Atuagagdliutit - 21.07.1998, Blaðsíða 7

GRØNLANDSPOSTEN
MARLUNNGORNEQ 21. JULI 1998 • 7
Aningaasat nassaat
Nuup Kommuneata
pigisutut atorsimavai
Toqqorsivimmi nassaarineqartut aningaasat ilai
naalagaaffiup karsianut nakkartinneqarput
Karl Johansen-imut, Jakob Lars Vetterlain-imut aamma Erik Petersen-imut suliaq
ingerlateqqinneqassanerluni...
Sagaen om Karl Johansen, Jakob Lars Vetterlain og Erik Petersen fortsætter - måske...
NUUK(KK) - Nuup Kom-
muneata aningaasat nassaat
ilai nammineq iluaqutissa-
misut atorsimavai inatsinik
unioqqutitsisimagunarluni
tassa kommunep namminer-
mut tunngasunut 279.700
kronit - sulisut pingasut
kommuneqarfiup naqqup
ataani toqqorsivimmi 20.
marts 1991-mi nassaavi -
ilarpaalussui atorsimagami-
git. Nunatta Eqqartuussivi-
ata eqqartuussutaani nutaami
aaliangerneqarpoq aningaa-
sarpassuit taakkua Nuup
Kommuneata piginngikkai,
nassaatulli nalinginnaasutut
isigineqassasut.
Nassaarnermullu atasumik
pingajuusup nassaat nammi-
neq iluaqutissamisut atorsin-
naanngilai. Tamanna Kalaal-
lit Nunaanni pinerluttuleri-
nermut inatsimmi paragraf
73-mi alllassimavoq, tassani
pineqarami nassaanik atu-
gassarinngisanik atuineq,
aaliangerneqarportaaq nas-
saat pillugit malittarisassaq
19. marts 1929-meersoq tun-
ngavigalugu, naak taanna u-
kiut 70-it matuna sioma nu-
natsinni atuutilersimagaluar-
toq.
Taamaakkaluartoq ani-
ngaasat toqqorsivimmi nas-
saat ilarpaalussui kommmu-
nep atorsimavai, kukkunersi-
uisuminut Nuullu Eqqartuus-
siviani kiisalu Nunatta Eq-
qartuussiviani killisiuiner-
mut atatillugu inatsisilerituu-
minut akiligassanut.
Kommunep tunngaviler-
suutigaa kommune nammi-
neq piumassuserianngisami-
nik aningaasarpaalussuamik
akiligassinneqarsimanera,
naalaatsomerinnakkut kom-
munemi naqqup ataani toq-
qorsivimmi plastikpose-mi
aningaasarpassuamik nas-
saartoqamera pissutigalugu.
Tamannalu kommunep pi-
suussutiginngikkaa...
Tamanna patsisissatut tun-
ngaviulluarsinnaammat Poli-
timesterip unnerpaa, siviso-
qisumilli akisoqisumullu
kommune eqqartuussivitsi-
gut suliassiissutigineqamis-
saa omiginartikkallamagu.
Piffissap ingerlanerani ani-
ngaasarpassuit taakkua sin-
neri danskit naalagaaffiata
karsianut nakkartinneqareer-
put.
Ippassigami Kalaallit Nu-
naata Eqqartuussiviani eq-
qartuussisoqaraluartoq kom-
munep toqqorsiviani ani-
ngaasarpassuit nassaat pillu-
git apeqqutit arlalialussuit
suli akissutissaqartinneqan-
ngillat. Aningaasanik nas-
saaqaasut kommune sulisut
marluk Nunatta Eqqartuussi-
viata eqqartuussutaa Østre
Landsret-imut ingerlateqqis-
sallugu periarfissaqaraluar-
put.
Taamaalilluni suliassaq,
martsimi 1991-mi aallamer-
neqartoq, aallaqqaataanit su-
liarineqalissagaluarpoq.
Nassaartup akissarsiassai
Allaffimmiunngorniap Erik
Petersen-ip aningaasat pap-
æskep pappiaqqanut toqqor-
siviusup iluani nassaarimma-
git kommunep kukkunersiu-
isuni Schøbel & Marholt
suligasuaqquaa karsimi kisit-
seqqullugu, assuamartumilli
nassaartoqanngilaq.
Taamaariarmat ullutaanna
kommunep 279.700 kronit
politinukaappai nassaatut na-
linginnaasutut tunniukkiar-
torlugit.
Nassaat pillugit nunatsinni
malittarisassani allassimaso-
qarpoq nassaanik piginnittoq
ukiup ilivitsut ingerlanerani
nalunaarsimanngippat nas-
saat nassaartumut utertinne-
qassasut. Tassalu naluneqan-
ngitsutut aningaasat taakkua
piginnittuanik ullumanna ti-
killugu nalunaartoqanngilaq.
Ukiorlu ataaseq qaangium-
mat marts-ip 30-ani 1992
Nuup politiivisa aningaasat
kommunemut utertippai. A-
ningaasammi kommunep po-
litiinut tunniussarai taa-
maammallu Nuup Kommu-
nea nassaartutut isigineqarlu-
ni. Politiilli kommune kaam-
mattorpaat kommunemi suli-
sut pingasut ilumoorsimane-
rat pillugu anifigaasanik tu-
nissuteqaqqullugu.
Nuup Kommuneata Erik
Petersen aamma toqqorsi-
vimmi iluarsaasseqataasut
marluk, Jakob Vetterlain
aamma Karl Johansen
279.700 kronit 10 procenti-
annik akissarsisippai.
Taakkua tamarmik immik-
kut 9.323,74 kroninnapput.
Aningaasat sinneri kom-
munep karsianut toqqome-
qarput.
Aningaasat
nassaa j unngillat
Erik Petersen-illi 9.323,74
kronit naammagittaalliutigai,
aningaasanillu amerlanemik
akissarsiumalluni Nuup
Kommunea Nuup Eqqar-
tuussivianut suliassanngortil-
lugu.
- Nuup Eqqartuussiviata
uppernarsaatissaqartippaa
Erik Petersen tassaasoq kom-
munemi naqqup ataani toq-
qorsivimmi aningaasanik
nassaartoq, eqqartuussisuusi-
masoq Siverth Lynge eqqar-
tuussissummini taama oqar-
simaavoq.
- Aappaatigulli eqqartuus-
sivik isumaqarpoq aningaa-
sat nassaatut isigineqarsin-
naanngitsut, Nuup Kommu-
neata illuutaani, Erik Peter-
sen-p kommunemi suliffini
nakkutigitillugu, aningaasat
nassaarineqamerat pissutiga-
lugu.
Eqqartuussivik aamma
isumaqarpoq Nuup Kommu-
neata uppernarsarsinnaasi-
manngikkaa aningaasat kom-
munep karsianeersuunera-
nik. Taamaammat Erik Pe-
tersen pissutissaqarpoq piu-
masarissallugu 10 procentit
pingajorarterutaannit amerla-
nernik akissarsinissaminut,
eqqartuussiviulli eqqartuus-
sutaa malillugu 10 procentit
amerlaqataanit amerlaneru-
sunik akissarsisinneqarsinna-
anngilaq.
Malittarisassatoqqami al-
lassimasoqarpoq nassaarto-
qartillugu 10 procentit amer-
laqataannik akissarsisoqar-
tassasoq, immikkut illuinnar-
toqaraangat 25 procent tikil-
lugu amerlineqarsinnaasut.
- Nuup Kommuneani naq-
qup ataani ineeqqami par-
naaqqasumi aningaasat nas-
saarineqamerat pissutigalugu
Erik Petersen 279.700 kronit
25 procentianik akissarsisin-
neqartussaavoq, taama eq-
qartuussivik aaliangiivoq
maj-ip 16-ani 1994-mi.
Taamaammallu Erik Peter-
sen saniatigut 69.925 kroni-
nik akissarsisinneqarpoq,
9.323 kronit ilanngullugit
79.248 kroninik katillugit
pissarsilluni.
Eqqartuussiviup aaliangi-
tuagaraa Erik Petersen-ip a-
kissarsiassaanut tunngasut,
aningaasat kimit pigineqar-
nersut pinnagu. Taamaam-
mat aningaasat kommunep
pigisutut isigilerpai kingor-
nalu Nuup Eqqartuussutaa
Nunatta Eqqartuussivianut
suliassanngortippa, 10 pro-
centit pingajorarterutaat Erik
Petersen-imut akissarsias-
sanngortinneqarpata tunnga-
viliullugu.
Taamaalilluni nassaat pil-
lugit suliaq Nunatta Eqqar-
tuussivianut ingerlateqqin-
neqarpoq.
Aningaasat nassaatut
isigineqassapput
1994-mi septemberip 17-ani
Nunatta Eqqartuussivia eq-
qartuussuteqarpoq, marlus-
sutigut pingaarutilinnik
Nuup Kommuneanik tapersi-
inngitsumik.
Nunatta Eqqartuussivia
aaliangerpoq, kommune inat-
sisitigut tungaasigut pigin-
naaneqartilluni »aningaasat
toqqorsivimmi nassaat pigi-
sutut pillugit atorsinnaan-
ngikkai«.
- Aningaasat sulisut pinga-
sut nassaavi Nuup Kommu-
neata piginngilai, dommer-
fuldmægtig Peter Bach Chri-
stiansen eqqartuussummini
oqarpoq, aningaasallu Nuup
Kommuneata piginngippagit
allanillu piginerarneqarsi-
matinnagit taava aningaasat
narsaartup pisussaavai.
Nuup Eqqartuussiviata eq-
qartuussutaa Nunatta Eqqar-
tuussiviata allangortippaa,
Erik Petersen immikkut 25
procentinik akissarsisussan-
ngorlugu tassa Erik Petersen
279.700 kronit pingajorarte-
rutaannik akissarsisussan-
ngorlugu.
Taakku 93.233 kroniup-
put, Erik Petersen-ili 9.323
kroninik akissarsiaqareemi-
kuummat Nunatta Eqqar-
tuussiviata aaliangiineratigut
83.910 kroninik akissarsisus-
sanngortinneqarpoq.
Nunatta Eqqartuussiviata
aaliangiinera kommunep
malikkasuarpaa aningaasallu
nassaat 1994-mi septemberip
23-ani politiinut utertillugit.
Tamannali sioqqullugu
279.700 kronit ilarpaalussui
kommunep atoreersimavai.
Erik Petersen katillugit
93.233 kroninik akissarsisin-
neqarpoq, Jakob Vetterlain
aamma Karl Johansen im-
mikkut 9.323 kroninik akis-
sarsisinneqarlutik. Taakkua
tamarmik katillugit 111.879
kroniupput taamaalillunilu
279.700 kronit sinneri
167.821 kronilersimassap-
put.
Nuup Kommuneatali
64.300 kroniinnaat politiinut
utertippai, 103.521 kronit
nassaarnermut atatillugu
kukkunersiuisunut eqqar-
tuussissuserisumullu ani-
ngaasartuutinut atorsimaga-
migit.
Imaappoq Nunatta Eqqar-
tuussivia eqqartuussuteqa-
reersorlu ullut sisamat qaa-
ngiummata kommunep ani-
ngaasat nassaat ilarpassuit
atorsimavai, naak Nunatta
Eqqartuussivia erseqqissu-
mik eqqartuussuteqaraluar-
toq aningaasat kommunep
piginngikkai.
Kommunep piginngilai
Nunatta Eqqartuussiviata
1994-mi septemberip 17-ani
eqqartuussutaa naapertussa-
gaanni nassaartut allat mar-
luk Erik Petersen-itulli ta-
marmik immikkut 279.700
kronit pingajorarterutaannik
akissarsinissaminnik piuma-
saqarsinnaasariaqarput.
Jakob Lars Vetterlain Karl
Johansen-ilu aammaluuler-
put, Civilretsdirektoratimul-
lu qinnuteqarput imminer-
minnut aningaasartuutaan-
ngitsumik eqqartuussivim-
mut suliassanngortitsissaga-
mik aningaasat nassaat akis-
sarsiassartaat tamakkiisut
piumasaqaatigiumallugit. Ci-
vildirektoratet akuersaarpoq,
suliassarlu Nunatta Eqqar-
tuussiviani ukioq manna juni
aallartilaartoq suliarineqaler-
luni.
Karl Johansen-ip Nuup
Kommunea suliassanngor-
tippaa, Jakob Lars Vetterla-
in-ip Kalaallit Nunaanni
Politiit suliassangortikkai,
aningaasat nassaat ilaanik
kommunep politiinut 1994-
mi septemberip 24-ani tunni-
ussaqarsimanera pissutigalu-
gu.
Jakob Lars Vetterlain-ip
Karl Johansen-illu eqqar-
tuussissuserisuisa, Henrik
Hey-ip aamma Wilhelm
Dickmeiss-ip oqaatigaat sul-
litatik aningaasarpassuamik
taakkuninnga nassaaqataasi-
manerat tunngavigalugu Erik
Petersen-itut pingajorarte-
mmmik akissarsisariaqaralu-
artut.
Wilhelm Dichmeiss-ip tu-
pigusuutigaa kommunep
1994-mi aningaasartuutini
279.700 kronit ilaannik aki-
lersimammagit, aningaasa-
nik politiinut tunniussaqan-
nginnermini:
- Aningaasat kommunep
piginngilai taamaammallu a-
ningaasartuutiminut atorsin-
naannagit.
- Aningaasat nassaatut
Nuup Kommuneata politii-
nut tunniussimavai. Nuup
Kommuneata nassaartut Erik
Petersen, Jakob Lars Vetter-
lain aamma Karl Johansen
akissarsisissimavai. Nuup
Kommuneata aningaasat
taakkua pigisutut piumasaqa-
atigisimanngilai. Taamaam-
mat kommune aningaasanik
piginnittuujumasimanngilaq,
taamaammallu aningassat
nassaatut isigineqartariaqar-
lutik.
Nunatta Eqqartuussivia
aamma aaliangerpoq Jakob
Lars Vetterlain aamma Karl
Johansen aningaasanik nas-
saartuunngitsut taamaam-
mallu 279.700 kronit pinga-
jorarterutaannik tamarmik
immikkut piumasaqaateqar-
sinnaanngitsut.
Allaaserisassaaleqiffimmi
Taasalu aningaasat pillugit
eqqartuussivimmi suliamut
tunngatillugu eqqartuussutit
pingasuulerput.
1994-mi maj-ip 16-ani
Nuup Eqqartuussivia aalian-
gerpoq Nuup Kommuneata
uppemarsarsinnaasimanngik-
kaa aningaasa kommunep
karsianeersuusut.
1994-mi septemberip 17-
ani Nunatta Eqqartuussivia
aaliangerpoq aningaasat
Nuup Kommuneata pigin-
ngikkai.
1998-mijuli 10-ani Nunat-
ta Eqqartuussivia aalianger-
poq Nuup Kommunea atuisi-
manermigut aningaasanik pi-
ginnittooratarsinnaanini an-
naagaa.
Taamaakkaluartorli kom-
munep nassaat ilai nassaar-
nermut atatillugu 103.521
kronit kukkunersiuisuminut
eqqartuussissuserisuminullu
atorsimavai.
Vicepolitimester John
Kølbæk oqarpoq aningaasat
nassaat pillugit suliaq politiit
naammassisutut isigigaat.
Maannalu Jakob Lars Vet-
terlain-ip aamma Karl Johan-
sen-ip itigartinneqarsimaner-
tik pillugu Nunatta Eqqar-
tuussutaa suliassanngortis-
sinnaalerpaat.
Taanna Østre Landsret-imi
suliarineqarsinnaammat.
Østre Landsret-imi qanoq
aaliangiisoqarsinnaanera
maannakkut oqaatigineqar-
sinnaanngilluinnarpoq, peri-
arfissalli marluinnaagunarlu-
tik.
Nunatta Eqqartuussiviata
eqqartuussutaa Østre Lands-
ret-ip malippagu nalunartue-
rutissaaq.
Jakob Lars Vetterlain aam-
ma Karl Johansen tamarmik
immikkut pingajorarterum-
mik akissarsissasut Østre
Landsret-ip aaliangerpagu
soqutiginartumik tamanna
kinguneqassaaq.
Aningaasammi taakkua
tigoriaannaanngillat. Nuup
Kommuneata 103.521 kronit
kukkunersiuisunut eqqar-
tuussissuserisumullu atorsi-
mavai sinnerilu 64.300 kro-
nit naalagaaffiup karsinut
nakkartinneqarsimallutik.
Taamaammat kommunep
allatut ajomartumik politiit
eqqartuussivimmut sulias-
sanngortissinnaavai 64.300
kronit naalagaaffiup karsia-
nit utertikkumallugit, paar-
lattuanillu politiit kommune
unnerluutigisinnaavaa ani-
ngaasat nassaat ilaanik inat-
sisaatsuliornikkut imminut
iluaqutissanik atuisimasutut.
Allaaserisassaaleqiffimmi
periarfissat periarfissaaniar-
lik.
ASS7 FOTO: KNUD JOSEFSEN