Fréttablaðið - 31.07.2006, Qupperneq 57

MÁNUDAGUR 31. júlí 2006
FRJÁLSAR Hlaupakonan öfluga úr
FH, Silja Úlfarsdóttir, fékk flest
gullverðlaun í einstaklingsgreinum
á Meistaramóti Íslands í frjálsum
íþróttum sem haldið var í 80. sinn á
Laugardalsvellinum um helgina.
Silja varð fyrst í 100, 200 og 400
metra hlaupum kvenna sem og 400
metra grindahlaupi kvenna.
Stjarna mótsins í karlaflokki var
þó án efa Sveinn Elías Elíasson sem
vann til þrennra gullverðlauna á
mótinu. Sveinn setti tvö drengja-
met á mótinu, annað þeirra í gær er
hann hljóp á 21,99 sekúndum í 200
metra hlaupi karla. Hann er þrátt
fyrir þetta á yngra ári í drengja-
flokknum og á sannarlega framtíð-
ina fyrir sér.
Ekkert Íslandsmet var þó sett á
mótinu en í karlaflokki hefur nýtt
Íslandsmet ekki litið dagsins ljós í
átta ár. Sú sem komst næst því að
bæta Íslandsmetið í sinni grein var
Aðalheiður María Vigfúsdóttir úr
Breiðabliki í sleggjukasti en hún
kastaði 47,66 metra og var 0,6 metr-
um frá metinu. Eitt met var þó slegið
í kvennaflokki er sveit Breiðabliks
setti met í flokki 19-20 ára stúlkna er
hún hljóp 4 x 400 metra boðhlaup á
3:58,68 mínútum.
Egill Eiðsson framkvæmdastjóri
var hæstánægður með framkvæmd
mótsins. „Við fengum frábært veður
báða keppnisdaga og það náðist góður
árangur í mörgum greinum. Það var
mikið um að bæta besta árangur árs-
ins og þá voru nokkur mótsmet sett.“
FH-ingar voru með mikla yfir-
burði í stigakeppni karla á mótinu en
það kom nokkuð á óvart að ÍR vann í
kvennaflokki. FH vann þó í saman-
lagðri keppni. „Árangur FH kom ekk-
ert á óvart en ÍR-ingar hafa verið að
vinna vel í sínu unglingastarfi og við
erum komin með breiðan flokk góðra
keppenda.“
Nú á sunnudag hefst keppni á
Evrópumeistaramótinu í frjálsum
íþróttum en í þetta sinn verður keppt
í München í Þýskalandi. Metþátttaka
er á mótinu en alls eru 1.370 kepp-
endur frá 48 löndum skráðir til leiks.
Íslendingar munu eiga þrjá keppend-
ur á mótinu. - esá
FORMÚLA 1 Michael Schumacher
gerði sér lítið fyrir í gær og vann
sinn þriðja sigur í röð í Formúlu
1. Hann vann öruggan sigur á
heimavelli á Hockenheim-braut-
inni í Þýskalandi og var með for-
ystuna frá upphafi til enda keppn-
innar. Felipe Massa, liðsfélagi
hans hjá Ferrari, varð annar, en
auk þeirra var Kimi Raikkönen á
verðlaunapalli en hann hafnaði í
þriðja sæti á McLaren-bíl sínum.
Með þessum sigri náði Schu-
macher heldur betur að saxa á
forskot heimsmeistarans Fern-
andos Alonso sem varð fimmti í
keppninni í gær. Schumacher er
núna aðeins ellefu stigum á eftir
Alonso í heildarstigakeppni öku-
manna en sex mót eru eftir.
Næsta keppni verður eftir viku
en þá verður keyrt í Ungverja-
landi.
Raikkönen var á ráspól í gær
en lenti snemma í basli og missti
Schumacher langt á undan sér.
Keppnin í gær var því ekki ýkja
spennandi en Alonso hefur nú
hundrað stig í heildarkeppni öku-
manna, Schumacher er með 89 og
svo kemur Massa með fimmtíu.
Staðan í heildarkeppni bílasmiða
er þannig að Renault hefur 149
stig, Ferrari 139 og svo er
McLaren í því þriðja með 77 stig
en langur vegur er niður í Honda
sem er í fjórða sætinu.
„Í síðustu þremur keppnum
erum við bara einfaldlega búnir
að vera skrefi á undan öllum
öðrum og vonandi náum við að
halda því þannig eins lengi og
hægt er. Tölur eru alltaf mikil-
vægar en í mínum huga er talan
ellefu sú mikilvægasta í dag. Það
er forskot Alonso sem ég þarf að
ná að vinna upp,“ sagði Schu-
macher sem er greinilega harð-
ákveðinn í að gera allt sem hann
getur til að endurheimta heims-
meistaratitil sinn. - egm
Óspennandi keppni í Þýskalandi gær en í heildarkeppninni eykst spennan:
Schumacher saxar á Alonso
GLEÐI Michael Schumacher og Felippe Massa voru kampakátir með árangur gærdagsins.
NORDICPHOTOS/AFP
SIGURVEGARAR Á MEISTARAMÓTI
ÍSLANDS Í GÆR
200 METRA HLAUP KARLA:
SVEINN ELÍAS ELÍASSON, FJÖLNI 21,99 SEK
800 METRA HLAUP KARLA:
BJÖRN MARGEIRSSON, FH1: 56,16 MÍN
5000 METRA HLAUP KARLA:
KÁRI ST. KARLSSON, BRBLK.14: 55,82 M
400 METRA GRINDAHLAUP KARLA:
BJÖRN VÍKINGSSON, FH 52,87 SEK
ÞRÍSTÖKK KARLA:
JÓNAS H. HALLGRÍMSSON, FH 13,98 M
STANGARSTÖKK KARLA:
JÓN ARNAR MAGNÚSSON, FH 4,00 M
KÚLUVARP KARLA:
ÓÐINN ÞORSTEINSSON, FH 16,98 M
KRINGLUKAST KARLA:
ÓÐINN ÞORSTEINSSON, FH 50,16 M
4 X 400 METRA BOÐHLAUP KARLA:
SVEIT FH3: 26,12 M
200 METRA HLAUP KVENNA:
SILJA ÚLFARSDÓTTIR, FH 25,33 SEK
800 METRA HLAUP KVENNA:
STEFANÍA HÁKONARD., FJÖLNI2: 18,35 M
3000 METRA HLAUP KVENNA:
ÍRIS ANNA SKÚLAD., FJÖLNI10: 25,16 M
400 METRA GRINDAHLAUP KVENNA:
SILJA ÚLFARSDÓTTIR, FH 64,41 SEK
HÁSTÖKK KVENNA:
DAGRÚN ÞORSTEINSD., ÁRMANNI 1,65 M
ÞRÍSTÖKK KVENNA:
JÓHANNA INGADÓTTIR, ÍR 11,55 M
KRINGLUKAST KVENNA:
ÁSDÍS HJÁLMSDÓTTIR, ÁRMANNI 46,83 M
KÚLUVARP KVENNA:
ÁSDÍS HJÁLMSDÓTTIR, ÁRMANNI 13,10 M
STIGAHÆSTU LIÐIN Á MEISTARA-
MÓTI ÍSLANDS
KARLAFLOKKUR:
1. FH 161 STIG
2. BREIÐABLIK 69 STIG
3. ÍR 51 STIG
4. HSÞ 48 STIG
5. FJÖLNIR 28 STIG
KVENNAFLOKKUR:
1. ÍR 84 STIG
2. FH 73 STIG
3. BREIÐABLIK 64 STIG
4. FJÖLNIR 40 STIG
5. UMF SELFOSS 32 STIG
SAMTALS:
1. FH 234 STIG
2. ÍR 135 STIG
3. BREIÐABLIK 133 STIG
Meistaramóti Íslands í frjálsum íþróttum lauk á Laugardalsvelli í gær:
Silja fékk fern gullverðlaun
RÉTT MISSTU AF GULLINU Ólafur Margeirsson (lengst til hægri) og félagar hans í A-sveit Breiðabliks máttu þola afar naumt tap fyrir sveit FH
í 4 x 400 metra boðhlaupi karla. FRÉTTABLAÐIÐ/HEIÐA