Fréttablaðið - 29.07.2006, Page 51

heitir Tunguvegur og þar eru ein-
ungis sjö hús. Í einu þeirra bjó
dönsk kona og handan við götuna
rak sænskur járnsmiður verk-
stæði. Við hliðina á honum bjó
íslensk kona gift Bandaríkja-
manni. Steinsnar frá þeim bjó
Þjóðverji og við hliðina á sænska
verkstæðiseigandanum bjó
íslenskur maður giftur norskri
konu. Hann fór á sínum tíma til
Noregs til að læra að búa til skíði.
Lóðin okkar lá að lóð Færeyings,
sem bjó með íslenskri konu sinni
og börnum og í nágrenninu bjó
einnig finnsk kona. Hvað mitt val
á fræðastarfi varðar munaði þó
mest um danskar og sænskar kvik-
myndir í bíóhúsum bæjarins og
ætli Andrés Önd og sumardvöl í
Kaupmannahöfn að loknu stúd-
entsprófi hafi ekki haft sitt að
segja.“
Höll orðanna
Framtíðarsýn Auðar og kolleganna
hjá Stofnun Vigdísar er kristaltær
og segir mikið um þann sköpunar-
kraft og þrótt sem býr innan stofn-
unarinnar sem hún veitir forstöðu.
Áfram mun verða unnið að öflug-
um rannsóknum í tungumálum og
fræðilegri umræðu um tungumál
með fyrirlestra- og ráðstefnuhaldi
og útgáfu fræðirita. Jafnframt er
vilji til að leita nýrra leiða til að
vekja fólk til vitundar um mikil-
vægi tungumálanna.
„Þarna teljum við, að Íslending-
ar hafi eitthvað alveg sérstakt
fram að færa vegna þess mikil-
væga hlutverks sem tungumál,
jafnt móðurmálið sem erlend mál,
gegna í menningu okkar. Við vitum
að mörg tungumál eru í útrýming-
arhættu, en störf Vigdísar sem vel-
gjörðarsendiherra tungumála hjá
Menningarmálastofnun Samein-
uðu þjóðanna snúast ekki síst um
að sporna við þeirri þróun. Fram-
tíðarsýn okkar er að koma á alþjóð-
legri miðstöð tungumála.“
Um yrði að ræða tvíþætta starf-
semi, að sögn Auðar. Annars vegar
eins konar tungumálasafn fyrir
gesti og gangandi með upplýs-
ingum á margmiðlunarformi um
tungumál veraldar og menninguna
sem þeim tengist. Þannig yrði hægt
að upplifa tungumálin og menning-
una á lifandi hátt og fræðast um
leið. Undir sama þaki sér Auður
fyrir sér rannsóknasetur þar sem
gagnagrunnar um tungumál heims
yrðu gerðir aðgengilegir til kennslu
og rannsókna. Byrjað yrði á þeim
tungumálum sem kennd eru við HÍ
þar sem fræðimenn og nemendur í
tungumálanámi fengju aðstöðu en
síðan yrðu færðar út kvíarnar.
„Meiningin er að skapa fyrir-
myndaraðstöðu til kennslu og
rannsókna í erlendum tungumál-
um. Þetta metnaðarfulla verkefni
myndi hafa skírskotun langt út
fyrir okkar núverandi starfsemi
og með henni gætum við lagt okkar
að mörkum til þessa mikilvæga
málaflokks. Síðast en ekki síst
myndum við halda áfram því
brautryðjendastarfi sem Vigdís
hefur unnið sem fyrsti og til þessa
eini velgjörðarsendiherra tungu-
mála.“
Auður undirstrikar einnig, að
sérstök ástæða sé fyrir Íslendinga
að halda á lofti nafni Vigdísar og
sögulegu kjöri hennar sem fyrsta
kvenforseta heims. „Verkefnið
væri vel til þess fallið að auka
umhyggju Íslendinga sjálfra fyrir
móðurmálinu, sem er sá þráður í
menningu okkar sem tengir fortíð
og nútíð. Um leið gætum við miðl-
að af reynslu okkar og stutt þjóðir
þar sem móðurmálið stendur höll-
um fæti eða er jafnvel í útrýming-
arhættu. Hér gæfist tækifæri til
að leggja mikið af mörkum og
skapa Íslandi sérstöðu. Allt veltur
þó á að sem flestir leggist á árarn-
ar með okkur.“
www.vigdis.hi.is/
www.deutschmobil.hi.is/start.
ÞÝSKUBÍLLINN Hér sest Vigdís Finnbogadóttir undir stýri í Þýskubílnum í júlí í fyrra þegar
verkefnið fór af stað. FRÉTTABLAÐIÐ/VALLI
AUÐUR HAUKSDÓTTIR Auður hefur veitt Stofnun Vigdísar Finnbogadóttur í erlendum tungumálum forstöðu síðan í nóvember 2001. Hún
telur sérstaka ástæðu fyrir Íslendinga að halda á lofti nafni Vigdísar og sögulegu kjöri hennar sem fyrsta kvenforseta heims og halda áfram
því brautryðjendastarfi sem hún hefur unnið sem fyrsti og til þessa eini velgjörðarsendiherra tungumála. FRÉTTABLAÐIÐ/GVA
LAUGARDAGUR 29. júlí 2006 31