Tíminn - 17.03.1972, Blaðsíða 3

Föstudagur 17. marz 1972.
TÍMINN
3
H ri ng vega rbréf i n
að verða uppseld
OÓ-Reykjavík.
öll happdrættisskuldabréfin,
sem út voru gefin til að opna
hringveg um landið með því að
leggja veg og byggja brýr yfir
Skeiðarársandi, eru nú uppseld
hjá Seðlabankanum. Þau bréf,
sem voru til sölu hjá bönkum og
öðrum söluaðilum i Reykjavik
eru uppurin að mestu. En eitt-
hvað svolitið er til af happdrættis-
skuldabréfum hjá bönkum og
bankaútibúum úti á landi. Alls
voru gefin út bréf fyrir 100 millj.
kr.
Sala happdrættisskuldabréf-
anna hófst miðvikudaginn 15.
þessa mánaðar. Var þá búið að
dreifa miklu af þeim i banka-
stofnanir viða um land, en mest
af þeim var til sölu i Reykjavik.
Þegar á miðvikudagsmorgun, er
salan hófst, myndaðist biðröð i
bönkunum og var svo allan þann
dag og i gærdag. 1 gærkvöldi voru
svo öll bréf, sem gjaldkerar i
Seðlabankanum höfðu til sölu,
uppseld.
Eitthvað litið magn er enn til i
nokkrum öðrum bönkum. tJti á
landi hefur sala happdrættis-
skuldabréfanna einnig gengið af
bragðsvel, en i gærkveldi lá ekki
fyrir hjá Seðlabankanum, hve
mikil salan var á hverjum staö,
en blaðiö fékk þær upplýsingar,
að yfirleitt væru bréfin alls staðar
á þrotum.
Búið að semja um sölu á 20 þús. tonnum
af blautsöltuðum saltfiski
VERÐID 15%
HÆRRA EN '71
ÞÓ-Reykjavik.
„Þegar hafa verið gerðar sölur
á 20 þús. tonnum af blautsöltuð-
um þorski af framleiðslu 1972”,
sagði Tómas Þorvaldsson, st-
jórnarformaður Sölusambands is-
lenzkra fiskframleiðenda, er við
ræddum við hann. Er þetta álika
magn og hafði verið selt fyrir-
fram á sama tima i fyrra.
Verðið er nokkru hagstæðara
en i fyrra, sagði Tómas, og nemur
hækkunin um 15% að meöaltali.
Þá eru afskipanir á þessa árs
framleiðslu að hefjast og sam-
kvæmt samningum á þeim að
ljúka i júli n.k. Mest af saltfiskin-
um hefur verið selt til Italiu,
Portúgals og Spánar. Salan til
Italiu og Spánar hefur aðeins
dregizt saman, en aftur á móti
hefur hún aukizt til Portúgals.
Samningarnir við Portúgal nema
nærri 1 milljarð i útflutningsverð-
mæti og er engin kvöð, sem fylgir
þeim. Þá má geta þess, að nokkuð
af þeim fiski, sem fer til Portúgal,
er svo kallaður Nigeriufiskur, og
mun þessi samningur hafa það i
för með sér, að hægt verður að
nýta eitthvað af þeim fiski, sem
ella hefði farið i skreið og kannski
ekki tekizt að selja.
Tómas sagði, að þau lönd, sem
keyptu mest af saltfiskinum frá Is
landi, væru Portúgal, Spánn,
Italia, Brazilia og Grikkland.
Samkvæmt verzlunarskýrslum
eru þessi viðskipti þessum þjóð-
um mjög í óhag, eins og sést bezt
á : Þvi að árið 1969 keypti Por-
túgal vörur frá Islandi fyrir 413
millj. kr. Sama ár keyptum við
vörur frá Portúgal fyr’ir 36 millj.
kr. Arið 1971 voru þessar tölur
þær, að við fluttum út til Portú-
gals fyrir 788 millj. kr. en keypt-
um af þeim i staðinn fyrir 114
millj. Island hefur flutt út vörur
til Grikklands fyrir um það bil 100
millj. á ári, en innflutningurinn
þaðan hefur aðeins verið i kring-
um 1 millj. á ári.
Þá sagði Tómas, að þeir Val-
garð J. Ólafsson frá S.l.F. og Sig-
fús Magnússon frá Fiskmati
rikisins væru nýkomnir frá Brasi-
liu. Voru þeir að kanna markað-
inn þar, en jafnframt fylgdust
þeir með farminum, sem fluttur
var beint út héðan til Brasiliu.
Einnig hafa Tómas og Helgi
Þórarinsson farið til Miðjarðar
hafslandanna og gert samninga
þar og hugað að mörkuðunum.
Nýjar umbúðir.
Tómas sagði okkur frá þvi, að
nú væru gerðar tilraunir með
nýjar umbúðir um þurrfisk, eru
það kassar úr hertum pappa með
sérstakri áletran, sem koma
munu i stað 29 kg. pakka i striga-
pakkningu til Suður-Ameriku og
ef til vill viðar. Sagði Tómas, að
hann teldi allar likur á þvi, að
þessar umbúðir tæku algjörlega
við af striganum þegar um þurr-
fisk væri að ræða, bæði væru
þessar umbúðir mun þægilegri og
svo þrifalegri. Þessar umbúðir
eru dýrari en strigapakkn-
ingarnar, en aftur á móti ódýrari
en trékassarnir, sem hafa verið
notaðir til reynslu undanfarið.
Að lokum spurðum við Tómas
um útlitið á saltfiskmörkuðunum.
Hann sagði að útlitið væri að
mörgu leyti gott, en veiðarnar i
Noregi gætu haft áhrif á markað-
inn á næstunni, þar sem að þorsk-
veiðar Norðmanna eru 30% meiri
á þessu ári en á sama tima i
fyrra, og svo til öll þessi aukning
hefur farið i saltfiskframleiðs-
luna.
SINFÓNIUHLJÓMSVEIT ÍSLANDS
Fjölskyldutónleikar
verða haldnir i Háskólabiói sunnudaginn
19. marz kl. 3 síðdegis. Stjórnandi Páll
Pampichler Pálsson. Á efnisskránni
verður: Forleikur að óperunni Hans og
Gréta eftir Humperdinck, þættir úr
ballettinum Þyrnirósa eftir Tjaikovsky.
Myndir á sýningu eftir Mussorgsky (tvær
myndir), tónlist úr Fiðlaranum á þakinu
eftir Jerry Bock og Sænsk rapsódia eftir
Hugo Alfvén. Aðgöngumiðar á kr. 50.00
fást i Bókabúð Lárusar Blöndal, Skóla-
vörðustig og Bókaverzlun Sigfúsar
Eymundssonar og við innganginn.
Athugið að aðgöngumiðar frá 10. október
gilda einnig að þessum tónleikum.
,fÞað þarf dauðaslys svo
■
■
Jbess/r mertn taki við sér"
m
v.'vwAv.v/Amwmmw/.mv■.w/.v.w.v.w.v
Klp-Reykjavik.
i sfðustu viku skrifuðum við
nokkuð um slysagildrurnar,
sem er að finna inn við Elliða-
árvog, eða skipsflökin, sem
þar eru um allt. Þá hafði skö-
mmu áður orðið slys i einu af
þessum gömlu hræjum, sem
þarna hafa legið afskiptalaus i
áraraðir. Var það mesta miidi
að ekki hlauzt af stórslys i
þetta sinn, en þessi hræ hafa
verið einskonar leikvöllur
barna úr nágrenninu.
Viöhöfðum i gær tal af föður
drengsins sem slasaðist,
Einari S. Einarssyni, en hann
hefur unnið ötulega að þvi að
fá þessi skipsflök fjarlægt,
bæði fyrir og eftir slysið.
Einar sagðist nú nýlega
hafa skrifað borgarráði bréf,
þar sem hann hefði farið fram
á, að eitthvað yrði gert i þess-
um málum með skipsflökin,
þau annaðhvort gerð þannig
úr garði að þau yrðu ekki opin
fyrir börn og unglinga eða þá
að þau yrðu dregin á haf út og
þeim sökkt. Þessi flök væru
stórhættuleg og einnig væri
heldur litil prýði að þeim i
borgarlandinu.
,,En það hefur ekkert gerzt
meira” sagði Einar, „þeir
hafa ekki einu sinni tekið stig-
ann, sem börnin hafa komið
fyrir til að komast um borð”,
hvað þá heldur meira. Meðal
okkar, sem hér búa i nágrenn-
inu hafa engin samtök verið
stofnuð til að fá eitthvað gert i
þessu máli, en það fer vist að
verða eina ráðið, þvi að það er
sýnilegt að það þarf að verða
dauðaslys þarna til að þessir
menn, sem ráða þessum mál-
um, taki við sér.”
Svona er umhorfs á dekkinu —ef dekk skyldi kalla um borð i cinu
skipsflakinu i Kleppsvikinni. Þarna leika börn, allt niður i 2ja
ára, sér óhindrað, — og borgaryfirvöldin gera ekkert i málinu.
Ford
býður
betur
FORD ER LAUSNIN- viljir þú fá það bezta á
sanngjörnu verði. FORD býður einnig traktora í
fleiri stærðarflokkum en nokkur annar. Felið
FORD allt, sem þér þurfið að moka, draga,
grafa, slá, og snúa. FORD hefur fuilkomnasta
tækniútbúnað, sem völ er á. Gæðin tryggja
lágan viðhaldskostnað og hátt endursöluverð.
Þeir, sem kaupa FORD traktor njóta forrét-
tinda.
PANTIÐ FORD TRAKTOR FYRIR 20. MARZ
ÞOR HF
REYKJAVÍK SKÓLAyÖRÐUSTÍG 25
TRAKTORAR