Fréttablaðið - 06.07.2004, Blaðsíða 9

9ÞRIÐJUDAGUR 6. júlí 2004
GLEÐI ÞRÁTT FYRIR ÓSIGUR
Þessir stuðningsmenn portúgalska lands-
liðsins í knattspyrnu fögnuðu fram eftir
kvöldi á sunnudag þótt lið þeirra hefði
beðið ósigur í úrslitaleik EM.
Erfiðleikar í uppbyggingu
lýðræðis í Írak:
Langt í land
ÍRAK, AP Fyrrverandi landstjóri
Bandaríkjanna í Írak, Paul
Bremer, sagði í gær að hroð-
virkni og óregla myndi einkenna
lýðræðið í Írak þar sem núver-
andi stjórnvöld standa frammi
fyrir áframhaldandi uppreisnum
í landinu. Samt sem áður sagðist
hann gefa stjórninni góða ein-
kunn fyrir það hvernig hún taki á
vandamálum.
„Þetta verður ekki lýðræði að
hætti Bandaríkjamanna,“ sagði
Bremer og minnti fólk á að það
hefði tekið 12 ár að skrifa stjórn-
arskrá Bandaríkjanna. „Þetta var
ekki glæsilegt hjá okkur á árun-
um 1776–1787.“
Hann vildi ekki tala um sér-
stakar aðgerðir írösku stjórnar-
innar, eins og tillögu talsmanns
forsætisráðherrans, Iyad Allawi,
sem sagði að ríkisstjórnin myndi
hugsanlega bjóða uppreisnar-
mönnum friðhelgi. Sú friðhelgi
gæti jafnvel náð til þeirra sem
hefðu drepið bandaríska her-
menn, til að reyna að fá fyrr-
verandi liðsmenn Saddams til að
láta af ofbeldisverkum. ■
ÍRASKUR HERMAÐUR Í BAGDAD
Stefnt er að auknum hlut íraskra hermanna í að koma á reglu í landinu.
M
YN
D
/A
P
Kúariða:
Greina
nýtt tilfelli
RÓM, AP Ítölsk stjórnvöld hafa stað-
fest að ein kýr á býli á Mið-Ítalíu
hafi greinst með kúariðu. Þetta er
fjórða tilfelli kúariðu sem hefur
greinst á Ítalíu á árinu og það 121.
frá því að prófanir hófust árið 2001.
Leitað er að kúariðu í nautgripum
sem orðnir eru tveggja og hálfs árs
og eru ætlaðir til slátrunar og
manneldis.
Kúariða eyðir heila dýra sem
þjást af henni og er ólæknandi. Fyr-
ir tveimur árum greindu Ítalir
fyrsta tilfelli Creutzfeldt-Jakob
sjúkdómsins, sem er það tilbrigði
kúariðu sem smitast í menn.
blaðsins herma hleyptu þær stað-
hæfingar illu blóði í þingflokk
Framsóknarflokksins. Voru fram-
sóknarmenn á því að hafa helst eng-
in skilyrði, en ef þau yrðu sett
skyldu þau vera sem allra næst
neðri mörkum tillögu starfshópsins,
eða sem næst 25 prósentum.
Þegar Davíð og Halldór komu
heim frá Istanbul hafði þegar átt
sér stað mikil umræða um málið
innan þingflokkanna, og þá sér í lagi
meðal þingmanna Framsóknar-
flokksins. Fannst þingmönnum sem
Fréttablaðið ræddi við það lýsa
miklum hroka þingmanna sjálf-
stæðisflokksins að koma með yfir-
lýsingar um málið án þess að ráð-
færa sig við samstarfsflokk sinn.
Fyrsta verk Halldórs eftir að
hann kom heim frá Istanbul var að
ráðfæra sig við flokksmenn sína. Að
kvöldi fimmtudags sagðist hann
hafa rætt við alla þingmenn. Sam-
kvæmt heimildum Fréttablaðsins
lýstu allir þingmenn andstöðu sinni
við að setja jafn stíf mörk um vægi
atkvæða og sjálfstæðismenn hefðu
lýst yfir. Margir voru á því að setja
helst engin mörk, en ef öruggt væri
að stjórnarskráin leyfði slíkt, ættu
mörkin að vera sem næst neðri
mörkunum.
Fundi slitið eftir korter
Ríkisstjórnarfundur var boðaður
að morgni föstudags. Honum var þó
frestað á síðustu stundu og gaf for-
sætisráðherra fréttamönnum þær
skýringar að frumvarpið væri ekki
tilbúið. Funduðu ráðherrar beggja
flokka hvort í sínu lagi á föstudag.
Ríkisstjórnarfundur var haldinn kl.
14 sama dag, en að stundarfjórð-
ungi liðnum var honum slitið og
framsóknarmenn gengu út úr
stjórnarráðinu. Skýringar Halldórs
Ásgrímssonar á þeirri stundu voru
þær að ekki hefði enn náðst sátt um
málið. Sjálfstæðismenn funduðu
áfram í um klukkustund. Af um-
mælum Davíðs Oddssonar að lokn-
um fundi var ljóst að enn bæri
mikið á milli flokka um málið.
Ríkisstjórnarfundur var ekki
haldinn á laugardaginn en þess í
stað funduðu Davíð og Halldór. Nú
er ljóst að þá þegar hafi viðræður
um þjóðaratkvæðagreiðslu verið
gefnar upp á bátinn og þess í stað
var verið að ræða um hvernig aftur-
kalla mætti fjölmiðlalögin.
Annarra leiða leitað
Ríkisstjórnarfundur var haldinn
að nýju á sunnudagskvöld. Þar var
samþykkt að afturkalla fjölmiðla-
lögin og leggja fram nýtt fjölmiðla-
frumvarp á sumarþingi. Að loknum
ríkisstjórnarfundi héldu báðir þing-
flokkar fundi þar sem þeim var
kynnt áform ríkisstjórnarinnar.
Héldu báðir þingflokkar því
fram að fullkomin sátt ríki um mál-
ið innan þingflokkanna og að mikil
ánægja væri meðal þingmanna um
framvindu málsins.
Að því er Davíð Oddsson forsæt-
isráðherra hefur skýrt frá í fjöl-
miðlum var hugmyndinni um aftur-
köllun laganna varpað fram á fundi
hans og Halldórs á fimmtudag.
Fréttablaðið hefur fengið það stað-
fest að ríkisstjórnarfundurinn á
föstudag hafi verið lokatilraun
flokkanna til að ná sátt um lög um
þjóðaratkvæðagreiðslu. Þegar ljóst
var að lending næðist ekki um mál-
ið var ákveðið að leysa málið með
öðrum hætti. ■