Fréttablaðið - 05.04.2004, Blaðsíða 30
Hrósið 30 5. apríl 2004 MÁNUDAGUR
Rocky
... fær Ragnheiður Hanson fyrir
að lokka eðalrokkhundana í
Metallicu til Íslands.
Mjódd - Sími 557 5900
NÝJAR VÖRUR
Bolir, buxur og gallabuxur frá Esprit. Full
búð af nýjum sumarvörum. Mikið úrval af
bolum og toppum. Verið velkomnar!
Rocky, ég held ég þurfi
svolítið að tala við þig...
Úff maður, nú fer að
rigna klisjum!
...ég veit ekki hvernig mér líður
lengur...
Les: Ég er orðin leið
á þér, lúðinn þinn!
Ég þarf tíma fyrir mig sjálfa...
Djís, hvað hefur mað-
ur heyrt þennan oft?
Ætlarðu ekki að segja neitt?
Þú gleymdir „Það ert ekki
þú sem ert vandamálið,
það er ég“!
Höfuðstöðvar Playstation íLondon eru að sumu leyti eins
og hver önnur skrifstofubygging.
Eini munurinn er að í anddyrinu
er risavaxin leikjatölva í stað
tímarita til þess að stytta þeim
sem bíða stundirnar. Þar skella
menn sér fyrir framan tölvuskjá
og sjá mynd af sjálfum sér um-
kringdan stafrænum blöðrum
sem þeir geta svo „slegið í“ á
skjánum.
Eðlileg viðbrögð öryggisvarða
í öðrum skrifstofubyggingum við
hettupeysuklæddum manni, bað-
andi út höndunum í anddyrinu
væru auðvitað að vísa manninum
út á götu. Mér var hins vegar
hleypt í gegnum hliðin, ásamt
ferðafélögum mínum, inn í lyftu
og færður svaladrykkur í félags-
skap myndarlegrar ljósku á
þriðju hæð byggingarinnar.
Það sem augað greip fyrst,
áður en komið var í litla herberg-
ið, var hversu eðlileg skrifstofan
virtist í fyrstu. Venjuleg borð,
venjulegar tölvur en óvenjulegt
fólk. Við borðin sátu engin jakka-
föt, heldur fullorðnir unglingar í
stuttermabolum, með myndasögu-
fígúrur á borðunum og heyrnartól
í eyrunum. Allir á hæðinni litu út
eins og unglingurinn Pan sem er
iðulega út í horni á skrifstofunni
(á Fréttablaðinu myndi það vera
ég) og þeir eldri álykta að sé í
uppreisn gegn því að „fullorðn-
ast“, hvað sem það nú þýðir.
Á veggjum litla herbergisins
hanga skondnar myndir teknar af
netinu, af hárprúðum hetjum
„eighties“-kynslóðarinnar og hús-
dýrum í vafasömum uppákomum.
Ljóskan kynnir sig og er fram-
kvæmdastýra tölvuleikjar sem
heitir Singstar. Það er eins konar
Idol-keppni í heimahúsi þar sem
keppendur fá míkrófón og syngja
lag úr banka leiksins. Tölvan met-
ur svo frammistöðu þína, hvað
varðar tímasetningu og hæfileika
til þess að halda tóninum.
Því næst er haldið upp á næstu
hæð og þar er töluvert meira um
stráka en stelpur. Ástæðan gæti
verið sú að öll sú hæð er tileinkuð
leiknum This is Football en verið
er að leggja lokahönd á útgáfu
hans fyrir þetta ár. Um leið og
komið er út úr lyftunni blasa við
manni skjáir þar sem verið er að
teikna nákvæma mynd af andlit-
um þekktra fótboltakappa. Ég
spyr auðvitað um Eið Smára og
framkvæmdastjóri leiksins
punktar nafnið niður hjá sér og
lofar honum í næstu útgáfu.
Eftir ítarlega ræðu um tækni-
atriði leiksins, sem er í tveimur
orðum mjög vandaður, fáum við
að prófa. Ég spila tvenndarleik
með einum höfundi leiksins á móti
mönnum Skífunnar og við höfum
betur, eftir sjálfsmark mótherj-
anna. Sigurinn var sætur.
biggi@frettabladid.is
Tölvur
PLAYSTATION HÖFUÐSTÖÐVAR
■ Fréttablaðinu var á dögunum boðið í
heimsókn í höfuðstöðvar Playstation í
London. Þar fylgdist blaðamaður með loka-
vinnslu leikjanna Singstar og This is Foot-
ball 2004 sem eru við það að koma út.
Heimsókn í höfuð-
stöðvar Playstation
PLAYSTATION 2 HÖFUÐSTÖÐVAR
Venjulegt skrifstofuhúsnæði í fyrstu en þeg-
ar vel er skoðað er eins og hæðin hafi verið
hernumin af menntaskólakrökkum.
FÓTBOLTAHETJUR TEIKNAÐAR
Fjöldi manns hefur það sem vinnu að teikna andlit fótboltakappa nákvæmlega.
Eitt andlit tekur um tvö daga í framleiðslu.