Fréttablaðið - 22.08.2006, Blaðsíða 43

ÞRIÐJUDAGUR 22. ágúst 2006 31
Kúbudagar standa nú yfir á Barn-
um, Laugavegi 22. Annað kvöld
verður haldin salsakennsla þar
sem Heiðar Ástvaldsson, ásamt
félögum í dansskóla hans, kemur
og stígur nokkur spor. Hefjast
herlegheitin klukkan 21 og eru
allir velkomnir á meðan húsrúm
leyfir.
Kúbudagarnir hófust með
opnun málverkasýningar Milu
Pelaez um síðustu helgi. Ásamt
myndunum gefst gestum Barsins
kostur á að smakka létta kúb-
verska rétti. Næstu daga verða
svo fluttir fyrirlestrar um Kúbu,
pólitískt ástand, fólkið, landið og
fleira.
Aðgangur er ókeypis á alla við-
burði Kúbudaga.
Salsakvöld á Kúbudögum
KÚBA Kúbudagar standa nú yfir á Barnum, Laugavegi 22.
Hljómsveitin Moskvitsj lýkur
sumarvertíð sinni á Íslandi í kvöld
með tónleikum á Kaffi Cultura.
Þetta eru síðustu forvöð fyrir
aðdáendur sveitarinnar að sjá
hana þetta árið því tveir fimmtu
hlutar Moskvitsj flytjast til Sví-
þjóðar á morgun og leggst sveitin
þar með í vetrardvala.
Moskvitsj hefur starfað frá
vorinu 2005 og lagði upp með að
leika búlgörsk þjóðlög. „Búlgörsk
þjóðlagatónlist er yfirleitt mjög
hress og oft í mjög skrítnum takt-
tegundum,“ segir Steinunn Gyðu-
og Guðjónsdóttir blokkflautuleik-
ari sveitarinnar og nefnir dæmi
um takttegundina fimmtán átt-
undu. „Þótt fólki finnist gaman að
dansa við það er mjög erfitt að
dansa í takt,“ bætir hún við.
Efnisskrá hljómsveitarinnar
hefur síðan breyst og orðið fyrir
grískum áhrifum og norrænum,
ásamt því að nokkrir meðlimir
hafa notað sveitina til að koma
eigin hugarverkum á framfæri.
Að sögn Steinunnar leikur
Moskvitsj mest til hröð, hress og
skemmtileg lög, þótt þessi lág-
stemmdu og angurværu fái einnig
að hljóma með.
Í Moskvitsj eru auk Steinunnar
þau Kristín Þóra Haraldsdóttir
sem leikur á fiðlu og víólu, Sandra
Ósk Snæbjörnsdóttir sellóleikari
og gítarleikararnir Hafdís Bjarna-
dóttir og Alexander Simm, sem
reyndar hefur næstum því gefið
gítarinn upp á bátinn og heillast af
hljóðfærinu melódikku.
Tónleikarnir í kvöld hefjast
klukkan 21 á Kaffi Cultura við
Hverfisgötu og kostar fimm
hundruð krónur inn.
Erfitt að dansa í takt
SKEMMTILEG HLJÓÐFÆRASKIPAN Hljómsveitin Moskvitsj heldur lokatónleika sumarvertíð-
arinnar á Kaffi Cultura í kvöld og flytur þar hressa og skemmtilega tónlist þótt angurværu
lögin hljómi líka inni á milli.
„Ég er yfir mig hrifinn af Íslandi
og hef komið tvisvar til landsins.
Ég fékk hugmyndina að sögunni
þegar ég var síðast í Reykjavík og
hélt áfram að þróa hana þegar ég
kom aftur heim til Bandaríkj-
anna,“ segir Steve Murphy, höf-
undur myndasögunnar Umbra
sem gerist á Íslandi. Sagan fjallar
um ástkonurnar Freyju og Öskju
sem komast í kast við harðsvíraða
glæpamenn þegar þær rannsaka
grunsamlegan líkfund úti á landi.
„Ég eyddi þremur vikum á
Íslandi um miðjan tíunda áratug-
inn, leigði mér bíl og keyrði allan
hringveginn. Ég heillaðist gjör-
samlega af yfirþyrmandi lands-
laginu, fossunum, jöklunum og
hreinni náttúrunni. Ég kom svo
aftur í janúar 1999 og var í nokkra
daga. Ég vildi upplifa Ísland að
vetrarlagi en hélt mig alfarið í
Reykjavík og gerði lítið annað en
að ganga um borgina, bæði á dag-
inn og um nætur. Það var kalt og
hvasst og mér fannst þetta mjög
villt.“
Steve segir að því sé eins farið
með sig og marga aðra að tónlist
Bjarkar hafi fyrst vakið áhuga
hans á landinu. „Ég las síðan
nokkrar bækur um landið og
hreifst af almennum áhuga og trú
Íslendinga á yfirskilvitlega hluti,
álfa, huldufólk og ég veit ekki
hvað. Eftir því sem ég las meira
fékk ég áhuga á Íslendingasögun-
um og landslaginu.“
Steve segist hafa hug á því að
koma aftur til Íslands og dvelja þá
mun lengur. „Ég stefni að því að
skoða fljótlega möguleika á því að
leigja íbúð í Reykjavík í eitt ár en
mig langar virkilega til þess að
búa á Íslandi.“ - þþ
UMBRA Meinafræðingurinn Askja og lögreglukonan Freyja snúa bökum saman og gott
betur þegar þær verða skotmörk morðingja sem situr um þær á götum Reykjavíkur.
STEVE MURPHY Fékk hugmyndina að
myndasögunni Umbra á næturrölti sínu
um vetrarkaldar götur Reykjavíkur og hefur
hug á að dvelja í borginni í eitt ár eða svo.
Tónlist Bjarkar kveikti
Íslandsáhugann
Tónlistar sálfræði í leikjaformi
Innritun er hafin á skrifstofu skólans
skipholti 29A frá kl. 12 - 18
Almennt hljóðfæranám í grunn-, mið- og framhaldsstigi
Fiðla-selló-kontrabassi-píanó-söngur
Suzukinám frá 3ja ára – fiðla, selló, píanó
forskóli 6 – 8 ára, samleikur, hljómsveitir
Tónlistarkennarar í fremstu röð
Tónlistarnám
Skipholt 29A - sími 511-5151 hljomaroglist@simnet.is
www.hljomaroglist.com mikið úrval af hljóðfærum
Dagana 25. - 27. ágúst 2006
�
�
��
��
�
��
�
�
�
�
�
�
�
��