Morgunblaðið - 08.12.2005, Blaðsíða 16
16
TÓNLIST
Tilraunaeldhúsið hefur verið starf-
rækt í sjö ár og hafa þau staðið fyrir
alls kyns uppákomum öll þessi ár.
Um þessar mundir stendur yfir sýn-
ingin Takkar í Nýlistasafninu sem
eldhúsið setti upp og þar eru haldnir
tónleikar á þriðjudögum, fimmtu-
dögum og laugardögum meðan sýn-
ingin stendur yfir til 19. desember.
Við ákváðum að forvitnast um sýn-
inguna og heyrðum í Kristínu Björk
hjá Tilraunaeldhúsinu en hún kemur
líka fram sem tónlistarmaðurinn Kira
Kira. „Okkur var boðið að halda
þessa sýningu í Nýlistasafninu. Við
vorum búin að eiga þennan leyni-
draum að halda svona sýningu með
list sem heyrist í,“ segir Kristín en
þetta er í fyrsta sinn sem þau standa
fyrir myndlistarsýningu þótt þau hafi
alltaf verið að daðra við myndlist í
gegnum árin og fengið mynd-
listamenn til að vinna með tónlist-
armönnum.
Á sýningunni eru fimm listamenn og
fjórir af þeim eru tónlistarmenn. Það
eru Trabant, Borko, Dj Musician,
Helgi Þórsson úr Stilluppsteypu og
Magnús Helgason.
„Þetta eru allt verk sem heyrast í og
gleðja. Við völdum listamenn sem
heilla umsvifalaust. Það er ekkert
verið að pæla þangað til maður
drepst úr leiðindum,“ segir Kristín og
minnir á að list er skemmtileg en
ekki flókin ráðgáta fyrir áhorfand-
ann að leysa.
Leikvöllur fyrir tónlistarfólk
„Tilraunaeldhúsið er fyrst og fremst
leikvöllur fyrir alls konar tónlistarfólk
og listamenn að hittast á og bauka.
Við höfum búið til sérviskuleg sam-
starfsverkefni og haldið gjörninga
um allan heim,“ segir Kristín en þeim
er oft boðið á erlendar tónlistarhá-
tíðir. „Þegar boðið er gott og girni-
legt þá skellum við okkur. Það er ekki
verra að oft er svona gert með stæl
erlendis og hugsað vel um tónlist-
armennina og við fáum að vera
kóngar og drottningar í smátíma.“
Tónleikaparadís
„Það sem við erum að gera í Jólaserí-
unni eru ekkert endilega risavaxnir
viðburðir. Við erum fyrst og fremst
að fókusera á það sem kviknar milli
listamannanna og það sem verður
til. Stundum verða til heilu hljóm-
sveitirnar, eins og til dæmis Appa-
rat.“
Kristín talar um að þau hafi útbúið
rými í Nýló fyrir litla tónleikaparadís.
„Það hefur alltaf verið sterkasti hluti
af starfsemi tilraunaeldhússins að
búa til þennan leikvöll fyrir lista-
menn til að mætast á og búa til eitt-
hvað nýtt. Okkur fannst það alveg
ómissandi partur af þessari sýningu.
Þá væri einhver lífvera sem spriklaði
hér allt sýningartímabilið.“ Þessi líf-
vera er tónleikaröðin sem þau kalla
Jólaseríu.
Það er margt spennandi á dagskrá
fram að lokahófinu 19. desember.
Nánari upplýsingar eru á http://
nylo.is
JÓLASERÍA TILRAUNAELDHÚSSINS
OG SÝNINGIN TAKKAR Í NÝLÓ
Mynd
Þorkell
Þorkelsson
Texti
Hanna Björk
Landsbyggðardrengirnir í hljómsveit-
inni Reykjavík! hafa á undanförnum
misserum verið duglegir við að kynna
sig og músíkina sína á helstu tón-
leikastöðum höfuðborgarinnar.
Bandið samanstendur af fjórum Ís-
firðingum og einum Reyðfirðingi og
spila þeir eitthvað sem kalla mætti
rokk og ról.
Þetta byrjaði sem kassagítardúett
þeirra Bóasar söngvara og Hauks gít-
arleikara. Þetta var fyrir einu og hálfu
ári, segja þeir, en síðan þá hafa bæst í
hópinn Guðmundur gítarleikari,
Valdimar bassaleikari og Kristján
trommari.
Haukur, Bóas og Guðmundur sitja á
Kaffibarnum og fræða blaðamann
um upptökumál væntanlegrar plötu
sveitarinnar.
Ágætis byrjun 21. aldarinnar
„Við erum búnir að vera í „slotlausri“
vinnu í hljóðveri núna í hvað, þrjá
mánuði,“ segir Bóas og bíður eftir að
hinir tveir samþykki þessa staðhæf-
ingu. Haukur vill aftur á móti meina
að mánuðirnir séu tveir og Guð-
mundur setur spurningarmerki við
orðið „slotlaus“. Þeir geta þó allir ver-
ið sammála um að hljómsveitin er að
vinna að afar metnaðarfullri plötu.
„Þetta verður bæði hljóðskúlptur og
eiginleg plata. Við erum með barna-
kór og rhodes-píanó. Svo kemur
stelpa í heimsókn,“ segir Haukur full-
ur ákafa.
„Þetta gengur rosalega vel,“ lýsir
Bóas yfir. „Við erum búnir að leggja
grunninn að fjórtán lögum. Svo er
bara að hljóðblanda hana …“ Haukur
grípur inn í að strengjasveit verði með
í upptökunum. „Já, ef það gengur að
óskum,“ áréttar Bóas.
„Þetta verður eitthvert metnaðar-
fyllsta verk síðan Lifun Trúbrots kom
út,“ heldur Bóas áfram og Haukur
segir að þeim sé full alvara með að
gefa út Ágætis byrjun 21. aldarinnar.
„Við eigum von á því að platan verði
ofarlega á listum þegar áratugurinn
verður tekinn saman,“ segir Haukur
sannfærandi og hinir tveir kinka sam-
þykkjandi kolli.
„Við erum jafnvel að spá í að fá okkur
stílista,“ bætir metnaðarfullur Hauk-
urinn við.
Afmiðjuð hljómsveit
„Ég held að þetta verði rosaleg plata.
Vinnan að henni hefur alla vega verið
mjög átakanleg fyrir hljómsveitina,“
segir Bóas. Haukur aftur á móti vill
ekki meina að vinnan hafi verið átak-
anleg. „Hún var skemmtileg,“ hrópar
hann yfir hópinn. „Við höfum hnakk-
rifist og það hefur legið við handalög-
málum,“ æpir Bóas á vin sinn og
Haukur minnist skyndilega einhverra
átaka sem áttu sér stað.
„Ég held bara að nokkrir árekstrar séu
það sem við þurfum sem manneskjur
til að þroskast og þróa okkur áfram.“
„Algjörlega,“ segir Haukur. „Framfar-
ir spretta af átökum. Þetta virkar svo-
lítið eins og samblanda af Hegel og
Foucault ef þú tékkar á þessu. Þá er-
um við með þessa samstarfs-díalektík
þú veist. Bóas kemur kannski með
hugmynd og svo kem ég með betri
hugmynd. Svo kemur hann kannski
með enn betri hugmynd og úr þessu
verður svona „symbíósa“ góðra hug-
mynda. Í rauninni er það „syntesan“
okkar starfs.“ Haukur heldur áfram á
þessum nótum. Derrida ber á góma
og einnig Kant og blaðamaður horfir
sljóum og skilningslausum augum á
borðið. „Þetta verður í rauninni til
þess að við erum frekar afmiðjuð
hljómsveit, við fljótum um í rhísóm-
ískri andakt,“ segir Haukur að lokum.
Þess má geta að þrír meðlimir bands-
ins eru í heimspeki við Háskóla Ís-
lands. „Þetta er háskólahljómsveit,“
segir Guðmundur og Bóas telur að
hugtakið „háskólarokk“ öðlist al-
gjörlega nýja meiningu hjá þeim.
Simpsons-kynslóðin
„Svo að við minnumst aðeins á texta-
gerðina okkar,“ segir Bóas, „þá erum
við kannski ekkert rosalega pólitískir
en við reynum að stinga á ýmiss konar
kýlum í samfélaginu. Til að mynda í
lagi sem ber vinnutitilinn „Ted Dans-
on“. Það fjallar öðrum kosti um það
að nú eiga sér allir heimasíður og
bloggsíður og lifa dálítið tvöföldu lífi;
geta verið svolítið „gangsterar“ á int-
ernetinu þótt þeir séu það kannski
ekki í raunveruleikanum og eru að slá
um sig með alls konar tilvísunum í
popp-kúltúr og þær eru oft rosalega
gegnsæjar,“ útskýrir Bóas. „Okkur
þykir þetta vera kjánaleg þróun af því
að fólk tapar um leið hæfileikanum til
einlægni í mannlegum samskiptum.
Það getur verið töff á internetinu en
það verður lokaðra fyrir vikið í einka-
lífinu.“ „Ég meina motherfucker,“
segir Haukur ákafur, „opnaðu bara
hvaða bloggsíðu sem er þá er fólk bú-
ið að hrúga inn alls konar hlekkjum
og myndum og það er undantekning-
arlaust eitthvert svona „kits“ eða ein-
hverjir poppkúltur karakterar frá
svona áttunda og níunda áratugnum.
Það er í rauninni ekkert afrek, ég
meina hvað ertu að segja með því?
Ekki: „Ég er aðdáandi þessa manns,“
því með því að berskjalda þig þannig
seturðu þig um leið í viðkvæma
stöðu. Þetta er bara eitthvað til að
segja: „Sjáðu hvað ég er sniðugur og
hipp gaur.“ Þú segir að þú kunnir að
meta eitthvað, þá er það alltaf með
einhverjum fyrirvara. Þetta kemur
skýrt fram á sumum skemmtistöðum
en þá er undantekningalítið leiðinleg
tónlist í gangi, eitthvert eitís-kjaft-
æði. Eitthvað svona fyndið. Fólk er
alltaf að fela sig á bak við hæðnina.
Við erum alls ekki barnanna bestir í
þessum málum, við erum líka fórn-
arlömb þessarar tilhneigingar. Við er-
um algjörlega hluti af Simpsons-
kynslóðinni.“
Þegar þeir eru spurðir hvort komandi
plata hljómsveitarinnar sé einlæg
koma fyrst upp bæði já og nei til
skiptis en eftir smávangaveltur út-
skýrir Bóas þetta betur.
„Hún hefur þessa tilhneigingu líka,
hún getur alltaf falið sig á bak við
eitthvað ef einhver ætlar að gagn-
rýna hana illa.“ Guðmundur er aftur á
móti ósammála þessu og vill meina að
platan sé afskaplega einlæg og að
lokum tekur Bóas, og þeir allir, undir
það líka.
Hljómsveitin Reykjavík! mun leika á
Grandrokki annað kvöld, föstudags-
kvöld, ásamt Hairdoctor og ástralska
tónlistarmanninum Ben Frost.
Texti
Þormóður Dagsson
Mynd
Ásdís Ásgeirsdóttir
HLJÓMSVEITIN REYKJAVÍK!
EINLÆGT ROKK Í VIÐJUM POPPKÚLTÚRS