Ég
hafði ekki hugmynd um hvað það
var.“
Til New York kom hann fyrst árið
1995 og heillaðist af borginni. „Ég
vissi ekki hvað ég vildi verða þá en ég
ákvað að einn daginn myndi ég fara í
skóla hér.“ Ástæðan fyrir því að hann
dreif sig svo í námið var sú að hann
vildi fá meiri tíma til að gera alls kon-
ar hluti sem að vinnan bauð ekki
uppá þó honum hafi þótt gaman í
vinnunni. „Markaðurinn á Íslandi er
svo takmarkaður. Ef maður er ekki
hönnuður að gera auglýsingar þá er
voðalega lítið pláss fyrir mann. Ég
komst að því að mig langar að vera
uppfinningamaður og gera eitthvað,
eins og að teikna karaktera, skrifa
bækur og búa til leikföng.“
Allir að reyna að „meika það“
Halli segist vera mjög ánægður með
námið og skólann. „Að vera í skóla
hérna úti er full vinna. Heima er fólk
að vinna með skóla. Ég er meira
„bissí“ hérna í skólanum heldur en
nokkurn tímann þegar ég var að
vinna. Það eru miklu fleiri andvöku-
nætur.“
Mælirðu með því að fara frekar út í
nám?
„Ég held það sé mjög hollt fyrir alla
að fara að heiman. Ég var á 28. ári
þegar ég flutti út og mig var búið að
langa að gera það í tíu ár. Þetta er al-
gjör klisja en allir sem flytja út segja
að maður sjái heiminn í öðru ljósi og
meti sjálfan sig öðruvísi og það er al-
veg rétt. Hvað varðar peningamál og
hvers maður ætlast til af lífinu og
umhverfinu. Þetta er auðvitað rosa-
lega dýrt. Á móti kemur að skólinn er
mjög stór og það er svo margt að ger-
ast í borginni þannig að það er svo
margt sem ýtir manni áfram í nám-
inu. Það er endalaust af nýjum gall-
eríum, sýningum og opnunum. Það
er rosaleg dínamík í loftinu og allir
að reyna meika það. Það er meikfýla í
loftinu sem ýtir mér áfram. Ég veit að
ég þarf að gera ótrúlega vel hérna, á
meðan á Íslandi er hugsunarhátturinn
oft „skást er best“. Maður gerir bara
það sem er nóg af því að það er nóg.“
Halli tekur fram að skólinn er það sem
hann er af því að hann er staðsettur í
New York. „Parsons á Íslandi myndi
ekki vera eins. Skólinn er líka ná-
kvæmlega jafngóður og kennararnir
sem kenna í honum. Þegar kennarinn
ferðast um heiminn og sýnir verkin sín
og er með mikla ástríðu fyrir þessu þá
smitar það út frá sér. Það er líka mikið
„networking“ í gangi hér, sem er
mjög mikilvægt. Á lokasýningarnar
kemur alls konar fólk frá fyrirtækjum
eins og Disney, Pixar, Sony og Nike og
er að ráða fólk. Það breytir því hvern-
ig ég vinn verkefnin að vita það.“
Halli býr í Kínahverfinu á neðri
hluta Manhattan. „Það er
„smelly“ en það er fínt. Mér
finnst gaman að vera í öðruvísi
hverfi.“ Lyktin kemur frá öll-
um matvælamörkuðunum
sem selja fisk og grænmeti.
„Á sumrin, þegar það er 28
gráða hiti og engin kæling,
þá er alveg geðveik fýla og
fólk úr Chinatown tekur fyrir
nefið. Svo lekur „fiskdjús“ frá
mörkuðunum og ég er alltaf að
reyna stíga ekki í það og haldandi
fyrir nefið,“ lýsir Halli og hlær. „Það
sem mér finnst svo ótrúlega merki-
legt við Chinatown er að það er allt á
kínversku og það býr fólk hérna sem
ég held að fari aldrei út úr China-
town,“ segir hann, og bætir við að
það besta við staðsetninguna sé að
hann er stutt frá lestum og það er
stutt í skólann. Hann er líka í göngu-
færi við tónleikastaði og bíó sem eru
ekki bara með blockbuster-myndir
heldur heimildarmyndir og indí-
myndir líka.
„Það besta við New York er líka allt
þetta fólk, sama á hvaða tíma sólar-
hrings og á hvaða götu, það er alltaf
alls staðar fólk.“
Myndir í rúllustiga í Hong Kong
Það er kínverskt þema hjá Halla fyrir
þessi jól því hann tekur þátt í jólasýn-
ingu í verslunarmiðstöð í Hong Kong
ásamt vini sínum Sigga Eggertssyni.
„Þetta er eitthvað í tengslum við
skandinavíska hönnuði,“ segir Halli.
“Þeir byggja íshús og gera ís-
skúlptúra eftir myndunum okkar. Það
eru hengdar kringlóttar myndir eftir
okkur á vínylplötum á risastórt
jólatré og svo er hellingur af plaköt-
um eftir okkur á sýningunni.
Það er líka verið að skreyta bíl með
myndum eftir mig og rúllustiga í
„mollinu“ leggur Halli áherslu á og
tekur fram að honum finnist þetta
mjög fyndið og miklu skemmtilegra
en að sýna í einhverju galleríi.
DÍNAMÍK Í LOFTINU Í NEW YORK
HALLI HÖNNUNARNEMI Í PARSONS
1
1.
Sjálfsmynd af Haraldi
Civelek. Hægt er að
fylgjast með Halla á
vefsíðunni hans
www.icomefrom-
reykjavik.com
2
2.
Tuvaletti, klósettfélagi
barnanna. Besti vinur
barnanna sem
skemmtir þeim og
bjargar á örlagastundu.
3
54
5.
Lógó sem Halli teiknaði
fyrir Health Education
deildina í New School,
sem er háskólinn sem
Parsons er hluti af. Þeir
voru með lógó-sam-
keppni sem að Halli
vann.
Texti
Hanna Björk
4.
Svífandi jólasveinn.
Mynd úr barnabók sem
Halli er að vinna í.
3.
Drengur. Ein af mynd-
skreytingunum sem
Halli gerði fyrir jólasýn-
inguna í APM-versl-
unarmiðstöðinni í
Hong Kong.
Ég komst að því að mig langar að
vera uppfinningamaður