Fréttablaðið - 29.11.2003, Blaðsíða 14

14 29. nóvember 2003 LAUGARDAGUR
„Hús mitt á að vera bænahús
en þér hafið gjört það að
ræningjabæli.“
Steingrímur J. Sigfússon
Formaður Vinstri hreyfingarinnar – græns fram-
boðs lýsir því viðskiptaumhverfi sem stjórnvöld
hafa skapað.
Ég tel að stjórnvöld séu ekkiað ganga bak orða sinna
gagnvart öryrkjum, heldur stan-
da við það samkomulag sem ég
og Garðar Sverrissson handsöl-
uðum með sameiginlegri yfirlýs-
ingu í vor. Það hefur komið í ljós
að fullnusta þess er dýrari en lá
fyrir þá og ég er að leita leiða og
láta fara yfir málið til þess að
hægt verði að fullnusta sam-
komulagið. Ég tel að það sé ekki
um svik að ræða í þessu sam-
bandi.“ ■
Stjórnvöld hafa ekki staðið viðþau loforð sem gefin voru ör-
yrkjum í aðdraganda alþingis-
kosninganna í vor. Heilbrigðisráð-
herra hefur sagt að samningurinn
um hækkun bóta reynist vera dýr-
ari en hann hafi heimild til. Það
hefur gerst oft áður að samningar
reynist dýrari en menn búast við.
Menn hafa samt uppfyllt kjara-
samninga og það sama á auðvitað
að gilda um samninga við öryrkja
eins og samninga við launafólkið í
landinu. Það á að standa við og
uppfylla samningana þó að þeir
reynist dýrari en ætlað var.“ ■
Kaupréttarmálið var
stórfellt hneyksli
Geir H. Haarde fjármálaráðherra segist vera stoltur af fjárlagafrumvarpinu sem sé skynsamlegt
og þjóðinni til heilla þrátt fyrir aðhald. Hann segir að viðbrögð stjórnvalda vegna kaupréttar-
samninga Kaupþings Búnaðarbanka hafi verið fullkomlega eðlileg.
STJÓRNMÁL Geir, nú er annarri um-
ræðu um fjárlagafrumvarpið ný-
lokið og það farið til frekari með-
ferðar hjá fjárlaganefnd. Hvernig
finnst þér vinnan við frumvarpið
hafa gengið og hvað viltu segja um
þá gagnrýni stjórnarandstöðunnar
að framkvæmdavaldið hafi komið
í veg fyrir eðlilega upplýsingaöfl-
un fjárlaganefndar?
„Vinnan við fjárlagafrumvarp-
ið hefur gengið eins og til stóð,
bæði hvað varðar starfið á Al-
þingi og efni frumvarpsins. Okk-
ar markmið um að skila ríflega
sex milljarða
króna afgangi
mun standa.
Þetta er fyrst og
fremst aðhalds-
frumvarp, að
því leyti að við
stefnum að því
að skila myndar-
legum afgangi,
og það er hugs-
að sem innlegg í
lengri tíma
áætlun sem mið-
ar að því að
koma þjóðarbú-
inu áfallalaust í
gegnum þá upp-
sveiflu sem
fram undan er í
efnahagslífinu.
Varðandi gagn-
rýnina bendi ég
á að þingnefndir
geta kallað eftir
þeim upplýsing-
um sem þær
telja sig þurfa
frá opinberum stofnunum. Það
hefur enginn látið sér detta í hug
að fjárlaganefnd geti ekki kallað
fyrir stofnanir eða forstöðumenn.
Það er hins vegar eðlilegt að rík-
isstjórnin og ráðuneytin sjálf hafi
umsjón með fjárlagaferlinu fyrir
hönd sinna stofnana, meðal ann-
ars til að koma í veg fyrir mis-
munun í meðhöndlun á einstökum
stofnunum í ferlinu,“ segir fjár-
málaráðherra.
Óendanlegar kröfur krefjast
skynsamlegra marka
Geir segir að samhliða fjár-
lagafrumvarpinu hafi ríkis-
stjórnin lagt fram sérstaka lang-
tímaáætlun þar sem áform henn-
ar til ársins 2007 séu útskýrð og
mörg mál fái úrlausn. Stjórnar-
andstaðan hefur gagnrýnt stjórn-
arflokkana fyrir fjárlagafrum-
varpið og sagt að með því sé með-
al annars verið að auka álögur á
fólkið í landinu, auk þess sem
ekki sé vilji til að veita nægilegt
fé til lausnar fjárhagsvanda
stofnana á borð við Landspítala-
háskólasjúkrahús eða framhalds-
skólana.
„Kröfurnar eru óendanlegar,
þær eru heldur ekki árstíða-
bundnar þar sem þær eru gerðar
allt árið. Auðvitað er alltaf hægt
að setja meiri fjármuni í tiltekin
mál en við verðum að setja okkur
skynsamleg mörk, án þess þó að
rýra grundvöll þess velferðar-
þjóðfélags sem við erum öll sam-
mála um að hafa hér á Íslandi,“
segir Geir.
Er ríkisstjórnin að standa við
loforð sín um skattalækkanir með
því að leggja fram þetta fjárlaga-
frumvarp, eða eru álögur að
aukast eins og sumir hafa haldið
fram?
„Við erum að hækka bensín-
gjald og þungaskattinn, við höfum
aldrei lofað því að bensíngjaldið
myndi lækka eins og hefur gerst á
undanförnum árum í hlutfalli við
verðlagsþróun. En við höfum lof-
að öðrum skattalækkunum. Það
liggur fyrir í frumvarpinu og í
langtímaáætluninni hvaða fjár-
muni er þar um að ræða og það
mun koma til framkvæmda á
kjörtímabilinu eins og við sögðum
í kosningabaráttunni. Nánari út-
færsla á því verður að bíða þang-
að til niðurstaða liggur fyrir varð-
andi kjarasamninga.“
Forsætisráðherra brást við
af miklum myndarskap
Fjármálaráðherra segist stoltur
af fjárlagafrumvarpinu, sem er það
sjötta sem hann leggur fram og ber
ábyrgð á. Umræðan um kaupréttar-
samninga stjórnarformanns og for-
stjóra Kaupþings Búnaðarbanka
hefur ekki farið framhjá fjármála-
ráðherra frekar en öðrum í ríkis-
stjórninni eða á Alþingi. Geir telur
að stjórnvöld hafi brugðist eðlilega
og rétt við í því máli.
„Já, ég tel að forsætisráðherra
hafi brugðist við því máli af mikl-
um myndarskap og því hneyksli
sem var þarna í uppsiglingu var
afstýrt. Nú eru viðskiptaráðherra
og ríkisstjórnin með það til athug-
unar hvernig og hvort þörf sé á að
breyta hlutafélagalögum í fram-
haldi af þessu máli. Eins og fram
hefur komið á Alþingi munum við
fylgja því eftir. Það er gríðarlega
mikilvægt að menn misnoti ekki
það frelsi sem hefur verið búið til í
landinu og komi óorði á það sem
hefur verið gert í tengslum við
frjálsari viðskipti og einkavæð-
ingu,“ segir fjármálaráðherra.
Var kaupréttarmál Kaupþings
Búnaðarbanka að þínu mati
dæmi um að menn misnotuðu
þetta frelsi?
„Ég tel að þarna hafi verið
stórfellt hneyksli í uppsiglingu,
hvernig sem á það er litið. Allt í
kringum þetta mál lítur mjög
óeðlilega út, sýnist mér. Viðbrögð-
in við því voru hins vegar hárrétt,
enda gengu þessir samningar til-
baka,“ segir Geir H. Haarde fjár-
málaráðherra.
bryndis@frettabladid.is
Verður að uppfylla samning
„Það er
eðlilegt að
ríkisstjórnin
og ráðuneytin
sjálf hafi um-
sjón með fjár-
lagaferlinu
fyrir hönd
sinna stofn-
ana, meðal
annars til að
koma í veg
fyrir mismun-
un í með-
höndlun á
einstökum
stofnunum í
ferlinu.
FÉ TIL VEGAGERÐAR Lög um fjár-
öflun til vegagerðar, um vöru-
gjald af ökutækjum og eldsneyti.
Um er að ræða 8% hækkun á
gjaldskrá þungaskatts og sam-
svarandi hækkun á almennu og
sérstöku vörugjaldi af eldsneyti.
TEXTUN SJÓNVARPSEFNIS Frum-
varp til laga um textun sjón-
varps, auglýsinga og kvikmynda.
Lögin miða að því að tryggja
heyrnarskertum og heyrnarlaus-
um aðgang að upplýsingum og af-
þreyingar- og fræðsluefni til
jafns við þá sem hafa fulla heyrn.
VIÐURKENNING TÁKNMÁLS
Frumvarp til laga um að íslenska
táknmálið verði viðurkennt sem
fyrsta mál heyrnarlausra,
heyrnarskertra og daufblindra.
FRAMTÍÐ VALRÉTTARSAMNINGA
Fyrirspurn frá Jóhönnu Sigurðar-
dóttur og Ásgeiri Friðgeirssyni
til viðskipta-
ráðherra um
kaupréttar-
samninga.
Meðal annars
spurt hvort
ráðherra hygg-
ist beita sér
fyrir laga-
breytingu til
að koma í veg
fyrir að gerðir séu kaupréttar-
samningar til nokkurra ára við
stjórnarformenn eða aðra stjórn-
armenn fyrirtækja sem kosnir
eru á hluthafafundi til eins árs í
senn.
SKATTAR KÁRAHNJÚKAVIRKJUN-
AR Fyrirspurn til fjármálaráð-
herra frá Steingrími J. Sigfús-
syni og Jóni Bjarnasyni um skatt-
greiðslur í tengslum við bygg-
ingu Kárahnjúkavirkjunar. Meðal
annars er spurt um skattlagningu
launa erlendra starfsmanna við
virkjunina.
ATVINNUMÁL KVENNA Fyrir-
spurn frá Drífu Hjartardóttur til
félagsmálaráðherra um styrki til
atvinnumála kvenna. Spurt um
markmið styrkja til atvinnumála
kvenna sem ráðherra veitir ár-
lega.
STYRKIR ÚR HÚSAFRIÐUNAR-
SJÓÐI Fyrirspurn frá Drífu
Hjartardóttur til menntamálaráð-
herra um úthlutun
úr húsafriðunar-
sjóði, meðal ann-
ars um það hve
margir styrkir
hafi verið veittir
árlega úr húsa-
friðunarsjóði frá
árinu 1999 og
hver sé fjárhæð þeirra.
AFDRIF HÆLISLEITENDA Þing-
menn Samfylkingarinnar óska
eftir því að dómsmálaráðherra
flytji Alþingi skýrslu um afdrif
útlendinga sem sótt hafa um hæli
á Íslandi síðastliðin átta ár.
Engin svik við öryrkja
JÓN KRISTJÁNSSON
Heilbrigðisráðherra.
HELGI HJÖRVAR
Þingmaður Samfylkingarinnar.
Andstæð sjónarmið:
Hafa stjórnvöld staðið við samninga sína gagnvart öryrkjum um hækkun bóta?
■ Nýsamþykkt lög
■ Ný þingskjöl
■ Fyrirspurnir
GEIR H. HAARDE
Fjármálaráðherra segir allt í kringum kaupréttarmálið líta mjög óeðlilega út og telur við-
brögð stjórnvalda við því hafa verið hárrétt.
■ Beiðni um skýrslu
FR
ÉT
TA
B
LA
Ð
IÐ
/G
VA
Ummæli á Alþingi