Fréttablaðið - 26.07.2003, Blaðsíða 16

16 26. júlí 2003 LAUGARDAGUR
REAL MADRID Í KÍNA
Þúsund manns biðu eftir stjörnunum á
flugvellinum í Kunming.
Fótbolti
Guðjón sér fyrir endann á vandræðum Barnsley:
Málið í góðum farvegi
FÓTBOLTI „Við erum í gjörgæslu hjá
knattspyrnusambandinu en það
mál er í góðum farvegi,“ sagði
Guðjón Þórðarson, framkvæmda-
stjóri Barnsley á Englandi, en fé-
lagið er í greiðslustöðvun vegna
vangoldinna skatta fyrri eiganda,
Peter Doyle.
„Við eigum von á að leysa mál-
ið í næstu viku að fullu. Þetta tek-
ur ákveðinn tíma, það eru fleiri
félög en við undir eftirliti og við
fáum enga flýtimeðferð.“ Auk
Barnsley eru Wimbledon, Luton,
York, Oldham, Huddersfield og
Notts County í sömu stöðu en fáir
hafa sýnt áhuga á að kaupa þau
félög.
Greiðslustöðvun félagsins þýð-
ir að Guðjón getur ekki gengið frá
samningum, hvorki við nýja leik-
menn né aðra starfsmenn. „Það
hafa komið hingað margir leik-
menn til reynslu að undanförnu.
Það er ákaflega auðvelt að fá
menn þessa dagana eins og
ástandið er á enska leikmanna-
markaðnum. Hins vegar er vanda-
mál að finna réttu mennina fyrir
þetta lið.“
Guðjón hefur þegar gert samn-
ing við tvo varnarmenn og tvo
markverði en samningar þeirra
ganga þó ekki í gildi fyrr en
greiðslustöðvun félagsins verður
aflétt. „Mig vantar ennþá fleiri
leikmenn. Ég er að skoða annan
varnarmann frá félagi í efstu deild
og að auki vildi ég gjarnan fá einn
miðjumann, einn vinstri væng-
mann og einn sóknarmann.“ ■
Best að komast
að fyrir tímabilið
Brynjar Björn Gunnarsson knattspyrnumaður hefur leitað nýrra miða
síðan samningur hans við Stoke rann út. Hann er sem stendur til
reynslu hjá gamla stórveldinu Nottingham Forest.
FÓTBOLTI „Ég hef verið hér hjá
Nottingham Forest síðan á þriðju-
dag,“ sagði Brynjar Björn Gunn-
arsson, landsliðsmaður í knatt-
spyrnu, en hann er laus undan
samningi sínum hjá Stoke City og
leitar nýrra tækifæra.
„Hér eru allar aðstæður frá-
bærar og mikil saga á bak við lið
Nottingham Forest. Forráðamenn
félagsins höfðu samband við mig
beint og báðu mig um að koma og
æfa með þeim og ég greip tæki-
færið. Það eru ekki mörg járn í
eldinum hjá mér þannig að ég ein-
beiti mér að því að gera mitt
besta.“
Brynjar Björn hóf feril sinn í
vesturbæ Reykjavíkur með KR en
hélt þaðan til Vålerenga og síðar
Moss í Noregi þar sem hann lék
eitt ár en hélt þaðan til Svíþjóðar
og spilaði með Örgryte þar til
Guðjón Þórðarson keypti hann til
Stoke City.
„Mínum ferli með Stoke er lok-
ið. Ég gerði mér vonir um að
halda áfram þar en það tilboð sem
var lagt fyrir mig var dapurt og
ég hafnaði því. Það tilboð hljóðaði
upp á lækkun frá því sem áður
var og var ekki heillandi. En yfir-
lýsingar Gunnars Þórs Gísla-
sonar, stjórnarformanns Stoke,
hafa verið slíkar að þessum hluta
lífs míns er lokið.“
Eftir að Guðjón Þórðarson tók
við taumum hjá 2. deildar liði
Barnsley leið ekki á löngu áður en
hann bauð Brynjari til æfinga með
félaginu. „Ég leit á aðstæður hjá
Barnsley og leist vel á en ég æfði í
raun aðeins með liðinu einn dag.
Það er áhugi á mér þar en félagið
er í greiðslustöðvun og á meðan
það er gerist lítið. Það verður að
hafa í huga að keppnistímabilið er
að hefjast og best væri að komast
að áður en það hefst.“
Brynjar segir að þessir síðustu
dagar hjá Nottingham Forest hafi
verið skemmtilegir. „Ég kom inn á
í vináttuleik gegn Ajax daginn eft-
ir að ég mætti til æfinga og það
var skemmtilegt en á þessari
stundu veit ég ekkert hvar ég
stend eða hvort félagið hefur í
raun áhuga. Það verður að koma í
ljós næstu vikurnar.“
albert@frettabladid.is

10.00 Skallagrímsvöllur
Meistaramót Íslands í frjálsum íþróttum.
Keppni á fyrri degi mótsins lýkur klukk-
an 16.

14.00 Sýn
Landsmótið í golfi 2003. Bein útsending
frá þriðja degi mótsins.

14.25 Stöð 2
Football Week UK. Vikan í enska boltanum.

15.50 RÚV
Heimsmeistaramótið í sundi. Bein út-
sending frá Barcelona.
L augav eg i 170 - 174 S ím i 590 5100 www . h e k l a . i s v e l a s v i d@hek l a . i s
Til sölu:
CAT 438C AWS árg. 1998.
Vél með
öllum búnaði,
notk. 6.500 VST.
TÍUNDA GULLIÐ Ástralinn Ian
Thorpe heldur áfram að safna
gullverðlaunum.
Hann hlaut tvenn
verðlaun 1998, sex
árið 2001 og er
kominn með tvö
gull í Barcelona.
ÍSLANDSMET Kolbrún Ýr Krist-
jánsdóttir bætti eigið Íslandsmet í
100 metra skriðsundi á heims-
meistaramótinu í sundi sem fram
fer í Barcelona. Kolbrún synti á
tímanum 57,94 en eldra metið var
58,17. Með þessum tíma hefur Kol-
brún náð lágmarkinu fyrir Ólymp-
íuleikana í Aþenu 2004.
GAMLA BRÝNIÐ Alexander Popov
sannaði að enn lifir í gömlum
glæðum þegar
hann gerði sér lít-
ið fyrir og sigraði
Van Hoogenband
og Thorpe í 100
metra skriðsundi
en Popov var
margfaldur Ólympíumeistari á
árum áður.
FYRSTA GULLIÐ Bretinn James
Gibson vann sitt fyrsta gull í
sundi en þá voru liðin 28 ár síðan
að Bretar unnu síðast gullverð-
laun á alþjóðlegu sundmóti.
GULLS ÍGILDI Bandaríkjamenn
hafa náð flestum verðlaunapen-
ingum á heimsmeistaramótinu í
Barcelona, alls fimmtán. Ástralía
er í öðru sæti með tólf verðlaun
og Þjóðverjar hafa náð sex sinn-
um á verðlaunapall.
SÓKN LIVERPOOL Liverpool hefur
ekki látið af tilraunum sínum til
að fá til sín frönsku landsliðs-
mennina Djibril Cisse og Jean
Alain Boumsong samkvæmt
fregnum frá Frakklandi. Sam-
kvæmt þeim er samkomulag um
að Cisse gangi til liðs við liðið að
ári og líkur þykja góðar á að
Boumsong fylgi honum þar sem
hann er laus undan samningi á
sama tíma.
FYRSTU KAUPIN David O’ Leary,
nýr framkvæmdastjóri Aston
Villa, hefur gengið frá sínum
fyrstu kaupum fyrir nýja félagið.
Hann greiddi 2,2 milljónir punda
[273 milljónir króna] fyrir Gavin
McCann hjá Sunderland. Sunder-
land glímir við mikinn fjárhags-
vanda eftir fall úr ensku úrvals-
deildinni á síðustu leiktíð og bú-
ast flestir við að félagið þurfi að
selja mun fleiri leikmenn.
STULDUR ZARAGOZA Forráða-
menn Real Zaragoza á Spáni
voru fljótir að tryggja sér þjón-
ustu varnarmannsins Gabriel
Milito eftir að Real Madrid
hætti við kaup á honum á síð-
ustu stundu þar sem hann stóðst
ekki læknisskoðun. Hjá Zara-
goza hafa menn engar slíkar
áhyggjur og er hann þegar byrj-
aður að æfa með félaginu.
GUÐJÓN ÞÓRÐARSON
Er enn á höttunum eftir leikmönnum til að
styrkja hóp Barnsley.
■ HM í sundi
■ Fótbolti
BRYNJAR BJÖRN GUNNARSSON
Æfir með Nottingham Forest næstu daga.
hvað?hvar?hvenær?
23 24 25 26 27 28 29
JÚLÍ
Laugardagur