Fréttablaðið - 06.07.2004, Blaðsíða 11

Í umræðu um fráfarandi fjöl-
miðlalög hefur margt verið sagt
sem ekki er satt. Ekki ætla ég að
eltast við allt það sem ósatt er og
komið hefur frá helstu aðdáend-
um laganna, þeim Hannesi H.
Gissurarsyni prófessor og Jakobi
Ásgeirssyni ævisöguritara. Svo
virðist sem þeir ágætu menn taki
jafnan þann kostinn að segja
frekar ósatt en satt þegar þeir
fjalla um Norðurljós og hluthafa
félagsins. Vona ég að þeir hafi
meiri metnað þegar kemur að
öðrum áhugasviðum sínum.
Verra þykir mér þegar menn
sem maður gerir meiri væntingar
til í umgengni við sannleikann eru
farnir að breiða út sögur sem eru
ósannar. Á liðnum dögum hefur
það í tvígang gerst. Annars vegar
þegar upplýsingafulltrúi Þjóð-
minjasafnsins vísaði til sögusagna
í Kastljósi sl. föstudag um að
heildsölum sem ekki auglýstu í
Fréttablaðinu væri refsað með því
að draga úr hilluplássi fyrir þeirra
vörur í verslunum Baugs. Hins
vegar voru það furðulegar yfir-
lýsingar Stefáns Snævarr heim-
spekings í grein í Morgunblaðinu
um að sum af fjölmiðlafyrirtækj-
um Baugs væru rekin með bull-
andi tapi. Hvort tveggja er rangt.
Opin lýðræðisleg umræða er
okkur nauðsynleg. Það er mikil-
vægt að menn hafi tök á að koma
rökstuddum skoðunum sínum á
framfæri. Til þess eru fjölmiðlar
og mikilvægt að þeir séu fjöl-
breyttir líkt og er hér á landi. Ef
umræðan á að leiða okkur til far-
sællar niðurstöðu er mikilvægt að
þeir sem taka þátt í umræðunni
segi satt. Þó að einstakir stjórn-
málamenn og talsmenn þeirra séu
löngu hættir að segja satt í um-
ræðu um fjölmiðla Norðurljósa og
aðstandendur félagins vil ég biðja
hina að gæta sín á þeirri freist-
ingu að fara út í ósannindi til að
rökstyðja mál sitt. Allra síst er
það sæmandi talsmanni Þjóð-
minjasafnsins eða heimspeki-
prófessor. ■
11ÞRIÐJUDAGUR 6. júlí 2004
NORÐURLJÓS
Greinarhöfundur segir andstæðinga fyrirtækisins breiða út ósannar sögur um rekstur þess.
Forseti skipi útvarpsráð
Einföld lausn er hins vegar á því hvernig
hægt er að tilnefna útvarpsráð sem verði
óháð ríkisstjórnarmeirihluta hverju sinni.
Hún er sú að forseti Íslands skipi út-
varpsráð. Vitaskuld yrði hann ekki ein-
ráður um það, eðlilegt væri að óháðum
samtökum væri falið að tilnefna fulltrúa.
Sverrir Jakobsson á murinn.is
Óeðlilegur þrýstingur
Ætli forseti lýðveldisins sé í auknum mæli
að beita synjunarvaldi samkvæmt 26. gr.
stjórnarskrárinnar, á sömu forsendum og
hann hefur nú gert, setur hann óeðlilegan
þrýsting á þingmenn Alþingis og sviptir þá
því sjálfstæði sem stjórnarskrárgjafinn
veitir þeim með 48. gr. stjórnarskrárinnar.
Það sem er undarlegast í málinu er það að
margir þessara þingmanna hafa enn ekki
uppgötvað þessa staðreynd. Margir þeirra
komast enda ekki lengra í stjórnarskránni
en að 26. gr.
Ragnar Á. Sigurðarson á frelsi.is
AF NETINU
Það á að segja satt
Þó að einstakir
stjórnmálamenn og
talsmenn þeirra séu löngu
hættir að segja satt í umræðu
um fjölmiðla Norðurljósa og
aðstandendur félagins vil ég
biðja hina að gæta sín á
þeirri freistingu að fara út í
ósannindi til að rökstyðja
mál sitt.
SKARPHÉÐINN BERG STEINARSSON
STJÓRNARFORMAÐUR NORÐURLJÓSA HF.
UMRÆÐAN
NORÐURLJÓS
,,
ar
gu
s
04
-0
40
6