Tíminn - 08.07.1971, Blaðsíða 8
»
TIMI.NN
FIMMTUDAGUR 8. júli 1971
Þáittakendur á búsmæSravllcwitm i Bifröst.
Hin árlega húsmæðVavika
kaupfélaganna og Fræðsludeild
ar Sambandsins í Bifröst var að
þessu sinni haldin dagana 20.—
26. maí, og var sú 12. í röðinni.
Húsmæðravikuna sóttu 60 kon-
ur frá 16 kaupfélögum víðs veg
ar að af landinu, auk þeirra Þor-
gerðar Jónsdóttur, Vík í Mýr-
dal, og Halldóru Ásmundsdótt-
ur, Reykjavík, sem voru sér-
stakir gestir vikunnar. Hús-
mæðrunum er boðið til vikunn-
ar þrim að kostnaðarlausu. Hún
er fyrst og fremst ætluð til
hvíldar og upplyftingar frá önn
hversdagsins, en þó er margt á
boðstólum til fróðleiks og
skemmtunar. Baldur Öskarsson,
erindreki Sambancjsius, undir-
bjó dagskrá vikunnar og stjórn-
aði henni, en frú Guðlaug Ein-
arsdóttir í Bifröst stóð fyrir
móttökum og heimilishaldi.
Á vikunni voru flutt erindi
af ýmsu tagi og má þar nefna
að Snorri Þorsteinsson fjallaði
um samvinnumál og íslenzkar
bókmenntir, Björn Th. Björns-
son um íslenzka myndlist og ís-
lenzkt kvensilfur, Sigurður A.
Magnússon um Stein Steinarr,
Óli Valur Hansson um heimilis-
garðrækt, Guðmundur Sveins-
son um trú og menningu og
Baldvin Þ. Kristjánsson um
tryggingahugsjón nútímans. Þá
var kynning osta og ostarétta,
sem Margrét Kristinsdóttir ann-
aðist og kennsla í snyrtingu,
sem Guðbjörg Guðmundsdóttir
sá um.
Sunnudaginn 23. maí var far-
in kynnisferð um Borgarfjörð
og þá m. a. sótt messa í Staf-
holti hjá sr. Brynjólfi Gísla-
syni og Kf. Borgfirðinga í Borg-
arnesi bauð húsmæðrum til
kaffidrykkju og sýndi jafnframt
hina glæsilegu verzlun kaupfé-
lagsins þar, undir leiðsögn Ólafs
Sverrissonar, kaupfélagsstjóra.
Á kvöldin var ýmislegt til
skemmtunar, svo sem framsókn-
arvist, kvikmyndasýningar og
bingó, og æfður kórsöngur und-
ir stjórn Björns Jakobssonar í
Borgarnesi. Síðasta kvöldið var
haldin kvöldvaka, sem húsmæð-
urnar höfðu sjálfar allan veg og
vanda af. Til hennar var boðið
sérstaklega konum úr Norður-
árdal. Þar komu konur frá öll-
um kaupfélögunum m'éð siii Séí-
stöku framlög og var mikið af
því frumsamið af flytjendum
sjálfum. í lok kvöldvökunnar
voru þeim Guðlaugu og Baldri
færðar gjafir frá' húsmæðrun-
um, en Baldur afhenti Birni
Jakobssyni sérstaka gjöf frá
húsmæðravikunni.
Húsmæðravikan þótti mjög
vel takast að þessu sinni, eins
og jafnan áður, og er hér um
að ræða einhvern ánægjulegasta
þátt í félagsstarfi samvinnufé-
laganna. Henni verður að sjálf-
sögðu haldið áfram, en á hinn
bóginn hefur það komið til orða
hjá stjórnendum vikunnar að
breyta út frá hinum hefðbundna
hætti, þannig að bjóða til henn-
ar bæði konum og körlum, og
koma þannig ef til vill eitthvað
til móts við tíðarandann.
Telpnakórinn syngur. Björn Jakobsson stjórnar.
I