Fréttablaðið - 10.09.2002, Blaðsíða 24
Byggðu á þínum tíma
Grafarvogi
Vestur í bæ
Kópavogi
Ármúla
Áhinu undurfurðulega Fróni æðaskemmtikviður beint af hafi með
haustvindum yfir borgarbúana við
bláu sundin og kitla taugarnar svo
gárunga verkjar af hlátri frá morgni
til kvölds. Eilífur stormur í vatns-
glasi gleður mörlandann - nú síðast
könnun sem grallarar létu gera á því
hversu margir vildu að borgarstjór-
inn gengi á bak orða sinna, beislaði
hvíta hestinn og kæmi til bjargar
landsmálapólitíkusum í tilvistar-
kreppu. Borgarmeistarinn varð auð-
mjúkur og þakklátur og sagðist í það
minnsta skulda skensurunum að
hugsa málið. Á meðan skeggræðir
landinn - á hún að fara eða að vera?
Spekúlantar sitja brúnaþungir og
reyna að ímynda sér hvað borgar-
stjórinn er að hugsa. Skyldi hún láta
loforðin lönd og leið?
LEIÐTOGATRÚIN fær byr undir
báða vængi og nú er ljóst að það
verður að finna ofurmenni til að fella
þaulsetinn karl sem virðist vera
límdur með tonnataki við stjórnar-
ráðið. Sá beislaði sinn gæðing og
þeysti út úr borginni í björgunarleið-
angur á sínum tíma með góðum ár-
angri. Að vísu valdi hálf þjóðin sér
borgarmeistara fyrir örfáum vikum
og nokkuð ljóst að kosningar í borg-
inni hefðu farið á annan veg ef borg-
arbúar hefðu vitað það sem þeir vita
núna - nefnilega að hún er að hugsa
málið. Í Valhöll hljóta menn að halla
sér aftur, brosa breitt og fylgjast
með skemmtidagskránni.
NÚ ER VANDRÆÐAGANGUR á
fylkingarfólki. Svo virðist sem skipta
eigi út í brúnni án þess að tala við
þann sem þar stendur og ákaft er
hrópað á hjálp yfir borgarmúrana.
Hvernig sem fer er skútan skemmd
og löskuð eftir storminn í glasinu.
Kjósendur sem héldu að þeir væru
að velja sér borgarstjóra í mikilli
leiðtogaveislu í vor eru aldeilis
hlessa og bíða undrandi eftir því að
borgarmeistarinn hætti að hugsa sig
um.
FYRIRTAKS samkvæmisleikur
hefur verið fundinn upp. Hann má
útfæra á ýmsa vegu og getur dugað
í veislur og kaffisamsæti árum sam-
an. Það má gera könnun á því hve
margir vilja að Ólafur lýsi sig kóng.
Svo má kanna hversu margir eru
hlynntir því að Davíð fari á fastan
samning hjá Þjóðleikhúsinu og gam-
an væri að kanna þjóðarhug varð-
andi einkennisbúninga alþingis-
manna. Einnig væri tilvalið að
kanna hvort leggja ætti niður um-
hverfisráðuneytið og fá umhverfis-
ráðherra til að hugsa málið.
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Bakþankar
Kristínar Helgu Gunnarsdóttur
Samkvæmisleikir