Atuagagdliutit - 06.12.1979, Page 23
Meeqqanut. Meeqqanut. Meeqqanut
AG
Meeqqat
meeraqatiminnut
allapput
Meeqqat assigiinngitsut sineriammiit mee-
raqatiminnut allapput misigisartakkaniinnik
takusartakkaminnillu. Illit aamma meeraqa-
tinnut AG aqqutigalugu oqaluttuarsinnaavu-
tit. Oqaluttuallammaat akissarsitinneqartar-
put
Aasaq uanga Aasiannut feriara-
ma. Sinersorama Kunuunngua-
mut ilaallunga. Avannamut Paa-
miuniit Nuup tungaanut ataasiar-
lunga meriarpunga kingorna me-
rianngilanga, kisianni kammalaa-
tiga Ole aalaleraangatta innanga-
annalertarami. Taakku Ilulissa-
nut ingerlaqqipput taavunga nu-
ukkamik.
Aasianniikkatta nuanneqaaq.
Uanga aatsaat qimmimik qimut-
tumik takuvunga. Savat qimmii-
sut issoralugit pinnguaqatiginiar-
taraluarpakka aamma nerlersor-
niartaraluarlugit, kisianni iner-
tertikkama taamaaliussaarpun-
ga. Aamma ittortaarama aataa
assut nuannarivara pitsaaqigami.
Taava aamma manneeraliaratta
uanga sisamanik nassaarpunga.
Aamma Akunnaaniippugut nuan-
neqaaq kisianni qiianaqaaq seqin-
nertannginnermik.
Aasianniikkama kammattaara-
luarpunga meeqqat qatanngutigi-
it nukappiaraq niviarsiararlu Ilu-
liarmiut, kisianni ajoqaaq atii pui-
gorakkit kissaatigisakkut inuul-
luaqqussamaarniarlugit. Tina
aamma pinnguaqatigisarpara ki-
sianni ilaanni kamaattaratta neri-
uppunga takoqqissagutta kam-
malaatigiiginnassasugut.
Unnukkut pigaartaqaanga an-
aanakkut ilagisarakkit, kisianni
ullaakkut erniinnaq itertarpunga.
Avannaaneereeratta Disko-mut
ilaalluta angerlarpugut. Sisimiuni
Qimmiaraq Qasapimik atserpara
imminut atsiullunga.
Kangerlussuup paavaninnga-
anniit Nuup tungaanut anorisio-
ratta kisianni merianngilanga me-
rianngunaveersaammik iisigama.
Taava Paamiuni ullut sisamat
uninngavugut kingorna Kununn-
guamut ilaassalluta. Tassani an-
galaarluta allunaasamik noqquk-
katta uagut Ularikkullu ajugaal-
luta tassa pikkunaq, taava akis-
sarsigatta taannalu uagutsinni
iikkami nivingavoq assiussuarma
saniani. Taava Narsamut tikippu-
gut tassa kiak, naami Nuummi.
Tikikkama atualerpugut augu-
stusip 13-ani nuanneqaaq atuar-
luni. Aamma isiginnaartitsigatta
Anngannguujunnguaq isiginna-
artitsissutigalugu aamma arfi-
ninngorpat angajoqqaatsinnut
takuteqqissavarput. Uanga tu-
nersuaavunga. Neriuppunga mee-
raqatikka aamma allat allakku-
maartut tassami atuffatsilluni ta-
ama nuannertigisoq meeqqat alla-
garisartagaanik.
Tamassi meeraqatikka asannit-
tumik inuulluaritsi Qasape Niels
Henriksen Blok C 15 3921 Nars-
saq.
Qasape oqaluttuarluarpallaa-
qimmat akissarsiassaanik tujuu-
luaqqamik taskimillu nassippar-
put.
Tuttunniarneq
Aasaq tuttunniaratta nuanneqa-
aq. Aavarluta uangalu Kaalilu
Juunalu umimmak ataasiinnaa-
nasugalugu soqutiginagu inger-
laqqiinnarpugut. Ingerlareerluta
takusakorput alakkarlugu takule-
riallarigut sunaaffa 13-niusut. Qi-
maaniarluta qulitsigut pingasut
nuipput, taava qimaapallakkatta.
Ungasianiit isiginnaarlugit tupe-
qatitta tungaanut aallaramik usi-
uffaana ilagut ajortumiissagaat.
Ingerlaqqilluta qaqqaq qaqi-
gatsigu tuttut pingasut takugat-
sigit marluk pisaraagut. Ataaseq
qimattooratsigu. Taava ingerlaq-
qilluta ammut aallarluta kulavak
norraalu takuavut kisianni pisa-
rinngilavut. Junap ataaseq malik-
kamiuk ikilik tatsip illuatungaa-
nut ikaalersoq, kisianni pisarinn-
gilaa utimut saammat unitsiinna-
ramiuk. Uanga Kaalilu kulavak
norraalu aattoriarlugit angerla-
mut aallarpugut, massa taarsile-
reersoq. Apuuppugut ilagut tike-
reersimasut. Ilatta erinitsaalluta
aagamisigut tassa Junap Nuka-
kassaallu. Taarsereersoq tikippu-
gut. Unnukkut Junap Kaalillu
ataatakkut ikitseqattaarlutik qa-
aqquaat. Tamaanga naaginnar-
pakka. Meeraqatikka tamassi in-
uulluaritsi. Allattoq Thomas Au-
gustussen. Kangaamiut 3912 Ma-
niitsoq.
Tuuma oqaluttuallaqqippallaa-
qimmat pooqattassaavik meeq-
qat ukiuannik allannilimmik nas-
sipparput.
Uummannamut tike-
raarneq
Hej meeqqat. Oqaluttuutissavas-
si. Aasaq Uummannamut tikera-
arama ila nuanneq. Kristiaakkun-
nut ilaallunga Uummannamuka-
rama. Ila mallit angissusii. Uum-
mannamut aqqutaani ikerinnarmi
tinngallannerluunniit ajorpugut.
Ila nuanneq mallit atuaannarlu-
git ingerlavugut. Masanngilagul-
luunniit. Ammut ingerlagaangat-
ta sukkasaqaagut qummulli aal-
laraangatta assut arriittarpugut.
Tamaanga naaginnarpakka. Mee-
raqatikka inuulluaritsi allattoq
Antoinethe Korneliussen Illorsuit
3961 Uummannaq.
Apuserisarpunga
Asasakka meeraqatikka. Uanga
ateqarpunga Rasmine Hansen.
Ataasiinnarmik ukioqaraluarpun-
ga. Oqaluttuutilaarniarpassi su-
unngikkaluartumik. Uanga Qasi-
giannguani inuuvunga julip 19-
ani 1978. Kisianni massakkut Nu-
ummut nuunnikuuvugut anaana
ataatalu maanga suliartormata
nuanneqaaq kisianni aqqussua ta-
kinermik aammalu aqqutaani aa-
lagami maanga ingerlaarnitsinni.
Apuukkatta qangali ilorfaallak.
Anaanakkut suligaangata paarsi-
soralu aneertarpugut apuseralu-
ta. Nuannertaqaaq kisianni sila
issittarami qiullunga uatsinnut
isertarpunga kissakkaangama an-
eqqittarpugut ilami aneerluni nu-
annertaqigami. Aamma illortaara
pinnguaqatigisarakku taanna Pil-
lamik ateqarpoq ila pinnguarta-
qaagut nuan. Allakkakka tama-
anga naavakka meeraqatikka na-
lunngisakkalu ajunnginnissaan-
nik kissaappakka. Tamassi inuul-
luaritsi allattoq Rasmine Hansen
Ceresvej Blok F 120 3900 Nuuk.
Nuugaatsiami atuar-
tut
Asasavut meeraqativut.
Uagut Nuugaatsiami atuartuu-
vugut. Atuareeraangatta atuar-
fimmi nerisarpugut, iffiartortar-
pugut qallersukkanik aamma nik-
kutortarpugut qilalukkap nikkui-
nik, Illorsuarniit pisavut assut
mamarput. Ilaanni arsartarpu-
gut. Ukioru Illorsuarnut arsamik
unammiartussaagut. Tassaasiit
aj orsallassuugut.
Septemberimi feriarpugut ilin-
niartissisut ataatsimiigiarmata
aamma ilinniartitsisoq napparsi-
mavimmukarmat taline pilatsik-
kiartorlugu umiatsiarluni taler-
migut annersimagami taava na-
korsap pilassimavaa. Maanna
aaqqimmat atuaqqittalerpugut.
Nanorsuaq amarorlu pisarineqar-
tut takunikuuvavut assut tako-
rannerput. Maani piniartut angu-
sarput. Assut neqitortarpugut.
Meeraqatigut tamaasa inuulluaq-
quagut. Allattut Oleeraq, Kari,
Ole, Laila Emilia-lu. Nuugaatsia-
minngaanniit.
Uanga Birgittaavun-
ga
Napasumi maniitsup pigisaani
niviarsiaqqat nukariit marluk
aappaa arfinilinnik ukiulik nukaa
pingasunik ukiulik. Nukaajuna
Birgithe-mik atilik. Taamanikkut
siumukkut atassullu qineqqusa-
artut angajua nukkaminut aperi-
simavoq: Nuka illit suna qinerpi-
uk? Uanga atassutaavunga. Nu-
kaa angajuminut akilersimavoq:
Uanga Birgittaavunga.
Allattoq Karline Platou Uper-
navik.
LILLEGUT
— Ersissanngilasi, nauaraannaruna... — Saamarpasissorujussuuvoq — — — Qiassanngilatit, sunavianngilatsigit! — Takusinnaaviuk qimmit nannullu i-
— Uangami qimmiaraannaavunga... — pinnguarusunnerluni...? — Ajortumik pinavianngilatsigit! lagiissinnaammata, Peter?
— Silarsuarmi kikkulluunniit ikinnguti-
giissinnaapput piumagunik...
— Kaakkunarpoq... — Aajuku suppat puisip neqertallit!
— Suu, nerissaaq!
— Uanga aamma kaappunga!
FORTSÆTTES
23