Fréttablaðið - 30.05.2006, Qupperneq 60

30. maí 2006 ÞRIÐJUDAGUR28
Hljómsveitin Wham! sem naut
mikilla vinsælda á níunda ára-
tugnum ætlar að koma saman á ný
eftir tuttugu ára hlé.
Reyndar ætlar hljómsveitin,
sem var skipuð þeim George
Michael og Andrew Ridgeley,
aðeins að taka eitt lag saman á tón-
leikum Michaels á Wembley í sept-
ember; en það verður hið sígilda
jólalag Last Christmas.
Wham!
saman á ný
ANDREW RIDGELEY Dúettinn Wham! var
gríðarlega vinsæll á níunda áratugnum.
Fjölmiðlafárinu í kringum
Angelinu Jolie og Brad
Pitt mætti líkja við sirkus.
Blaðamenn og ljósmynd-
arar hafa endasenst um
heiminn í eltingarleik við
parið sem eignaðist heil-
brigða stúlku í Namibíu á
laugardaginn.
Orðrómur um hugsanlega fæð-
ingu Shilou Nouvel Jolie-Pitt fór
af stað strax á fimmtudaginn
þegar Brad Pitt afboðaði komu
sína á Cannes-hátíðina en þar ætl-
aði leikarinn að kynna kvikmynd-
ina Babel. Ljósmyndarar sátu um
bæinn Walvis Bay í von um að geta
smellt af myndum eða náð ein-
hverju út úr íbúum bæjarins
vegna komu þessa „frægasta“
nýbura fyrr og síðar. Íbúarnir
hafa hins vegar haldið tryggð við
stjörnuparið sem hefur fengið að
njóta lífsins nánast óáreitt í Afr-
íkuríkinu enda lýsti forseti lands-
ins því yfir að stjórnvöld hygðust
vernda hjónaleysin gegn hvers
kyns ónæði. Yfirvöld í Walvis hafa
einnig verið þögul sem gröfin en
gáfu í gær út þá yfirlýsingu að
bæði barni og móður heilsuðust
vel. Öryggisgæsla í þessum litla
bæ hefur verið stóraukin og
öryggisverðir varna öllum óvið-
komandi komu að sjúkrahúsinu
því talið er að myndir af hinni
nýfæddu Shilou geti selst á rúm-
lega sjötíu milljónir íslenskra
króna til helstu slúðurblaða heims-
ins.
Rúm tvö ár eru síðan farið var
að hvískra um ástarsamband Pitts
og Jolie. Stjörnurnar tvær voru þá
að leika í mynd um leigumorð-
ingjahjónin Mr & Mrs. Smith, en
Pitt var þá giftur leikkonunni
Jennifer Aniston. Leikararnir virt-
ust í fyrstu nýta sér umtalið til að
kynna myndina og Aniston neitaði
að eiginmaður hennar ætti í ástar-
sambandi við mótleikkonu sína,
meintur ástarbrími væri bara
markaðsbrella. Jolie neitaði jafn-
framt öllum sökum um að vera
hjónadjöfull og sagðist ekki vilja
vera eins og pabbi sinn, Jon Voight,
sem hefði rústað hjónabandi sínu
og móður Jolie með sífelldu fram-
hjáhaldi. Annað kom þó á daginn.
Skilnaður Pitts og Aniston kom
mörgum í opna skjöldu enda var
hjónabandið talið eitt það traust-
asta í Hollywood. Jolie á hinn bóg-
inn skilin við leikarann Billy Bob
Thornton en samband þeirra var
æði skrautlegt og var frægt þegar
þau báru blóð hvort úr hinu um
hálsinn. Hún var áður gift breska
leikaranum Johnny Lee Miller
sem sló í gegn í kvikmyndinni
Trainspotting.
Ljósmyndarar og blaðamenn
komu sér í startholurnar því langt
var síðan annað eins stjörnubarn
hafði litið dagsins ljós og einhverj-
ir vildu líkja þessu við storma-
samt samband Richards Burton
og Liz Tayolor sem er eitt fræg-
asta samband í sögu Hollywood.
Slúðrið um Pitt og Jolie var með
ólíkindum og versnaði nánast með
hverjum deginum. Þau áttu að
hafa gifst í villu George Clooney á
Ítalíu en skömmu síðar fréttist að
Jolie hafði víst hafnað bónorði
Pitts. Þegar fregnir bárust um að
barns væri von fóru fjölmiðlar
offari og eltu parið á röndum sem
lauk með því að það flúði til Afr-
íku þar sem Jolie er öllum hnútum
kunnug vegna góðgerðastarfa
sinna fyrir flóttamenn á vegum
Sameinuðu þjóðanna.
Frá því að skötuhjúin komu til
Namibíu hafa þau nánast farið
huldu höfði. Hvorugt þeirra hefur
gefið færi á sér í viðtal ef undan-
skilið er stutt spjall þar sem Jolie
sagðist hlæja að öllum sögunum
um sig og ástmann sinn. Sam-
kvæmt helstu fréttavefjum eru
litlar líkur á því að myndir af
barninu berist fjölmiðlum og í
yfirlýsingu frá bæjaryfirvöldum
kemur fram að þau ætli sér að
dveljast í Namibíu um stundar-
sakir.
Stjörnubarn komið í heiminn
JOLIE OG PITT Hefur tekist á undraverðan hátt að halda sig fjarri ljósmyndurum enda hafa yfirvöld í Namibíu lofað þeim að vernd gegn
ágangi fjölmiðla. FRÉTTABLAÐIÐ / GETTY IMAGES