Tíminn - 22.02.1975, Blaðsíða 2

2
TÍMINN
Laugardagur 22. febrúar 1975
Laugardagur 22. febrúar 1975
Vatnsberinn (20. jan.—18. febr.)
Þaö er mikiö i húfi i dag. Þú skalt vera viö öllu
búinn, þvi aö á miklu veltur, hvernig þú bregzt
viö, og þaö er ekki gott aö segja, hversu oft
reynir á þetta á þessum eina degi. En allt fer
vonandi vel aö lokum — bæði heima fyrir og á
vinnustaðnum.
Fiskarnir (19. febr.—20. marz)
Þú ert i finu formi i dag, likamlega og andlega,
og þaö skaltu einmitt notfæra þér til þess aö
bæta aöstöðu þina i hvivetna. Þú skalt búast við
kveðju, jafnvel i bréfsformi, og það verður þér
til ánægjuauka, ef þú leggur réttan skilning i
oröin.
Hrúturinn (21. marz—j-19. april)
Það er gott aö taka ákvörðunina i dag, sem um
skeiö hefur verið að brjótast um i þér. Þú ert viss
um, aö þetta sé orðrétt, en ef þú dregur þetta enn
á langinn, er ekki að vita, nema ekkert veröi af
þessu, og þú getur liöið fyrir þaö.
Nautið (20. april—20. mai)
Þú ert eitthvað ruglaöur i riminu i dag og heldur,
að þú getir komið i framkvæmd hlutum, sem eru
algerlega óraunhæfir. Þú skalt þess vegna ekki
einu sinni eyða frekari tima i að brjóta heilann
um þá, og frekar hvilast i dag en brambolta út i
bláinn.
Tviburar (21. mai—20. júni)
Þér gengur harla erfiðlega að fá aðra til að fá
áhuga á hugmyndum þinum. En þú skalt ekki
láta hugfallast. Ef þú sjálfur trúir á þær, skaltu
framkvæma þær, þrátt fyrir skilningsleysi ann-
arra. Það er ekki eins erfitt og þú heldur.
Krabbinn (21. júni—22. júli)
Eldri kynslóðin erharla svartsýn, en það er ekki
nokkur ástæða til þess, og sannleikurinn sá, að
þessi svartsýni bitnar eingöngu á þvi sjálfu.
Rómantikin er nefnilega i loftinu hjá unga fólk-
inu.og það má ekki vera að þvi að sinna öðru.
Ljónið (23. júlí—23. ágúst)
Þú hefur væntanlega fullan hug á að bæta hag
þinn eða aðstööu,og nú er einmitt rétti dagurinn
til slikra hluta. Kipptu þér ekki upp við, þótt þú
fáir fréttir, sem þér falla ekki sem bezt. Það er
engin alvara á bak við þær.
Jómfrúin (23. ágúst— 22. sept.)
Þú skalt gera þér ljóst, að það er ekkert nema
starf og meira starf, sem getur bætt ástandið hjá
þér. Gerðu þennan dag að timamótum i lifi þinu
með þetta i huga. Það má alltaf bæta á sig smá-
starfi, ekki sizt þegar svona er komið.
Vogin (23. sept.—22. okt.)
Þú skalt vera varfærinn i peningamálum i dag,
enda þótt það sé svo sem engin sérstök ástæða til
ótta i þeim efnum, þvi að yfirleitt er þetta bezti
dagur fyrir þig. Þú mátt búast við góöum frétt-
um annað hvort frá eða af góöum vini.
Sporðdrekinn (23. okt.—21. nóv.)
Þú skalt gera þér ljóst, að þú verður að finna
nýjar leiðir i ýmsum málum, sem þú hefur verið
að velta fyrir þér. Gömlu leiðirnar eru orðnar
úreltar, og það hjálpar ekkert að eyða tima i
frekari heilabrot. Þú hefur samband við ætt-
ingja.
Bogmaðurinn (22. nóv—21. des.)
Þú ættir að kappkosta að reyna að komast i
kynni við nýtt fólk. Það gæti orðið til þess að
styrkja aðstöðu þina. Þú ættir ekki að taka neina
áhættu i peningum i fjármálum i dag. Þetta er
ekki rétti dagurinn fyrir skuldbindingar eða
samninga.
Steingeitin (22. des.—rl9. jan.)
Þaö getur vel verið, aö það verði vandasamt að
velja úr þá, sem þú leitar tilumaðstoð, en hjá
þvi verður samt naumast komist. Þú ættir að
skoða hug þinn vandlega og ekki rasa um ráð
fram i þeim efnum, þvi að nú er talsvert i húfi.
Verzlunarmenn ókyrrast
FULLSKIPUD stjórn Landssam-
bands islenzkra verzlunarmanna
hefur gert samþykkt, þar sem
mótmælt er „siendurteknum að-
gerðum rlkisvaldsins, sem leitt
hafa til þess, að kjarabætur þær,
sem samið var um I febrúar 1974,
eru að engu orðnar”.
Segir siðan, að kaupmáttur
launa hafi á siðustu tólf mánuðum
minnkað svo mikiö, aö óbærilegt
séfyrir þá, sem hafa lágar tekjur,
og hafi siöustu aögeröir I efna-
hagsmálum ekki auðveldað lausn
þess vandamáls. Siðan er skir-
skotað til þess, að launþegar hafi
sýnt stjórnarvöldum mikið um-
burðarlyndi, en nú verði ekki
lengur við unað, og „þvi er hætta
á, að til vandræða geti dregið, ef
stjórnvöld bera ekki gæfu til að
gera fljótt og skýrt grein fyrir
þvi, hvernig þau ætli að bæta
tekjulægri hópum þjóðarinnar þá
miklu kjaraskeröingu, sem þeir
hafa orðið fyrir”.
BRÉFIN liggja á skrifborði
Landfara, og nú er að velja i -
dálka hans i dag. Efst eru bréf
um sjónvarpið, gulrófurnar og
alvizkuna, svo að viða er drepið
niður og að mörgu hugað eins og
vera ber.
Villuráfandi þáttur
Höfundur fyrsta bréfsins er P.
Run. Hann segir:
„Svei mér þá, ef skemmti-
þátturinn á þriðjudagskvöldið
hefur ekki verið i einhvers kon-
ar hafvillum. Mig grunar sterk-
lega, að hann hafi átt heima i
bamatimanum, en villzt inn i
kvölddagskrána. Handa full-
orðnu fólki hefur tæpast veriö.
Þetta var dæmigerður stutt-
buxnaþáttur af þvi tagi, sem
missir alveg marks, þegar fólk
er komið af vissu aldursskeiði.
Með þvi er ekki veriö að litils-
virða þá, sem enn eru nógu
ungir að árum til þess að hafa
gaman að svona nokkru — það
er sjálfsagt þvert á móti sönn
guðs gjöf að vera bernskur i
lund og hafa skemmtun af
litlu”.
Gulrófnafrúin
H.Kr.beinir orðum sinum til
frúar einnar fyrir austan, „fall-
egrar konu og grannrar”, en dá-
litið reikullar i meðferð talna:
„Þegar svo er komið, að t.d.
gulrófur, teknar upp úr is-
lenzkri mold, eru seldar hér á
sama verði og suðrænir ávextir,
sem fluttir eru til landsins yfir
óraviddir heimshafanna á dýr-
um skipum . . .”
Þessi orð standa i Mbl. sunnu-
daginn 16. febrúar 1975.
Höfundur þeirra er Herdis Her-
móðsdóttir, falleg kona og
grönn, samkvæmt mynd, sem
með er birt.
Frúin fullyrðir, að hún fari
rétt með tölur. Það er hennar
aðalsmark i málflutningi. Hún
fullyröir lika að almenningur
viti, aö hún nefnir réttar tölur.
I tilvitnuðum orðum trúarinn-
ar um verð á gulrófum og
ávöxtum eru að visu engar tölur
nefndar. Þar er ekki farið með
neinar tölur. Þó er þar að min-
um skilningi afdráttarlaus full-
yrðing, að islenzkar gulrófur
séu seldar á sama verði og suð-
rænir ávextir.
Þegar ég haföi lesið þetta,
hringdi ég i nokkrar verzlanir
og spurði um verð. Samkvæmt
þvi er þetta söluverð i dag:
Rúsinur...............352 kr. kg.
Appelsinur.........130kr.kg.
Bananar...............159 kr. kg.
Gulrófur............65—78 kr. kg.
Ég held að frúnni hafi ekki
veriö alls kostar sjálfrátt þegar
hún samdi ritgerð sina eins og
mér þykir þó andlitið laglegt.
Æ, — af hverju fór nú Mbl. að
birta þetta?!”
Hlutverk lækna
„Hálf-sjötugur” rekur svo
lestina. Hann greinir á við
Rauðsokkahreyfinguna, sem
honum þykir ekki nýtizkuleg i
öllu. Orð hans eru á þessa leið:
,,í bréfi, sem Rauðsokka-
hreyfingin sendi alþingis-
mönnum var að þvi fundið að
lagt sé til i frumvarpi til laga, aö
fræösla i skólum um kynferðis-
mál skuli heyra undir skóla-
yfirlækni. Þetta er kallað að
taka úr höndum skólayfirvalda
og þykir benda til þess að kynlif
sé talið sjúkdómur.
í fyrsta lagi hélt ég nú aö
skólayfirlæknir mætti teljast til
skólayfirvalda, svo að þau mál
sem hann sæi um,væru alls ekki
komin úr höndum skólayfir-
valda.
Tilefni þessa bréfs er þó eink-
um afturhaldið og forneksjan i
hinu aöhalda að störf lækna eigi
aðeins að vera bundin við
sjúkdóma. Þetta er afturhalds-
rödd frá horfinni öld. Þeir, sem
tilheyra tuttugustu öldinni i
hugsun og skoðunum, vita það
vel, að starf lækna er fyrst og
fremst heilsuvernd og
heilsugæzla — að vernda
heilbrigt lif með hollum ráðum
og lifsreglum. Er það fjarri lagi
að telja umrædda fræðslu falla
undir það?
Hvernig stendur á svona
þursaskap og afturhaldi hjá
nýjum hrey f ingum ? ? ”
Alvitur og alvizkan
„Stopull lesandi” skrifar:
„Alvitur situr fyrir svörum i
Heimilis-TImanum, og meðal
þeirra, sem svara leita er
„kunningjakona Alvitur”. Helzt
virðist brestur I alvizkuna,
þegar kemur að .beygingar-
fræöinni, og er „kunningjakona
Alvitur” kom til sögunnar,
hrökk þetta upp úr mér:
Alvitur mun aldrei beygjast
Alvitur ég lesið hefi.
Alvitur frá skal ekkert segjast.
Alvitur hefur bein i nefi.”
VORKAUPSTEFNAN í
LEIPZIG HEFST 9. MARZ
Viðskipti okkar við A-Þjóðverja jukust stórlega órið 1974
útflutningurinn til A-Þýzkalands 13 faldaðist
SJ-Reykjavik Vörukaupstefnan i
Leipzig verður haldin 9,—16.
marz næstkomandi, en þessi
alþjóðlega kaupstefna hefur veriö
haldin vor og haust i meira en
átta hundruð ár. Aö þessu sinni
eru sýnendur yfir 9000 frá 60 þjóð-
löndum, en sýningarsvæðið er
350.000 fermetrar. A kaupstefn-
unni verður mikið úrval tækni- og
neyzluvara, auk vefnaðarvöru og
fatnaðar, bóka, heimilistækja,
leirmuna og glervarnings.
Þróunarlöndin skipa veglegan
sess meðal sýnenda. Indverjar
taka þátt i kaupstefnunni i Leip-
zig I tuttugasta sinn, og er hlutur
þeirra á sýningunni mestur er-
lendra þátttakenda.
Um hundrað fyrirlestrar verða
fluttir á meðan kaupstefnan
stendur yfir, og eru fyrirlesarar
sérfræðingar frá 13 löndum.
Alltaf sækja einhverjir íslend-
ingar kapstefnuna i Leipzig, en
Kaupstefnan—Reykjavikt
Hafnarstræti 5, veitir upplýsingar
og afhendir kaupstefnuskirteini.
Að sögn Alfreðs Muhlmanns,
verzlunarfuIltrúaAlþýðulýðveldis-
ins Þýzkalands hér á landi, hafa
utanrikisviðskipti lands hans
Opinberir há-
skólafyrirlestrar
HJÓNIN Eva og Odd Nordland,
dósentar við Oslóarháskóla,
flytja opinbera fyrirlestra i boði
Heimspekideildar Háskóla ís-
lands.
Fyrirlestur dr. phil. Evu Nord-
land verður þriðjudaginn 25. febr.
og nefnist: Aktivitetsniva og
kromosomforskning. Ett bidrag
til psykö-genetikken'.
Fyrirlestur dr. phil. Odd Nord-
land verður miðvikudaginn 26.
febr. og nefist: Islandsk syn pa
norsk rikshistorie för Snorre.
Báðir fyrirlestrarnir verða i
stofu 201, Arnagarði, og hefjast
kl. 17,15 stundvislega.
ölium er heimiil sðgangur.
u.þ.b. 20 faldazt frá þvi árið áður
en Alþýðulýðveldið var stofnað,
þ.e. 1949. A sama tima hafa þjóð-
artekjur A-Þjóðverja sexfaldazt,
og nú tekur þá um sex vikur að
framleiða sama magn iðnaðar-
vara og þeir framleiddu á heilu
áriö 1949.
Utanrikisviðskipti A-Þjóöverja
við sósialistarikin jukust um yfir
11% frá árinu 1973 til 1974, og viö-
skiptin við önnur lönd um 8%.
Árið 1974 keyptu A-Þjóðverjar
vörur af Islendingum fyrir 308,7
milljónir króna, eða 13 sinnum
hærri upphæð en árið áður, aðal-
lega fiskimjöl, söltuð ufsaflök og
kaviar. Auk þess keyptu þeir
kisilgúr fyrir 60 milljónir, en þau
viðskipti fóru fram I gegnum
millilið. Við fluttum hinsvegar
inn kali, bila, sykur, vefnaðarvör-
ur og hljóðfæri frá A-Þýzkalandi
fyrir 129,4 milljónir isl. kr., sem
er tvöföld sú upphæð sem inn-
flutningurinn frá A-Þýzkalandi
nam árið 1973
Um 75% utanrikisviðskipta A-
Þjóðverja eru við önnur sósialisk
rlki, en 25% við önnur lönd.
Helztu viðskiptaþjóðir þeirra
utan sósialistarikjanna eru ítalir,
Frakkar, Hollendingar, Sviar og
V-Þjóðverjar.
Sextiu þjóöir taka þátt I vorkaupstefnunni I Leipzig aö þessu sinni, en
hana sækja kaupsýslumenn og sérfræðingar frá meira en 90 löndum.