Fréttablaðið - 10.03.2006, Page 12

10. mars 2006 FÖSTUDAGUR
Milljónamiðar
leynast
enn á
sölustöðum.
Finnur
þú þann
næsta?
SVEITARSTJÓRNARMÁL „Þegar eru
komnar yfirlýsingar frá sjálf-
stæðismönnum um að þeir ætli
að standa með okkur,“ segir Sig-
urður Magnús-
son, oddviti
Álftaneshreyf-
ingarinnar. Í
hreyfingunni
hafa hingað til
verið liðsmenn
Samfylkingar,
Framsóknar,
Vinstri grænna
og óháðra en
nú hefur verið
ákveðið að full-
trúarnir verði
ekki tilnefndir af stjórnmála-
flokkum.
„Þessi ákvörðun tengist deil-
unni um miðbæjarskipulagið,“
bætir Sigurður við. Álftanes-
hreyfingin, sem er í minnihluta,
hefur barist hart gegn miðbæj-
arskipulaginu en í lok desember
ákvað Guðmundur Gunnarsson,
bæjarstjóri og sjálfstæðismaður,
að fresta fyrirhug- uðum
framkvæmdum við mið-
bæinn fram yfir
kosningar vegna
deilnanna sem
höfðu skapast um
málið. Um 700 manns
höfðu skrifað undir
mótmælaskjal þar
sem bæjarstjórn er
hvött til að hverfa
frá þessu skipulagi
en efna þess í stað
til arkitektasam-
keppni. Í síðasta mánuði stað-
festi bæjarstjórn svo skipulagið.
„Við gerðum athugasemdir við
það því þá er verið að gera okkur
erfitt fyrir að hverfa frá þessu
skipulagi ef við komumst í meiri-
hluta eftir kosningar í vor. Það
er ástæðulaust að gera þetta erf-
iðara fyrir
nýja bæjar-
stjórn,“ segir
Sigurður.
„Ég sagði
í desember
að við ættum
að klára skipulagið
en fresta fram-
kvæmdum. Ef við
hefðum frestað
skipulaginu yrði það
ónýtt því þetta ber að
vinna eftir ákveðnum leiðum svo
reglum sé framfylgt,“ segir Guð-
mundur. „Svo geta kjósendur
lagt sitt mat á það sem við erum
að gera og við lútum því. Ég veit
að forsvarsmenn Álftaneshreyf-
ingarinnar hafa sagt að þeir
muni blása þetta af komist þeir í
meirihluta.“
Að sögn Sigurðar byggist
óánægja Álftaneshreyfingar og
fleiri Álftnesinga á því að skipu-
lagið geri ráð fyrir of þéttum
miðbæjarkjarna, of háum bygg-
ingum, hættulegri umferðargötu
við skóla og of stóru hjúkrunar-
heimili fyrir aldraða að þeirra
mati. Þar er gert ráð fyrir að
yfir hundrað aldraðir muni búa.
„Við óttumst að þetta verði til
þess að við getum ekki sinnt
þeim öldruðu nægilega vel sem
búa í sínum heimahúsum en
Álftaneshreyfingin leggur mikla
áherslu á heimaþjónustu enda
búa hér níutíu prósent íbúa í
einkahúsi og því auðvelt að koma
slíkri þjónustu við,“ segir
Sigurður. jse@frettabladid.is
Minnihlutinn slítur
tengsl við flokkana
Minnihlutinn á Álftanesi hefur slitið tengslin við stjórnmálaflokka til að
sameina menn úr öllum flokkum. Markmiðið er að fella meirihlutann,
sem samþykkt hefur miðbæjarskipulag sem mikill órói ríkir um.
SIGURÐUR MAGNÚS-
SON Oddviti Álftanes-
hreyfingarinnar.
SVEITARSTJÓRNARMÁL Íbúar í Hólma-
víkurhreppi og Broddaneshreppi
kjósa um sameiningu hreppanna á
morgun. „Ég verð að játa að það
kæmi mér verulega á óvart ef sam-
einingu yrði hafnað,“ segir Ásdís
Leifsdóttir, sveitarstjóri í Hólma-
víkurhreppi.
Í Hólmavík búa 462 íbúar en
fimmtíu í Broddaneshreppi. „Það
mætti kannski segja að það sé
aðeins formsatriði að sameina
hreppana tvo því samstarfið er
mjög mikið. Til dæmis sækja
grunnskólanemendur Broddanes-
hreppsskóla hér á Hólmavík og svo
erum við með samvinnu í sorpmál-
um og brunavarnarmálum. Það
sem fólk veltir fyrir sér er hvernig
þetta kemur við budduna en fast-
eignagjöld eru reyndar þau sömu.
Svo er þetta að sjálfsögðu tilfinn-
ingamál fyrir marga,“ segir
sveitarstjórinn.
Í haust var kosið um samein-
ingu Árneshrepps, Hólmavíkur-
hrepps, Kaldrananeshrepps og
Broddaneshrepps. Þeir síðast-
nefndu samþykktu sameiningu
með miklum meirihluta en annars
staðar var henni hafnað.
„Við í Hólmavík höfnuðum
henni á þeim forsendum að ekki
væri hægt að sameinast til dæmis
Árneshreppi eins og samgöngurnar
eru,“ útskýrir Ásdís. - jse
Kosið um sameiningu Hólmavíkurhrepps og Broddaneshrepps:
Sameining er formsatriði
FRÁ HÓLMAVÍK Hólmvíkingar taka afstöðu
til þess á laugardag hvort þeir vilji samein-
ast Broddaneshreppi.
FÉLAGSMÁL Innan skamms hefst í
Vesturbæ Reykjavíkur sérstakt
átak þar sem markmiðið er að
koma í veg fyrir félagslega ein-
angrun og um leið auka samtaka-
mátt íbúa á svæðinu.
Þema átaksins, sem haldið er að
tilstuðlan Vesturgarðs, þjónustu-
miðstöðvar borgarinnar í hverf-
inu, er „Fyrir hvert annað“ og mun
það standa í mánuð. Er því ætlað
að stuðla að betri þjónustu gagn-
vart öllum sem nýta vilja sér þá
þjónustu sem í boði er en sérstök
áhersla verður lögð á að koma í
veg fyrir félagslega einangrun
eldra fólks og reynt að ná til þeirra
með ýmsum leiðum sem ekki hafa
verið farnar áður. Sérstök dagskrá
hefur verið sett saman af þessu til-
efni og munu til dæmis ungmenni
og eldri borgarar í hverfinu vinna
saman mósaíklistaverk hinn 13.
mars en verkið verður svo sett upp
á áberandi stað í hverfinu. Í boði
verða einnig gönguferðir um
Vesturbæinn undir leiðsögn. Í lok
átaksins verður svo haldið málþing
þar sem farið verður yfir árangur-
inn.
Að sögn Óskars D. Ólafssonar
framkvæmdastjóra er ætlunin að
ná betra og víðtækara sambandi
við íbúa hverfisins. „Í grunninn
viljum við ná til víðari hóps fólks
en hingað kemur reglulega og
reyna saman að skapa þéttara og
betra samfélag þeirra sem hér
búa.“ - aöe
FYRIR HVERT ANNAÐ Óskar D. Ólafsson,
framkvæmdastjóri Vesturgarðs, Edda
Bjarnadóttir, sem situr í notendaráði
félagsmiðstöðvarinnar að Aflagranda, og
Droplaug Guðnadóttir, forstöðumaður
miðstöðvarinnar.FRÉTTABLAÐIÐ/E.ÓL.
Átakið Fyrir hvert annað að hefjast í Vesturbæ Reykjavíkur:
Mannlegra samfélag
FRÁ AFHENDINGU UNDIRSKRIFTALISTA Guðmundur Gunnarsson bæjarstjóri tekur hér
við undirskriftalista frá Berglindi Libungan þar sem bæjarstjórn er hvött til að hverfa frá
miðbæjarskipulaginu. fiJÓ‹VAKI
Litir:
Grænn: pantone 356cvu
Rau•ur: pantone 485cvu