Fréttablaðið - 10.09.2002, Blaðsíða 10
10 10. september 2002 ÞRIÐJUDAGUR
Útgáfufélag: Frétt ehf.
Ritstjóri: Gunnar Smári Egilsson
Fréttastjóri: Sigurjón M. Egilsson
Ritstjórnarfulltrúi: Steinunn Stefánsdóttir
Auglýsingastjóri: Þórmundur Bergsson
Ritstjórn, auglýsingar og dreifing:
Þverholti 9, 105 Reykjavík
Aðalsími: 515 75 00
Símbréf á fréttadeild: 515 75 06
Rafpóstur: ritstjorn@frettabladid.is
Símbréf á auglýsingadeild: 515 75 16
Rafpóstur: auglysingar@frettabladid.is
Setning og umbrot: Frétt ehf.
Prentvinnsla: Ísafoldarprentsmiðja hf.
Fréttablaðinu er dreift ókeypis á heimili
á höfuðborgarsvæðinu. Einnig er hægt að fá
blaðið í völdum verslunum á landsbyggðinni.
Fyrirtæki geta fengið blaðið gegn greiðslu
sendingarkostnaðar; kr. 1.100 á mánuði.
Fréttablaðið áskilur sér rétt til að birta allt efni
blaðsins í stafrænu formi og í gagnabönkum
án endurgjalds.
BRÉF TIL BLAÐSINS
Jón og
séra Jón
Sofus Berhelsson skrifar:
Ég er ómagi, en svo voru þeirkallaðir áður fyrr sem voru yf-
irvaldinu til þyngsla, í dag heitir
það að vera ellilífeyrisþegi. Þrátt
fyrir það er hægt að taka af mér
skatta. Ég byrjaði að greiða skatta
þegar ég var 18 ára. Ég á mánuð í
að verða 88 ára. Með öðrum orðum
hef ég greitt opinber gjöld í 70 ár.
Hvað ætli það séu margar milljón-
ir? Mér þykir nóg komið. Svo er
alls ekki. Um síðustu mánaðamót
var skatturinn hækkaður og þar
með dregið úr ráðstöfunarfé mínu
sem er reyndar ekki mikið.
Við þessu er fátt að gera meðan
svo margir ellilífeyrisþegar kjósa
að styðja núverandi ríkisstjórn.
Mig grunar að ráðherrarnir ráði
ekki svo miklu. Heldur milljarða-
mæringar að baki þeim.
Nýlega var sagt frá því í frétt-
um geðsjúkur maður hafi verið
tekinn fyrir að stela sér mat. Hann
var látinn sitja í fangelsi í tvo mán-
uði. Það er ekki sama Jón og séra
Jón. Hvaða refsing væri þá eðlileg
fyrir þingmanninn fræga?
Hvernig þjóðfélag er þetta sem
ég mun brátt yfirgefa?
Lesendur geta skrifað bréf íblaðið. Æskilegt er að hvert
bréf sé ekki lengra en sem nemur
hálfri A4-blaðsíðu. Hægt er að
senda bréfin í tölvupósti, rit-
stjorn@frettabladid.is, hringja í
síma 515 7500, faxa í síma 515 7506
eða senda bréf á Fréttablaðið,
Þverholti 9, 105 Reykjavík.
LESENDABRÉF
KEIKÓ Háhyrningurinn Keikó hef-
ur ekki verið sjálfum sér líkur
síðustu daga og því tók þjálfari
hans, Colin Baird, blóðprufu úr
honum snemma á sunnudags-
morgun. Niðurstöður blóðpruf-
unnar hafa verið sendar til
Bandaríkjanna þar sem sérfræð-
ingar munu fara betur yfir þær.
Talið er að Keikó sé kvefaður og
því hefur verið ákveðið að setja
hann á penisilínkúr. Þá fær hann
einnig um 50-70 kíló af fiski að
borða daglega þar sem hann hef-
ur ekki aflað sér matar sjálfur
undanfarið.
Keikó hefur ekki haft mikinn
félagsskap af mannfólki síðustu
daga þar sem 50 metra nálgunar-
bann var sett á háhyrninginn fyr-
ir helgi. Norski hvalveiðimaður-
inn Steinar Bastesen sagði í sam-
tali við Nettavsien í Noregi að
Bandaríkjamenn eigi að fara með
dýrið aftur til Bandaríkjanna og
leyfa því að drepast í sædýra-
safni. Hann segir Keikómálið allt
vera hina mestu dellu og Banda-
ríkjamenn eigi að hætta að ónáða
aðrar þjóðir með þessu heimatil-
búna vandamáli sínu.
Keikó er slappur:
Blóðprufa tekin
GLÚKÓSAMÍN „Það sem að okkur
snýr er svo til klárt. Við fylltum
upp hér á hafnarsvæðinu og að-
eins lokafrágangur eftir þar. Við
höfum úthlutað fyrirtækinu rúm-
lega 5.000 fermetra lóð hér á
hafnarbakkanum.
Þá er bærinn í
stakk búinn að út-
vega fyrirtækinu
orku og allt það
vatn sem til þarf,
bæði heitt og kalt
en vatnsnotkun er
mikil við fram-
leiðsluna,“ segir
Reinhard Reynisson, bæjarstjóri
á Húsavík.
Fyrir nokkru var Glucomed
ehf. stofnað en það er félag sem
hefur að markmiði að reisa og
starfrækja verksmiðju til fram-
leiðslu á heilsubótarlyfinu glúkó-
samín á Húsavík.
Glúkósamín hefur verið skil-
greint sem fæðubótarefni á Ís-
landi en er skráð lyf í 28 löndum.
Efnið er unnið úr iðnaðarkítini og
rækjuskel. Glúkósamín er talið
vinna gegn gigt og hefur sala
þess farið vaxandi um allan heim.
Að baki félaginu stendur hópur
erlendra fagfjárfesta, sem hafa
yfir að ráða tæknibúnaði, þekk-
ingu og markaðsstöðu á þessu
sviði. Verkefnið er búið að vera
nokkuð lengi í vinnslu en horfur
eru á að framkvæmdir við verk-
smiðjuna geti hafist fyrir mán-
aðamót. Stefnt er að byggingu 700
fermetra verksmiðjuhúss í byrj-
un en áætlanir miðast við 1.300
fermetra húsnæði. Kostnaður
verður um 200 milljónir króna í
fyrsta áfanga en fer líkast til í 400
milljónir við endanlega stærð
verksmiðjunnar.
Búið að tryggja markaði fyrir
afurðir verksmiðjunnar og hrá-
efni til vinnslunnar. Áætlanir
gera ráð fyrir að tíu til fimmtán
störf gætu skapast við framleiðsl-
una. Störfum gæti fjölgað þegar
og ef töfluverksmiðja verður
reist á athafnasvæði Glucomed
ehf.
Hópur erlendra fjárfesta hef-
ur skoðað sig um á Húsavík og
telja þeir kjöraðstæður þar fyrir
hendi, ekki síst vegna mikils
framboðs af bæði 100 gráðu heitu
vatni og köldu vatni sem þarf til
framleiðslunnar. Miðað er við að
erlendu fjárfestarnir leggi fram
90% af því fé sem til þarf en ís-
lenskir fjárfestar 10%.
the@frettabladid.is
Glúkósamínverk-
smiðja rís á Húsavík
KEIKÓ
Best geymdur í sædýrasafni að mati
norsks hvalfangara sem segir útilokað að
dýrið nái nokkurn tíma að komast í há-
hyrningahóp að nýju.
Fjármögnun tryggð og framkvæmdir hefjast í september. Erlendir fjár-
festar fjármagna 90% framkvæmdanna. Búið að tryggja markaði fyrir
afurðirnar og hráefni til vinnslunnar.
HÚSAVÍK
Verksmiðjan gæti skapað tíu til fimmtán störf í bænum. Hafsteinn Már Einarsson frá
Gallup mun kynna niðurstöður könnunarinnar og svara spurningum sem upp kunna að
koma. Markús Örn Antonsson útvarpsstjóri og Þorsteinn Þorsteinsson forstöðumaður
markaðssviðs RÚV munu einnig svara fyrirspurnum fyrir hönd RÚV.
Glúkósamín er
talið vinna
gegn gigt og
hefur sala
þess farið vax-
andi um allan
heim
TÖSKUR RANNSAKAÐAR
Öryggisverðir rannsaka töskur farþega flug-
vélarinnar á alþjóðaflugvellinum í Bombay
í Indlandi.
Maður ætlaði að ræna
indverskri flugvél:
Yfirbug-
aður af
áhöfn og
farþegum
COLOMBO, SRI LANKA, AP Maður sem
reyndi að ræna flugvél sem var á
leið frá indversku borginni
Bombay til Maldíveyja var hand-
tekinn í gær. Áfhöfnin yfirbugaði
manninn í félagi við nokkra far-
þega er hann reyndi að komast inn
í flugstjóraklefann með hníf að
vopni. Maðurinn, sem er 41 árs
gamall, var með indverskt vega-
bréf meðferðis. Um 200 manns
voru um borð í vélinni og var far-
angur þeirra rannsakaður eftir at-
vikið.
AP
/M
YN
D
HÖFÐABAKKI 9 112 REYKJAVÍK
SÍMI: 544 5330 FAX: 544 5335
Leitið tilboða
í stærri verk
Stærð:
D: 50 cm
B: 30/40 cm
H: 180 cm
Stál-
skápar
fyrir
vinnustaði
kr. 7.300,-
Verð frá
Stálskápar
Stærð:
D: 100 cm
B: 290 cm
H: 250 cm
Tekur
9 bretti
Brettahillur
kr. 19.920,-
Næsta bil
kr. 15.438,-
Lagerhillur
Stærð:
D: 60 cm
B: 190 cm
H: 200 cm
3 hillur
kr. 15.562,-
Næsta bil
kr. 13.197,-
Stálhillur
í fyrirtæki
og heimili
Stálhillur
Stærð:
D: 40 cm
B: 100 cm
H: 200 cm
5 hillur
kr. 8.765,-
Næsta bil
kr. 6.125,-
en gott
Við bjóðum
ÓDÝRT
10
11
/
T
A
K
TÍ
K
-
N
r.:
2
9
B
Það er svolítið óheiðarlegt afHalldóri Ásgrímssyni og
Steingrími J. Sigfússyni að bera
R-listann fyrir sig
þegar þeir lýsa
andstöðu sinni við
framboð Ingi-
bjargar Sólrúnar
Gísladóttur til
þings.
Frá bæjardyr-
um Reykvíkinga
og R-listans er
framboð Ingi-
bjargar gott mál.
B o r g a r s t j ó r i
Reykvíkinga á að sitja á þingi.
Fyrir því eru söguleg fordæmi
og haldbær rök. Reykvíkingum
veitir ekki af öflugum talsmanni
í þingsali. Þar hefur hagsmunum
Reykvíkinga þráfaldlega verið
fórnað fyrir hagsmuni minni
sveitarfélaga.
Ekki minni menn en Davíð
Oddsson hafa bent á þessar stað-
reyndir. Þegar hann var borgar-
stjóri gaf hann kost á sér í próf-
kjör sjálfstæðismanna í Reykja-
vík með skírskotun til hefðarinn-
ar og þörf Reykvíkinga fyrir
talsmann á þingi. Framboð Dav-
íðs var ekki svik við kjósendur
sem höfðu veitt honum umboð til
að leiða meirihluta í borgar-
stjórn. Atvik þróuðust hins vegar
þannig að hann sagði upp starfi
borgarstjóra og varð forsætis-
ráðherra. Eflaust gæla stuðn-
ingsmenn Ingibjargar við að hún
geti endurtekið þennan leik en
framboð hennar til þings er eng-
in ávísun á það.
Framboð Ingibjargar til þings
ætti að styrkja R-listann frekar en
veikja. Það er kostur ef oddviti
listans situr á þingi. Það tryggir
stöðu þessa kosningabandalags í
íslenskum stjórnmálum. Oddviti
sjálfstæðismanna í borgarstjórn
situr á þingi og mun örugglega
gera það áfram eftir kosningar í
vor. R-listinn á að fara að dæmi
sjálfstæðismanna.
Ástæðan fyrir andúð Halldórs
og Steingríms á framboði Ingi-
bjargar Sólrúnar til þings byggir
því hvorki á sjónarmiðum Reyk-
víkinga né R-listans. Hún ræðst
af ótta þeirra við að Ingibjörg
veiði atkvæði frá flokkum þeirra
í vor. Þetta eiga þeir að viður-
kenna og segja: Ég vil ekki að
Ingibjörg bjóði sig fram vegna
þess að ég er hræddur um að þá
fái ég færri atkvæði.
Ingibjörg á hins vegar að til-
kynna framboð sem allra fyrst.
Hún skuldar engum afsökun eða
útskýringar vegna þessa – nema
þá fjölskyldu sinni.
Gunnar Smári Egilsson
Borgarstjóri á að sitja á þingi
„Framboð
Davíðs var
ekki svik við
kjósendur
sem höfðu
veitt honum
umboð til að
leiða meiri-
hluta í borgar-
stjórn.“
skrifar um undarleg viðbrögð
Halldórs Ásgrímssonar og Steingríms
J. Sigfússonar við hugsanlegu
framboði Ingibjargar Sólrúnar til þings.
Mín skoðun
Gunnar Smári Egilsson