Fréttablaðið - 06.07.2004, Blaðsíða 6
6 6. júlí 2004 ÞRIÐJUDAGUR
Slobodan Milosevic þjáist af hættulega háum blóðþrýstingi:
Fresta þurfti réttarhöldunum
HOLLAND, AP Slobodan Milosevic
þjáist af svo háum blóðþrýstingi
að það getur reynst honum hættu-
legt að gangast undir réttarhöld
vegna meintra stríðsglæpa sinna.
Af þeirri ástæðu ákváðu dómarar
Stríðsglæpadómstólsins í Haag að
fresta því að hefja næsta þátt rétt-
arhaldanna yfir Milosevic, þar
sem hann átti að koma að
málsvörnum.
Læknar Júgóslavíuforsetans
fyrrverandi segja að jafnvel
þegar Milosevic slappi af sé blóð-
þrýstingur hans yfir meðallagi.
Þegar hann sé undir álagi getur
blóðþrýstingur hans farið upp
fyrir hættumörk. Því hærri sem
blóðþrýstingur einstaklinga er
því meiri hætta er á að þeir fái
hjartaslag.
Milosevic hefur varið sig sjálf-
ur frá því réttarhöldin yfir honum
hófust fyrir rúmum tveimur árum
síðan, í febrúar 2002. Þetta hefur
aukið mjög álagið á forsetanum
fyrrverandi og hefur ítrekað
þurft að gera hlé á réttarhöldun-
um eða fresta þeim vegna þreytu
sem þjáir Milosevic.
Ágreiningur innan
Reykjavíkurlistans
Fulltrúar Vinstri grænna í Reykjavíkurlista eru andvígir niðurrifi
Austurbæjarbíós, segir borgarfulltrúi Sjálfstæðisflokks. Borgarfulltrúi
Reykjavíkurlistans segir enga opinbera ákvörðun liggja fyrir.
BORGARMÁL Vilhjálmur Þ. Vil-
hjálmsson, borgarfulltrúi og
borgarráðsmaður Sjálfstæðis-
flokks, segir ágreining innan
Reykjavíkurlistans um hvort rífa
eigi Austurbæjarbíó. Sjálfstæðis-
flokkurinn hafi ákveðið að styðja
ekki niðurrifið. Alfreð Þorsteins-
son, borgarfulltrúi Reykjavíkur-
listans, segir enga opinbera
ákvörðun hafa verið tekna um að
rífa húsið. Það sé misskilningur.
„Það er verið að vinna í skipulagi
svæðisins og þegar þeirri vinnu
lýkur munu menn taka ákvörðun
um það hvort að húsið fær að
standa eða ekki.“
Alfreð segir að Reykjavíkur-
borg kaupi ekki húsið til þess að
hafa einhverja starfsemi í því.
„Það er eitt sem er alveg öruggt.
En hvort að það endar þá sem
eitthvert draugahús, það verður
bara að koma í ljós,“ segir
Alfreð.
Vilhjálmur segir að innbyrðis
ágreiningur innan Reykjavíkur-
listans hafi gert það að verkum
að málið hafi þvælst í kerfinu í
hátt á annað ár. „Mér er kunnugt
um að þetta strandi á Vinstri
grænum í meirihlutanum.“
Björk Vilhelmsdóttir, borgar-
fulltrúi Reykjavíkurlistans í
Vinstri hreyfingunni grænu
framboði, segir málið í eðlileg-
um farvegi. Hún vildi að öðru
leyti ekki tjá sig um málið.
Ólafur F. Magnússon, borgar-
fulltrúi Frjálslyndra, bar upp þá
tillögu á síðasta borgarráðsfundi
að Austurbæjarbíó fengi að
standa. Það leiddi til harðra um-
mæla Alfreðs í hans garð. „Það
kann hugsanlega að vera skýr-
ingin á því hve Alfreð brást illa
við á borgarráðsfundi að hann
finni að samstaðan á bak við
hann í þessu máli sé að gliðna.“
Ólafur bendir þó á að fulltrú-
ar meirihlutans þurfi að skipta
um skoðun til að bíóið fái að
standa en ennþá hefur enginn
borgarfulltrúi R-listans lýst sig
andvígan niðurrifi Austurbæjar-
bíós. „Nú er mál til komið að
borgarbúum og ekki síður þess-
um byggingaverktökum sem
vilja reisa fjölbýlishús þar sem
bíóið stendur nú sé gerð grein
fyrir niðurstöðunni og borgin
axli sína ábyrgð í þessu máli.“
Alfreð segir niðurstöðu liggja
fyrir á næstu vikum.
gag@frettabladid.is
Sæplast:
Stór samn-
ingur í höfn
ATVINNUMÁL Sæplast á Dalvík held-
ur áfram að gera strandhögg er-
lendis en nýlega var undirritaður
samningur um sölu á þrjú þúsund
fiskikerjum til þýsks fiskvinnslu-
fyrirtækis. Móðurfyrirtæki þess
er eitt af stóru útgerðar- og fisk-
vinnslufyrirtækjunum í Norður-
Evrópu og þar á bæ telja menn
vörur Sæplasts jafnast á við það
allra besta í heiminum. Fram-
leiðsluferli Þjóðverjanna er jafn-
framt ákaflega tæknilegt og þykir
það fjöður í hatt Sæplastsmanna
að þeirra ker skuli talin henta best
í hátæknivæddar verksmiðjur. ■
Colin Powell:
Til
Grænlands
GRÆNLAND Colin Powell, utanríkis-
ráðherra Bandaríkjanna, mun sækja
Grænlendinga heim í næsta mánuði
til að undirrita samninga sem Danir,
Grænlendingar og Bandaríkjamenn
samþykktu um að uppfæra ratsjár-
stöðina í Thule. Til stendur að Danir
og Grænlendingar fái eitthvað í
staðinn þegar fram líða stundir.
Á sama tíma verður einnig endur-
nýjaður varnarsamningur þjóðanna
frá árinu 1951 sem og umhverfis-
samningur og nýr samningur um
efnahags- og tæknisamstarf. ■
■ AMERÍKA
GENGI GJALDMIÐLA
Bandaríkjadalur 72.17 -0.63%
Sterlingspund 132.28 0.18%
Dönsk króna 11.93 0.40%
Evra 88.7 0.44%
Gengisvísitala krónu 123,29 -0,09%
KAUPHÖLL ÍSLANDS
Fjöldi viðskipta 196
Velta 2.540 millj.
ICEX-15 2.938 -0,73%
MESTU VIÐSKIPTIN
Íslandsbanki hf. 302.736
Kaupþing Búnaðarbanki hf. 123.648
Össur hf. 112.713
MESTA HÆKKUN
Kaldbakur hf. 2,20%
MESTA LÆKKUN
Actavis Group hf. -1,75%
Afl fjárfestingarfélag hf. -1,67%
Jarðboranir hf. -1,60%
ERLENDAR VÍSITÖLUR
DJ * 10.282,8 -0,5%
Nsdaq * 2.006,7 -0,4%
FTSE 4.403,3 -0,1%
DAX 9.995,7 -0,1%
NK50 1.399,9 -0,0%
S&P * 1.125,4 -3,6%
* Bandarískar vísitölur kl. 17:00
VEISTU SVARIÐ?
1Hvar fóru tónleikar Metallica fram ásunnudag?
2Hver er þingflokksformaður Sjálfstæð-isflokksins?
3Hvað heitir rússneska tenniskonansem sigraði á Wimbledon um helgina?
Svörin eru á bls. 22
MILOSEVIC Í RÉTTARSAL
Júgóslavíuforsetinn fyrrverandi ver sig
sjálfur og eykur þar með álagið
sem hann er undir.
UTANRÍKISRÁÐHERRANN
Á GÓÐRI STUNDU
Ekki er loku fyrir það skotið að hann
skemmti sér einnig konunglega þegar hann
heimsækir Grænland í næsta mánuði.
Fjölmiðlun:
BBC minnki
netumsvif
LONDON, AP Nefnd á vegum breskra
stjórnvalda hvetur til þess að BBC loki
sumum af vefjum sínum og einbeiti
sér meira að fréttaflutningi.
BBC hefur lengi boðið upp á mik-
ið úrval frétta- og afþreyingarvefja.
Vefirnir hafa verið harðlega gagn-
rýndir af keppinautum breska ríkis-
sjónvarpsins, sem segja það vera í
óeðlilegri samkeppni við sig. Er BBC
sakað um að grafa undan fjárhags-
legum grundvelli einkarekinna
afþreyingarvefja.
Stjórnendur BBC-vefjanna segj-
ast nú ætla að loka nokkrum vefjum,
einkum leikjavefjum og vef um
sápuóperur. ■
ÓLAFUR F. MAGNÚSSON
Segir hörð ummæli Alfreðs Þorsteinssonar
í sinn garð á síðasta borgarráðsfundi
hugsanlega skýrast af því að samstaða
Reykjavíkurlistans í málefnum
Austurbæjarbíós sé að gliðna.
VILHJÁLMUR Þ. VILHJÁLMSSON
Segir mál Austurbæjarbíós hafa þvælst um
í kerfinu í eitt og hálft ár vegna andstöðu
Vinstri grænna við niðurrif húsins.
Sjálfstæðisflokkurinn hafi ákveðið
að styðja ekki niðurrif.
ÞJÓÐARMORÐA MINNST Þúsundir
þeirra sem lifðu af þjóðarmorðin í
Rúanda komu saman á þjóðarleik-
vanginum í Kigali í Rúanda til að
minnast þess að áratugur er liðinn
frá því að ríkisstjórnin sem hvatti
til þjóðarmorðanna 1994 féll. For-
seti Rúanda, Paul Kafame, sagði
við mannfjöldann að tíð mis-
mununar í landinu sé lokið.
■ AFRÍKA
FANGAR FLÝJA Tæplega 50 fang-
ar flúðu yfirfullt fangelsi nálægt
Sao Paulo í Brasilíu í gær. Þeim
tókst að yfirbuga starfsmenn
sem færðu þeim hádegismat,
tóku af þeim lyklana og hlupu á
brott. 328 fangar voru í fangels-
inu sem ætlað er fyrir um 15
manns. ■