Tíminn - 08.04.1975, Blaðsíða 3

Tíminn - 08.04.1975, Blaðsíða 3
Þriðjudagur g. ggrfl U75. TÍMINN 4&£C£&ra^^£££3£^Æ£££fi^ Elnhvcrjir mestu farþegaflutningssamningar mtlli innlendra aftila voru undirskrifaðir nýlega milli Air Viking og Þjóðræknisfélagsins um flutning 1200 farþega til Kanada I sumar. Frá vinstri eru á myndinni: Guðni Þórðarson forstjóri Air Viking, séra Bragi Friðriksson forseti Þjóoræknisfélagsins, séra Ólafur Skúlason gjaldkeri og Gunnar Þorvaldsson, sölustjóri Air Vikiug. 7200 MANNS TIL KANADA — Einhverjir mestu farþegasamningar sem um getur milli innlendra aðila gébé Rvik — Nýlega undirrituðu Þjóðræknisfélögin á Akureyri og I Reykjavik samning við Air Vik- ing, um flutning á um 1200 far- þegum, sem hyggja á ferð til Kanada i sumar til að taka þátt i hundrað ára landsnámshátíð is- lendinga i Vesturheimi. Alls fara átta flugvéiar og er fullbókað i þær allar, og eru langir biðlistar. Mjög nauðsynlegt er fyrir bókaða farþega að þeir greiði hluta far- gjaldsins fyrir 15. april, annars verður litið svo á, að þeir hafi hætt við för sfna og farmiðinn seldur öðrum. Þjóðræknisfélögin hafa ráðið Gisla Guðmundsson og séra Ólaf Skúlason sem aðalfararstjóra i ferðum þessum. Mun Gísli stjórna ferðunum frá Winnipeg til Vancouver og séra Ólafur stjórn- ar ferðunum til Winnipeg og dvöl hópanna i Manitoba. Auk þeirra, munu forustumenn þjóðræknis- félaganna á Akureyri og i Reykjavik, auk hóps Vestur-ts- lendinga, aðstoða við fararstjórn og leiðbeiningar. Mikill viðbúnaður er i Kanada vegna hátiðarhaldanna á vegum Þjtíðræknisfélagsins þar og ís- lendingadagsnefndarinnar. Hátiðarhöldin fara fram á Gimli dagana 2.-4. ágúst, en búizt er við að um 30 þúsund bifreiðar muni daglega koma til Gimli hátiðar- dagana og hátíðargestir muni skipta tugþúsundum. Fjölmenn móttökunefnd vinnur að undirbúningi heimsóknarinnar héðan og er forustan I höndum Stefáns J. Stefánssonar og Theo- dórs Árnasonar og eiginkvenna þeirra. Verður gisting útveguð á einkaheimilum, sumarhúsum og hótelum i Manitoba. Sjálf hátiðarhöldin verða mjög fjölþætt, en héðan að heiman munu taka þátt i þeim Lúðrasveit Reykjavlkur, flokkur glimu- manna og listamenn frá Þjóðleik- húsinu. Sá hópur mun og fara um íslendingabyggðir allt vestur að Kyrrahafi og halda sýningar. Þá munu sjónvarpsmenn héðan fara vestur. Skrifstofa Þjóðræknisfélagsins á Akureyri er i Bókaverzluninni Eddu, en i Reykjavik i Gimli við Lækjargötu, og er þar opið alla virka daga frá kl. 3-6. Mikill undirbúningur er beggja megin hafsins og verða send út frétta- bréf til væntanlegra farþega, er frekari upplýsingar liggja fyrir. SPJOLL UNNIN A BJÖRGUNARSKÝLI Gsal-Reykjavík — Komið hefur I ljós að. mikil spjöll hafa verið unnin i björgunarskýli SVFÍ I Vatnsskarði, en Vatnsskarð er fjallvegurinn milli Borgarfjarðar eystra og Héraðs. A sunnudags- nóttina gekk I byl á þessum slóð- um og bfleigandi einn,sem þar var á ferð, lenti I erfiðleikum og leitaði sér skjóls i björgunarskýl- inu. Aðkoman sem blasti við manninum var ófögur, þvl ein- hverjir skemmdarvargar hafa komið og látið hendur sópa um húsmuni. Leirtau, lampar og annað hafði verið brotið, kaffi- brauði dreift um salarkynni, eldavél skemmd, og eldiviði spillt með þvi að blanda kolum saman við koks. Skemmdarverkin hafa verið unnin á timabilinu frá öðrum i páskum til aðfararnætur sunnu- dagsins. Að sögn Hannesar Eyjólfsson- ar, formanns björgunarsveitar- innar i Borgarfirði eystra, er ver- ið að kanna málið og hefur hrepp- stjórinn þegar látið málið til sin taka. — Þetta virðist einungis hafa verið hnitmiðað skemmdarverk, sagði Hannes, — en við áttum nú ekki von á þessu hér i fámenninu. Að sögn Hannesar hefur nokkur bflaumferð verið á þessum slóð- um sfðustu vikur, en vegurinn er yfirleitt ófær yfir vetrarmánuði. Hins vegar er Vatnsskarð góður sumarvegur. — Þessi vegur er snjóþungur og þvi hafa menn lent I vandræðum á þessum slóðum, og þess vegna var skýlið reist þarna. Við byrjuðum á byggingu þess i haust sem leið og það er ekki fullfrá- gengið enn, og enn á t.d. eftir að tengja sima. Hannes sagði að nú væri einungis beðið eftir góðu veðri til að lagfæra húsakynnin eftir skemmdarverkin, en hriðarveður hefði verið siðustu dægur. Verð dag- blaða og strætis- vagnagjöld hækka SJ-Reykjavfk Frá og með deginum i gær heimilaði verð- lagsstjóri hækkun á verði dag- blaðanna. Áskriftargjald hækkaði úr 600 kr á mánuði i 700 kr. Og verð blaðanna i lausasölu er nú 40 kr en var 35 kr. Þá hækkuðu fargjöld Strætisvagna Reykjavikur i gær og kostar farið nú 36 kr. fyrir fullorðna, áður 30 kr.,en 13 kr fyrir börn, áður 11 kr. Kort með niu fullorðinsfar- miðum kostar 300 kc, en kort með 43 miðum 1000 kr. Kort með 36 barnafarmiðum kostar 300 kr. öryrkjar og aldraðir, 70 ára og eldri, fá 50% afslátt á fargjaldi kaupi þeir kort. Þau kosta 500 kr,með 43 farmiðum. Aðeins örfá skip enn að veiðum gébé—Rvik.— Vikuafli loðnubáta slöastliðha viku var heldur rýr, eða nam aðeins 14.165 lestum. Heildaraflinn frá vertiðarbyrjun var á laugardagskvöldið var 454.103 lestir. Samkvæmt skýrslu Fiskifélags íslands, munu nú að- eins um 5-10 skip vera enn að veiðum, en voru 107 þegar þau voru flest. Sigurður RE er enn aflahæstur með 13.577 lestir, annar er Börk- ur NK 122 með 12.808 lestir, Gisli Arni með 12.594 lestir og Guð- mundur RE 29 með 12.420 lestir. í vikunni var mest landað i Reykjavik, eða 2560 lestum, þá i Þorlákshöfn 2306 lestum og Sand- gerði 1856 lestum. A Akranesi var landað 1706 lestum i siðustu viku. 11........... Illlllllllllllll I Mætti líka fara! Saigonstjórnin á sér for- mælendur fáa, og er það lík- lega að vonum. Hún hefur sýnilega litið traust i heima- landi sinu, og þorri Banda- rikjamanna er orðinn henni fráhverfur. Af blöðum má sjá, að hún sætir hörðum dómum flestra hvarvetna i Vestur- Evrópu. Ef tii þess er litið, sem sagt er hér á landi, má drepa niður i Vfsi. Þar sagði i forystugrein á föstudaginn var: „Thieu var kosinn forsti i fyrstu kosningum i Suður- Vfetnam árið 1967. Þá átti að heitaað lýðræði væri f rikinu, en svo hefur þó i rauninni aldrei verið. Thieu og þeir herforingjar, sem hafa verið helztu ráðgjafa hans, hafa alla tið lamið niður lýðræðislega andstöðu. Stjórnin virðist i raun ekki njóta stuðnings meirihluta þess fólks, sem býr á þvi svæði, sem liiín ræður. Það sem stundum hefur verið nefnt þriðja aflið i Vietnam, lýðræðissinnaðir andstæðing- ar stjórnarinnar i Saigon, hefur ekki átt viðreisnarvon fyrir gerræði Thieus og hans manna. Eins og Lon Nol i Kambódiu hefur Thieu I Sai- gon staðið I vegi fyrir þvi, að möguleikar opnuðust til samninga. Þetta þýðir ekki, að samn- ingar tækjust, þótt Theiu færi frá, en fréttamenn telja að það skapaði að minnsta kosti von. Nú er talið, að Lon Nol forseti Kambódiu sé fiúinn I útlegð. Ekki skaðaði, að Theiu gerði slikt hið sama". Þrátt fyrir minni liðsafla Og Visir heldur áfram: „Það sem nú er að gerast I Suður-Vietnam virðist vera svipað þvi og gerðist i bylting- unni i Kina. Chiang Kai Shek hafði miklu meiri liðsafla en kommúnistar, en þegar flótti brast i lið hans, fékk ekkert hamið framrás kommúnista. Stórar borgir féllu umsyifa- litið i hendur þeirra, þótt þær virtust vera varðar yfirburða- liði. Saigonstjórnin hefur mun meiri herafla en andstæðing- arnir og betur búinn. Þó hafa andstæðingarnir auk mikils herfangs, fengið verulega að- stoð kommúnistarikja I seinni tfð". Slðan heldur blaðið áfram: „Þrátt fyrir minni herafla fellur hver mikiivæga borgin af .annarri i hendur andstæð- inga Saigonstjórnarinnar þessa siðustu daga. Hundruð þúsunda eru á flótta undan uppreisnarmönnum. Upp- iausnarástand hefur skapazt I Saigon". Börnin kyrrsett Þessar tilvitnanir i forystu- grein VIsis nægja. En það má bæta hér við, að nú hefur hin vanmegnuga stjórn I Saignon stöðvað þann brottflutning munaðarlausra barna, sem hafin var, að þvi er fregnir i gærmorgun hermdu. Óljóst er, hverju sú ákvörð- un er studd, en tvibent um- hyggja fyrir börnunum virð- ast það hljóta að vera að halda þeim kyrrum i borg, sem viö- búið er, að barizt verði um imian fárra vikna. __jh i Vinnuveitendur vildu frest BH—Reykjavik. — Fundinum lauk klukkan hálf-sjö og vinnu- veitendur óskuðu eftir að fá frest tilklukkan 9 á miðvikudagskvöld- ið kemur, sagði Magnús L. Sveinsson, skrifstofustjóri Verzlunarmannafélags Reykja- vikur, er blaðið hafði samband við hann i gærkvöldi og innti hann eftir samningaviðræðum við Kjararáð verlzunarinnar, en það eru aðilar I vinnuveitendastétt, sem ekki gengu að bráðabirgöa- samkomulaginu um láglaunabæt- urnar. Verkfall starfsfólks þess- ara aðila hefst á fimmtudags- morgun, verði ekki búið að semja fyrir þann tima, þannig að svig- rúm er litið, þótt ekki ætti að þurfa langar vangaveltur um svo einfaldan hlut, sagði Magnus enn- fremur. En þeir voru ekki reyðu- bunir til að ákveða þetta i dag. Vélarbilun hjá Nökkva — erfið björgun skipverjanna Gsal-Rvlk. — Þegar rækjubátur- inn Nökkvi frá Blönduósi var á leið til hafnar á sunnudags- morgun, varð snögglega vélar- bilun i bátnum og rak hann inn fyrir sker skammt frá Heggstaðanesi, Hrútafjarðar- megin. Skipverjar náðu að kasta út akkeri og siðan var þeim bjargað yfir i rækjubátinn Tý, sem gerður er út frá Hvamms- tanga. Vonzkuveður var á þessum slóðum, er tíhappið varð^og var talsverðum erfiðleikum bundið aðbjarga skipverjunum yfir i Tý, en þeir þurftu að stökkva yfir I bátinn. Talið er jafnvel liklegt, að net hafi lent i skrufu Nökkva,en i gær fóru kafari, skipstjóri og nokkrir aðrir menn til að athuga mögu- leika á björgun bátsins og reyna að ná honum út ef þess væri nokkur kostur. Vélbáturinn Týr kom með Nökkva I togi til Hvammstang I gærkvöldi. Uppskipunar- verkfall Gó-Sauðárkrók. Verkfall uppskipunarmanna, frá Sauðár- króki og nágrenni, hófst á miðnætti sl. sunnudags, og stend- ur enn. Menn þeir,sem um er að ræða, eru allir i fastri vinnu, en hlaupa i uppskipunarvinnuna þegar hún er fyrir hendi. Það mun vera stjórn Verkamanna- félagsins Fram á Sauðárkróki, sem boðaði til verkfallsins. Eru þeir nú að ráðfæra sig við uppskipunarmenn á Akureyri. Mennirnir hafa fast tímakaup og fara fram á „premiur" eftir magni, sem er fast aukagjald per tonn. Enn er óljóst hvernig verk- fallinu lyktar, en samkomulag hefur tekizt um löndun Ur togur- um.

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.