Fréttablaðið - 21.10.2002, Blaðsíða 6
6 21. október 2002 MÁNUDAGUR
34. Kirkjuþing:
Harmar
deilur um
Sólheima
KIRKJUÞING Kirkjuþing lætur í ljós
vonbrigði vegna þeirra deilna sem
uppi eru varðandi Sólheima í
Grímsnesi. Þingið hvetur til þess að
lausn verði fundin og að hagsmunir
fatlaðra íbúa byggðahverfisins séu
ávallt hafðir að leiðarljósi. Í álykt-
un Kirkjuþings er mælst til þess að
Kirkjuráð fylgi eftir samþykkt
Prestastefnu 2002 varðandi endur-
skoðun skipulagsskrár Sólheima.
Ennfremur telur Kirkjuþing æski-
legt að aðild Prestastefnu að skipan
fulltrúaráðs sjálfseignarstofnunar-
innar falli brott.
LEYNISKYTTAN Þrjátíu og sjö ára
gamall maður er í lífshættu eftir
að skotið var á hann þegar hann
yfirgaf veitingastað í bænum
Ashland í Virginíu á laugardag.
Maðurinn var ásamt eiginkonu
sinni á bílastæði fyrir framan
veitingastaðinn þegar hann fékk
skot í kviðinn. Yfirvöld treystu
sér ekki til að staðfesta að
leyniskyttan sem herjað hefur á
íbúa Virginíuríkis hafi verið að
verki en segjast ganga út frá því
að svo sé þar til annað kemur í
ljós.
Leyniþjónustumenn og meðlim-
ir sérsveitar sem hefur rannsakað
mál skyttunnar mættu strax á
vettvang, lokuðu vegum og leit-
uðu í ökutækjum alla leið frá
árásarstaðnum til Washington.
Leyniskyttan hefur ekki áður
gert árás um helgi en ef hún
stendur að baki tilræðinu er þetta
tólfta árás hennar frá 2. október.
Níu manns eru látnir eftir þessar
árásir og þrír eru særðir.
Lögregla leitar enn að hvítum
sendiferðabíl sem talinn er tengj-
ast árásunum og skothylki sem
fannst fyrir helgina í yfirgefnum
sendiferðabíl er enn í rannsókn og
það verður ekki fyrr en í fyrsta
lagi í dag sem það kemur í ljós
hvort rekja megi skotið og þá um
leið bílinn til skyttunnar.
ALRÍKISLÖGREGLAN Á VETTVANGI
Yfirvöld óttast að leyniskyttan alræmda
hafi verið að verki þó ekki hafi tekist að fá
það staðfest þar sem læknum hafði ekki
tekist að ná byssukúlunni úr líkama fórnar-
lambsins.
Leyniskyttan aftur á stjá:
Tólfta fórnarlambið er í lífshættu
EVRÓPUSAMBANDIÐ Írar staðfestu
Nice-sáttmálann um stækkun Evr-
ópusambandsins með miklum
meirihluta í þjóðaratkvæða-
greiðslu. Þjóðin hafnaði þessum
sama samningi í
kosningu í fyrra og
setti þar með
stækkunaráform
ESB í austur í upp-
nám. Fyrstu tölur
bentu til að samn-
ingurinn yrði stað-
festur með um tveimur þriðju grei-
ddra atkvæða. Kjörsókn fór yfir
40% sem er mun betra en í fyrra
þegar einungis einn þriðji kjör-
gengra Íra mætti á kjörstað. Þessi
litla kjörsókn þá gagnaðist and-
stæðingum stækkunar ESB vel
sem fögnuðu sigri. Mary Harney,
varaforsætisráðherra, fagnaði
fyrstu tölum og sagði ljóst að Írar
vildu ekki verða eyrnamerktir sem
þjóðin sem kom í veg fyrir stækk-
un Evrópusambandsins árið 2004.
Harney taldi víst að 60% kjósenda
myndu staðfesta sáttmálann en
samkvæmt skoðanakönnunum
kvöldið fyrir kosningar voru 19%
kjósenda enn óákveðnir, 42% ætl-
uðu að staðfesta sáttmálann og
29% hugðust hafna honum.
Leiðtogar annarra ríkja biðluðu
til Íra á elleftu stundu og báðu þá
að hafa það í huga að niðurstöður
kosninganna yrðu afdrifaríkar.
Romano Prodi, forseti fram-
kvæmdastjórnar Evrópusam-
bandsins, lýsti því yfir að ef Írar
segðu nei öðru sinni yrði það
„harmleikur“ og Anders Rasmus-
sen, forsætisráðherra Danmerkur
og formaður ráðherranefndar
ESB, sagði að í kjölfar neitunar Íra
myndi fylgja „fordæmislaus upp-
lausn“ bæði á pólitískum og efna-
hagslegum vettvangi.
Þeir Írar sem styðja sáttmálann
segja að áformin um fjölgun aðild-
arríkja um 12 muni styrkja efnahag
landsins og auka á menningarlega
fjölbreytni innan sambandsins.
BERTIE AHERN
Forsætisráðherra Írlands yfirgefur kjörstað
á laugardag eftir að hafa tekið þátt í at-
kvæðagreiðslu um Nice sáttmálann.
Írar gefa grænt ljós
á stækkun ESB
Góður meirihluti Íra staðfesti Nice-sáttmálann í þjóðaratkvæðagreiðslu
um helgina. Varaforsætisráðherrnna fagnaði niðurstöðunni en leiðtogar
annarra aðildarríkja höfðu varað við alvarlegum afleiðingum neitunar.
KIRKJUÞING Nýafstaðið Kirkjuþing
harmar þá skerðingu sem varð á
sóknar- og kirkjugarðsgjöldum á
þessu ári. Kirkjuþing minnir
stjórnvöld á að Þjóðkirkjan telur
sig eiga inni hjá ríkissjóði rúmar
150 milljónir króna vegna skerð-
ingarinnar í ár. Sú skerðing muni
sannanlega hafa varanleg áhrif á
starf og fjárhagsstöðu safnaða
Þjóðkirkjunnar. Í ályktun Kirkju-
þings er vitnað til orða Sólveigar
Pétursdóttur, dóms- og kirkju-
málaráðherra við setningu yfir-
standandi Kirkjuþings.
„Nú í haust var ákveðið að
sóknar- og kirkjugarðsgjöld fái
eðlilega uppfærslu frá fyrra ári og
engar ráðagerðir eru uppi um
frekari skerðingu á þeim,“ sagði
ráðherra.
Kirkjuþing krefst þess að
skerðing þessa árs fáist leiðrétt og
hvetur þingið Kirkjuráð til þess að
vinna að því máli.
Alls var afgreitt 31 mál á stuttu
og starfssömu Kirkjuþingi. Alla
jafna sitja Kirkjuþing í tíu daga en
nú lauk því á sjö dögum. Höfðu
menn á orði að fjölgun kvenna
skýrði hve vel hefði gengið að
ræða mál og afgreiða þau. Og kon-
ur bættu hlut sinn í Kirkjuráði.
Fjórir sitja í ráðinu, þar af eru
tvær konur nú en áður sat ein
kona í ráðinu.
GRENSÁSKIRKJA
Fulltrúar á Kirkjuþingi höfðu á orði að þingið nú hefði verið stutt og starfssamt. Alla jafna
standa Kirkjuþing í 10 daga en nú dugði vika. Fjölgun kvenna meðal þingfulltrúa að
þakka sögðu gárungarnir.
Kirkjuþing mótmælir skerðingu sóknar- og kirkju-
garðsgjalda:
Gjöldin skert um 150
milljónir á þessu ári
Framsóknarflokkurinn
Norðausturkjördæmi:
Prófkjör um
tíu efstu
FRAMBOÐ „Uppstillingu var hafnað
en samþykkt að efna til tvöfalds
kjördæmisþings og kjósa um tíu
efstu sætin,“ sagði Þorvaldur S.
Jóhannsson, formaður kjörnefnd-
ar Framsóknarflokksins í Norð-
austurkjördæmi.
Framsóknarmenn efndu til
þings á Egilsstöðum um helgina
þar sem röðun á lista fyrir kom-
andi kosningar var ákveðin.
Af 90 þingfulltrúum kusu ríf-
lega fimmtíu prófkjörsleið á tvö-
földu kjördæmisþingi. Tæpur
helmingur vildi hins vegar fara
sömu leið og ákveðin var í Norð-
vesturkjördæminu, þar sem kosið
verður í sex efstu sætin, eitt sæti
í senn.
Auka kjördæmisþing Fram-
sóknarmanna í Norðausturkjör-
dæmi fer fram 11. janúar næst-
komandi og raða þingfulltrúar
frambjóðendum í tíu efstu sætin.
Kosning verður bindandi. Fram-
boðsfrestur rennur út 1. desem-
ber næstkomandi. Fjórir hafa
þegar lýst yfir framboði sínu, þau
Jón Kristjánsson, heilbrigðis- og
tryggingaráðherra, Valgerður
Sverrisdóttir iðnaðar- og við-
skiptaráðherra, Þórarinn E.
Sveinsson formaður kjördæmis-
sambands Framsóknarmanna í
Norðausturkjördæmi og Birkir
Jón Jónsson, aðstoðarmaður fé-
lagsmálaráðherra.
VEISTU SVARIÐ?
Hótel Borg hefur verið í frétt-
um vegna vandræða í rekstri
veitingasala. Hvaða kunni
íþrótta- og athafnamaður lét
byggja Hótel Borg?
Þegar Íslandssími Tal sam-
einuðust var jafnframt til-
kynnt að forstjóri Tals myndi
láta af störfum. Hvað heitir
hann?
Nýtt flugfélag er í burðarliðn-
um. Til stendur að fljúga til
tveggja borga, hverja?
1.
2.
3.
Mary Harney,
varaforsætis-
ráðherra Ír-
lands, fagnaði
fyrstu tölum.
Maxine Carr:
Er með
átröskun
SAKAMÁL Maxine Carr, unnusta
Ians Huntley sem hefur verið
ákærður fyrir morðin á bresku
skólastúlkunum Jessicu Chapm-
an og Holly Wells, var flutt úr
fangelsi á sjúkrahús á laugardag.
Hún var svo útskrifuð af sjúkra-
húsinu og flutt aftur í fangelsið á
sunnudag. Sögusagnir um að hún
hafi reynt að stytta sér aldur
fóru strax á kreik en flest bendir
til að hún hafi verið lögð inn
vegna átröskunar þó yfirvöld
hafi ekki viljað staðfesta neitt.
Carr þjáðist af sjúkdómnum
áður en hún var handtekin í
ágúst í tengslum við rannsóknina
á hvarfi stúlknanna. Líðan henn-
ar hefur farið versnandi og því
hafi verið ákveðið að flytja hana
á sjúkrahús á laugardaginn.
MAXINE CARR
Var lögð inn á spítala um helgina en er
komin aftur í fangelsi.
Bilun í Flugleiðaþotu:
Féll um
4.000 fet
FLUGATVIK „Lækkunin var það hröð
að farþegar fundu greinilega fyr-
ir henni og það má búast við að
einhverjum þeirra hafi brugðið.
Farþegar voru 191. Við buðum
áfallahjálp en mér er ekki kunn-
ugt um hvort einhver hafi þegið
hana,“ sagði Guðjón Arngríms-
son.
Boeing 757 þotu Flugleiða, í
flugi frá Orlando til Keflavíkur,
var lent á flugvellinum í
Baltimore í fyrrakvöld vegna
truflunar í hraðamæli. Truflunar-
innar varð vart eftir um það bil
einnar og hálfrar klukkustundar
flug en þá lækkaði vélin flug um
4.000 fet á skömmum tíma.
Atvikið gerðist í um það bil 30
þúsund feta hæð. Flugstjórinn tók
ákvörðun um að lenda í
Baltimore, sem var næsti flug-
völlur, og lenti þar um hálfri
klukkustund síðar. Eftir skoðun
og viðgerð í gær var vélinni
reynsluflogið án farþega en síðar
flogið áleiðis til Íslands.
„Frávik sem þetta eru alltaf
tekin alvarlega og tilkynnt Flug-
málastjórn. Þá er það regla að
áhöfn vélarinnar lýkur ekki flugi í
slíkum tilvikum,“ sagði Guðjón
Arngrímsson.