Fréttablaðið - 22.08.2006, Blaðsíða 4

4 22. ágúst 2006 ÞRIÐJUDAGUR
����������������������������������������� ������������
�������������
������������
�����������������������
�����������������������������������������������������������������
����
�����
�����
��
GENGIÐ
GENGI GJALDMIÐLA 21.8.2006
Bandaríkjadalur 69,35 69,69
Sterlingspund 131,47 132,11
Evra 89,38 89,88
Dönsk króna 11,978 12,048
Norsk króna 11,113 11,179
Sænsk króna 9,707 9,763
Japanskt jen 0,5999 0,6035
SDR 103,35 103,97
HEIMILD: Seðlabanki Íslands
KAUP SALA
123,2182
Gengisvísitala krónunnar
ÍRAK, AP Saddam Hussein neitaði í
gær að tjá sig um ákærur þær sem
á hann eru bornar í nýju réttar-
haldi sem hófst yfir honum og sex
öðrum sakborningum í gær. Er
honum var gefið tækifæri til að
tjá sig við upphaf réttarhaldsins
ítrekaði hann þá skoðun sína að
dómstóllinn væri ólögmætur og
réttarhaldið allt skrípaleikur
einn.
Ákærurnar í þessu nýja réttar-
haldi snúa að umdeildum aðgerð-
um íraska hersins í Kúrdahéruð-
unum í Norður-Írak á árunum 1987
til 1988. Aðgerðirnar eru kenndar
við bæinn Anfal, en í þeim voru
tugir þúsunda Kúrda drepnir.
Saksóknarar sýndu réttinum í
gær myndir af jarðneskum leifum
kvenna og barna sem grafin voru
upp úr fjöldagröfum á vettvangi
Anfal-aðgerðanna, þar á meðal
eina af pelabarni sem enn hélt á
mjólkurpelanum sínum. Ákæru-
valdið sýndi einnig stórt landabréf
af Norður-Írak, þar sem búið var
að merkja inn á fjölda þorpa og
bæja sem fullyrt er að herinn hafi,
að skipun Saddams, þurrkað út
allt líf í, meðal annars með því að
beita sinneps- og taugagasi.
„Það er kominn tími til að
mannkynið fái að vita ... umfang
glæpanna sem framdir voru gegn
íbúum Kúrdistans,“ sagði aðalsak-
sóknarinn Munquith al-Faroon.
„Heilu bæirnir voru jafnaðir við
jörðu, eins og það hefði ekki verið
nóg að drepa allt fólkið,“ sagði
hann.
Réttarhaldið sem hófst í gær er
önnur lotan í réttarhöldum yfir
einræðisherranum fyrrverandi,
þar sem gert er upp við meinta
harðstjórnarglæpi áratugalangrar
stjórnartíðar hans. Dómur hefur
enn ekki verið kveðinn upp í fyrstu
lotunni, þar sem réttað var í máli
sem varðaði dráp á sjía-múslim-
um í bænum Dujail á níunda ára-
tugnum. Verði Saddam sakfelldur
í öðru hvoru málinu á hann yfir
höfði sér dauðadóm.
Saddam mætti á sakamanna-
bekkinn í sömu dökku jakkafötun-
um og hann klæddist í hvert sinn
sem hann sást við Dujail-réttar-
haldið, sem stóð yfir í níu mánuði.
En aðrar persónur og leikendur
eru að þessu sinni breyttar. Nýr
aðaldómari stýrir réttarhaldinu að
þessu sinni. Og sex með-sakborn-
ingar hans eru einnig aðrir en
áður. Þeir eru nær allir fyrrver-
andi yfirmenn í hernum. Þeirra
þekktastur er Ali Hassan al-Majid,
frændi Saddams, betur þekktur
sem „Efnavopna-Ali“ vegna eitur-
gassins sem hann var þekktur
fyrir að beita.
audunn@frettabladid.is
Ný lota réttarhalda
yfir Saddam Hussein
Þótt dómur hafi ekki enn verið kveðinn upp í fyrstu réttarhöldunum yfir Saddam
Hussein, fyrrverandi Íraksforseta, var í gær byrjað að rétta yfir honum fyrir fleiri
ógnarverk sem framin voru í stjórnartíð hans. Að þessu sinni fjöldamorð á Kúrdum.
SEGIR DÓMSTÓL ÓLÖGMÆTAN Einræðisherrann fyrrverandi sparaði ekki stóru orðin er hann fékk að tjá sig um nýju ákærurnar í gær.
FRÉTTABLAÐIÐ/AP
INDLAND, AP Hundruð þúsunda Ind-
verja flykktust í musteri víðs vegar
um Indland í gær, eftir að fregnir
bárust þess eðlis að líkneski af guð-
inum Ganesh væru farin að drekka
mjólk.
„Ég setti skeið með mjólk í að
munni Ganesh og hann drakk hana,“
sagði Akhilesh Shukla, kaupmaður í
Lucknow.
Guðinn, sem ber fílshöfuð, er
verndari góðrar lukku og gáfna.
Klerkar telja atburðinn krafta-
verk, en vísindamenn segja eðlileg-
ar skýringar á mjólkurþambi líkn-
eskjanna – þurrt yfirborð styttnanna
sogar í sig vökvann. - smk
Múgæsing á Indlandi:
Guðalíkneski
drekka mjólk
GANESH Þó að þetta líkneski drekki enga
mjólk, þá er hún af guðinum Ganesh.
FRÉTTABLAÐIÐ/AP
GÓÐGERÐAMÁL Stefán Ásgrímsson,
ritstjóri FÍB blaðsins, og Óskar
Örn Guðbrandsson, fram-
kvæmdastjóri Styrktarfélags
krabbameinssjúkra barna, og
dóttir hans Þuríður Arna lögðu
af stað klukkan ellefu í gærmorg-
un frá Reykjavík í hringferð um
landið en markmiðið er að kom-
ast ferðina á einum tanki. Takist
það mun Hekla veita félaginu full
afnot af bifreiðinni, sem er Skoda
1,9 dísil, í eitt ár.
„Við reiknum með því að koma
aftur í bæinn um hádegisbilið á
miðvikudag,“ sagði Stefán áður
en hann lagði í hann. „Við munum
gista fyrst á Akureyri en svo
verður nokkuð þungur áfangi þar
á eftir því þá munum við keyra
til Kirkjubæjarklausturs og
þaðan í bæinn.“
Jón Trausti Ólafsson, mark-
aðsstjóri Heklu, segir að dísilbif-
reiðar eyði um 20 til 30 prósent-
um minna en bensínbílar.
„Ef þeir væru á bensínbíl
kæmust þeir hugsanlega til Hafn-
ar í Hornafirði,“ segir hann.
„Þetta verður tæpt hjá þeim en
þeir eiga að komast allan hring-
inn á þessum bíl. Við munum
taka á móti þeim með pompi og
prakt á miðvikudag. Nú og ef illa
fer þá erum við tilbúnir með
brúsann.“ - jse
Sparakstur Heklu og Styrktarfélags krabbameinssjúkra barna:
Fara hringinn á einum tanki
STEFÁN ÁSGRÍMSSON FYLLIR TANKINN Það
er eins gott fyrir Stefán að aka sparlega
því ef hann kemst hringveginn á einum
tanki mun Styrktarfélag krabbameinssjúkra
barna fá bifreiðina til afnota í heilt ár frá
Heklu.FRÉTTABLAÐIÐ/STEFÁN
Sextán ára í árekstri Sextán ára
gamall ökumaður lenti í árekstri um
síðustu helgi. Pilturinn var auðvitað
ökuréttindalaus og að sögn lögreglunn-
ar í Reykjavík hafa verið höfð afskipti
nær 50 sinnum á árinu af of ungum
ökumönnum.
LÖGREGLUFRÉTTIR
Fiskikör hrundu á mann Vinnuslys
varð við höfnina á Fáskrúðsfirði í gær-
morgun þegar fiskikör sem verið var að
hífa úr togaranum Ljósafelli hrundu og
skullu á starfsmanni. Var hann sendur
á Fjórðungssjúkrahúsið á Norðfirði en
hann reyndist ekki alvarlega slasaður
sem má teljast mikil mildi að sögn
lögreglunnar á Eskifirði.
RÚSSLAND, AP Sprenging varð á
yfirbyggðum markaði í Moskvu í
Rússlandi í gærmorgun með þeim
afleiðingum að tíu fórust og 31
slasaðist. Tveir hinna látnu voru
börn.
Samkvæmt frétt rússneskra
fjölmiðla segir borgarstjórinn í
Moskvu að um heimagerða
sprengju hafi verið að ræða. Hafa
lögregluyfirvöld hafið morðrann-
sókn, sem bendir til þess að þau
telji sprengjuna tengjast skipu-
lagðri glæpastarfsemi eða við-
skiptadeilu, frekar en hryðjuverk-
um.
Sprengjan sprakk á Cherkisov-
skí-markaðnum um klukkan 10.30
að staðartíma og hrundi hluti
byggingarinnar við hana. - smk
Markaður í Moskvu:
Sprenging ban-
aði tugi manna
SPRENGING Á MARKAÐI Lögregla og
sjúkraflutningamenn við markaðinn þar
sem tvær sprengjur sprungu í gær.
FRÉTTABLAÐIÐ/AP
GENF, AP Rauði krossinn tilkynnti í
gær að öll fullvalda ríki heims, 194
talsins, hefðu undirritað Genfarsátt-
málann um stríðsátök. Þetta er í
fyrsta sinn sem nokkur samningur
telst algildur í samfélagi þjóða.
Svartfellingar voru síðastir þjóða til
undirskriftar, í byrjun ágúst.
Alþjóðlegi Rauði krossinn er sér-
stakur verndari sáttmálans og sinn-
ir ýmsum störfum í stríðsátökum í
skjóli hlutleysis, til að mynda að
hlúa að stríðsföngum og flytja boð
milli þeirra og aðstandenda.
Talsmaður samtakanna nýtti
tækifærið til að áminna ráðamenn
um að fara eftir þeim reglum sem
gilda um stríðsrekstur. - kóþ
Genfarsáttmálinn:
Öll lönd hafa
skrifað undir
SVÍÞJÓÐ Karlmaður í Eskilstuna í
Svíþjóð varð óþægilega undrandi
þegar hann fór niður í kjallara hjá
sér aðfaranótt sunnudags. Í kjall-
aranum hafi eins og hálfs metra
eiturslanga hringað sig á gólfinu.
Maðurinn kallaði að sjálfsögðu
strax á lögregluna og hún kom í
fylgd slöngusérfræðings, að sögn
Expressen. Slöngusérfræðingur-
inn hefur slönguna í haldi meðan
lögregla rannsakar málið og leitar
eigandans. - ghs
Óþægileg heimsókn:
Fann slöngu í
kjallaranum