Atuagagdliutit - 12.02.1998, Blaðsíða 7

Nr. 12 • 1998
7
/ttaa&a&c/tf'a t/t
GRØNLANDSPOSTEN
. - „ *''ir;r V- ’
Direktør Leif Pedersen aamma Videobutikken A/S (assip qeqqani)
imigassanik kimittuunik tuniniagaqalernissamut itigartinneqarput. Vittus
Holm-ip taasinera aalajangiisuuvoq, taassumalu itigartitsinerminut
tunngavilersuutigaa pisiniatfiup eqqaani biilit unittarfiinik amigaateqarneq.
Direktør Leif Pedersen og Videobutikken A/S (i midten af billedet) har fået
et nej til at sælge stærke drikke. Den afgørende stemme i byrådsalen,
Siumuts Vittus Holm begrunder afslaget med manglende parkeringspladser
omkring forretningen.
Nuummi Siumut avissaartuuffiusoq
Nuummi kommunalbestyrelsip Videobutikken A/S imigassanik kimittuunik
tuniagaqalernissamut itigarteqqippaa
NUUK(KK) - Nuummi Siu-
mumi avissaartuunneq direk-
tør Leif Pedersen-ip Nuummi
Kuussuup Skibshavnsvej-illu
paarlaffianni pisiniarfiutimi-
nit, Videobutikken A/S-imit
imigassanik kimittuunik tuni-
saqalernissamut itigartitaaq-
qinneranik kinguneqarpoq.
Siumukkormiut kommu-
nalbestyrelsip ataatsimiittarfi-
ani amerlanerussuteqarluar-
put, taakkulu ataasinngormat
ualikkut Videobutikken A/S-
ip immiaaqqanik, viinninik
imigassanillu kimittuunik tu-
nisaqalernissaa akuersaar-
paat. Siumukkormiut qulingi-
luaasut ilaat ataaseq, aalisar-
toq Vittus Holm partiimi ileq-
quusoq uniorlugu akuersissu-
teqamissamut itigartitsilluni
taasivoq.
Atassummit ilaasortat talli-
mat Inuillu Ataqatigiinnit i-
laasortat pingasut peqatigalu-
git Vittus Holm taasimmat a-
kuersissummut akerliusut a-
merlanerussuteqalerput.
Vittus Holm-ip akuersaan-
nginnerminut tunngavilersuu-
tigaa, pisiniarfimmit imigas-
sanik kimittuunik tuniniaga-
qalernissamut akuersissute-
qartoqassappat Videobutik-
ken-ip eqqaani angallanneq
ulorianarsisussaammat.
- Pisiniarfiup avannamut
sammisortaani biilit uniffigi-
sinnaasaat killeqartorujus-
suupput, taannalu aaqqiiffigi-
neqanngippat Videobutikken-
imit imigassanik kimittuunik
tuniniaanissamut akuersissu-
teqarnissamut akuersaarsin-
naanngilanga.
Kukkunerit amigaatillu
Direktør Leif Pedersen-ip
aamma Videobutikken A/S-ip
imigassanik kimittuunik ni-
oqquteqarsinnaanermut qin-
nuteqaataasa aappassaat
Nuummi kommunalbestyrel-
sip itigartippaa.
8. september 1997-imi
kommunimi politikerit aalaja-
ngerput qinnuteqaat siulleq
itigartinneqassasoq.
Ukiup affaata matuma sior-
natigut kommunalbestyrelsi-
mi ilaasortat isumaqatigiillu-
tik oqaatigaat, meerarpassuit
inuusuttorpassuillu unnukkut
Videobutikken-imut video-
nik attartomiarlutik isertartut.
Taamaattoqartamera imiaaq-
qanik, viinninik, imigassanil-
lu kimittuunik tuniniaanermut
naleqqutinngitsoq kommuni-
mi politikerit isumaqarput.
Nassuiaat taanna Leif Pe-
dersen-ip naammaginngilaa.
Sapaatit akunnerini ulluni
siullerni tallimani imigassa-
nik kimittuunik tuniniaaneq
nalunaaqutaq 18.00 unittar-
poq arfininngomikkullu nalu-
naaqutaq 13.00 unittarluni.
Meeqqat inuusuttullu unnuk-
kut video-nik attartomiartar-
put, taamaammallu tuniniaa-
neq nalaartartussaanagu.
Aamma kommunalbesty-
relsi septemberip 15-iani Leif
Pedersen itigartitsissummik
allagaqarami kukkuvoq.
Borgmester Agnethe Da-
vidsen aamma kommunaldi-
rektør Nauja Petersen piuma-
sarineqartutut itigartitsiner-
mut tunngaviliinngillat.
Aammalu kommunalbesty-
relsip aalajangiinermini inat-
sisitigut tunngaviat pillugu
nalorninartoqarsinnaavoq.
Taamaammat Leif Peder-
sen-ip kommunalbestyrelsip
itigartitsinera Namminersor-
nerullutik Oqartussanut maa-
laarutigaa.
Novemberip sisamaani peq-
qinnissamut naalakkersuisup
Marianne Jensen-ip naalak-
kersuisunut innersuussuteqar-
poq suliaq kommunalbestyrel-
sip kukkuneri amigaataalu
peqqutigalugit Nuup Kommu-
neanut utertinneqassasoq.
Naalakkersuisunut ilaasor-
tat tamakkiisut Marianne Jen-
sen isumaqatigaat.
Aammalu
Ukiut nikinnerini Nuup Kom-
muneata aammaloorluni Leif
Pedersen-ip aamma Videobu-
tikken A/S-ip qinnuteqaataat
suliaralugu aallartippaa.
Aningaasaqamermut ataat-
simiititaliaq, borgmester Ag-
nethe Davidsen-ip siulittaa-
suuffigisaa januarip 20-iani a-
taatsimiikkami qinnuteqaat
akuersaarpaa.
Tamanna innersuussutiga-
lugu ataasinngormat februa-
rip qulingiluaani kommunal-
bestyrelsip ataatsimiinnissaa-
nut siullermut suliassanngor-
tinneqarpoq, tamannalu pillu-
gu ataatsimiittarfimmi oqal-
littoqangaatsiarpoq.
Siumumit oqaaseqartartoq
Ane Egede Mathiassen Ani-
ngaasaqamermut ataatsimiiti-
taliap aalajangemera isuma-
qatigalugu qinnuteqaammut
akuersivoq.
Atassummit oqaaseqartar-
toq Ellen Kristensen itigartit-
sivoq, innersuussuteqarluni
sumiiffimmi tassani pisiniar-
finnik arlalinnik imigassaar-
niartoqareersoq, ilaatigut
Vinboden, ungasinngitsumi
Indaleeqqap Aqqutaaniittoq.
Aammattaaq Ellen Kristen-
sen oqarpoq meeqqat inuusut-
tullu amerlaqisut Videobutik-
ken-imut isertartut, taamatul-
lu Katuaq sanilerimmagu i-
migassaamiarfimmik pilersit-
sisoqarsinnaanngitsoq.
Inuit Ataqatigiinnit oqaase-
qartartup Olga Poulsen-ip
qinnuteqaammut itigartitsi-
nerminut imigassanik tuninia-
anissamut akuersissuteqartar-
neq pillugu Namminersome-
rullutik Oqartussat nalunaaru-
taat 1992-imeersoq inner-
suussutigaa.
Nalunaarummi tassani
kommunalbestyrelsit ataasi-
akkaat peqquneqarput kom-
munimi pilersaarusiomermin-
ni imigassanik tuniniaasarfiit
sassaalliisarfiillu sumiiffis-
saannik aalajangersaasassa-
sut.
Aammattaaq nalunaarum-
mi allassimavoq pisiniarfiit,
inuusuttut najortagaannut qa-
nittumiittut qinnuteqaataat
kommunalbestyrelsimit iti-
gartinneqarsinnaasut.
Isumaa allaavoq
Ataatsimiittarfimmi oqaase-
qartartut pingasut oqaaseqa-
reermata Leif Pedersen-ip
akuerineqarnissaa ilimanar-
sigaluarpoq, tassami Siumu-
mi ilaasortat qulingiluaapput
aammalu Atassut IA-lu katil-
lugit arfineq pingasunik ilaa-
sortaqarlutik.
Vittus Holm-illi Siumup
ileqqua uniorlugu iliuuseqar-
poq, tassanngaannarlu itigar-
titsinissamut taasisut amerla-
nerussuteqalaalerlutik.
Taasinermi ilaasortat quli-
ngiluat, Atassummit, Inuit
Ataqatigiinnit Vittus Holm-
ilu Leif Pedersen-ip Videobu-
tikken A/S-illu itigartinneqar-
nissaanut taasipput.
Siumumili eqqissiviillior-
neq taannaannaanngilaq:
Ane Egede Mathiassen
aamma Miilu Lars Lund taa-
seqataanngillat, naggataagul-
lu Siumukkormiunit arfini-
liinnaat akuersissuteqamis-
samut akuersaarlutik taasip-
put: Agnethe Davidsen, Inga
Dora Gudmundsdottir, Per
Berthelsen, Ulrik Josefsen,
Myma Lynge - aamma Mor-
ten Heinrich, Laannguaq
Lynge ataasinngomermi ua-
likkut inatsisartuni ataatsi-
meeqataasoq sinnerlugu ataa-
tsimeeqataasoq.
Taamaalilluni Nuummi
kommunalbestyrelsimi amer-
lanerussuteqartut - assigiin-
ngitsunik tunngaveqarlutik -
illoqarfiup qeqqani imigas-
saarniarfiit ilaneqamissaat
kissaatiginngilaat.
Akerlianilli kommunalbe-
styrelsi tamakkiisoq isuma-
qarpoq, illoqarfiup qeqqani
neriniartarfiit imemiartarfiillu
amerlisinnaasut.
Kommunalbestyrelsip ataa-
tsimiinnermi tassani Ulrik
Christensen, Pub Maximut-ip
qaliani neriniartarfimmik am-
maaniartoq imigassanik tuni-
niaasinnaanermut akueriniar-
lugu neriorsuuteqarfigaat. Ul-
lumikkut tassaniippoq pisini-
arfik Unik, februarip 28-iani
Grønlandsbankitoqqami ini-
nut allemut nutsertussaasoq.
Itigartitsineq
pakatsissutigaa
NUUK (KK) - Videobutikken
A/S-imi Nuummiittumi immi-
aaqqanik, viinninik imigassa-
nillu tuniniaasinnaaneq pillu-
gu qinnuteqaatip kommunal-
bestyrelsimit itigartitsissuti-
gineqamera direktør Leif Pe-
dersen-ip pakatsissutigaa.
Pingaartumik Leif Pedersen-
ip pakatsissutigaa isummani
malillugu biilit uninngaartarfii.
kulturikkut illorsuaq aammalu
meeqqat inuusuttuaqqallu kom-
munalbestyrelsip akuliussuussi-
mammagit.
Vittus Holm-ip Siumumeer-
sup Videobutikken-ip imigassa-
nik kimittuunik tuniniasamis-
samik akuerineqaqqunngilaa
Videobutikken-ip eqqaani biilit
uninngaartarfii ikippallaaqim-
mata.
Ellen Kristensen-ip Atas-
summeersup Videobutikken-ip
imgassanik kimittuunik tunini-
aasamissamik akuerineqaq-
qunngilaa kulturikkut illorsuup
eqqaaniimmat.
- Tunngavissalersuineq eq-
qumiilluinnarpoq, tassami
kulturikkut illorsuup biilit
uninngaartarfiat Videobutik-
ken-ip eqqaaniittoq atorluar-
sinnaavaa. Filmi »Titanic«
takuniarluameqartarmat biilit
uninngaartarfiat Katuap eq-
qaaniittoq ingerlaannaq ulik-
kaartarpoq, biilillu ilaat taa-
maattumik Videobutikken-ip
eqqaanut inissinneqartarput.
- Tupinnarluinnarpoq biilit
qanoq amerlatigisut Videobu-
tikken-ip eqqaani uninngaar-
sinnaasut Katuaq omigarluar-
neqaleraangat. Vittus Holm-ip
nammineerluni ullut ilaanni
qanoq amerlatiginersut kisikki-
artoiumaarpai, Leif Petersen
oqarpoq.
Vittus Holm-ip partiimi i-
laasortaaqataata borgmesterip
tulliata siulliup Per Bertliel-
sen-ip kommunalbestyrelsip
ataatsimiittarfiani Vittus
Holm-ip biilit uninngaartarfii
ikinnerarlugit tunngavilersuu-
taa akerlilerpaa.
- Videobutikken-ip qinnute-
qaataata itigartinnissaanut bii-
lit uninngaartarfii unnukkullu
meeqqat inuusuttuaqqallu pisi-
niuttamerat tunngavilersuuti-
gisinnaanngilagut. llami iti-
gartitsinissaq sapemangajap-
porluunniit.
Unammillemeq
Leif Petersen-ip isertoruman-
ngilaa Videobutikken A/S-
imi aningaasat kaaviiaartitat
amerliartomnnaarsimanerat.
- Katuami filmertarfimmit
annertuumik unammilleme-
qalerpugut, filmit siullermeer-
lugit takutinneqartarfiannit,
Leif Petersen oqarpoq. Filmit
atomeqarsinnaallutik Video-
butikken-imut takkukkaangata
Nuummi inuppassuit filmi
takoreersimasarpaat.
- Tamarnmunnga atatillugu
inuit filminik atomermut taarsi-
ullugu filminik pisiumaneruler-
simapput, tamannalu niuertarfi-
up iluanaarutigisartagaanut
sunniuteqarpoq.
- Taamaattumik niuertar-
fimmi tuniniagassanik nutaa-
nik nassaarsiortariaqarpunga,
Leif Pedersen AG-mut oqar-
poq. Niuemermik ilinniarsi-
masutut pissusissamisoorpoq
tuniniartakkat annertusineqar-
nissaat inuniaaqqanik, viinni-
nik imigassanillu, pingaar-
nertut tuniniartamiarlugit
viinnit pitsaasut.
- Anguniagaavonni sulisut
sulisoriinnamissaat ajornan-
ngippallu amerlineqamissaat.
Ullumikkut Videobutikken-
imi atorfiit arfineq-pingasut
atuupput, sulisut 16-it paarla-
gaattarlutik. Imigassaamiar-
fimmik pilersitsinikkut sulif-
fik ataaseq pilersinneqarsin-
naavoq.