Morgunblaðið - 08.12.2005, Blaðsíða 20

20
HOBBÍ-
HORNIÐ
TÖLVULEIKUR
Það ættu allir að vera farnir að
kannast við japanska fyrirbærið Su-
doku en á undanförnum misserum
hafa vinsældir þessarar talnaþrautar
farið eins og eldur um sinu um allan
heim. Hún er meira að segja farin
að ógna því plássi sem krossgátur
hafa löngum átt í flestum dagblöð-
unum.
Þennan leik er núna hægt að spila í
nýjum PSP-tölvuleik en Sony Com-
puter Entertainment var nefnilega
að gefa út tölvuleikinn Go! Sudoku,
og hann er aðeins fáanlegur á PSP.
Framsetning leiksins er mjög fersk
og flott og hentar bæði byrjendum
og reyndum spilurum.
Leikurinn inniheldur 1.000 glænýjar
þrautir og svo þegar leikmaður hef-
ur rúllað öllum þeim þrautum upp
er minnsta mál að hlaða niður af
netinu fleiri þrautum.
Erfiðleikastigin eru fjögur og svo
eru ýmsir aðrir „fítusar“ eins og mis-
munandi tímamörk, hreyfanlegir
bakgrunnar, hressandi tónlist og
mjög skemmtilegir hljóð-effektar og
síðast en ekki síst býður leikurinn
upp á multiplayer-keppni.
Í Go! Sudoku er fullkomin kennsla
og þjálfun, ásamt hjálparkerfi þar
sem byrjendur fá 5 tækifæri til að
setja töluna inn – en eftir það eru
leikmenn á eigin vegum. Þá byrjar
leikmaðurinn fyrir alvöru að rækta í
sér rökhyggjuna.
GO! SUDOKU
TALNAÞRAUTIN VINSÆLA Á PSP
Keilan er með elstu
íþróttagreinum í
heimi og keiluhallir
hafa alltaf verið vin-
sælir samkomustaðir
í Bandaríkjunum og
vinsæll vettvangur
fyrir unglingadeit.
Fyrsti vísirinn að
keilusal á Íslandi var í
Camp Knox í vest-
urbænum á stríðs-
árunum þar sem tvær
keilubrautir voru í
einum bragganum.
Keiluhöllin í Öskju-
hlíð var svo opnuð 1.
febrúar 1985 og var fyrsta hús sinnar teg-
undar hér á landi. Ýmsar endurbætur hafa
verið gerðar á aðstöðunni og fyrir nokkrum
árum var opnaður Sportrokkbarinn á staðn-
um og farið að bjóða upp á diskókeilu um
helgar og á miðvikudagskvöldum.
Diskókeilan með hrífandi diskóljósum og
dynjandi stuðtónlist breytir boðinu í keilu-
dansleik. Enda alveg tilvalið sport að sameina
bjórdrykkju, diskóljós og keilu.
Ásta sem vinnur í Keiluhöllinni segir að það sé
alltaf mjög mikið að gera um helgar. „Það er
mjög gaman í diskókeilunni, það eru diskó-
ljós, blacklight-ljós, diskókúla og við slökkv-
um ljósin og spilum alls konar stuðtónlist.“
Keiluhöllin er með sex brautir við Sportrokk-
barinn og þar má vera með bjór. „Það er mjög
vinsælt um helgar og oftast biðlisti. Það er
líka hægt að panta fyrir hópa og það er mjög
mikið um að fyrirtæki panti. Þá er það fólk al-
veg frá 17 ára og upp í sextugt sem kemur í
þessum hópum,“ segir Ásta og bætir við að
annars séu bara alls konar fólk í diskókeilu.
„Það er líka rosalega mikið um að fólk biðji
um diskókeilu þegar hún er ekki í gangi, en
það eru aðallega unglingar sem biðja um
hana“ segir Ásta.
Ekki svo vitlaust í skammdeginu að fara á
Sportrokkbarinn og kíkja í diskókeilu og fá
smávegis diskóljós beint í æð.
HOBBÍHORNIÐ!
DISKÓKEILA: HRESSILEGUR
KEILUDANSLEIKUR
Daníel Ágúst gaf út sólóplötuna Swallowed a Star
hér á landi í október. Hann gaf sér ekki tíma þá til
að halda útgáfutónleika en spilaði á Airwaves-
tónlistarhátíðinni sem var haldin í lok október.
Hann lætur verða af því núna 14. desember í Óper-
unni að halda sérstaka tónleika í tilefni af útgáfu
plötunnar.
Platan hefur fengið glimrandi fínar viðtökur. „Já,
og alveg frábæra dóma. Svo er líka fólk að koma til
mín og lýsa yfir ánægju sinni með þetta. Þá verð ég
extra glaður fyrir utan það að vera ánægður með
að platan er komin út. Ég er mjög ánægður með
gripinn í sjálfu sér. Ég þarf ekkert mikið klapp á
bakið en það er ekkert verra í skammdeginu,“ segir
Daníel Ágúst og hlær.
Leitin mikla
Swallowed a Star hefur verið í vinnslu síðastliðin
fimm ár sem þykir kannski heldur langur tími.
„Í sjálfu sér var ég ekki lengi að vinna diskinn. Ég
vann í honum í skorpum og það var frekar langt á
milli þeirra skorpa. Hann var eiginlega tilbúinn fyrir
tveimur árum,“ segir Daníel Ágúst en þá hófst leitin
mikla að einhverjum sem vildi gefa tónlistina út.
„Ég fór að reyna að finna þessu afkvæmi mínu
heimili. Það skildu ekki allir hvað ég var að fara
með þessu. Það fór mesta púðrið í það að koma
fólkinu í plötuiðnaðinum í skilning um þetta tónlist-
arbrall.“
En þú hefur alveg haft trú á þessu?
„Já, maður verður hafa trú á því sem maður er að
gera, annars getur maður bara gleymt þessu,“ segir
Daníel Ágúst og lýsir plötunni sem hvorki klassík né
poppi,“ hún er kannski ekki mjög grípandi við fyrstu
hlustun en hún er persónuleg og tilfinningarík.“
Tilfinningabatterí
Daníel Ágúst lofar mjög sérstakri kvöldstund í Óper-
unni. Mr. Silla mun hita upp og hljómsveitin Rass
hefur verið fengin til að enda þetta með stæl.
„Mig langaði að sjóða saman eitthvað skemmtilegt
fyrir þessa tónleika. Mr. Silla er kjarnastelpa sem er
frekar hlédræg í fasi en syngur frá hjartans rótum.
Rass er mjög hressandi, íslenskt ádeilupönk og ég
verð með mitt tilfinningabatterí á sviðinu.“ Með
Daníel Ágústi spilar fimm manna strengjasveit og
fyrir utan það sem fólk á eftir að heyra þá lofar
hann mikilli sjónrænni veislu. „Ég gerði vídeó með
Gabríelu og fleirum til að myndskreyta lögin á tón-
leikum. Það er tileinkað myndefni við hvert einasta
lag. Fyrst átti það að vera staðgengill hljómsveitar á
sviðinu en svo komst ég að því að það er pínu fá-
tæklegt, einmanalegt og kalt á sviðinu án hljóm-
sveitar.“
Daníel Ágúst heldur til London daginn eftir tón-
leikana í Óperunni og fleiri tónleikar eru fyrirhug-
aðir í París, Antwerpen og Texas en platan hans
kemur út hjá One Little Indian í febrúar á næsta ári.
DANÍEL ÁGÚST
GLEYPTI STJÖRNU
Texti
Hanna Björk
Mynd
Frosti Runólfsson