Fréttablaðið - 07.07.2004, Blaðsíða 10
7. júlí 2004 MIÐVIKUDAGUR
VEGAGERÐ Útboð vegna fram-
kvæmda við Vesturlandsveg
stendur til 13. júlí. Akreinar til
beggja átta verða tvíbreiðar,
ásamt því að tvö ný hringtorg
verða byggð, tvær vegbrýr og
göngubrú yfir Úlfarsá. Verkinu á
að skila fullbúnu 15. október á
næsta ári.
Sturla Böðvarsson samgöngu-
ráðherra sagði í svari við fyrir-
spurn Valdimars Friðrikssonar,
varaþingmanns Samfylkingarinn-
ar, á Alþingi 15. apríl að vegna
kostnaðar frestaðist framkvæmd-
in. Stuttu síðar var tilkynnt að tvö-
földum hæfist í sumar vegna óska
frá Mosfellsbæ og Reykjavíkur-
borg. ■
Brýnt að tryggja
heyrnarlausum úrræði
Kynferðisleg misnotkun meðal skertra einstaklinga er mun stærra vandamál
erlendis en marga grunar. Engin úrræði eru hér á landi fyrir heyrnarlausa
sem fyrir slíku verða en verið er að kortleggja umfang þess á Íslandi.
Atlantsolía sendir Samkeppnisstofnun aðra kvörtun:
Segja Orkuna enn
brjóta samkeppnislög
FÉLAGSMÁL „Þetta eru ekki nógir
peningar en þeir duga til að hægt
sé að hefja það starf sem nauðsyn-
legt er að vinna sem fyrst,“ segir
Hafdís Gísladóttir, framkvæmda-
stjóri Félags heyrnarlausra, en
ríkisstjórnin samþykkti í maí að
veita eina milljón króna til að
vinna að faglegri rannsókn á um-
fangi kynferðisafbrota gegn
heyrnarlausum einstaklingum.
Þetta næstum hálfrar aldar gamla
félag getur ekki veitt neinum af
200 félagsmönnum sínum úrræði
eða meðferð eins og sakir standa.
Hafdís segir að vegna þess hve
viðkvæm mál sé um að ræða hjá
tiltölulega fámennum hópi ein-
staklinga sé mikilvægt að vanda
til verka. „Það má segja að undir-
búningsvinna við
rannsóknina sé í
fullum gangi en
að mörgu er að
hyggja. Þetta
verður að vera
sérhæfð rannsókn
þar sem hún verð-
ur að vera á tákn-
máli og laga þarf
allar spurningar
að heimi heyrnar-
lausra. Markmið-
ið er að sjálfsögðu
að greina vand-
ann í heild sinni,
bæði umfang
hans og eins
hvernig best er að
koma þeim til hjálpar sem orðið
hafa fyrir kynferðislegu ofbeldi
af einhverjum toga. Það er orðið
afar brýnt að tryggja heyrnar-
lausum úrræði að gagni.“
Fram hefur komið að Félag
heyrnarlausra hefur vitneskju um
nokkur tilvik um kynferðislega
misnotkun á heyrnarlausum ein-
staklingum innan sinna raða en
Hafdís vildi ekki upplýsa um fjöl-
da þeirra mála eða hversu alvarleg
þau brot voru. Ljóst er þó að í flest-
um ef ekki öllum tilfellunum er um
fyrnd brot að ræða og því ómögu-
legt að fara fram á opinbera rann-
sókn. Einhverjir þeirra einstak-
linga sem um ræðir höfðu sam-
band við lögreglu þegar misnotk-
unin átti sér stað en niðurstöður úr
þeim rannsóknum liggja ekki á
lausu. Engar upplýsingar fengust
um hvort embætti Lögreglustjór-
ans í Reykjavík hyggst leita sér
frekari upplýsinga um þau meintu
kynferðisbrot sem Félag heyrnar-
lausra hefur vitneskju um.
Erlendis hafa farið fram rann-
sóknir á kynferðislegu ofbeldi
gagnvart heyrnarlausum og hafa
niðurstöðurnar yfirleitt verið slá-
andi. Bandarísk rannsókn frá ár-
inu 1991 sýnir að nær 80 prósent
einstaklinga sem þjást af fötlun
eða eru heyrnarskertir eða blindir
hafa orðið fyrir kynferðislegri
misnotkun þar í landi og að 92 pró-
sent þeirra annað hvort þekktu
eða voru skyldir gerandanum.
albert@frettabladid.is
NEYTENDUR Atlantsolía hefur í annað
sinn sent kvörtun til Samkeppnis-
stofnunar vegna áframhaldandi
notkunar Orkunnar á slagorðinu
„alltaf ódýrust“ en fyrr í vetur
komst Samkeppnisstofnun að því að
Orkunni væri einungis heimilt að
nota slagorðið ef allar stöðvar fyrir-
tækisins byðu besta verðið hverju
sinni. Raunin er sú að Orkan býður
mun lægra verð á stöðvum sínum í
Hafnarfirði, Kópavogi og á Selfossi
en annars staðar og var munurinn
meira en þrjár krónur miðað við
heimasíðu félagsins um hádegisbil í
gærdag. Talsmenn Atlantsolíu halda
því fram að það brjóti í bága við til-
mæli Samkeppnisstofnunar og hafa
því endurnýjað kvörtun sína. Mun
þetta vera í sjötta sinn sem sam-
keppnisaðilar Orkunnar koma á
framfæri athugasemdum vegna
auglýsinga fyrirtækisins. ■
Landbúnaðarháskólinn:
Fjórtán sótt
um stöðu
rektors
HÁSKÓLI Fjórtán sóttu um stöðu rekt-
ors við Landbúnaðarháskóla Íslands
en umsóknarfrestur rann út 1. júli
síðastliðinn. Landbúnaðarráðherra
skipar í stöðuna til fimm ára frá og
með 1. ágúst næstkomandi. Eftir-
taldir sóttu um: Ágúst Sigurðsson,
Árni Bragason, Áslaug Helgadóttir,
Björn Steinbjörnsson. Eiríkur Blön-
dal, Ingibjörg S. Jónsdóttir, Ingileif
Steinunn Kristjánsdóttir, Ívar Jóns-
son, Kristín Vala Ragnarsdóttir,
Magnús B. Jónsson, Ólafur Melsted,
Róbert Hlöðversson, Sveinn Aðal-
steinsson og Þorsteinn Tómasson. ■
,,Nær 80
prósent
einstak-
linga sem
þjást af
fötlun eða
eru heyrn-
arskertir
eða blindir
hafa orðið
fyrir kyn-
ferðislegri
misnotkun.
Þriggja barna
móðir hvarf
sporlaust eftir
heimsókn til
fyrrverandi
eiginmanns
Börnin að
bugast af söknuði
– hefur þú séð DV í dag?
Vesturlandsvegur:
Tvíbreiður til beggja
átta seint á næsta ári
FJÓRAR AKREINAR Í FRAMTÍÐINNI
Oft er þung umferð um Vesturlandsveg. Hann
verður breikkaður og stendur útboð yfir.
BENSÍNSTÖÐ ORKUNNAR
Enn ein kvörtunin hefur verið send til Samkeppnisstofnunar vegna auglýsinga fyrirtækisins.
GAMLI HEYRNLEYSINGJASKÓLINN
Úrræði skortir til að tryggja heyrnarlausum einstaklingum sem orðið hafa fyrir kynferðis-
legri misnotkun viðeigandi meðferð.