Fréttablaðið - 28.11.2005, Page 1

MEST LESNA DAGBLAÐ Á ÍSLANDI
VEÐRIÐ Í DAG
Sími: 550 5000
MÁNUDAGUR
28. nóvember 2005 — 322. tölublað — 5. árgangur
KRISTJÁN ÞÓRÐUR HRAFNSSON
Undraveröld bókanna
fasteignir hús
Í MIÐJU BLAÐSINS
HARPA EINARSDÓTTIR
Gerði góða ferð á Future Design-
base sýninguna í Stokkhólmi
Mikilvægt að komast út fyrir landsteinana
FÓLK 42
Mótvægi við Píkusögur
Auðunn Blöndal vill ekki
að menn skammist sín
fyrir kynfæri sín í uppi-
standi sínu Typpatali.
MENNING 27
STJÓRNMÁL Ásthildur Helgadótt-
ir, fyrirliði kvennalandsliðsins í
knattspyrnu, mun hugsanlega taka
þátt í prófkjöri Sjálfstæðisflokks-
ins fyrir bæjarstjórnarkosning-
arnar í Kópavogi í vor.
Ásthildur segir í samtali við
Fréttablaðið í dag að framboðsmál
hafi verið rædd við hana en engin
ákvörðun liggi fyrir. „Þetta er stór
ákvörðun og ég vil hugsa málið vel
áður en ég ákveð eitthvað,“ segir
hún.
Ásthildur gekk nýlega til liðs
við Kópavogsliðið Breiðablik en
hún lék með félaginu um árabil
áður en hún reri á önnur mið. Hún
er nú að flytjast frá Svíþjóð þar
sem hún hefur leikið í tvö ár með
Malmö FF. Sjá síðu 22
Ásthildur Helgadóttir:
Hugsanlega á
leið í framboð
ÁSTHILDUR HELGADÓTTIR Er að gera upp
við sig hvort hún taki þátt í prófkjöri Sjálf-
stæðisflokksins í Kópavogi.
SKÚRIR EÐA ÉL af og til víða um
land og fremur þungbúið. Bætir í
úrkomuna syðra um miðjan dag. Frost-
laust með suður- og vesturströndinni að
deginum, annars vægt frost. VEÐUR 4
Ísland lagði Noreg í loka-
leiknum
Þriðji og síðasti æfingaleikurinn við
Norðmenn fór fram í Kaplakrika í
Hafnarfirði í gær og hafði íslenska liðið
sigur, 32-26. Liðið er líklegt til
afreka á HM í Sviss.
ÍÞRÓTTIR 38
LÖGREGLA Ekið var á gangandi
vegfaranda á Miklubraut um hálf
þrjú aðfaranótt sunnudags. Slysið
varð rétt austan við gatnamótin við
Rauðarárstíg. Bíl á vesturleið var
ekið á manninn, sem slasaðist alvar-
lega og var fluttur á sjúkrahús.
Maðurinn er meðvitundarlaus
og liggur nú á gjörgæslu. Sá slasaði
hafði engin skilríki á sér og því er
ekki vitað hvert nafn mannsins er
eða hvar hann er búsettur. Lögregl-
an hefur nú undir höndum upplýs-
ingar sem gætu varpað ljósi á hver
maðurinn er, en auglýst var í gær
eftir upplýsingum sem gætu nýst
lögreglunni í málinu.
Talið er líklegt að maðurinn sé
útlendingur þar sem hann hafði í
fórum sínum pakka af sígarettuteg-
und sem ekki er þekkt hér á landi.
Lögregla hefur haft samband
við hótel í Reykjavík í von um að
einhver myndi bera kennsl á þann
slasaða, en án árangurs. Að sögn
lögreglu er erfitt fyrir stærri
hótel að fylgjast með ferðum allra
gesta sinna og því mun leitin taka
nokkurn tíma. Ökumaður bifreiðar-
innar var yfirheyrður og er málið
enn í rannsókn.
- jóa
Ekið á gangandi vegfaranda á Miklubraut:
Ókunnur maður á gjörgæslu
LIGGUR ÞUNGT HALDINN Á GJÖRGÆSLU
Maður varð fyrir bíl á Miklubraut í fyrrinótt.
Ekki hefur tekist að bera kennsl á manninn
þar sem hann var skilríkjalaus. Maðurinn er
meðvitundarlaus og liggur á gjörgæsludeild
Landspítalans.
16%
31%
F
ré
tt
a
b
la
›
i›
F
ré
tt
a
b
la
›
i›
M
b
l.
M
b
l.
*Samkvæmt fjölmi›lakönnun Gallup í október 2005.
Fasteignablað
Morgunblaðsins
Allt- fasteignir.
á mánudögum
Lestur me›al 25–45 ára.
Lestur
Fasteignablaða
Lestur meðal 25-45 ára
Stones og miklu fleira
Aðdáendur Rolling
Stones ættu að gleðjast
því út er að koma bók
sem inniheldur allt sem
þarf að vita um hljóm-
sveitina.
FÓLK 42
Útskúfun
Kirkjan treystir sér ekki til að gifta
þig nema sú gifting sé milli karls og
konu og uppfylli þannig skilyrði sem
sett eru í Gamla testamentinu fyrir
„réttu“ samlífi, segir Guðmundur Andri
Thorsson.
Í DAG 18
ÍBÚÐALÁNASJÓÐUR Fundur er fyrir-
hugaður í vikunni milli fjármála-
og félagsmálaráðuneyta þar sem
reynt verður að ná sátt um framtíð
Íbúðalánasjóðs. Eftir því sem næst
verður komist er deilt um framtíð-
arhlutverk Íbúðalánasjóðs.
Fjármálaráðuneytið hefur sóst
eftir því að færa starfsemi sjóðs-
ins undir Lánasýslu ríkisins og
þar með fjármálaráðuneytið í stað
félagsmálaráðuneytis. Umsvif
sjóðsins í íslensku hagkerfi eru
umtalsverð en fyrirhugaðar lán-
tökur hans á næsta ári nema 88
milljörðum króna.
Fyrirtækið Ráðgjöf og efna-
hagsspár ehf. sendi félagsmála-
ráðuneytinu reikning upp á rúmar
sjö milljónir króna sem ráðuneyt-
ið neitar að greiða. Reikningurinn
var fyrir úttekt á fjárhagslegri
stöðu Íbúðalánasjóðs. Niðurstöð-
ur þessarar úttektar hafa enn
ekki birst.
Árni Magnússon félagsmála-
ráðherra sagði nýverið í fjölmiðl-
um að hann legðist ekki gegn
þessari úttekt en benti á að engin
niðurstaða hefði náðst um hvað
ætti að skoða og hvað slík úttekt
ætti að kosta. Í sama viðtali taldi
ráðherrann að það væri að sólunda
með almannafé að greiða sjö millj-
ónir fyrir þessa þjónustu.
„Það er búið að tala alveg nóg
um þetta,“ var það eina sem Þór-
hallur Arason á fjárreiðuskrif-
stofu fjármálaráðuneytisins hafði
um málið að segja í gærkvöldi.
Baldur Guðlaugsson, ráðuneytis-
stjóri í fjármálaráðuneytinu, er
erlendis og varð ekki fyrir svör-
um.
Fyrirtækið Capto Financial
Consulting í Svíþjóð sinnir þessu
sama ráðgjafar- og úttektarhlut-
verki fyrir Íbúðalánasjóð og hefur
sent reikning fyrir sína vinnu sem
hljóðar upp á einn tíunda af því
verði sem Ráðgjöf og efnahags-
spár setur upp. Capto gegnir svip-
uðu ráðgjafar- og úttektarhlut-
verki meðal annars fyrir sænska
seðlabankann, Volvo, Electrolux
og fleiri stór alþjóðleg fyrirtæki.
- saj
Fjármálaráðuneytið
ásælist Íbúðalánasjóð
Fundur er fyrirhugaður í vikunni með fjármála- og félagsmálaráðuneytum til
þess að koma ró á málefni Íbúðalánasjóðs. Fjármálaráðuneytið hefur sóst eftir
undirtökunum í rekstri sjóðsins með því að færa hann til Lánasýslu ríkisins.
NOREGUR Norsk flugyfirvöld búast
við miklum flugumferðarteppum
þessi jólin vegna fjölda Breta í
leit að jólasveininum, samkvæmt
norska dagblaðinu Aftenposten.
Búist er við um 400.000 erlend-
um gestum í heimsókn til jóla-
sveinsins í smiðju sinni í Rovan-
iemi í Finnlandi. Um níutíu prósent
þessara gesta eru Bretar sem
fljúga í gegnum Suður-Noreg.
Þetta þýðir að á hverri klukku-
stund í desember verða allt að 25
vélar í norskri lofthelgi á leið til
jólasveinsins. Yfirvöld búist við
því að jólasveinaörtröðin valdi
seinkunum á venjubundnu flugi
til og frá Noregs, sem og á innan-
landsflugi, í desember. ■
Jólasveinaáhugafólk:
Veldur örtröð
SEIÐANDI TÓNAR SIGUR RÓSAR Um fimm þúsund manns hlýddu á hljómsveitina Sigur Rós á tónleikum hennar í Laugardalshöll í gær-
kvöldi. Þetta voru fyrstu tónleikar hljómsveitarinnar á Íslandi í þrjú ár og eftirvænting aðdáenda mikil. Sigur Rós lék lög af plötunni sinni
Takk sem kom út í haust en hún hlaut góða dóma gagnrýnenda bæði hérlendis og erlendis. Sveitin hefur verið á tónleikaferðalagi um
Evrópu að undanförnu og á nýju ári liggur leiðin vestur um haf. FRÉTTABLAÐIÐ/VALLI