Tíminn - 05.07.1975, Blaðsíða 6

6
TÍMINN
Laugardagur 5. júll 1975.
Takmarkað hundahald í Rvík
fellt með 11 atkvæðum gegn
4 á fundi borgarstjórnar
JG—Reykjavik. A fundi borgar-
stjórnar siðast liðinn fimmtudag
mælti Guðmundur G. Þórarins-
son fyrir tillögu sinni um tak-
markað hundahald I Reykjavlk.
Tillagan hljóðar svo:
Borgarstjórn samþykkir að fela
■ borgarráði að láta hið fyrsta setja
strangar reglur um takmarkað
hundahald i Reykjavlk.
Miöað verði við háan hunda-
skatt og ströng viðurlög, ef reglur
eru brotnar.”
Greinargerð:
1. „Um langt árabil hefur verið
rlkjandi bann við hundahaldi I
Reykjavík. Reynsla Reykvík-
inga af þessu banni er sú, að
ókleift hefur verið að fram-
fylgja þvi, og hundahald hefur
aukizt verulega á slðustu árum.
Enginn veit nákvæmlega tölu
hunda i borginni, en margir
telja, að þeir séu nú um 2000.
2. Ljóst er að yfirvöld treystast
ekki til að framfylgja banni við
hundahaldi og ógjörningur að
ráðast inn á heimili manna og
taka af þeim dýr, sem þeir hafa
tekið ástfóstri við.
3. Arangur af banni við hunda-
haldi er þvi sá, að i borginni er
og hefur verið verulegur fjöldi
hunda, og engar likur til að á
þvi verði breyting.
Þetta ástand er óviðunandi,
þar eð opinberir aðilar hafa
ekki tök á að fylgjast með þvi
aö ströngustu heilbrigðisráð-
stöfunum sé fylgt, s.s. hreinsun
hunda, bólusetning o.s.frv.
Heilbrigðisyfirvöld hafa lagt
áherzlu á sjúkdómshættu
vegna hundahalds. Reynslan
sýnir, að slik hætta er mun
meiri við rlkjandi bann gegn
hundahaldi heldur en ef strang-
ar reglur væru I gildi.
4. Nauðsynlegt er þvi, að strangar
reglur verði settar, og augljós-
lega auðveldara að ganga að
hundeiganda, sem ekki greiðir
sinn hundaskatt eða virðir ekki
settar reglur, heldur. en að fást
við núverandi ástand. í reglur
um hundahald þyrfti meðal
annars að koma:
a. Skrásetningarskylda.
b. Skaðabótatrygging.
c. Kröfur um reglubundna hreins-
un og heilbrigðiseftirlit.
d. Ákvæði um hundaskatt, t.d. kr.
15.000.00 á ári.
e. Bann við að hundur gangi laus.
f. Sérákvæði vegna hundahalds I
fjölbýlishúsum.
g. Bann gegn því, að hundar komi
inn I matvöruverzlanir, slátur-
hús o.s.frv.
5. Þvi hefur verið borið við, að
eftirlit með slikum reglum
muni verða mjög kostnaðar-
samt. Eðlilegt er, að sá
kostnaður sé greiddur af
hundaeigendum. Ef gjald er kr.
15.000.00 pr. hund á ári, og

STJÖRNU
MÚGAVÉL
TS8D
Múgavél, sérstaklega hentug til
raksturs á undan heybindivélum
og sjálfhleðsluvögnum
Skilur eftir sig jafna og lausa
múga
Lyftutengd og því lipur í
snúningum
Vinnslubreidd 2,80 m
Er nú til á vetrarverði
Aðeíns kr. 147 þús.
G/obusf
Lágmúla 5, sími 81555, Reykjavík
áætlaður fjöldi hunda er 2000,
næmu gjöld kr. 30 millj.
6. Það væri fróðlegt verkefni að
kanna, hvaða félagslegar
ástæður liggja að baki fjölgun-
ar hunda i þéttbýli.
Ljóst er, að margt mælir með
ströngum reglum um takmark-
að hundahald. 1 nútimaþjóð-
félagi virðist einmanaleiki auk-
ast með auknu þéttbýli. Margir
eignastldýrinu vin.sem ekkert
getur komið I staðinn fyrir.
Þótt hundahald I þéttbýli hafi
ókosti, verður ekki framhjá
þessum félagslegu atriðum
horft.”
Guðmundur gat þess I ræðu
sinni, að hann hefði greitt atkvæði
gegn hundahaldi i Reykjavik,
þegar málið var til meðferðar i
borgarstjórn fyrir fjórum árum.
Reynslan hefði hins vegar sýnt,
að ókleift væri að framfylgja
reglum um bann við hundahaldi.
Margt mælti með takmörkuðu
hundahaldi I þéttbýli, þótt það
hefði einnig sina ókosti.
Þrátt fyrir áralangt bann við
hundahaldi, væritalið, að um 2000
hundar væru nú i borginni og að
hundahald færi vaxandi.
— Ljóst er, sagði Guðmundur,
að af ýmsum ástæðum treystast
yfirvöld ekki til að framfylgja
banninu. Núverandi ástand er
hins vegar óviðunandi fyrir alla
aðila, bæði hundaeigendur og
aðra.
Guðmundur gat þess einnig, að
heilbrigðisyfirvöld hefðu lagzt
gegn hundahaldi vegna smit- og
sjúkdómahættu. Þrátt fyrir veru-
legt hundahald I Reykjavfk, hefði
þó ekki frétzt af sjúkdómum, sem
borizt hefðu frá hundi til manns.
Hefðu heilbrigðisyfirvöld hins
vegar á réttu að standa varðandi
þetta mál, hlyti að vera ljóst, að
hættulegra væri að hafa 2000
hunda I borginni án eftirlits með
hreinsun þeirra og bólusétninga,
heldur en td. 4000 hunda undir
ströngu eftirliti, þar sem allir
hundar væru skrásettir. Þvl væri
nauðsynlegt að setja reglur um
takmarkað hundahald hið fyrsta
og kostnað við slikt eftirlit yrðu
hundaeigendur sjálfir að greiða
með háum hundaskatti.
Einnig minnti Guðmundur á
yfirlýsingu 22lækna, þar sem þeir
mótmæla greinargerð, sem sam-
starfsnefnd um heilbrigðiseftirlit
Guðmundur G. Þórarinsson.
á höfuðborgarsvæðinu hefur
nýlega látið birta um hundahald I
þéttbýli.
Auk Guðmundar tóku þátt i
úmræðum: Davið Oddsson (S),
Markús örn Antonsson (S), Al-
bert Guðmundsson (S), Þorbjörn
Broddason (Ab), Adda Bára
Sigfúsdóttir (Ab), Elín Pálma-
dóttir (S), og Páll Gíslason (S).
Atkvæði féllu þannig, að með
takmörkuðu hundahaldi voru:
Guðmundur G. Þórarinsson (F),
Albert Guðmundsson (S), Pálí
Glslason (S) og Sveinn Björnsson
(S).
■ A móti greiddu atkvæði: Birgir
ísleifur Gunnarsson (S), Davíð
Oddsson (S), Elin Pálmadóttir
(S), Magnús L. Sveinsson (S),
Markús örn Antonsson (S), Ólaf-
ur B. Thors (S), Björgvin Guð-
mundsson (A), Alfreð Þorsteins-
son (F), Adda Bára Sigfúsdóttir
(Ab), GuðmundaHelgadóttir
(Ab) og Þorbjörn Broddason
(Ab).
Tillaga Alfreðs Þorsteinssonar í borgarstjórn samþykkt:
ÍÞRÓTTARÁÐ GERIR KOSTNAÐAR-
ÁÆTLUN UM GERVIGRASVÖLL
JG-Reykjavlk. —A fundi Borgar-
stjórnar Reykjavlkur á fimmtu-
daginn var samþykkt tillaga frá
Alfreð Þorsteinssyni (F) þess
efnis, að iþróttaráð geri
kostnaðaráætlun um viðgerð og
endurbætur á Laugardalsvellin-
um. Mun iþróttaráð gera tvenns
konar kostnaðaráætlun. önnur
verður miðuð við það, að settar
verði hitaleiðslur undir völlinn og
ræktað nýtt gras á honum. Hin
áætlunin miðast við það, að sett
verði gervigras á upphitaðan
völlinn.
1 umræðum minnti Alfreð Þor-
steinsson á það, að Laugardals-
vöilurinn hefði verið tekinn i
notkun árið 1957. Engin endur-
nýjun hefði farið fram á vellinum
slðan, sem heitið gæti. Sagði
hann, að ljóst væri, að endurnýja
þyrfti allar lagnir undir vellinum
og fljótlega þyrfti að taka
ákvöröun um það,hvort ráðast
ætti i að setja gervigras á völlinn.
Sagði Alfreð, að sú lausn væri
dýr. 1 framhaldi af þvi sagði
hann:
Alfreð Þorsteinsson.
„Hins vegar er ég ekki i nokkrum
vafa um, að slik lausn er sú
allraheppilegasta með tilliti til
aðstæðna hérlendis. Hér er
leiktimabil knattspyrnumanna
styttra en viðast annars staðar
vegna lélegra vallaskilyröa. Með
gervigrasi á Laugardalsvellin-
um, væri hægt að leika knatt-
spymu allan ársins hring, ekki
sízt, ef flóðljósin, sem nú eru á
Melavellinum yrðu flutt inn i
Laugardal.
Tillagan, sem hér er flutt hefur
engar skuldbindingar i för með
sér. Aöeins er farið fram á það,
að gerð verði kostnaðaráætlun til
að fá samanburð, og til að
auðvelda borgarfulltrúum að átta
sig á kostnaöinum.
Eg vil að lokum Itreka það, að
ekki er hægt að bíða öllu lengur
með viðgerðina á Laugardals-
velli. Þegar þar að kemur vænti
ég þess að sjálfsögðu, að haft
verði fullt samráð við þá aðila,
sem nota völlinn mest, þ.e. Knatt-
spyrnusamband Islands og
Frjálsiþróttasamband Islands.”
Sveinn Björnsson (S) formaður
iþróttaráðs tók næstur til máls og
kvaðst styðja tillöguna. Upplýsti
Sveinn, að nýr gervigrasvöllur I
Sviþjóð hefði kostað 60 millj. isl.
króna.
Tillagan var siðan samþykkt
samhljóða.
Atvinnulausum ndms-
mönnum fer fækkandi
HJ-RcykjavIk. Nokkur fjörkippur
hefur oröið hjá atvinnuiniðiun
stúdenta slðustu dagana, en að
sögn Arnllnar óladótlur, starfs-
manns atvinnumiðlunarinnar,
eru nú 34 eftir á atvinnuleysis-
skrá. Frá þvf vinnumiðlunin tók
tii starfa þann 20. mai sl. hafa 198
veriðskráðir. Þar af hafa 74 feng-
ið vinnu fyrir tilstilli vinnumiðl-
unarinnar, 82 eftir öðrum Ieiðum,
en flestir hinna hætt við aö leita
sér vinnu og horfið að lestri.
— Þorri stúdentanna óskar eft-
ir vinnu allt sumarið, sagði Arn-
lin, en þó eru þeir nokkrir, sem
viíja vinnu til skemmri tima.
Meira er um atvinnuleysi meðal
kvenna, og það veldur vissum
erfiðleikum, að barnaheimilin
eru lokuð mánuð á sumri hverju.
Þvi eru margar konur, sem æskja
eftir hálfsdags eða e.t.v. 60%
vinnu.
— Við höfum farið gegnum
simaskrána og leitað til flestra
helztu fyrirtækja i Reykjavik, þar
sem við töldum að einhverrar at-
vinnu væri von. Þessi leið gaf þó
ekki góða raun, þvi að á flestum
stöðunum var þegar búið að ráða
sumarfólk til starfa. Einnig hefur
menntamálaráðuneytið farið á
stúfana fyrir okkur og leitað eftir
vinnu f rikisstofnunum, en sú leit
hefur boriðheldur litinn árangur.
— 1 langflestum tilfeilum hafa
atvinnurekendurnir sjálfir hringt
ogboðið fram vinnu, sagði Arnlin.
Og við viljum leggja áherzlu á
það, að fólk hefur fengizt i aila
vinnu samdægurs, nema ætlazt
væri til einhverra sérprófa eða
starfið væri með eindæmum illa
launað. Starfseminni hér mun
haldið áfram eitthvað lengur
fram á sumar i trausti þess, að
allir hljóti vinnu að lokum.